Васильев, Иоанн Васильевич
| Иоанн Васильевич Васильев | |
|---|---|
 | |
| Вордӥськем дырыз | 1-тӥ куартолэзе 1858 |
| Вордӥськем интыез | |
| Кулэм дырыз | 1927 |
| Кулэм интыез | |
| Кун | |
| Дышетскемез | |
Иоанн Васильевич Васильев (1-тӥ куартолэзе 1858, Ӟуння, Кузон губерния — 1927, Шаркан, Удмурт автономной область) — Росси но совето вакытысь удмурт гожъяськись-югдытӥсь, иерей миссионер, этнограф. Педагогикая образование басьтэм удмуртъёс пӧлысь нырысетӥез луэ.
Улон сюресэз
Вордӥськиз 1858-тӥ арын 1-тӥ (13-тӥ) куартолэзе Ӟуннялан. Дышетскиз Кузонысь крашин-бигер школаын. Сое йылпумъямез бере, 1874-тӥ арын Учительской инородческой семинарие пыриз. Семинариын дышетсконзэ йылпумъяса, 1878-тӥ арысен Пичи Пурга, Буран но Юсь черкогуртъёсын дышетӥсь луыса ужаз. 1881-тӥ арысен Сарапул уездын миссионер чотын сверхштатной дьяконлэсь ужзэ быдэсъяз. Со вакытэ ик удмуртъёслэн улэм-вылэмзы сярысь этнографической исследованиос ортчытъяз[1][2][3][4].
1885-тӥ арын, черк ужасе дышетскымтэ муртэ, Ваткаын иерей санэ пыртыса, Буран черкогуртэ службае ысто. 1890-тӥ—1893-тӥ аръёсы Мазунино черкогуртысь черкын службаос нуылӥз, 1893-тӥ—1908-тӥ аръёсы — Пичи Пургалан, 1908-тӥ—1927-тӥ аръёсы — Шаркан черкогуртын. Шаркан благочиннической округен кивалтӥз[1][2].
Васильевлэн эскерон ужъёсыз удмуртъёслэн этнографизылы но фольклорлы сӥземын. XX даурлэн кутсконысеныз со Кузон университет улсын ужась Археологияя, историяя но этнографияя дэменлыклэн ёзчиез вал[4][1]
1906-тӥ—1907-тӥ аръёсы «Вятские епархиальные ведомости» газетын этнографилы сӥзем кӧня ке ужъёссэ печатлаз[1][2]. Васильевлэн тодос ужъёсыз пӧлысь тужгес юн саклык висъяло «Обозрение языческих обрядов, суеверий и верований вотяков Казанской и Вятской губерний» книгаезлы. Со графической но фольклорной материал вылэ пыкиськыса гожтэмын, ӟуч но немец кылъёсын поттэмын. Книгаын удмурт калыклэн сям-йылолъёсыз, этика ласянь улэм-вылэмез возьматэмын. Этнографъёс та книгаез XIX даур пумысь удмуртъёслэн этнографизыя источник чотын куто. Та уж Поволжьеысь югдытӥсьёслэн этнографилы сӥзем эскеронъёссы пӧлысь тужгес устоез лыдъяське[4].
Библиография
- Обозрение языческих обрядов, суеверий и верований вотяков Казанской и Вятской губернии. — Казань, 1906.— 88 с.
- Обозрение языческих обрядов, суеверий и верований вотяков Казанской и Вятской губернии. — На немецком языке. — Хельсинки, 1902.
- Понятие о вотских мыжах // Вятские Епархиальные ведомости. — 1906. — № 5—6. — С. 146—148.
- О значении вотских слов Од и Уд и Орт н Урт и происхождение слов удмурт и вотяк // Вятские Епархиальные ведомости. — 1906. — № 19. — С. 657—659.
- Языческие имена // Известия Общества изучения Прикамского края. — Сарапул, 1917. — Вып. 1. — 27 с.
- Об отношениях снох и стариков у вотяков // Известия Общества изучения Прикамского края.— С. 27—28.
- О вотяках Сарапульского уезда. К родовым именам // Известия Общества изучения Прикамского края. — С. 73—74.
- Мистерия вотяков // Известия Общества изучения Прикамского края. — С. 74—75[5][6].
Валэктонъёс
- ↑ 1 2 3 4 Загребин, 2012, с. 96.
- ↑ 1 2 3 Туганаев, 2008, с. 226—227.
- ↑ Уваров, 1989, с. 78.
- ↑ 1 2 3 Христолюбова, 1997, с. 38.
- ↑ Уваров, 1989, с. 78—79.
- ↑ Христолюбова, 1997, с. 38—39.
Литература
- Васильев Иоанн Васильевич / Шумилов Е. Ф. // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
- Васильев Иоанн Васильевич // Удмуртская Республика : Культура и искусство : Энциклопедия / гл. ред. А. Е. Загребин. — Ижевск : Удмуртский институт истории, языка и литературы УрО РАН, 2012. — 540 с. — 300 экз. — ISBN 978-5-901304-62-4.
- Иоанн Васильев // Писатели Удмуртии : Библиографический справочник / сост. А. Н. Уваров. — Ижевск : Издательство «Удмуртия», 1989. — 464 с. — 5000 экз. — ISBN 5-7659-0131-X.}
- Христолюбова Л. С. Васильев Иоанн Васильевич // Учёные — удмурты : Биобиблиографический справочник / рецензенты В. Н. Савельев, В. К. Кельмаков и др. — Ижевск : Удмуртия, 1997. — 860 с. — 1200 экз. — ISBN 5-7659-0645-1.