Модзелевский, Александр Александрович

Рувикиын таӵе фамилиен мукет муртъёс сярысь гожтосъёс вань. Учке: Модзелевский.

Александр Александрович Модзелевский
Быдэс нимыз	Алексáндр Алексáндрович Модзелéвский
Вордӥськем нуналыз	20-тӥ тулыспалэ 1906({{padleft:1906|4|0}}-{{padleft:2|2|0}}-{{padleft:20|2|0}})
Вордӥськем интыез	Иркутск, Росси империя[d]
Кулон нуналыз	6-тӥ тулыспалэ 1996({{padleft:1996|4|0}}-{{padleft:2|2|0}}-{{padleft:6|2|0}}) (89 лет)
Кулэм интыез	Иж, Россия
Кун	Россия
Ужудысэз	конструктор, изобретатель, кандидат технических наук

Модзелéвский Алексáндр Алексáндрович (20-тӥ тулыспалэ 1906, Иркутск – 6-тӥ тулыспалэ 1996, Ижевск) ― конструктор, машина лэсьтон удысысь тодосчи, изобретатель, дышетӥсь. Удмурт АССР-ысь наука но техника удысысь дано ужась (1966). СССР-ысь Вылӥ школалэн отличникез (1973). Техника наукаосъя кандидат (1957). Ижысь «Планета» но «Юпитер» мотоциклъёслы базовой модельёс но вылӥ точностен токарной станокъёс кылдытон разработкаосын кивалтӥсь. Ижысь механикая институтэз кылдытӥсьёс пӧлысь одӥгез. Инженерной учебникъёслэн но монографиослэн авторзы.

Улон сюресэз

Вордӥськиз Иркутскын, дворян выжыысь поляк служащейлэн семьяяз. Атаез счетовод луыса ужаз, анаез корка возись, Саша семьяын огназ нылпи вал. 1922-тӥ арын Восточно-Сибирской индустриальной техникуме дышетскыны пыриз. Сое йылпумъямез бере, 1925-тӥ арын, Муско улосысь Орехово-Зуевоысь «Пролетарская диктатура» фабрикае ыстӥзы, отын 1927-тӥ арозь теплотехник луыса ужаз. 1927-тӥ арысен дышетсконзэ азьланьтӥз Мускоысь К. Либкнехт нимо Индустриально-педагогический институтын. 1930-тӥ арын сое "инженер-педагог" квалификациен йылпумъяз.

Со арын ик Модзелевскийез армие басьтӥзы но военно-производственной службае Подольскысь 17-тӥ номеро заводэ ыстӥзы. Отын 1933-тӥ арозь служить кариз, огвакытэ ик Подольскысь индустриальной техникумын дышетӥз. Ачиз заочной амалэн Мускоысь техникая институтын дышетскиз, 1935-тӥ арын «инженер-механик по проектированию и эксплуатации механосборочных работ» квалификациен сое йылпумъяз.

1937-тӥ арысен 1939-тӥ арозь Подольскысь Механикая заводысь конструкторской бюроен кивалтӥз.

1937-тӥ арын «Ижсталь заводысь» станокъёсты проектировать каронэз азинтон понна, Ижкаре командировкае вуиз. «Машгиз» книгапоттоннилэн внештатной редакторез вал. 1939-тӥ―40-тӥ аръёсы Горд Армиын офицер должностьын служить кариз, Шундыпуксёнпал Белоруссиын но Шундыпуксёнпал Украинаын ортчись ожгар операциосы но Финн кампание пыриськиз. Армиысь бертыса, Подольскысь 460-тӥ номеро заводын валтӥсь технолог луыса ужаз. 1941-тӥ арын коньывуон толэзе заводэз Ижкарысь 74-тӥ номеро заводэ (али – «Концерн Калашников») эвакуировать каризы. Быдӟым Атыкай ож вакытэ но ож бырем бере нырысь аръёсаз проектной бюроен кивалтӥз, валтӥсь технологлэн воштӥсез луыса ужаз. 1948-тӥ арысен 1954-тӥ арозь – валтӥсь конструкторлэн воштӥсез но технической контролья ёзэтлэн кивалтӥсез вал. Модзелевскийлэн тодон-валанъёсыз но вылӥ быгатонлыкъёсыз быдэс дуннелы тодмо луэм Нудельман – Сурановлэсь «НС-37» авиационной пушказэ но «АК-47» Калашниковлэсь автоматсэ серийной производствое пуктыны ӟеч юрттэт сётӥзы.

А. А. Модзелевский гуртысьтыз ужан кабинетаз, 1960-тӥ ар

1954-тӥ―1964-тӥ аръёсы Ижысь машина поттон заводын мотостроения но станкостроения нимазъям конструкторской бюроен кивалтӥз. А.А. Модзелевскийлэн кивалтэмез улсын «Планета» но «Юпитер» мотоциклъёслэн базовой модельёссы, вылӥ точностен 1И611П токарной станок но дуннеын вылӥ дунъет басьтэм мукет высокотехнологичной изделиос кылдытэмын. 1957-тӥ арын диссертацизэ утиз но техника наукаосъя кандидат луиз. Со арын ик ӟеч тыршемез понна «Знак Почёта» орденэн пусъенмын. 1958-тӥ арын Брюссельын (Бельгия) ортчись Наукая, техникая но искусствоя дунневыл адӟытонын совето делегацилэн огмуртэз вал.

Александр Модзелевский мыло-кыдо пыриськиз Ижысь Механикая институтэз кылдытонэ но азинтонэ (али – М. Т. Калашников нтимо ИжГТУ). 1953-тӥ арысен, огвакытэ машзаводын ужаз но выль кылдытэм вузын «Металлорежущие станки и инструменты» кафедралэн доцентэз вал. 1963-тӥ арын профессор ним сётэмын, соберегес ик аспирантураез йыръяз. 1964-тӥ―71-тӥ аръёсы ИМИ-ын тодос ужъёсъя проректор луыса тыршиз. Пенсие потытозяз, 1991-тӥ арозь, сюлэсь трос инженеръёсты но кӧня ке наукаосъя кандидатъёсты дасяз. Александр Модзелевский 50 пала тодос ужъёслэн авторзы луэ. Витез соос пӧлысь монографи – учебникъёс. 9 изобретениослы кунсьӧр патентэз вань. ИМИ – ИжГТУ-лэн дано ветеранэз.

Научно-технической огазеяськонлэн Удмурт улос кенешезлэн тӧроез вал (али – Удмуртиысь тодосчиослэн огазеяськонзы), Подольскысь но Ижкарысь муниципал тӧрлыклэн депутатэз, «Знание» дэменлыклэн но Дуннез утёнъя комитетлэн улос ёзэтъёсыныз кивалтӥз, дано лекторъёс пӧлысь одӥгес тужгес кужмоез вал.

Александр Модзелевский вылӥ дунъялляз литератураез но крезьгурез, тужгес яратылӥз классикаез. Улытозяз бадӟым билиотека но фонотека люказ. Трос тыршиз радиоппаратураез тупатъян но умоятон бордын. Ваньмон дыръяз коркан будӥсь цитрусовой будосъёс будэтъяз.

Улонысь кошкиз 6-тӥ тулыспалэ 1996, Ижкарын. Ватэмын Хохряки шайвылын.

Семьяез

Кузпалыз – Клавдия Ивановна Модзелевская (1911 – 2005), ужысь ветеран.

Пиез – Владимир Александрович Модзелевский (1946 – 2008), инженер, изобретатель, техника наукаосъя кандидат, берло аръёссэ «Молот» Вятско-полянский машиностроительный завод» ОАО-ын контроллингъя но аудитъя директорез вал (Киров улос).

Внукез – Денис Владимирович Модзелевский (ворд. 1971), мерлык но политика удысын ужась, журналист, Кундумалэн депутатэзлэн юрттӥсез (2011-тӥ – 2016-т ӥ аръёсы но 2023-тӥ арысен), «Союз журналистов Удмуртии» РОО -лэн Ижысь ёзэтэзлэн секретарез (2022-тӥ арысен).

Внучкаез – Екатерина Владимировна Дерягина (ворд. 1979), чеберлык удысысь ужбергатӥсь.

Данъетъёсыз

• Удмурт АССР-ысь наука но техника удысысь дано ужась (1966)
• СССР-ысь Вылӥ школалэн отличникез (1973)
• «Знак Почёта» кык орденэз (1957)
• «За доблестный труд в Великой Отечественной войне 1941 – 1945 гг.» медаль (1945)
• «За доблестный труд. В ознаменование 100-летия со дня рождения В. И. Ленина» медаль (1970)
• «СССР-ысь Ожгар Кужымъёслы 50 ар» медаль (1968)
• «Ужысь ветеран» медаль (1974)
• СССР-ысь ВДНХ-лэн бадӟым зарни медалез (1964)
• А. Модзелевскийлэн нимыз «Удмуртская Республика» энциклопедие пыртэмын.
• Тупаса улонлы сӥзем совето фондлэн кык медалез
• А. А. Модзелевскийлэн ужкагазъёсыз, ас арбериосыз Удмурт Элькунысь музейёсын утисько.

Валтӥсь ужъёсыз

• «Фрезерные станки» (Москва, МАШГИЗ, 1939).
• «Технология сборки неподвижных соединений» (Москва, Свердловск, МАШГИЗ, 2 издания)
• «Технология сборки подвижных соединений» (Москва, Свердловск, МАШГИЗ, 2 издания).
• «Токарные станки» (Москва, «Машиностроение», 1973).
• «Многооперационные станки» (Москва, «Машиностроение», 1981).

Литература

• «Удмуртская Республика», энциклопедия (Ижевск, 2 издания).
• Ривелис И. «Уральский брат «Москвича» (Свердловск, 1990).
• Тяптин В. «Вздымаются храмы в России», «1 мая 1994 года», стихи (Ижевск, 1997).
• «И физики, и лирики» (Ижевск, 2007).
• «Вы – наша гордость» (Ижевск, 2007).
• Голованов Я. «Записки вашего современника» (Москва, 2 издания).
• Селивановский С. «Старый Ижевск» (Ижевск, 2017).
• Курганов Н. «Вклад Удмуртии в Победу» (Ижевск, 2019).
• Слесаренко Н. «Создатели мотоциклов» («Удмуртская правда», 1979).
• Логинов В. «Доблесть ветеранов» («Удмуртская правда», 1984).
• «Судьба породнила меня с Ижевском» («Трибуна», 1991).
• «Памяти товарища», некролог («Известия Удмуртской Республики», 1996).
• Пискунов В. «Всё начинается со станкостроя» («Удмуртская правда», 1996).
• Ренёв Е. «Полонез» («Московский комсомолец», 2005).
• Иванова Р. «Я при любом режиме стал бы инженером» («Удмуртская правда», 2011).
• Мущинкин И. «Восхождение к вершине» («Республика», 2021).

Фильмография

• «Город, в котором мы живём», документальной фильм – наукая проректор, Ижысь механикая институтлэн Кун экзаменационной комиссилэн тӧроез (Ижысь телевидени студия, 1967).

Валэктонъёс