Коновалов, Алексей Дмитриевич

Алексей Дмитриевич Коновалов
Вордӥськем дырыз	25-тӥ коньывуонэ 1919(1919-10-25)
Вордӥськем интыез	Тимошкино черкогурт, Оренбург, Оренбург губерния
Кулэм дырыз	19-тӥ толсуре 1943(1943-12-19) (24 арес)
Кулэм интыез	Липовка, Невель ёрос, Калинин улос, РСФСР, СССР
Кунмуртлыкез	СССР СССР
Кыӵе войскоез	пехота
Служить карон аръёсыз	1941—1943
Званиез
Ожмаськонъёс/ожъёс	Быдӟым Атыкай ож
Данъетъёсыз
Медиафайлъёс РувикиМедиа пушкын

Алексей Дмитриевич Коновалов (1919—1943) — лейтенант , Быдӟым Атыкай оже пыриськем мурт, Совето Союзлэн Героез (1944).

Улон сюресэз

Вордӥськиз 1919-тӥ арын 25-тӥ коньывуонэ Тимошкино черкогуртын (али дыре — Оренбург улосысь Матвеев ёрос). Школаысь сизьым классэз йылпумъяса, дышетсконзэ нюлэс возёсъя техникумын азьланьтӥз. Собере Удмурт АССР-ысь Калык комиссариатлэн Гурт возёс удысысь нюлэс утёнъя ёзэтаз Абдулиноын но Ижкарын инспектор луыса ужаз.

1941-тӥ арын шуркынмонэ Горд Армие басьтӥзы. 1942-тӥ арын Смоленскысь пехотая училищеез йылпумъяз. 1943-тӥ арын шуркынмонысен фронтын ожмаськиз, 2-тӥ Прибалтийской фронтысь 6-тӥ гвардейской армилэн 51-тӥ гвардейской стрелковой дивизилэн гвардейской отдельной учебной батальонлэн курсантской ротаеныз командовать кариз. Псков улосэз мозмытон ожъёсын сэзь луэменыз висъяськиз.

1943-тӥ арын 18-тӥ толсурысь 19-тӥе выжон уе Коноваловлэн ротаез йӧэн шобырскем ты вылтӥ, тушмонлэн мышпалтӥз, Невель ёросысь Липовка гурт доры потыса, отчы кужмысь пыриз но Липовкаысь немец гарнизонэз пазьгиз. Рота 15 час ӵоже оборонаез азинлыко возиз, тушмонлэсь 7 контратаказэ пазьгиз, 250 пала немец солдат-офицерез быдтӥз. Со ожмаськонын ачиз Коновалов кык пол сӧсырмыны шедиз, озьы ке но, ожмаськонзэ азьланьтӥз, вир виямлэсь ож лудын ик кулӥз. Ватэмын Невель ёросысь Песок гуртын.

СССР-ысь Вылӥ Кенешлэн Президиумезлэн 1944-тӥ арын 4-тӥ инвожое гожтэм косэтэзъя «командованилэсь заданиоссэ ӟеч быдэстэмез но немец захватчикъёсын геройлыко ожмаськемез понна» гвардилэн лейтенантэз Алексей Коновалов кулэмез бере Совето Союзлэн Героез дано нимын пусъемын но Ленин орденэн данъетамын.

Невель ёросысь Сыроевщина черкогуртын Коноваловлы синпелет пуктэмын .

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Россовский В. П. Золотые звёзды Оренбуржья: биографический справочник. — Челябинск: Южно-Уральское книжное издательство, 1989. — 508 с. — ISBN 5-7688-0185-5.
• Золотые звёзды Оренбуржья: биографический справочник / В. П. Россовский; ред. Е. А. Урбанович; рец. У. А. Батыров, Н. М. Румянцев. — изд. 2-е, перераб. и доп. — Оренбург: ИПК «Южный Урал», 2005. — С. 354—355. — 595 с. — ISBN 5-94461-009-3.
• Оренбуржцы — Герои Советского Союза: библиографический указатель / Библиогр. отд.; сост. Н. А. Кузнецова. — 1. — Оренбург: Областная научная библиотека имени Н. К. Крупской, 1987. — С. 66. — 155 с.
• ГСС, ГРФ, ПКОС — наши земляки. — Ижевск, 1995.