Кам шур вамен Камбаркаысь выж

Кам шур вамен Камбаркаысь выж
56°14′56″ с. ш. 54°08′08″ в. д.
Кутӥськемез	автомобильёслы
Кыӵе шур вамен	Кам
Интыяськемез	Удмуртия
Конструкциез
Огъя кузьдалаез	1082 м
Кӧня ветлон полосаез	2
Эксплуатация
Усьтэмын	2017

Кам шур вамен Камбаркаысь выж (ӟуч: Мост через Каму в Камбарке) — 1 иськемлэсь кузьгес выжен лэсьтос, Камбарка кар дорын интыяськемын, сюрес комплексэ пыре, Кам но Буй шуръёс вамен выжонлэн огъя кузьдалаез 15,5 иськем луэ, Татарстанысь, Башкириысь, Удмуртиысь, Предуральеысь улосъёсысь но Урал котырысь кӧня ке улосъёсысь транспорт ӧръёсты герӟа.

Лэсьтосэз 2017-тӥ арын сӥзьыл эксплуатацие лэзизы. Выж кылдэмен, Ижкарысь Уфае мынон сюрес 150 иськемлы вакчиёмиз.

Лэсьтӥськонлэн историез

Удмуртиын Камбарка кар котырын Кам шур вамен выжез лэсьтон сярысь совето вакытэ ик кенешылӥзы ни вал. Выж Кам шурлэн мукет ярдураз интыяськем Камбарка ёросэз республикалэн мукет люкетэныз герӟаны но Уфа но Екатеринбург дорозь меӵак сюрес лёгыны кулэ вал. Со вакытэ Камбаркаозь гужем паромъёсын гинэ, нош толалтэ йӧ вылтӥ выжыны луылӥз. Урод куазен транспортъёслы котыр сюрес утчано луылӥз.

Проектэз быдэстон борды 2013-тӥ арын гинэ басьтӥськизы, соку Удмурт Элькунысь Кивалтэт, «Улосысь инвестицияя компания» ООО (РИК) но ВТБ банк Кам но Буй шуръёс вамен дунын выжъёс но соос дорозь вуттӥсь сюресъёс лэсьтон сярысь концессияя огкыл юнматӥзы. Проектлэн дуныз 14 миллиард манет луиз, та пӧлысь 1,3 миллиардэз — республикалэн бюджетысьтыз висъямын вал, 2,5 миллиард манет РФ-ысь Инвестициосъя фонд сётӥз, ещё вить миллиард манет — ВТБ банк 15 арлы кредит чот. Мукет коньдонэз концессионер шедьтӥз-кыскиз.

Камбарка кар дорысь Кам но Буй шур вамен выжъёсты лэсьтон берло аръёс ӵоже Удмуртиысь тужгес бадӟымез инвестпроект луиз. Солэн валтӥсь аспӧртэмлыкез — коньдон висъян амал: Россиын кун но частной партнёрство куспын сюрес лэсьтонысь со нырысетӥез улос проект.

Лэсьтӥськон дыр 3 арлы юнматэмын вал. Та дыр куспын ньыль выжъёс ӝутыны чакламын вал: Кам но Буй шуръёс вамен кык валтӥсь выжъёс но Камбарка но Вагановка шуръёс вамен кык пичи выжонъёс.

Пуктӥськонлы дасяськонъя бадӟым уж 2013-тӥ ар пумозь йылпумъяськиз: нюлэс корамын, производственной базалы но лэсьтӥськонлы инты дасямын, выж ӝутӥсьёслы улыны городок пуктэмын, Россиысь кӧня ке улосъёсысь ужасьёслэн но выжъёсты лэсьтӥсьёслэн бригадазы кылдытэмын-люкамын вал.

Объектын 800 адями ужаз, лэсьтӥськон уен-нуналэн мынӥз. 200 тоннаем блокъёс музъем вылын дуремын но домкратъёсын азьлань итылыса-кыскыса юнматэмын, ӝоглыкез часкын 3 метрозь вуылӥз. Нимысьтыз лабораториын ужасьёс но ӟечлыкез эскеронъя экспертъёс лэсьтӥськонэ вуттэм луоез, векчи изъёсты но бетонэз чакласа возизы. 2016-тӥ арын комплекс 80 процентлы дась вал, нош выж вылтӥ машинаосты шуркынмонэ лэзизы. Пуктӥськон йылпумъяськем бере выж кышкыт луисьтэм но секытэз вормонъя вань туала куронъёслы тупаз.

Кам шур вамен ӝутэм выж дорозь сюресъёслэн валтӥсь тодметъёссы

• Машинаосты лэзён луонлык — уй-нунал куспын 6000—14000 легковой автомобиль;
• 2 категориен сюрес;
• Мынонлэн чаклам ӝоглыкез — 120 км/ч;
• Мынон полосаослэн лыдзы — 2;
• Мынон полосалэн пасьталаез — 3,75 метр;
• Мынон люкетлэн пасьталаез — 7,75 метр;
• Сюрес дурлэн пасьталаез — 3,75 метр.

Быдэс лэсьтослэн кузьдалаез

• Быдэс объектлэн кузьдалаез — 15,505 иськем;
• Кам шур вамен выжлэн но дораз нуись сюресъёслэн огъя кузьдалазы — 10,265 иськем;
• Буй шур вамен выжлэн но дораз нуись сюресъёслэн огъя кузьдалазы — 5,24 иськем;
• Кам шур вамен выжлэн кузьдалаез — 1082 метр;
• Буй шур вамен выжлэн кузьдалаез  — 224 метр;
• Кам шурлэн паллян палысьтыз выж дорозь нуись сюреслэн кузьдалаез — 3,775 иськем;
• Кам шурлэн бур палысьтыз выж дорозь нуись сюреслэн кузьдалаез — 5,408 иськем;
• Буй шур вамен выжъёс дорозь нуись сюреслэн кузьдалаез — 5,016 иськем;
• Ву вадьсын ӝуждалаез — ог 27 метр.

Валэктонъёс