Крокус Сити Холлын луэм теракт (2024)

Википедиысь материал
«Крокус Сити Холлын» луэм теракт
«Крокус Сити Холлэн» ӝуась концертзалэз
«Крокус Сити Холлэн» ӝуась концертзалэз
55°49′37″ с. ш. 37°23′21″ в. д.GЯO
Омырскон инты Москва улос, Красногорск, «Крокус Сити Холл»
Дырыз 22-тӥ южтолэзе 2024
Ожтӥрлык Автоматъёс, пуштӥсь суретъёсын ӟенеликъёс, ас лэсьтэм пуштӥсь арбериос (СВУ)
Быремъёс 146 человек[1]
Сӧсырмемъёс 551 мурт
Террористъёслэн лыдзы 4-ез йыруж лэсьтӥсьёс ӝегатэмын, ваньмыз-ӧвӧлыз 19 фигурант[1]
Кин вылэ малпам муртъёс

AQMI Flag asymmetric.svg Ислам кун

Ensign of the Ukrainian Armed Forces.svg Украиналэн Ожтӥрлыко кужымъёсыз (ВСУ)

«Кро́кус Си́ти Хо́ллын» луэм теракт (англ. Тера́кт в «Кро́кус Си́ти Хо́лле») — 2024-тӥ арын 22-тӥ южтолэзе «Пикник» рок-группалэн концертаз «Крокус Сити Холлэ» лыктэм калык вылэ ожтӥрлыкен омырскон (интыяськемын Мякинино метро дорын, Красногорск карлэн пушпӧлаз пыре).

Концерт кутскон азьын ӝыт 20 час котырын ньыль кузя террористъёс «Крокус Сити Холлэ» пырисьёс шоры автоматъёсысь ыбылыны кутскизы. Собере фойеын но концерт залын ыбылӥськизы на. Бӧрысь пуштэм куара кылӥськиз но юртлэн липетэз ӝуаны кутскиз. Пушказ со вакытэ сюрслэсь ятыр калык люкаськемын вал[2][3].

Теракт луэмен 146 мурт бырыны шедиз[1][4], 551 мурт сӧсырмиз[5]. Тросэз соос пӧлысь ыбылӥськыку но ӵынэн ӝокаса кулӥзы[6].

23-тӥ южтолэзе 4 йырбыдтӥсьёс, пегӟыны турттыкузы, Украин кунгожлэсь 100 иськемын Брянск улосын ӝегатэмын вал[7].

Террористъёслы пегӟон «укно» Украина дасяз шуыса ивортӥз Россилэн Президентэз Владимир Путин. Следствилэн ужпумез — заказ лэсьтӥсез шедьтон[8] . Россиысь ФСБ-лэн директорез Александр Бортников но терактэз дасянэ Украинаысь нимысьтыз службаос пыриськизы шуыса вераз[9][10].

Теракт понна кылкутонэз ас вылаз басьтӥз «Ислам кун» — «Вилаят Хорасан  [ӟуч] (удм.» калыккуспо тероризм огазеяськонлэн афган ёзэтэз[11][12][13][14]. Белой Домын луэм теракт понна кылкутонэз Америка но «Ислам кун» вылэ понӥз[15].

Россилэн азьмуртэз 2024-тӥ арын 24-тӥ южтолэзез огъя йӧскалык траур нуналэн ялӥз[16]. ООН но дуннеысь тросэз кунъёс та шимес учырез курлазы но мур куректэмзы сярысь веразы.

2025-тӥ арын 22-тӥ южтолэзе Россиысь Следственной комитетлэн огмуртэз Светлана Петренко терактэз радъянэ Шор Азиысь 6 кунмурт пыриськиз шуыса ивортӥз[17].

2025-тӥ арын 20-тӥ куартолэзе Александр Бастрыкин  [ӟуч] (удм. ивортэмъя, шуге-леке шедемъёслэн лыдзы 2300-озь вуэмын[18].

Росси Федерациысь Следственной комитетлэн 2025-тӥ арын инвожо толэзе ивортэмезъя, терактын 149 мурт бырыны шедиз, одӥгез чиптэм-чаптэм ышиз, 609 мурт сӧсырмиз. Ваньбур ыштонлэн огъя быдӟалаез 6 млрд манет тыр луиз. Терактэз быдэстӥзы «Вилаят Хорасан» террорист огазеяськонлэн ёзчиосыз но соослэн юрттӥсьёссы Украин кивалтэтлэн косэмезъя[19][4]. Тросэз ыбылӥськон дыръя но ӵынэн ӝокаса кулӥзы[20].

Теракт ужъя процесс кутскоз 2025-тӥ арын 4-тӥ гудырикошконэ. Сое эскероз 2-тӥ Западной окружной военной суд. Заседаниос Мосгорсудын олртчылозы[21].

Шимес учырлэн хронологиез

Росгвардилэн спецподразделениез «Крокус Сити Холлэ» пыре
  • Йырбыдтӥсьёс концертэ лыктэм калык шоры, залын сяна, фойеын но комплексэ пырон азьын автоматъёсысь ыбылӥзы[22]. Кыкезлэн тыбыразы котомкаоссы вал, отын ик пушкытъян арбериоссы тыремын вал, дыр[23]. Со вакытэ «Крокус Сити Холлэз» утён ужпумъёсты быдэсъяз «Крокус Профи» ЧОП. Отын азьвыл ужасьлэн верамезъя, охранниклы резина нушы но электрошокер гинэ сётӥське[24], ивортӥз Telegram-канал Brief.
  • Берлогес комплексэ юри тыл понон, ӵындытон но пушкытон сярысь ивор шараяськиз.
  • Теракт луэм интые Мускоысь СОБР, ОМОН но тылпу кысӥсьёс вуизы.
  • Муско улослэн губернаторез Андрей Воробьёв оперативной штаб кылдытӥз[25].
  • «Крокус Сити Холл» доры Мускоысь но улосысь ӝог эмъюрттэт сётонъя 70-лэсь трос бригада келямын вал.
  • Потэм тылпу юн кышкытлыко луэ шуыса пусъемын вал[26]. Нырысь ик тыл юртлэсь куиньмос люкетсэ басьтӥз, собере быдэсак ӝуаны кутскиз.
  • 21 час 30 минут котырын липетэзлэн огпалыз куашказ[27].
  • Тылпу кысонэ авиациез кысконо луиз[25].
  • Ӝуась «Крокус Сити Холл» вылэ вертолётъёсын 160 тонна пала ву кисьтэмын вал[28].
  • 23-тӥ южтолэзе уйин 1 час котырын «Крокус Сити Холлын» потэм тылпу кысэмын вал. Сутскем интылэн огъя быдӟалаез 13 сюрс. м² котыр.
  • 23-тӥ южтолэзе Муско улосъя Тазалыкез утёнъя министерство шуге-леке шедемъёс сярысь ивортӥз, 145 мурт Москваысь, Красногорскысь, Одинцовоысь, Химкиысь но Долгопруднойысь эмъяськонниосы келямын вал[29].
  • 24-тӥ южтолэзе спасательёс теракт луэм интыысь 400 кубометр пала куашкам конструкциосты сэрттӥзы но куашкатэм юрт бервылэз секыт техникаен сузяны луымон сюрес усьтӥзы[30].
  • Муско улослэн губернаторезлэн решениезъя поисковой операция 26-тӥ южтолэзёзь азьланьтэмын вал. Пусъем нуналэ 17 часын со йылпумъяськиз[31].
  • МЧС-ысь спасательёс теракт луэм бере витетӥ нуналаз гинэ тылпуэз быдэсак кысыны быгатӥзы но куашкатэм бервылэз сузязы. Со интыысь 900 куб. метр пала куашкам конструкциос поттэмын вал[32].
  • 3-тӥ оштолэзе терактын быремъёслэн лыдзы 145-ёзь вуиз, соос пӧлын куать нылпи шедьтэмын[4]; 550-лэсь ятырез шуге-леке сюремын, соос пӧлысн 10 нылпи. 134 мурт быдэсак тодмамын[33].
  • 1-тӥ инвожое терактын шуге-леке вуэмъёслэн лыдзы 1,7 сюрслэсь ятыр пусъемын вал[34].
  • 2024-тӥ арын 20-тӥ куарусёнэ тодмо луиз, Муслим Магомаевлэн культурно-музыкальной кельтосэзлы сӥзем фонд «Крокус Сити Холлын» луэм терактын шуге-леке вуэмъёслы юрттэт сётонъя уксё бичан программазэ йылпумъяз. Юрттэт 23-тӥ куарусёнысен вуыны кулэ шуыса чакламын[35].

Кин вылэ малпам муртъёс

Теракт лэсьтонын янгыше уськытэмъёс (паллянысен буре): Далерджон Мирзоев, Шамсидин Фаридуни, Саидакрами Рачабализода (2024)

2024-тӥ арын 23-тӥ южтолэзе ФСБ-ысь ӧнерчиос но «Ахмат-Россия» полклэн ожчиосыз теракт лэсьтонын янгыш карем 4 муртэ ӝегатӥзы, ваньзы соос Таджикистанын вордӥськемъёс. Соосты Брянск улосвылысь Украинаен кунгожлэсь сю иськемлы палэнысь шедьтӥзы, соос отӥ, нимысьтыз дасям коридор пыр ортчыны малпало вылэм. Операци улсын гожтэм видеоын одӥгез пытсэтам мурт Шамсидин Фаридуни (вордскемын 1998-тӥ арын) сеськытэк вераз, концертэ лыктэмъёсты ыбылэмез понна солы 500 сюрс манет сӥзизы: йыруж лэсьтэмлэсь азьпал ик 250 сюрс манетсэ банк картаяз выжтӥзы, кылемзэ бӧрысь басьтыны кулэ вал. Терактэз радъясьёс йыруж лэсьтӥсьёсын Telegram пыр кусып возизы[36]. Шамсидинлэн верамезъя, кураторъёс соин но солэн подельникъёсыныз 2024-тӥ арын тулыспалэ герӟаськизы, пыӵалтӥрлык сётӥзы но теракт лэсьтон интыез пусйизы.

Мукетыз ӝегатэм мурт, Далерджон Мирзоев, допросын теракт лэсьтон азьын толэзь азьпал соос Дмитровской шоссеысь хостелэ интыяськизы шуыса ватсаз. Тӧдьы буёло «Рено» легковой автомобиль басьтӥзы но соин ик йыруж лэсьтон интые вуизы[36].

Росси Федерациысь Следственной комитетлэн кивалтӥсезлэн Александр Бастрыкинлэн ивортэмезъя, ньыль кузя йыруж лэсьтӥсьёс «Рено» легковой машинаен 19 час 54 минутэ концерт залэ вуизы но учкисьёслэсь вуэмзэс возьманы кутскизы. 19 час 58 минутэ террористъёс пырон азьысь адямиос шоры ыбылӥзы, собере, концерт залэ пырыса, кытчы шедем ыбылӥзы. Сьӧразы пластик бутылкаосын ваем бензинэз котыр пазяса тыл понӥзы, 20 час 11 минутэ зданиысь потыса пегӟизы. Террористъёслэн ожалсконзы 17 минут кыстӥськиз, нош концерт залын соос 13 минут ӵоже улӥзы[37].

Йыружчиос кык магазинэз изолентаен юнматыса дасям Калашников автоматъёссэс куштыса кельтӥзы, дыртыса дӥсьсэс воштӥзы но тӧдьы «Реноязы» пуксьыса кошкизы, но чаклась камераос «Поток» сӧзнэтъя сое соку ик тодмазы. Оперативникъёс, юнме огшоры калык бырыны шедёз шуыса, террористъёсты карын яке калыкен тырмем сюрес вылын дугдытонлэсь возиськизы. М-3 «Украина» сюрес кузя Брянск улос пала часкын 140 иськем лобись машинаез Украинаен кунгожлэсь 100 иськемын ӝегатӥзы[38]. Террористъёсты лулоен кутон вылысь, асьме силовикъёс машина питранъёсы ыбылӥзы. Соку йыружчиос пӧлысь одӥгез ыбылыны кутскиз, со куспын кыкез тэле пегӟизы. Но соосты соку ик шедьтӥзы, одӥгез — Саидакрами Рачабализода писпуэ тубем, отысь сое тепловизорен синйылтӥзы[39].

Йыружчиослэн Брянск улосын ӝегатэм ммашиназы (2024)

Теракт лэсьтэм ньыль мурт сяна, соослэн сизьым юрттӥсьсы ӝегатэмын вал на. Обороная министерствоын ивортӥзы, Брянск улосын йыружчиосты ӝегатонэ пыриськем ожгарчиос кун но ведомственной данъетын пусъемын[40][41].

2024-тӥ арын 24-тӥ южтолэзе Мускоысь Басманной суд  [ӟуч] (удм. теракт лэсьтонын ньыль муртэ: Далерджон Мирзоевез, Саидакрами Рачабализодаез, Шамсидин Фаридуниез, Мухаммадсобир Файзовезянгыш карыса, 2 толэзьлы пытсэтаз[42][43]. Файзов эшъёсызлэсь йыруж лэсьтэмзэс видеое снимать кариз, со ик автомобильлэн руль сьӧраз вылэм. «Крокус Сити Холллэн» парковкаяз соос юри тямыс аресъем пияшез мырӟытыса кошкизы[44].

2024-тӥ арын 24-тӥ южтолэзе Мускоысь Басманной суд эшшо куиньзэ пытсэтаз: Диловар, Исраил но Аминчон Исломовъёсты. Соос озьы ик теракт лэсьтонъя радъям группипровкалэн ёзчиосыз чотын янгыше уськытэмын[45][46]. 26-тӥ южтолэзе тямысэтӥз йыруж лэсьтӥсь, Алишер Касимов, 2 толэзьлы ӝегатэмын. Следствилэн тодэтъёсызъя, Касимов — Росси Федерациын улӥсь, выжыезъя киргиз — ньыль террористлы улон инты сётэм[47].

2024-тӥ арын 28-тӥ южтолэзе Росфинмониторинг Мирзоевез, Рачабализодаез, Фаридуниез, Файзовез экстремистъёслэн но террористъёслэн реестразы пыртӥз[48].

29-тӥ южтолэзе Басманной суд теракт ужпумъя укмысэтӥзэ йыружчиез пытсэтаз — Назримад Лутфуллоиез. Со террористъёслы уксёен юрттӥз шуыса малпа следствие[49][50][51].

1-тӥ южтолэзе пытсэтамын дасэтӥез — Якубджони Юсуфзода[52]. Следствилэн тодэтъёсызъя, Юсуфзода одӥгезлы йыруж лэсьтӥсьлы «Крокус Сити Холлын» теракт лэсьтэмлэсь азьпал но со бере уксё лэзьылэм[53]. 2024-тӥ арын инвожо толэзе тодмо луиз, ар солэсь азьпал Юсуфзода катэз тӥяса Сочиын Миграционной учётэ султытэмын вылэм[54].

4-тӥ оштолэзе ФСБ-ысь ӧнерчиос теракт дасянэ пыриськемъёсты Моcкваын, Екатеринбургын но Омскын ӝегатӥзы на[55].

5-тӥ оштолэзе Басманнойй суд 11-тӥзэ йыружчиез Мухаммад Шарипзодаез 22-тӥ куартолэзёзь пытсэтаз[56].

7-тӥ оштолэзе тодмо луиз, тылпу кышкыттэмлыкъя кыл кутӥсь но «Крокус Сити Холллэн» пожарной командаезлэн кивалтӥсез оскем ужзэс ӝикыттэм быдэсъяллязы. Соослы улон интыыысьтызы кошкылонтэм сярысь пумкыл поттэмын[57].

26-тӥ оштолэзе ӝегатэмын 12-тӥез йыружчи — Таджикистанысь Пархар карын улӥсь Джумохон Курбонов[58] (вордӥськемын 2003-тӥ арын)[59].

27-тӥ оштолэзе Басманной суд Джумохон Курбоновез пытсэтаз[60].

16-тӥ куартолэзе Басманной суд Далерджон Мирзоевлэсь[61], Мухаммадсобир Файзовлэсь[62], Саидакрам Рачабализодалэсь но Шамсидин Фаридунилэсь пытсэтан дырзэс 22-тӥ гудырикошконозь кузёмытӥз[63].

Озьы ик пытсэтан дырзы 22-тӥ гудырикошконозь кузёмытэмын ньылезлэн йыружчиослэн: Назримад Лутфуллоилэн, Якубджон Юсуфзодлэн, Мухаммад Шарипзодлэн но Джумахон Курбоновлэн[64].

17-тӥ куартолэзе Басманной суд 22-тӥ гудырикошконозь пытсэт улэ кельтӥз: Аминчонэз, Диловарез но Исроил Исломовъёсты, озьы ик Алишер Касимовез. Следствилэн тодэтъёсызъя, соос террористъёслы ожалсконэз дасяны юрттӥзы[65].

Мускоысь Басманной судлэн картотекаысьтыз 2024-тӥ арын 1-тӥ инвожое дасям ужкагазъя, теракт ужпумъя 20 янгыше уськытэм мурт эскериське, 18-ез соос пӧлысь пытсэтамын, кыкез улон интыысьтызы кошкылыны лэземын ӧвӧл[66].

2024-тӥ арын гудырикошконэ Басманной суд 12 муртлэсь пытсэтам дырзэс кузёмытӥз: Далерджон Мирзоевлэсь, Мухаммадсобир Файзовлэсь, Саидакрам Рачабализодалэсь, Шамсидин Фаридунилэсь[67], Назримад Лутфуллоилэсь, Якубджон Юсуфзодалэсь, Мухаммад Шарипзодалэсь, Джумахон Курбоновлэсь[68], Алишер Касимовлэсь но Аминчон, Диловар но Исроил Исломовъёслэсь[69].

2024-тӥ арын 23-тӥ гудырикошконэ тодмо луиз, Мухаммад Зоир Шарипзода терактэ пыриськемезлэсь ӧз танӥськы[70].

2025-тӥ арын толшоре Александр Бастрыкин ивортӥз, Следственной комитет теракт лэсьтонэн герӟаськем эшшо 27 муртэ ӝегатӥз[71].

2025-тӥ арын 19-тӥ тулыспалэ Мускоысь Басманной ёрос суд «Крокус Сити Холлын» теракт лэсьтэм ньыль муртэ: Мухаммадсобир Файзовез, Далерджон Мирзоевез, Муродали Рачабализодаез но Шамсидин Фаридуниез 2025-тӥ арын 24-тӥ южтолэзёзь пытсэт улэ кельтӥз[72].

2025-тӥ арын 7-тӥ южтолэзе США-ын пытсэт улэ басьтэмын «Ислам кун  [ӟуч] (удм.» террорист огазеяськонлэн ёзчиез, террорист Мохаммад Шарифулла, озьы ик Джафар нимын тодмо луэ. США-ысь Юстицияя министерстволэн ивортэмезъя, со «Крокус Сити Холл» вылэ ожалскем боевикъёслы инструкциос сётъяз[73].

Следственной ужъёс

Следственной комитетысь ӧнерчиос кышкыт учыр луэм бервылысь 4 комплект ожгар боеприпасъёс, 500-лэсь трос патрон но 28 магазин, озьы ик йыруж лэсьтӥсьёсын кутэм кык Калашников автоматэз талазы[74].

Йыруж лэсьтӥсьёс терактлы кӧня ке толэзь ӵоже дасяськиллям. 7-тӥ южтолэзе Фаридуни, котырысь интыез эскерон вылысь, концерт залэ вуылэм. Соку ик «Крокусын» ужась фотографлэн камераез улэ шедиз. Со сяна, осконтэм воргоронъёслэсь концерт сётон комплекс котыртӥ ветлэмзэс кӧня ке мурт синйылтэм. Одӥгез центрын ужась Фаридуниез фойеын вылӥ дӥсьсэ куштыны косэмзэ тодаз вайиз, ӵапак соку ик со, кытын мар интыяськемын шуыса шенгыль юаськиз[39].

Таджикистанлэн азьмуртэз Эмомали Рахмон янгыш каремъёслэн семьяосынызы ужез ас киулаз басьтӥз, соослэсь юалляськон элькунысь силовой структураос ортчытӥзы[75]. Шамсидин Фаридунилэн Душанбе карлэсь 50 иськеме интыяськем юртэз опечатать каремын.

2024-тӥ арын 26-тӥ южтолэзе ФСБ-лэн тӧроез Александр Бортников, теракт лэсьтыны Украинаысь спецслужбаос юрттӥзы — Матысь Шундыӝужан палан боевикъёсты дасязы, шуыса ивортӥз[76].

РИА Новостилэн ивортэмезъя, «Крокус Сити Холлын» теракт лэсьтэм йыружчиос телеграм-канал пыр вербовать каремын, сое кылдытӥз вал ИГИЛ-лэн афган ёзэтэз — «Вилаят Хорасан» террорист организация. Бӧрысьгес со телеграм-канал быдтэмын вал[77].

28-тӥ южтолэзе ТАСС ивортӥз, йыружчиос асьсэды наркотической яке психотропной суретъёсын усыкмытыса терактэз лэсьтӥзы[78]. Янгыше уськытэмъёслэн виразы «боевой кислоталэн» (психоактивной сурет, кудӥз йырсазез воштэ, кышкан мылкыдэз лябомытэ но астэ утён инстинктэз ӝутэ) кылемез шедьтэмын[79].

Следственной комитетлэн ивортэмезъя, терактэз быдэстӥсьёслы валютаен но криптовалютаен бадӟым уксё Украинась келямын[80].

2024-тӥ арын 29-тӥ южтолэзе Таджикистанысь следственной ёзэтъёс ивортӥзы, теракт лэсьтӥсьёсын кусып возем укмыс мурт ӝегатэмын[81].

Янгыш каремъёс допросъёсын сеськытэк веразы, Киеве уждун басьтон понна мыно вал шуыса[82].

1-тӥ оштолэзе ФСБ-лэн Мерлыко кусыпъёсъя центрез Каспийскын трос калыко интыын теракт лэсьтыны дасяськем куать кунгожсьӧр гражданъёсты Дагестанын ӝегатэмзы сярысь ивортӥз. Соос быръем интыез эскеризы, СВУ-ос лэсьтӥзы но автоматъёс басьтӥзы[83]. Ведомстволэн ивортэмезъя, соос ик «Крокус Сити Холлын» терактэз быдэстыны уксёен юрттӥзы[84]

Озьы ик терактэз дасянэ пыриськем муртъёсты Турциын ӝегатӥзы, соос Таджикистанын но Киргизиын вордӥськемъёс вылэм[85].

2-тӥ оштолэзе терактын быремъёслэн ӵыжы-выжыоссы Россиысь Следственной комитетэ «Крокуслэн» кузёосыз вылэ уголовной уж усьтыны куронэн вазиськизы. Соослэн огмуртсы, адвокат Игорь Трунов, следствиез тылпу кысон но ӵынлэсь утиськон системаослэсь ужамзэс, эвакуациез радъянэз эскерыны, озьы ик, малы эвакуацилы чаклам интыос кӧняез ке пытсамын вал шуыса, валэктон шедьтыны куриз[86] .

2024-тӥ арын 9-тӥ оштолэзе Росфинмониторинг Алишер Касимовез, Диловар, Исраил но Аминчон Исломовъёсты, Назримад Лутфуллоиез, Якубджони Юсуфзодаез но Мухаммад Шарипзодаез экстремистъёсын но террористъёсын реестре пыртӥз[87].

24-тӥ оштолэзе кышкыттэмлыкъя ужпумъёсъя кыл кутӥсь вылӥ кивалтӥсьёслэн калыккуспо пумиськонзы дыръя Россилэн Президентэз Владимир Путин, йыружлэсь вань детальёссэ шараян, «сое быдэстонэ пыриськемъёсты, заказчикъёсты, спонсоръёсты но радъясьёсты» утчан ужъёс азьланьтӥсько шуыса ивортӥз[88].

25-тӥ оштолэзе Росфинмониторинглэн кивалтӥсез Юрий Чиханчин ивортӥз, терактэз дасян бордын трос кунъёсысь муртъёс пыриськизы, соослы уксёен юрттэт криптовалюта пыр сётӥськиз[89].

31-тӥ куартолэзе Следственной комитет кышкытлыклэсь утиськон куронъёслы тупасьтэм юрттэт сётон пумысен уголовной уж ӝутӥз но сое терактъя уголовной ужен огазеяз[90].

2024-тӥ арын гудырикошконэ «Крокус Сити Холлын» луэм терактъя ужын эшшо вить мурт шараяськиз. Москваысь Басманной суд Гадоев Шахромджон Насимовичез, Исмаилов Зубайдулло Авайдуллоевичез, Солиев Мустакиме Абдуманоновичез, Солиев Умеджон Абдуманоновичез но Хамидов Хусейн Абдурасуловичез 1-тӥ толсурозь пытсэт улэ кельтӥз[91]. Одӥгез соос пӧлысь — Умеджон Солиев — со вакыт Россиын розыске ялэмын ни вал[92]. Таос терактэз лэсьтӥсьёслы пыӵалтӥрлыкен юрттӥзы[93].

2024-тӥ арын коньывуон толэзе следствилы тодмо луиз, ньыль мурт «Вилаят Хорасан» алэм террорист организацилэн ёзчиосыз луо. Шахромджон Гадоев, Зубайдулло Исмоилов, Мустаким Солиев но Умеджон Солиев вылэ террорист группировкалэн ужаз пыриськемзы, катэз тӥяса пыӵалтӥрлык но боеприпасъёс воземзы пушкытӥсь арбериос лэсьтэмзы понна уголовной уж ӝутэмын[94].

Коньывуон толэзе эшшо ньыль мурт шараяськиз, со Ингушетилэн гражданъёсыз: Хусейн Медов, Джабраил Аушев, Хаваж-Багаудин Алиев но Батыр Кулаев. Кыкез соос пӧлысь пытсэтамын, кыкез розыске ялэмын. Следствилэн тодэтъёсызъя, соос мукет адямиос пыр терактэз быдэстӥсьёслы автомат но боеприпас сётӥллям, со понна 1 млн манетлэсь ятыр уксё басьтӥллям[95].

2024-тӥ арын 2-тӥ шуркынмонэ тодмо луиз, террористъёслы пыӵалтӥрлык вуттонэн 7 мурт вырем. Хусейн Медов, Джабраил Аушев, Хаваж-Багаудин Алиев но Батыр Кулаев сяна, группаязы Амерхан Матиев, Турциын ватскыса улӥсь Адам Белхароев но Украинаын Ильяс Белхароев (Росси Федерациысь террористъёсын но экстремистъёсын реестре пыртэмын) вылэм на[96].

20-тӥ шуркынмонэ, ТАСС-лэн ивортэмезъя, Аминчон но Диловар Исломовъёслы, соослэн атайзылы Исроил Исломовлы но Алишер Касимовлы обвинение воштэмын вал, соос теракт лэсьтон ужез дасянэ пыриськон сярысь статьяя янгыш каремын[97].

2024-тӥ арын 4-тӥ толсуре Ингушетиын террористъёслэн эшшо 4 юрттӥсьсы ӝегатэмын. «Батал-Хаджи» вӧсьбуро дэменлыклэн ёзчиосызлы пумит уголовной уж ӝутэмын. Следствилэн тодэтъёсызъя, соос «Крокус» вылэ ожалскемъёслы зол юрттэт сётӥллям[98].

2025-тӥ арын 2-тӥ толшоре Стамбулысь уголовной суд янгыше уськытэмъёслы террористъёсын кусып воземзы понна обвинительной заключение гожтӥз, соос 7,5 арысен 15 арозь пытсэт улэ келямын. Соос пӧлын Стамбулын улӥсь кӧня ке мурт, кудъёсыз азьвыл Саидакрам Рачабализодаен но Шамсидин Фаридуниен кусып возизы[99].

«Крокус Сити Холлын» луэм теракт сярысь предварительной следствие 2025-тӥ арын 5-тӥ тулыспалэ йылпумъямын вал. Материалъёс люкан, 20 муртэ пытсэтан, вань свидетельёслэсь юалляськон 11 толэзь кыстӥськиз[100].

2025-тӥ арын 11-тӥ тулыспалэ «Крокус Сити Холл» концерт заллэн кузёез, «Крокус интернэшнл» компания, теракт ужъя шуге-леке вуэмен лыдъямын[101].

2025-тӥ арын 23-тӥ инвожое Следственной Комитет терактэз сэрттон-пертчон ужъёсты йылпумъяз. Следствилэн ивортэмезъя, Россиысь политикаен герӟаськем югдурез куашкатон вылысь, теракт Украин кивалтэтлэн косэмезъя быдэстэмын вал[19]. Росси Федерациысь Следственной комитетлэн официальной представителезлэн верамезъя, куд-огез янгыше уськытэмъёс «Крокус сити холлын» адями быдтэмзы бере, Дагестанысь Каспийскын одӥгаз шутэтскон интыын со выллем ик сьӧсь уж лэсьтыны дасясько вылэм[102].

2025-тӥ арын инвожо толэзьлэн пумаз, ужлэн материалъёсыз вылэ пыкиськыса, ТАСС ивортӥз, Шамсидин Фаридуни, террористъёс пӧлысь одӥгез гинэ, йыруж лэсьтэмзэ быдэсак вылаз басьтӥз но янгышсэ валаз[103].

РФ Следственной комитетлэн ужлы йылпумъянъёсыз 2025-тӥ арын инвожо толэзь пумын шараямын вал. Шуэрес учырын 149 мурт бырыны шедиз, одӥгез чиптэм-чаптэм ышиз, 609 мурт сӧсырмиз. Шуге-леке вуэмъёслэн лыдзы 2300 мурт[18][104]. Ваньбурез ыштон 6 млрд манет тыр лыдъямын. Терактэз лэсьтӥзы «Вилаят Хорасан» террорист огазеяськонлэн ёзчиосыз но соослэн юрттӥсьёссы, Украин кивалтэтлэн косэмезъя[19][4]. Со учырын тросэз ыбылӥськон дыръя но ӵынэн ӝокаса кулэмын[20].

2025-тӥ арын 30-тӥ инвожое Россиысь Генеральной прокуратура теракт пумысь 19 муртъя 427 томен уголовной ужез 2-тӥ Западной окружной военной судэ келяз[105]. Со уголовной ужъя 2,3 сюрс шуге-леке вуэмъёс пӧлысь 150 палаез 2-тӥ Западной окружной военной судлэн судебной процессаз пыриськоз. Теракт сярысь ужез куинь судьяослэсь кылдытэм коллегия кылзоз. Ужъя материалъёс 470 томлэсь ятыр люкамын, со пӧлы вещественной доказательной база, ог 200 пала пӧртэм пумо экспертизаослэн пумкылъёссы пыртэмын[106].

2025-тӥ арын 21-тӥ пӧсьтолэзе тодмо луиз, терактъя процесс 2025-тӥ арын 4-тӥ гудырикошконэ кутскоз. Сое эскероз 2-тӥ Западной окружной военной суд. Заседаниос Мосгорсудын ортчылозы[21].

2025-тӥ арын 21-тӥ пӧсьтолэзе Новосибирск улосысь суд Баходурджон Ахмадалиевез, Красногорсын луэм теракт бере ӵуказеяз Новосибирскын пушкытон лэсьтыны турттэмез понна, 14 арлы пытсэт улэ келяз. Следствилэн эскеронъёсызъя, со ик «Крокус Сити Холл» вылэ урдскемъёслы билет басьтӥз вал. Ахмадалиев озьы ик Новосибирскын теракт дасясьёс пӧлы пыре — со басьтэм но ас киыныз лэсьтэм взрывной устройствозэ карысь Железнодорожной ёросэ вуттэм, отын йыружчиос сьӧсь уж лэсьтыны дасясько вылэм[107].

Росси тӧрлыклэн та пумысь малпанъёсыз

Москваысь Мира нимо проспектысь траур пусэн рекламной щит

Москвалэн мэрез Сергей Собянин «Крокус Сити Холлын» «туж шимес учыр» луиз шуыса, таӵе веранэн вазиськиз:

«Бырыны шедем муртъёслэн ӵыжы-выжыоссылы мур куректонме верасько. Шуге-леке вуэмъёслы котыр ласянь юрттэт сётон сярысь косэт гожтӥ».

«Крокус Сити Холлын» ыблӥськон но пушкытъян — «виркисьтон теракт», шуыса вераз Росси Федерациысь Кунсьӧр ужъёсъя министерстволэн официальной представителез Мария Захарова. Со быдэс дуннеысь мерлыклы «та кышкемыт йыружез» курланы курыса вазиськиз[108].

Патриарх Кирилл шуге-леке шедем но бырем муртъёслэн лулъёссы понна но сӧсырмыны шедемъёс понна утьыны курыса вӧсяськыны кутскиз[109].

Москваысь аэропортъёсын но вокзалъёсын кышкыттэмлыкъя куронъёс юнматэмын[25].

Москваын шутэтскон нуналъёсы 23-тӥ—24-тӥ южтолэзе вань чаклам ужрадъёс палэнтэмын вал[110].

Тазалыкез утёнъя министр Михаил Мурашко шуге-леке вуэмъёслы юрттэт сётон ужъёсты чакланэз ас вылаз басьтӥз[25].

«Крокус Сити Холл» концерт сётъян залын луэм шимес учыр пумысь Россилэн Следственной комитетлэн Валтӥсь управлениез РФ УК 205-тӥ статьяезъя (террористический акт) уголовной уж ӝутӥз[111].

«Нокыӵе судъёс но расследованиос уз юрттэ, кужымлы пумит кужымен ӧд ке султы, нош адями быдтонлы пумит— террористъёсты виылон но соослэсь семьяоссэс репресси улэ кыскон. Со дуннелэн опытэз», — вераз Россиысь Кышкыттэмлыкъя Кенешлэн кивалтӥсезлэн воштӥсез Дмитрий Медведев[112].

Аслаз вазиськоназ РФ азьмуртэз Владимир Путин 24-тӥ южтолэзез траур нуналэн ялӥз. Озьы ик Украина пала пегӟыны турттӥсь террористъёс ӝегатэмын шуыса ивортӥз. Шуге-леке шедемъёслы но соослэн ӵыжы-выжыоссылы президент Россиысь вань улӥсьёслэн нимынызы мур куректэмез сярысь вераз но ваньмызлы соослы юрттэт сётэмын луоз, шуыса ивортӥз. Огшоры калыклэн но нимысьтыз службаослэн юрттэмзы понна тау кариз[113].

«Асьмеос асьме калыкез тросэз быдтон йыружен ваче син вуим. Ми ваньзэсты со йыружен герӟаськем муртъёсты шедьтом но кылкутон улэ кыском. Террористъёслы пунэмез берыктэмын луоз. Соос понна азьланез ӧвӧл. Али асьме азьын одӥг ужпум — огазе кариськоно. Нокин уз быгаты асьме мерлыкмес люкылыны. Москваын но мукет улосъёсын террористъёсын нюръяськонъя куронъёс юнматэмын», — шуыса вазиськиз Владимир Путин Россиын улӥсь калыклы[114].

2024-тӥ арын 25-тӥ южтолэзе Россилэн президентэз улсын нылпиослэсь правооссэс утьыны оскем мурт Мария Львова-Белова теракт дыръя «Крокус Сити Холлысь» калыкез поттыны юрттэмзы понна кык кузя быдэ вуымтэосты Таукаронэн пусйиз[115].

26-тӥ южтолэзе «Крокус Сити Холлысь» школьник-гардеробщикъёс 14 аресъем Артём Донсков но 15 аресъем Ислам Халилов, озьы ик , администратор София Мейер Росси Федерацилэн Общественной палатаезлэн медаленыз пусъемын[116].

27-тӥ южтолэзе Патриарх Московский но всея Руси Кирилл, теракт луэмен сэрен, Россиын религиос куспын вачевуонлэсь утиськыны ӧтиз[117].

2-тӥ куартолэзе Владимир Путин быдэ вуымтэосты Артём Донсковез, Никита Ивановез но Ислам Халиловез «За спасение погибавших» медален пусйиз[118][119].

8-тӥ пӧсьтолэзе Владимир Путин «Внуково» аэропортысь ӧнерчиез Валентин Николаенковез, кулэмез бере, Мужество орденэн пусйиз. Со одӥгзээ террористэз кышкыттэм карыны турттыкуз бырыны шедиз[120].

2024-тӥ арын пӧсьтолэзе Росси Федерацилэн генеральной прокурорез Игорь Краснов йылпумъян лэсьтӥз: «Крокус Сити Холлын» теракт улосвыл кивалтӥсьёслэн янгыш лыдъянъёсынызы сэрен луыны быгатӥз, нош терроризмен нюръяськонын трос калыко интыосты чылкак мукет сямен, юнгес эскерыны кулэ[121].

Калыккуспо малпанъёс

Терактын быремъёсты буре вайыса, «Бурдж-Халифа» башняез росси флаглэн буёлъёсыныз югдытӥзы

Шимес учыр пумысен Вашингтон мур куректэмез сярысь вераз[25]. Белой домлэн ивортэмезъя, США теракт дасян сярысь ӧз тодылы. Теракт Киевын кылдэм югдурен герӟаськемын ӧвӧл шуыса пусйизы Вашингтонын.

2024-тӥ арын 3-тӥ оштолэзе американ журналист Сеймур Херш, иворлыко источник вылэ чӧлскыса, США-лэн Разведкая шор управлениез «Крокусын» дасяськись теракт сярысь Россилы азьвыл ик ивортылӥз вал шуыса вераз. Хершлэн кылъёсызъя, «ЦРУ-лэн Россилэн разведкаяз одӥгез ыстэм иворез зэмзэ но „срочно“ шуыса пусъемын вал, со концерт кутскон азьын вуэмын». Озьы ке но, журналистлэн верамезъя, ЦРУ ӧз тодылы, теракт ӵапак «Крокусын» луоз шуыса, отын"трос калык люкаськем интыын" шуыса пусъемын вал[122].

ООН-лэн генеральной секретарез луэм теракт пумысь «лек» вераськиз но Россиысь калыклы но кивалтэтлы мур куректэмез сярысь вераз.[25]

Россиен ӵош мур куректэмзы сярысь трос кунъёс веразы, соос пӧлын: Египет, Казахстан, Азербайджан, Киргизия, Чехия, Италия, Сербия, Германия, Люксембург, Катар, Куба, Палестина, Боливия, Иран, Венесуэла, Узбекистан, Республика Сербская, Турция, Армения, Мальта, Абхазия, Иордания, Саудовская Аравия, Пакистан, Ирак, Австрия, Франция, Таджикистан, Мексика, Колумбия, Австрия, ОАЭ, Сирия, Бахрейн, Канада, Белоруссия но мукетъёсыз.

Террорист ожалсконэз озьы ик курлазы ХАМАС, Талибан но Хезболла бадӟым ислам движениос[123][124][125].

25-тӥ южтолэзе Японилэн постпредэз ООН-лэсь Кышкыттэмлыкъя кенешсэ Россиын луэм терактын быремъёсты буре ваён минут бордысен кутскыны кичӧлтӥз[126].

Garbage американ рок-группа, кудӥз ас дыраз «Крокус Сити Холлын» концерт сётӥз вал, озьы ик мур куректэмез сярысь вераз[127].

2024-тӥ арын 6-тӥ оштолэзе Турция Таджикистанысь кунмуртъёс понна визатэм режимзэ палэнтӥз[128].

Терактын быремъёслы сӥзем мемориал

2025-тӥ арын тулыспалэ «Крокус Сити Холлын» терактын быремъёслы сӥзем мемориал пуктыны кутскемын[129]. Усьтэмын шимес учырлэн ар нуналаз — 22-тӥ южтолэзе. Мемориал пуктонэн концерт заллэн кузёез выриз, шуыса ивортӥз Муско улослэн губернаторез Андрей Воробьёв.

«Крокус Сити Холлын» терактын быремъёсты буре ваён мемориалэз усьтон ужрад (2025-тӥ ар 22-тӥ южтолэзь)

Концерт заллы но «Крокус Эксполэн» кыкетӥ павильонэзлы пумит сьӧд гранитлэсь лэсьтэм кык стела ӝутэмын, соос вылын лобись туриослэн тусъёссы пуктэмын. Синпелет вылын гожтэмын: «2024-тӥ арын 22-тӥ южтолэзе луэм сьӧсь террактын быремъёсты буре вайыса»[130].

Ватсам тодэтъёс

2024-тӥ арын 25-тӥ южтолэзе ЦБ банкъёслы но микрофинансовой организациослы «Крокус Сити Холлын» терактын быремъёслэсь пунэмаськонъёссэс списать карыны ӵектӥз[131]. Сбербанк но ВТБ 23-тӥ южтолэзе ик дась луэмзы сярысь ивортӥзы. Озьы ик 23 банк долгъёссэс ӵушоз шуыса оскытӥз: «Тинькофф», Альфа-банк, Совкомбанк, Газпромбанк, Почта Банк, Промсвязьбанк, Москваысь кредитной банк но мукетъёсыз[132].

«Пикник» группалэн 2024-тӥ арын 27-тӥ южтолэзе Санкт-Петербургын чаклам концертэз «Крокус Сити Холлын» быремъёслы сӥземын вал[133].

Терактын быремъёсты буре вайыса, Россиысь кырӟасьёс «кыл мынэсьтым куараме» («Голос мой услышь») альбом гожтӥзы. Отчы Муслим Магомаевлэн репертуарысьтыз 12 кырӟан пыртэмын. «Крокусысь» концерт зал ӵапак Магомаевлэсь нимзэ нуллэ вал [134].

2024-тӥ арын 29-тӥ инвожое Муско улослэн губернаторез Андрей Воробьёв ивортӥз, Подмосковьеысь тӧрлык «Крокусэз» выльдонлы пумит луиз:

«Концерт зал отын уз луы ни»[135].

2025-тӥ арын южтолэзе огезлэн йыружчилэн адвокатэз ивортӥз, террористъёс, «Крокус» вылэ омырскемлэсь азьпал, мукет интыосын теракт лэсьтон вылысь, Кремль, «Чистые пруды» метро котырын но «МЕГА Белая Дачалэн» пушказ туспуктэмъёс лэсьтылӥзы. Ватскыны Украинаын дасясько вылэм[136].

«Крокус Сити Холлын» шимес учыр луэм дырысен ар нуналыз азьын «Октябрь» кинотеатрын «Крокус. Несломленные» документальной фильмлэн премьераез ортчиз. Фильм пуктэмын «Интеграция» продюсер центрлэн но Россиысь Горд Кирослэн юрттэмзыя[137].

2025-тӥ арын 21-тӥ пӧсьтолэзе Новосибирск улосысь суд Баходурджон Ахмадалиевез, Красногорскын луэм теракт бере ӵуказеяз Новосибирскын пушкытон лэсьтыны турттэмез понна, 14 арлы пытсэт улэ келяз. Со ик «Крокус Сити Холл» вылэ урдскемъёслы Интернет пыр билет басьтэм[138]. Подмосковьеын шуэрес учыр луэм бере Ахмадалиевлэн машинаысьтыз взрывной устройство шедьтэмын вал. Йыруж лэсьтӥсь сое Новосибирсысь Железнодорожной ёросысь мерлыко интые пуктыны дасяське вылэм[139].

Валэктонъёс

  1. ↑ 1 2 3 РБК, 20 мая 2025. Бастрыкин заявил, что дело «Крокуса» насчитывает 500 томов
  2. ↑ В «Крокус Сити Холл» произошла стрельба, РБК (22 южтолэзе 2024). Эскеремын: 22 южтолэзе 2024 арын.
  3. ↑ Онлайн: в подмосковном «Крокус Сити Холле» стрельба и пожар, есть раненые, Коммерсантъ (22 южтолэзе 2024). Эскеремын: 22 южтолэзе 2024 арын.
  4. ↑ 1 2 3 4 Число погибших детей при теракте в «Крокусе» выросло до шести, РБК (3 оштолэзе 2024). Эскеремын: 3 оштолэзе 2024 арын.
  5. ↑ Число пострадавших в результате теракта в "Крокус сити холле" выросло до 551, TACC. Эскеремын: 30 южтолэзе 2024 арын.
  6. ↑ Инженер-строитель пробил стену для спасения людей в «Крокусе», РБК (30 южтолэзе 2024). Эскеремын: 30 южтолэзе 2024 арын.
  7. ↑ Участников теракта в "Крокусе" задержали недалеко от границы с Украиной, РИА Новости (23.03.2024). Эскеремын: 23 южтолэзе 2024 арын.
  8. ↑ РБК, 23 марта 2024. Путин заявил, что с украинской стороны готовили «окно» для террористов
  9. ↑ РБК, 26 марта 2024. Бортников обвинил спецслужбы Украины в содействии теракту в «Крокусе»
  10. ↑ РБК, 27 марта 2024. Песков заявил, что официальных версий теракта в «Крокусе» еще не называли
  11. ↑ Schmitt, Eric. What We Know About ISIS-K, the Group That Claimed Responsibility for the Moscow Attack, The New York Times (22 южтолэзе 2024). Эскеремын: 23 южтолэзе 2024 арын.
  12. ↑ ISIS claims responsibility for attack in busy Moscow-area concert venue that left at least 40 dead, CNN (22 южтолэзе 2024). Эскеремын: 22 южтолэзе 2024 арын.
  13. ↑ Moscow concert hall attack latest: ISIS claims responsibility for shooting that killed more than 60 people [англи] The Independent.
  14. ↑ Ведомости, 25 марта 2024. Что такое запрещенный в России «Вилаят Хорасан»
  15. ↑ Интерфакс, 24 марта 2024. Вице-президент США возложила ответственность за теракт в Crocus City Hall на ИГ
  16. ↑ Путин назвал кровавым и варварским теракт в «Крокус Сити Холле», РБК (23.03.2024). Эскеремын: 23 южтолэзе 2024 арын.
  17. ↑ Организаторами теракта в "Крокусе" были шестеро граждан Средней Азии, РИА Новости (22 южтолэзе 2025). Эскеремын: 22 южтолэзе 2025 арын.
  18. ↑ 1 2 Свыше двух тысяч человек проходят потерпевшими по делу о "Крокусе", РИА Новости (20 куартолэзе 2025). Эскеремын: 20 куартолэзе 2025 арын.
  19. ↑ 1 2 3 СК завершил расследование теракта в «Крокусе» и назвал Украину заказчиком, РБК (23 инвожое 2025). Эскеремын: 24 инвожое 2025 арын.
  20. ↑ 1 2 Инженер-строитель пробил стену для спасения людей в «Крокусе», РБК (30 южтолэзе 2024). Эскеремын: 30 южтолэзе 2024 арын.
  21. ↑ 1 2 Процесс по делу о теракте в «Крокусе» в Мосгорсуде начнется 4 августа, РБК (21 пӧсьтолэзе 2025). Эскеремын: 21 пӧсьтолэзе 2025 арын.
  22. ↑ Крокус Mash.
  23. ↑ Теракт с десятками погибших в «Крокус Сити Холле». Главное, РБК. Эскеремын: 22 южтолэзе 2024 арын.
  24. ↑ Один из зрителей «Крокус Сити Холла» обезвредил террориста, Lenta.RU (23.03.2024). Эскеремын: 23 южтолэзе 2024 арын.
  25. ↑ 1 2 3 4 5 6 Что известно о происшествии в "Крокус сити холле". Главное, TACC. Эскеремын: 22 южтолэзе 2024 арын.
  26. ↑ Пожару в "Крокус сити холле" присвоен повышенный ранг сложности, TACC. Эскеремын: 22 южтолэзе 2024 арын.
  27. ↑ В оперслужбах сообщили о втором взрыве в Crocus City Hall, Interfax.ru (22 южтолэзе 2024). Эскеремын: 22 южтолэзе 2024 арын.
  28. ↑ Вертолеты сбросили около 160 тонн воды на горящий "Крокус сити холл", РИА Новости (23.03.2024). Эскеремын: 23 южтолэзе 2024 арын.
  29. ↑ Минздрав Подмосковья опубликовал список из 145 госпитализированных после теракта, TACC (23.03.2024). Эскеремын: 23 южтолэзе 2024 арын.
  30. ↑ Интерфакс, 24 марта 2024. Спасатели сделали проем в стене Crocus для прохода тяжелой техники
  31. ↑ Поисковую операцию на месте теракта в «Крокусе» продлили на день, РБК (25 южтолэзе 2024). Эскеремын: 25 южтолэзе 2024 арын.
  32. ↑ Спасатели завершили разбор завалов в "Крокус сити холле", TACC (26 южтолэзе 2024). Эскеремын: 26 южтолэзе 2024 арын.
  33. ↑ Бастрыкин потребовал поименно установить заказчиков теракта в «Крокусе», РБК (31 южтолэзе 2024). Эскеремын: 31 южтолэзе 2024 арын.
  34. ↑ Суд признал более 1,7 тыс. человек потерпевшими по делу о теракте в «Крокусе»
  35. ↑ Выплаты пострадавшим в "Крокусе" начнутся с 23 сентября, TACC (20 куарусёнэ 2024). Эскеремын: 20 куарусёнэ 2024 арын.
  36. ↑ 1 2 Опубликовано видео допроса террориста из "Крокуса", РИА Новости (23.03.2024). Эскеремын: 23 южтолэзе 2024 арын.
  37. ↑ ТАСС, 25 марта 2014. Бастрыкин заявил о восстановлении хронологии теракта в «Крокус сити холле»
  38. ↑ РИА Новости: Террористы из "Крокуса" ехали по трассе со скоростью более 140 км/ч - Российская газета, Российская газета (26 южтолэзе 2024). Эскеремын: 27 южтолэзе 2024 арын.
  39. ↑ 1 2 Арестованным Басманным судом террористам грозит пожизненное лишение свободы - Российская газета, Российская газета (25 южтолэзе 2024). Эскеремын: 27 южтолэзе 2024 арын.
  40. ↑ Участникам задержания устроивших теракт в "Крокусе" вручили награды, РИА Новости (25.03.2024). Эскеремын: 25 южтолэзе 2024 арын.
  41. ↑ В МВД рассказали, как выследили машину террористов, напавших на «Крокус», Росбалт. Эскеремын: 28 южтолэзе 2024 арын.
  42. ↑ Суд арестовал четырех фигурантов дела о теракте в «Крокус Сити Холле», РБК (24.03.2024). Эскеремын: 25 южтолэзе 2024 арын.
  43. ↑ Суд назвал имена фигурантов дела о теракте в «Крокус Сити Холле», РБК. Эскеремын: 25 южтолэзе 2024 арын.
  44. ↑ Жирнов, Степан. «Не едем на турнир?» Мальчик, сбитый террористами, пришёл в сознание, AiF. Эскеремын: 25 южтолэзе 2024 арын.
  45. ↑ Суд арестовал пятого обвиняемого по делу о теракте в "Крокус сити холле", TACC (25 южтолэзе 2024). Эскеремын: 25 южтолэзе 2024 арын.
  46. ↑ Суд арестовал седьмого фигуранта дела о теракте в "Крокусе", РИА Новости (25 южтолэзе 2024). Эскеремын: 25 южтолэзе 2024 арын.
  47. ↑ Екатерина КОСОБОКОВА | Суд арестовал восьмого фигуранта по делу о теракте в «Крокусе» Алишера Касимова [ӟуч]
  48. ↑ Росфинмониторинг внес напавших на «Крокус» в реестр террористов
  49. ↑ В суде раскрыли имя девятого фигуранта дела о теракте в "Крокусе" - Российская газета, Российская газета (29 южтолэзе 2024). Эскеремын: 29 южтолэзе 2024 арын.
  50. ↑ В Москве арестовали девятого фигуранта дела о теракте в «Крокусе», РБК (29 южтолэзе 2024). Эскеремын: 29 южтолэзе 2024 арын.
  51. ↑ Суд арестовал девятого фигуранта дела о теракте в "Крокусе", РИА Новости (29.03.2024). Эскеремын: 29 южтолэзе 2024 арын.
  52. ↑ Суд арестовал десятого фигуранта дела о теракте в "Крокусе", РИА Новости (01.04.2024). Эскеремын: 1 оштолэзе 2024 арын.
  53. ↑ СК раскрыл имя и роль еще одного фигуранта дела о теракте в «Крокусе», РБК (1 оштолэзе 2024). Эскеремын: 1 оштолэзе 2024 арын.
  54. ↑ Mash: фигуранта дела о теракте в «Крокусе» поставили на учет незаконно
  55. ↑ ФСБ сообщила о задержании еще троих фигурантов дела о теракте в «Крокусе», Ведомости (4 оштолэзе 2024). Эскеремын: 4 оштолэзе 2024 арын.
  56. ↑ Басманный суд арестовал еще одного фигуранта дела о теракте в «Крокусе», Известия (5 оштолэзе 2024). Эскеремын: 5 оштолэзе 2024 арын.
  57. ↑ ТАСС узнал о фигурантах дела о халатности после теракта в «Крокусе», РБК. Эскеремын: 8 оштолэзе 2024 арын.
  58. ↑ Силовики задержали еще одного фигуранта дела о теракте в «Крокусе», РБК (26 оштолэзе 2024). Эскеремын: 26 оштолэзе 2024 арын.
  59. ↑ В РФ задержали еще одного фигуранта дела о теракте в «Крокус Сити Холле», AiF (26 оштолэзе 2024). Эскеремын: 26 оштолэзе 2024 арын.
  60. ↑ Басманный суд арестовал 12-го фигуранта дела о теракте в «Крокусе», Известия (27 оштолэзе 2024). Эскеремын: 27 оштолэзе 2024 арын.
  61. ↑ Суд продлил арест предполагаемому исполнителю теракта в "Крокусе" Мирзоеву
  62. ↑ Суд продлил арест одному из исполнителей теракта в «Крокусе»
  63. ↑ Суд продлил арест всем исполнителям теракта в «Крокус Сити Холле»
  64. ↑ Суд продлил арест четверым пособникам напавших на "Крокус" террористов
  65. ↑ https://www.rbc.ru/rbcfreenews/664733029a79479f7e2e0666
  66. ↑ По делу о теракте в «Крокусе» арестовано 18 человек
  67. ↑ Суд продлил арест четырем обвиняемым в теракте в «Крокусе», РБК (16 гудырикошконэ 2024). Эскеремын: 20 гудырикошконэ 2024 арын.
  68. ↑ Суд продлил арест еще четырем обвиняемым в теракте в «Крокусе», РБК (19 гудырикошконэ 2024). Эскеремын: 20 гудырикошконэ 2024 арын.
  69. ↑ До 22 ноября продлили арест 4 фигурантов по делу о теракте в «Крокусе», AiF (20 гудырикошконэ 2024). Эскеремын: 20 гудырикошконэ 2024 арын.
  70. ↑ Еще один фигурант дела о теракте в «Крокусе» частично признал вину, РБК (23 гудырикошконэ 2024). Эскеремын: 23 гудырикошконэ 2024 арын.
  71. ↑ Виктория Шварц. Бастрыкин заявил, что по делу о теракте в "Крокус Сити Холле" обвиняются 27 фигурантов, Профиль (14 толшоре 2025). Эскеремын: 15 толшоре 2025 арын.
  72. ↑ Исполнителям теракта в «Крокусе» продлили арест до 24 марта, AiF (19.02.2025). Эскеремын: 19 тулыспалэ 2025 арын.
  73. ↑ В США арестовали террориста, инструктировавшего напавших на «Крокус», РБК. Эскеремын: 7 южтолэзе 2025 арын.
  74. ↑ В СК рассказали об изъятом оружии с места теракта в "Крокус сити холле", TACC. Эскеремын: 24 южтолэзе 2024 арын.
  75. ↑ Мария МАМАЕВА | В Душанбе ведут следственные мероприятия с родными террористов из «Крокуса» [ӟуч]
  76. ↑ Сергей Чиков | Бортников: Украина готовила боевиков на Ближнем Востоке [ӟуч]
  77. ↑ РБК, 27 марта 2024. Участника телеграм-группы с террористами из «Крокуса» вышлют из России
  78. ↑ ТАСС сообщил, что атаковавшие «Крокус» террористы были под наркотиками, РБК (28 южтолэзе 2024). Эскеремын: 28 южтолэзе 2024 арын.
  79. ↑ В крови террористов из "Крокуса" обнаружили психотропные наркотические вещества - Российская газета, Российская газета (28 южтолэзе 2024). Эскеремын: 2 оштолэзе 2024 арын.
  80. ↑ СК получил доказательства связи террористов из "Крокуса" с Украиной, РИА Новости (28 южтолэзе 2024). Эскеремын: 28 южтолэзе 2024 арын.
  81. ↑ Источник: под Душанбе задержали девять человек по делу об атаке на "Крокус", РИА Новости (20240329T1257). Эскеремын: 29 южтолэзе 2024 арын.
  82. ↑ Обвиняемые в теракте в "Крокусе" заявили, что ехали в Киев за наградой, РИА Новости (29.03.2024). Эскеремын: 29 южтолэзе 2024 арын.
  83. ↑ Задержанные в Дагестане террористы снабжали деньгами и оружием атаковавших "Крокус", TACC (1 оштолэзе 2024). Эскеремын: 1 оштолэзе 2024 арын.
  84. ↑ ФСБ заявила о причастности задержанных в Дагестане боевиков к теракту в «Крокусе», Известия (1 оштолэзе 2024). Эскеремын: 1 оштолэзе 2024 арын.
  85. ↑ В Турции задержали жителей Таджикистана по подозрению в подготовке теракта, РИА Новости (01.04.2024). Эскеремын: 1 оштолэзе 2024 арын.
  86. ↑ Пострадавшие в "Крокусе" просят СК возбудить дело в отношении владельцев комплекса, TACC (2 оштолэзе 2024). Эскеремын: 2 оштолэзе 2024 арын.
  87. ↑ Семерых фигурантов дела о теракте в «Крокусе» внесли в реестр террористов, РБК. Эскеремын: 9 оштолэзе 2024 арын.
  88. ↑ Путин: Спецслужбы продолжают выявлять заказчиков и спонсоров теракта в "Крокусе" - Российская газета, Российская газета (24 оштолэзе 2024). Эскеремын: 24 оштолэзе 2024 арын.
  89. ↑ Росфинмониторинг раскрыл, как финансировался теракт в "Крокусе" - Российская газета, Российская газета (25 оштолэзе 2024). Эскеремын: 25 оштолэзе 2024 арын.
  90. ↑ СК возбудил дело об оказании небезопасных услуг в связи с нападением на "Крокус"
  91. ↑ Стало известно о пяти новых фигурантах дела о теракте в "Крокусе", РИА Новости (29 гудырикошконэ 2024). Эскеремын: 29 гудырикошконэ 2024 арын.
  92. ↑ Стали известны подробности о новом фигуранте по делу о теракте в "Крокусе", РИА Новости (29 гудырикошконэ 2024). Эскеремын: 29 гудырикошконэ 2024 арын.
  93. ↑ Пятеро фигурантов дела о теракте в "Крокусе" обеспечивали нападавших оружием, TACC (29 гудырикошконэ 2024). Эскеремын: 29 гудырикошконэ 2024 арын.
  94. ↑ Четыре фигуранта дела о теракте в «Крокусе» состояли в «Вилаят Хорасан», РБК. Эскеремын: 3 коньывуонэ 2024 арын.
  95. ↑ В деле «Крокуса» взят новый след
  96. ↑ Стали известны личности передавших оружие напавшим на «Крокус» террористам, Известия (2 шуркынмонэ 2024). Эскеремын: 2 шуркынмонэ 2024 арын.
  97. ↑ Четырем фигурантам дела о теракте в «Крокусе» переквалифицировали обвинение, AiF (20 шуркынмонэ 2024). Эскеремын: 20 шуркынмонэ 2024 арын.
  98. ↑ В Ингушетии задержали предполагаемых пособников напавших на "Крокус" террористов, TACC (4 толсуре 2024). Эскеремын: 5 толсуре 2024 арын.
  99. ↑ Anadolu: подельникам террористов из "Крокуса" грозит 15 лет тюрьмы в Турции, TACC (2 толшоре 2025). Эскеремын: 2 толшоре 2025 арын.
  100. ↑ Предварительное следствие по делу о теракте в «Крокус Сити Холле» завершилось
  101. ↑ Владелец «Крокус Сити Холла» признан потерпевшим по делу о теракте
  102. ↑ Обвиняемые в теракте в "Крокусе" планировали еще один в Каспийске, TACC (23 инвожое 2025). Эскеремын: 24 инвожое 2025 арын.
  103. ↑ ТАСС узнал о раскаявшемся исполнителе теракта в «Крокусе», РБК (30 инвожое 2025). Эскеремын: 30 инвожое 2025 арын.
  104. ↑ Экспертиза признала вменяемыми исполнителей теракта в «Крокус Сити Холле», РБК. Эскеремын: 14 оштолэзе 2025 арын.
  105. ↑ Генпрокуратура направила в суд дело о теракте в "Крокусе", TACC (1 пӧсьтолэзе 2025). Эскеремын: 1 пӧсьтолэзе 2025 арын.
  106. ↑ По делу о теракте в "Крокусе" в судебном процессе примет участие не более 150 потерпевших, TACC (21 пӧсьтолэзе 2025). Эскеремын: 21 пӧсьтолэзе 2025 арын.
  107. ↑ Пособнику террористов из «Крокуса» в Новосибирске дали 14 лет колонии, Атас.Инфо (22 пӧсьтолэзе 2025). Эскеремын: 22 пӧсьтолэзе 2025 арын.
  108. ↑ МИД назвал «кровавым терактом» произошедшее в «Крокус Сити Холле», РБК (22 южтолэзе 2024). Эскеремын: 22 южтолэзе 2024 арын.
  109. ↑ Патриарх Кирилл молится об упокоении душ погибших при ЧП в "Крокус сити холле", TACC. Эскеремын: 22 южтолэзе 2024 арын.
  110. ↑ В Москве отменили все массовые мероприятия после атаки на «Крокус-Сити», РБК. Эскеремын: 22 южтолэзе 2024 арын.
  111. ↑ ГСУ СК России возбудило уголовное дело о теракте в Московской области, TACC. Эскеремын: 22 южтолэзе 2024 арын.
  112. ↑ Медведев призвал к «тотальной казни террористов» после нападения в Москве, РБК. Эскеремын: 22 южтолэзе 2024 арын.
  113. ↑ Обращение Владимира Путина к россиянам, РИА Новости. Эскеремын: 23 южтолэзе 2024 арын.
  114. ↑ Заявление Путина в связи с терактом в «Крокус Сити Холле». Трансляция, Известия. Эскеремын: 23 южтолэзе 2024 арын.
  115. ↑ Спасшим людей при теракте в «Крокусе» школьникам вручили награды Известия.
  116. ↑ Спасавших людей в «Крокусе» Донскова и Мейер наградили в Общественной палате
  117. ↑ Глава РПЦ высказался о русском национализме, Росбалт. Эскеремын: 27 южтолэзе 2024 арын.
  118. ↑ Путин наградил подростков, спасавших людей во время теракта в «Крокусе», Известия (2 куартолэзе 2024). Эскеремын: 2 куартолэзе 2024 арын.
  119. ↑ Указ Президента Российской Федерации от 02.05.2024 № 300 "О награждении государственными наградами Российской Федерации"
  120. ↑ Путин посмертно наградил пытавшегося обезвредить террориста в «Крокусе» мужчину, Известия (8 пӧсьтолэзе 2024). Эскеремын: 8 пӧсьтолэзе 2024 арын.
  121. ↑ РБК, 31 июля 2024. Краснов увидел просчеты органов власти в терактах в «Крокусе» и Дагестане
  122. ↑ ЦРУ в срочном порядке уведомляло Россию о подготовке теракта, заявил Херш РИА-Новости.
  123. ↑ РИА Новости, 23 марта 2024. ХАМАС осудило теракт в «Крокусе»
  124. ↑ РБК, 23 марта 2024. МИД Афганистана осудил теракт в подмосковном «Крокусе»
  125. ↑ ТАСС, 23 марта 2024. «Хезболлах» осудила теракт в Москве. Шиитская организация назвала произошедшее в «Крокус сити холле» кровавым терактом
  126. ↑ Совбез ООН почтил минутой молчания память погибших в "Крокусе"
  127. ↑ Игравшая в «Крокусе» группа Garbage выразила соболезнования после теракта, РБК. Эскеремын: 27 южтолэзе 2024 арын.
  128. ↑ Граждане Таджикистана больше не смогут въехать в Турцию без визы, РИА Новости (6 оштолэзе 2024). Эскеремын: 6 оштолэзе 2024 арын.
  129. ↑ Возле «Крокуса» начали возводить мемориал жертвам теракта, Коммерсантъ (21 тулыспалэ 2025). Эскеремын: 21 тулыспалэ 2025 арын.
  130. ↑ Открытие мемориала жертвам теракта в «Крокус Сити Холле». Фоторепортаж, РБК (22 южтолэзе 2025). Эскеремын: 24 южтолэзе 2025 арын.
  131. ↑ Центробанк рекомендовал списать долги погибших при теракте в "Крокусе", РИА Новости (25.03.2024). Эскеремын: 25 южтолэзе 2024 арын.
  132. ↑ Центробанк предложил банкам простить долги погибших в «Крокусе», РБК. Эскеремын: 25 южтолэзе 2024 арын.
  133. ↑ Группа «Пикник» проведет концерт памяти в Петербурге, РБК (26 южтолэзе 2024). Эскеремын: 26 южтолэзе 2024 арын.
  134. ↑ news.ru
  135. ↑ Воробьев заявил, что на месте «Крокуса» не будет концертного зала, РБК (29 инвожое 2024). Эскеремын: 29 инвожое 2024 арын.
  136. ↑ Напавшие на «Крокус» террористы планировали атаковать центр Москвы - Газета.Ru | Новости, Газета.Ru (20 южтолэзе 2025). Эскеремын: 20 южтолэзе 2025 арын.
  137. ↑ Курнакова, Ирина. Несломленные. В Москве состоялась премьера фильма о трагедии в «Крокусе», AiF. Эскеремын: 24 южтолэзе 2025 арын.
  138. ↑ Купившего террористам билеты в «Крокус» приговорили к 14 годам колонии, AiF (21 пӧсьтолэзе 2025). Эскеремын: 22 пӧсьтолэзе 2025 арын.
  139. ↑ Анна Холодкова Суд приговорил к 14 годам колонии помощника обвиняемых в теракте в «Крокусе»

Чӧлсконъёс

«https://udm.ruwiki.ru/w/index.php?title=Крокус_Сити_Холлын_луэм_теракт_(2024)&oldid=506782»-ысь басьтэмын