Матвеев, Сергей Васильевич

Сергей Матвеев
Сергей Матвеев
Вордскыкуз сётэм нимыз	Матвеев Сергей Васильевич
Вордӥськем дырыз	7-тӥ гудырикошконэ 1964 (62 арес)
Вордӥськем интыез	Квашур гуртын Вавож ёрос, Удмурт АССР
Кунмуртлыкез	СССР→ Россия
Ужудысэз	кылбурчи, прозаик, редактор
Гожъяськон кылыз	удмурт, ӟуч
Нырысетӥ ужез	«Мылкыд» (1991)
Премиосыз	«Фенно-Угрия» эстон обществолэн премиез (Эстония, 2007); Удмурт Элькун Кивалтэтлэн премиез (2013, 2021);
Данъетъёсыз	Удмуртиысь культура удысысь дано ужась (2004)
	Медиафайлъёс РувикиМедиа пушкын

Матвеев, Сергей Васильевич (ворд. 7-тӥ гудырикошконэ 1964, Квашур^[d]) — Удмурт АССР Вавож ёрос, Квашур гурт) — Удмуртская Автономная Советская Социалистическая Республика ) - ӟуч но удмурт кылын гожъясь кылбурчи, прозаик, кылысь кылэ берыктӥсь, редактор. Россиысь гожъяськисьёслэн огазеяськонзылэн ёзчиез. Удмуртиысь культура удысысь дано ужась^[1]. Удмурт Элькунысь калык кылбурчи. Удмурт Элькун Кивалтэтлэн премиезлэн лауреатэз (2013, 2021).

Улон сюресэз

Сергей Матвеев вордӥськиз 1964-тӥ арын 7-тӥ пӧсьтолэзе Вавож ёросысь Квашур гуртын. Анаез, Нина Ивановна, пенсие потытозяз пудо вордон удысын тыршиз, атаез, Василий Павлович, тракторист луыса ужаз. Семьяын вить нылпи будэтӥзы. Сергей Брызгалово черкогуртысь шоръёзо школаез йылпумъяса, Удмурт кун университетлэн кылосбуръя ёзэтаз дышетскыны пыриз. Удмурт кылбурчилэн но литературоведлэн Даниил Алексанрович Яшинлэн кивалтэмез улсын удмурт литературая кружоке пыриськиз.

1986-тӥ–1988-тӥ аръёсы Сергей Матвеев армиын Казахстан но Алтай улосвылъёсын служить кариз. «Дась лу!» («Ӟечбур!») газетын но «Инвожо» журналын ужаз. 1993-тӥ арысен — «Удмуртия» книгапоттонниын^[2] редактор луыса тырше.

Творчествоез

Нырысетӥез «Эшъяськон» кылбурез 1980-тӥ арын «Дась лу!» газетын печатласькиз. «Мылкыд» (1991), «Лул» (1994), «Чурыт пус» (1999), «Фиолетовый» (2002, Владимир Емельянов эстон кылэ берыктӥз), «Ма кандун мќёда линнутэд» поттэмын «(Таллин, 2006), «Инсьӧр пӧртмаськонъёс» (2011), «Сквозь призму ветров» (ӟуч кылын, 2011), “Амбивалентность” (ӟуч кылын, 2023), «Мыслей шёпот» — стихи-хокку (ӟуч кылын, 2024) кылбур сборникъёсыз печатламын.

«Шузи» («Дурачок», 1995), «Чорыглэсь лушкам кылбуранъёс» («От имени Рыбы», 2005), «Эмезь гурезь» («Малиновая гора», 2015) но «Нылкышно саюлын» («На фоне женщины», 2020) проза амалэн гожъямъёсыз лыдӟисьёслэсь тунсыкъяськонъёссэс бугыртӥзы .

Удмурт кылэ берыктӥз ӟуч классикъёслэсь Александр Пушкинлэсь, Михаил Лермонтовлэсь, Николай Некрасовлэсь, Сергей Есенинлэсь, Фёдор Тютчевлэсь, Афанасий Фетлэсь, Иван Бунинлэсь произведениоссэс. Озьы ик берыктӥз белорусс, коми, мордва, финн но мукет гожъяськисьёслэсь^[3] ужъёссэс. Венгер авторъёслэсь берыктэм ужъёсыз «Дунай тулкымъёс – Кам ярдурын» бадӟым антологие пыртэмын (1997).

Гожъямъёсыз «Кенеш», «Инвожо», «Кизили», «Луч» но мукет журналъёсын потылӥзы.

Сергей Матвеевлэн ужъёсыз «Йыр вадьсын инбам» (1984), «Инӟарекъян» (1991), «Удмуртская литературная антология» (2001), «Эринтур» (Екатеринбург, 2004), «Удмурты ” (Москва, 2005), «Зарни дэремен шунды» (2006), «Азвесь кышетэн толэзь» (2007), «Современная литература народов России. Поэзия» (Москва, издательство «ОГИ», 2017), эстон кылэ берыктэмын – «Возьмите лодку = Hõbepaat» (Таллин, 2005), «Neiu ja karu» (Тарту, 2005) книгаосын. 2005), «Куум ӧӧ» (Таллинн, 2006), озьы ик коми кылэ берыктэмын «Уна рӧма сикӧтш» (Сыктывкар, 2002).

Улэ но ужа Ижкарын.

Цитатаос

Матвеевлэн лирикаез удмурт поэзилэсь выль бамзэ усьтэ. Со выль тематикаезъя, дунне шоры учконэзъя, стиленыз но образной системаеныз аспӧртэмлыко. Огшоры ӧвӧл, Удмуртиысь калык кылбурчи Владимир Емельянов «Фиолет» кылбур бичетлэн азькылаз (2002) сое «удмурт кылбуретлэн азвесь даурезлэн» кылдытӥсез шуэ, нош выжызэ адӟе лымшор но ӟуч классикъёслэн гуманистической поэзиязы. Куд-ог тодосчиос Матвеевлэсь кылбуретсэ постмодернизм яке этнофутуризм ӧрен лыдъяло…

— Николай Витрук^[4]

Проза амалэн гожтэм ужезлэсь жанрзэ автор пусйиз «роман-уйбыртон» шуыса, кудӥзлэн текстэз 129 люкетлэсь пӧрмемын, прозаысь лирико-эпической миниатюраосты тодэ вайытӥсь… Сюжетно-фабульной сӥньыс юромо быдтэмын, суредъёс мозаика кадь вошъясько но соослэн топоссы воштӥське - «лабиринт» кадь радъямын... Лыдӟись азьын герой («мон») потэ... Аслаз малпанъёсыз сярысь сюлмысь вераськыса, со тырше усьтыны бессознательнойзэ, Фрейд верамъя, луллэсь кутсконзэ...
— Виктор Шибанов

Ачиз автор кылбуранэз пумысен тазьы вера: «Котькуд адями дунне вылэ огшоры гинэ уг вордӥськы. Солы кыӵе ке но миссия сётэмын, сое вань улонэз пыр нуыны-быдэстыны кулэ. Мон доры тае шӧдон-валан аръёс ортчыса гинэ вуиз… Егит дыръям кылбуръёсы, веросъёсы вордӥськылӥзы… Малпалляй – со шузияськон гинэ. Нош али валасько: Инкуазен сётэмын. Урод-а, умой-а быдэстӥсько та куронэз, уг тодӥськы, но со – мынам»^[5]

Данъетъёсыз но Премиосыз

1996-тӥ ар - Флор Васильев нимо литературной премия (Удмуртия);
1999-тӥ ар – М. А. Кастрен обществолэн стипендиез (Финляндия);
2004-тӥ ар – Удмурт Элькунысь культура удысысь дано ужась;
2007-тӥ ар – Эстониысь «Финно-Угрия» обществолэн премиез, Эстониысь ӵыжы-выжы калыкъёслэн программазылэн литературной премиез;
2013-тӥ ар – Удмурт Элькун Кивалтэтлэн литературной премиез;
2020-тӥ ар – Удмурт Элькунлэн Данъян грамотаез;
2021-тӥ ар – Удмурт Элькун Кивалтэтлэн литературной премиез;

2024 -тӥ ар – Удмурт Элькунысь калык кылбурчи Дано ним

Библиография

Мылкыд: Кылбурьёс. — Ижевск: «Удмуртия», 1991. — 118 б.: 1л. портрет - Удмурт кыл. кыл; ISBN 5-7659-0322-3.
Лул: Кылбуръёс. - Ижевск: «Удмуртия», 1994. - 126 б.; ISBN 5-7659-0547-1
Дурак: Роман, верос, веросъёс. - [Искусство. Н. А. Быков]. - Ижевск: «Удмуртия», 1995. - 286 б.: ил.; ISBN 5-7659-0615-X
Чурыт пус: Кылбурьёс. - Ижевск: Удмуртия, 1999. - 159 б.
Виолетта: Кылбуръёс. - Уполномоченной. полоса со удмурт В. Емельянова. - Ижевск: «Удмуртия», 2002 (Ижевск Республиканской тип). — 126 б.: портрет; ISBN 5-7659-0148-4
Чорыглес лушкам кылбураньёс: Роман-уйбыртон. - Ижевск: «Удмуртия», 2005 (Ижевск республика тип). — 222 б.: ил.; ISBN 5-7659-0271-5
Ma kandun mќќda linnuteed (Мон мынӥсько Млечный Путь кузя) - эстон кылэ берыктэм кылбуръёс, 2006-тӥ ар.
Тӧлъёслэн призмазы пыр: кылбуръёс. - Ижевск: Изд-во «Удмурт Элькунысь Известия», 2011. - 39 б.: ил.
Эмезь гурезь (Малиновая гора): Повесть, 2015.
Нылкышно саюлын (На фоне Женщины): Роман-чигвесь. - Ижевск: Удмуртия, 2020. - 224 с.

Валэктонъёс

Литература

Владыкин В. Рекомендация С. Матвееву в Союз писателей // Мон / В. Владыкин. — Ижевск, 2003. — С. 338–339.
Зайцева Т. Современная удмуртская проза: проблемы, поиски, решения // Современная удмуртская проза (1980–2000-е гг.) / Т. Зайцева. — Ижевск, 2006. — С. 5–14.
Зверева Т. Сергей Матвеев (1964) // Писатели и литературоведы Удмуртии. — Ижевск, 2006. — С. 82.
Пантелеева В. Матвеев Сергей Васильевич // Удмуртская Республика : энциклопедия — Ижевск, 2008. — С. 466–467.
«В день, когда я на свет появился…» // «Литературная газета». — 2008. — 15–21 окт. — С. 2: фот. — (Современная удмуртская поэзия).
Пантелеева В. Философские основы лирики С. Матвеева // Четвертая Российская университетско-академическая научно-практическая конференция. — Ижевск, 1999. — Ч. 3. — С. 164–165.
Шибанов В. Второе дыхание удмуртской прозы // Италмас. — 2009. — № 1. — С. 10–12.
Матвеев С. Сергей Матвеев // Инвожо. – 2007. – № 3–4. – С. 6–7

Чӧлсконъёс

[1] Виктор Шибанов «Киберленинка» постмодернизмлэн одӥгез яркытэз представителез: «. ru/article/n/osobennosti-постмодернистской-иронии-в-романах-сергея-матвеева Сергей Матвеевлэн романъёсаз постмодернизмлэн тодметъёсыз -постмодернистской-иронии -в-романах-сергея-матвеева Архивная копия на Wayback Machine"

[2] УдГУ-лэн тодосъя библиотекаез. 55 ар тырме Сергей Васильевич Матвеев вордскем дырысен

[3] “Портал национальных литератур”: Сергей Матвеев

[4] Витрук Н. Сергей Есенин и новые поколения удмуртских поэтов // Сергей Есенин в контексте удмуртской поэзии и искусства / Н. Витрук. – Ижевск, 2005. – С. 45–121.

[5] Сергей Васильевич Матвеев

[1]

[2]

[3]

[4]

[5]