Лопатина, Надежда Серафимовна

Надежда Серафимовна Лопатина
Вордӥськем дырыз	9-тӥ коньывуонэ 1955({{padleft:1955|4|0}}-{{padleft:10|2|0}}-{{padleft:9|2|0}}) (70 лет)
Вордӥськем интыез	Гожня, Уром гурт поселение[d], Пичи Пурга ёрос, Удмурт Автономной Советской Социалистической Республика, РСФСР, СССР
Кунмуртлыкез (подданство)	СССР  Россия
Ужудысэз	редактор, гожъяськись, кылбурчи, берыктӥсь, журналист
Премиосыз	Трокай Борисов нимо йӧскалык премия
Данъетъёсыз	Удмурт Элькунысь дано журналист

Наде́жда Серафи́мовна Лопа́тина (ворд. 9-тӥ коньывуонэ 1955, Гожня, Удмурт Автономной Советской Социалистической Республика) — совето но росси гожъяськись, журналист, редактор, кылысь кылэ берыктӥсь. Удмурт Элькунысь дано журналист. «Ӟечбур!» элькун нылпи газетлэн валтӥсь редакторез (2000—2021).

Улон сюресэз

Вордӥськиз 1955-тӥ арын 9-тӥ коньывуонэ Удмурт АССР-ысь Пичи Пурга ёросысь Гожня гуртысь чугун сюрес вылын ужасьёслэн семьяязы. Надеждалэн вить агай-апайёсыз вал.

Школаын дышетскыкуз ик, аслэсьтыз ужъёссэ «Дась лу!» элькун газетэ ысъяны ӧдъяз. 1971-тӥ арын 8-тӥ классэз йылпумъямез бере Можгаысь педучилищее пыриз, отӥяз — Удмурт кун университетысь филологияя факультетысь удмурт ёзаз. Куинетӥ курсысен дышетскиз выль кылдытэм «Журналистика» ӧнеръя.

Диплом басьтэмез бере «Дась лу!» газетлэн редакцияз уже интыяськиз. Пӧртэм аръёсы газетэз поттӥсь редактор, корреспондент, гожтэтъёсъя ёзлэн кивалтӥсез, кылкутӥсь секретарь вал. Соин артэ ужазы Герман Ходырев, Владимир Романов, Анастасия Гребина, Сергей Матвеев но мукетъёсыз.

1991-тӥ арысен литературая но художествоя «Кенеш» журналлэн редакция кылкутӥсь секретарь вал, 1993-тӥ арысен — «Удмуртия» издательствоын технической редактор.

1996-тӥ арысен 2000-тӥ арозь Надежда Лопатина Удмурт Элькунысь Правительствоысь кылысь кылэ берыктонъя ёзын валтӥсь ӧнерчи луыса тыршиз.

2000-тӥ арысен 2021-тӥ арозь «Ӟечбур!» (азьвыл «Дась лу!») нылпи газетлэн редакциеныз кивалтӥз, отӥяз пенсие потӥз.

Семьяез

Надежда Лопатина кузпалъяськемын вал. Николай картэныз Удмурт кун университетын дышетскон вакытазы тодматскиз, куинетӥ курсысен паръяськизы. Кык нылъёссы. Отӥяз кузпалъёс люкиськизы.

Творчествоез

Надежда Лопатина — дас книгаослэн авторзы. Пӧртэм жанръёсын ужа: очеркъёс, нылпи кылбуръёс но веросъёс гожъя. Нырысетӥ кылбур бичетэз — «Кызаузы оло узы» (ӟуч: Северюха, или земляника) — потӥз 1995-тӥ арын.

Озьы ик Надежда Лопатина школаын дышетскисьёслы кроссвордъёсын но йыртӥянъёсын кӧня ке бичетъёс поттӥз, соос пӧлысь нырысетӥез 1990-тӥ арын печатласькиз, нимаське «Кылъёсын шудон» (ӟуч: Игра со словами).

Библиография

• Н. С. Лопатина. Кылъёсын шудон: кроссвордъёс, йыртӥянъёс, чайнвордъёс. — Ижевск: Удмуртия, 1990. — 80 с. — 10 000 экз. — ISBN 5-7659-0071-2.
• Н. С. Лопатина. Буква вӧзы буква…: Удмурт алфавитья дасям кроссвордъёс, ӥыртӥянъёс, кылбуръёс, шудонъёс-ӵошатсконъёс. — Ижевск: Удмуртия, 1994. — 102 с. — 11 000 экз. — ISBN  5-7659-0479-3.
• Н. С. Лопатина. Кызаузы оло узы: нылпиослы кылбуръёс. — Ижевск: Удмуртия, 1995. — 32 с. — 2000 экз. — ISBN 5-7659-0484-X.
• Н. С. Лопатина. Буквы в прятки разыгрались… = Чимали букваос: головоломки, стихи-загадки, игры, ребусы на рус. и удм. яз.. — Ижевск, 1998. — 31 с. — 2500 экз.
• Н. С. Лопатина. Буквы в прятки разыгрались… = Чимали букваос: головоломки, стихи-загадки, игры, ребусы на рус. и удм. яз.. — Ижевск: Ижевская республиканская типография, 2001. — 31 с. — 2500 экз. — ISBN 5-89806-043-Х.
• Н. С. Лопатина. Лыдъяса вуи дасозь… = Сосчитал до десяти…: стихи, пословицы, загадки, задания с числами на рус. и удм. яз.. — Ижевск: Ижевская республиканская типография, 2002. — 62 с. — 1000 экз. — ISBN 5-89806-054-5.
• Кылъёслэсь «тубат лёгетъёс»: пиналъёслы шудон-йыртӥянъёс. — Ижевск: Удмуртия, 2003. — 32 с. — 3000 экз. — ISBN ISBN 5-7659-0203-0.
• Ӟабыльтӥсь чуръёс: пиналъёслэн веросъёссы, выжыкылъёссы, сценкаоссы, кылбуръёссы, серемес чуръёссы / Н. С. Лопатина и др.. — Ижевск: б. и., 2004. — 143 с. — 3000 экз. — ISBN 5-89806-070-7.
• Н. С. Лопатина. Азьлань, тодон-валан люканы! = Вперёд к познанию тайн! Кн. 1.. — Ижевск: Ижевская республиканская типография, 2005. — 16 с. — 2000 экз. — ISBN 5-89806-076-6.
• Н. С. Лопатина. Азьлань, тодон-валан люканы! = Вперёд к познанию тайн! Кн. 2.. — Ижевск: Ижевская республиканская типография, 2006. — 16 с. — 2000 экз. — ISBN 5-89806-076-6.
• Н. С. Лопатина. Азьлань, тодон-валан люканы! = Вперёд к познанию тайн! Кн. 3.. — Ижевск: Ижевская республиканская типография, 2006. — 16 с. — 2000 экз. — ISBN 5-89806-076-6.
• Н. С. Лопатина. Буя ачид = Раскраска: для дошкольного возраста. — Сарапул: Сарапульская типография, 2013. — 16 с.
• Н. С. Лопатина. Кто как кормится? = Кин кызьы кöтсэ тыре?: занимательный материал: на русском и удмуртском языках: пособие для детей, учителей и родителей. — Ижевск, Сарапул: б. и., Сарапульская типография, 2014. — 20 с.

Данъетъёсыз

• Удмурт Элькунысь дано журналист;
• Удмурт Элькунысь Кун Кенешлэн Данъян грамотаез (2001);
• Трокай Борисов нимо йӧскалык премия (2005);
• Удмурт Элькунлэн Данъян грамотаез (2009);
• «Россиысь патриот» синпель медаль (2009);
• 2010-тӥ арын Н. Лопатиналэн туспуктэмез УР-ысь Данъян пул вылэ пыртэмын вал.

Валэктонъёс

Литература

• А. Н. Уваров. Писатели и литературоведы Удмуртии: биобиблиогр. справ.. — Ижевск, 2006. — С. 160. — 219 с.
• Удмуртская Республика: Культура и искусство: Энциклопедия / гл. ред. А. Е. Загребин. — Ижевск: Удмуртский институт истории, языка и литературы УрО РАН, 2012. — С. 280. — 540 с. — 300 экз. — ISBN 978-5-901304-62-4.
• Христолюбова Л. С. Удмуртские женщины. XX век. — Ижевск: Удмуртский институт истории, языка и литературы УрО РАН, 2002. — С. 309. — 448 с. — 600 экз. — ISBN 5-7691-1149-6.

Чӧлсконъёс

• Надежда Лопатина: «Пишу книги с упоением» [ӟуч]

• 65 лет со дня рождения Надежды Серафимовны Лопатиной [ӟуч]

• Надежда Лопатина: «Газета «Ӟечбур!» открыла путь в творчество талантливой молодёжи» [ӟуч]