Кирьянов, Павел Николаевич

Павел Николаевич Кирьянов
Павел Николаевич Кирьянов
Вордӥськем дырыз	2-тӥ толшоре 1919
Вордӥськем интыез	Сарапул утем, Ватка губерния, РСФСР[d];
Кулэм дырыз	24-тӥ пӧсьтолэзе 1941 (22 года)
Кулэм интыез	Гарболов гурезь котырын, Карело-Финской ССР, СССР
Кунмуртлыкез	СССР
Кыӵе войскоез	танковой войскоосын[d]
Служить карон аръёсыз	1937—1941
Званиез
Частез	35-тӥ легкотанковой бригада
Командовать кариз	танковой взводэн
Ожмаськонъёс/ожъёс	Советско-финляндской ож (1939—1940)[d]; Быдӟым Атыкай ож;
	Медиафайлъёс РувикиМедиа пушкын

Па́вел Никола́евич Кирья́нов (2-тӥ толшоре 1919, Сарапул утем, Ватка губерния — 24-тӥ пӧсьтолэзе 1941, Карело-Финская ССР^[d], СССР) — танклэн командирез, Советско-финской но Быдӟым Атыкай ожъёсы пыриськем мурт, Совето Союзлэн Героез.

Улон сюресэз

Вордӥськиз 1919-тӥ арын 2-тӥ толшоре Ижболдино^{[К 1]} гуртын. 1935-тӥ арын Сарапулысь сизьым классъем школаез йылпумъяз но механической техникуме дышетскыны пыриз. Кык курс дышетскыса, мылкыд каремезъя армие кошкиз. Сарапульской военной комиссариат сое Саратовысь бронетанковой училищеее ыстӥз. 1938-тӥ арын Всероссийской коммунистической партие пыриз. Училищеез йылпумъямез бере 1939-тӥ арын Ленинградысь военной округын служить кариз^[3].

Советско-финской ожмаськонэ пыриськиз. Уйпал-Шундыпуксёнпал фронтысь 7-тӥ армилэн 35-тӥ легкотанковой бригадалэн боевой обеспечения 37-тӥ отдельной ротаезлэн танковой взводэныз командовать кариз^[4]. Со ожын Кирьяновлэн танк экипажез трос пол сэзь ожмаськеменыз висъяськылӥз.

Одӥгаз ожмаськонын противотанковой пыӵалъёсысь тушмон тямыс пол шонерак Кирьяновлэн танказ йӧтттӥз, огнемётэз, азьпал но берпал пулемётъёсыз сӧриськизы, командирез сӧсырмыны шедиз ке но, управленизэ ӧз кушты^[5].

Тушмон палтӥ мышласянь котырскыкузы танклэн двигателез ужамысь дугдӥз. Финнъёс дугдэм машинаез ӝегатскытэк куинь тягач-тракторъёсын кыскыса нуыны йӧндыризы. Соку механик шӧдтэк шорысь машинаез заводьыны быгатӥз но танк вань ӝоглыкеныз тракторъёсты фронт линия сьӧры поттыса, пленэ басьтӥз^[5].

Огпол Кирьяновлэн танкез снарядлэсь кылем воронкае мур лымые тайиз. Командир машинаез котыртэм финнъёсын жугиськыны кутскиз, кынманзы шоры учкытэк, танкистъёс кӧня ке час ӵоже ыбылӥськизы, нош машинаысьтызы ӧз потэ. Совето частьёс вуэм бере, ӟонгырам экипажез санбатэ нуизы^[5].

1940-тӥ арын 6-тӥ тулыспалысен 24-тӥ тулыспалозь Кирьяновлэн танкез огнемётъёсысь но пулемётъёсысь тушмонлэсь кӧня ке огневой сооружениоссэ но трос солдат-офицерез быдтӥз^[4].

СССР-ысь Вылӥ Кенешлэн Президиумезлэн 1940-тӥ арын 21-тӥ южтолэзе гожтэм Косэтэзъя «финн белогвардейщинаен нюръяськонын командованилэсь боевой заданиоссэ ӟеч быдэсъямез но геройлыко ожмаськемез понна» лейтенантлы Кирьянов Павел Николаевичлы Совето Союзлэн Героез дано ним сётэмын но Ленин орденэн но «Зарни Кизили» медален пусъемын (426-тӥ номер).

«Тол ож» бере лейтенант Кирьянов РККА-лэн Моторизацияя но механизация военной академияз дышетскиз. Быдӟым Атыкай ож кутскем бере выльысь фронтэ кошкиз. Ожмаськиз Петрозаводской направлениын. Танковой батальонлэн командирезлэн воштӥсез вал. 1941-тӥ арын 24-тӥ пӧсьтолэзе огаз ожмаськонын Кирьянов Карелиын Гарболов гурезь котырын чиптэм-чаптэм ышиз^[4].

1941-тӥ арын 19-тӥ гудырикошконэ ТАСС-лэн пресс-бюроез Павел Николаевич Кирьянов сярысь тазьы гожтӥз^[3]:

Совето сухопутной броненосец корт сильтӧл выллем белофиннъёс мышкытӥ ортчиз, тылын но ударной кужмын сюрес вылысьтыз ваньзэ маялтыса быдтӥз. Совето Союзлэн Героез Кирьянов аслаз экипаженыз боевой заданиез геройлыко быдэстӥз.

Буре ваён

Геройлэн нимыз Кировысь Пионер Дворецлэн парказ Совето Союзлэн Геройёсызлы сӥзем мемориал пул вылын гожтэмын

Геройлэн нимыз Кировысь Пионер Дворецлэн парказ Совето Союзлэн Геройёсызлы сӥзем мемориал пул вылын гожтэмын.

Комментарийёс

↑ Ижболдино гурт^[1], азьвыл Сарапул уездысь Чеганда волосте пыре вал, быремын; али — Удмурт Элькунысь Каракулино ёрослэн интывылыз лыдъяське^[2].

Валэктонъёс

↑ См. на карте 1930 года
↑ Виктор_В Ижболдино [ӟуч] Родная Вятка. Эскеремын 2019-09-04 арын
↑ ¹ ² Кулёмин И. Г., Сентемова Л. Ф., Ислентьева Р. А. Герои Советского Союза, Герои Российской Федерации, полные кавалеры Ордена Славы — наши земляки. — Ижевск: Удмуртия, 1995. — С. 60. — 272 с. — ISBN 5-7659-0639-7.
↑ ¹ ² ³ Сайт «Герои страны».
↑ ¹ ² ³ Кулёмин И. Г. Героев наши имена. — Ижевск: Удмуртия, 1975. — С. 112. — 212 с.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Чӧлсконъёс

Павел Николаевич Кирьянов [ӟуч] «Герои страны» сайт. Эскеремын 2013-02-22 арын

[3] Ижболдино гурт^[1], азьвыл Сарапул уездысь Чеганда волосте пыре вал, быремын; али — Удмурт Элькунысь Каракулино ёрослэн интывылыз лыдъяське^[2].

[1] См. на карте 1930 года

[2] Виктор_В Ижболдино [ӟуч] Родная Вятка. Эскеремын 2019-09-04 арын

[Кулёмин_1995-4] ¹ ² Кулёмин И. Г., Сентемова Л. Ф., Ислентьева Р. А. Герои Советского Союза, Герои Российской Федерации, полные кавалеры Ордена Славы — наши земляки. — Ижевск: Удмуртия, 1995. — С. 60. — 272 с. — ISBN 5-7659-0639-7.

[wh-5] ¹ ² ³ Сайт «Герои страны».

[Кулёмин_1975-6] ¹ ² ³ Кулёмин И. Г. Героев наши имена. — Ижевск: Удмуртия, 1975. — С. 112. — 212 с.

[К 1]

[3]

[4]

[5]

[1]

[2]