Дэри починка

Бырем гурт
Дэри починка
56°46′34″ с. ш. 53°23′36″ в. д.
Кун	Россия Россия
Федерацилэн асмосэз	Удмурт Элькун
Муниципал ёрос	Дэри
Дэри починка Москва

Дэри починка (ӟуч: Починок Новозавьяловский) — Удмурт Элькунысь Дэри ёросысь бырем гурт.

Интыяськемез

Интыяськемын Дэри черкогуртлэсь 1,2 иськемлы палэнын, шундыӝужан палан, Нимтэм шурлэн кутсконаз, Быдвайка шурлэн бурпал вайшураз но Поӟым шурлэн паллянпал вайшураз.

Ватка губернилэн статистикая материалъёсаз, 1884-1893-тӥ аръёсы ортчытэм подворной описьын интыяськемез сярысь тазьы гожтэмын:

Дэри починка Изошур ошмес дорын интыяськемын (ӟуч нимыз — Каменный ключ), уезд карлэсь 45 иськемлы палэнын, матысь гуртъёслэсь — 3 иськемлы. Улӥсьёсыз — ӟучъёс, азьвыл кун луись крестьянъёс, осконзыя — православнойёс. Татчы Иж заводысь лыктыса улыны интыяськемын.

Историез

Гурт сярысь нырысь веранъёс пумисько архив документъёсын, В. А. Старостинлэн «Книга Вятских родов» ужаз, «Реестр селений и жителей на 1891 г» люкетаз. Отын со вакытэ 9 семья но 27 улӥсез пусъемын.

Гуртоослэн верамзыя, гурт бырыку, татын улӥсь Бакулевъёс корказэс салазки вылэ понӥллям но пӧсь шыдэнызы валче шур дуртӥ васькытӥллям. Гольян сюрес дуре дугдыса, отчы корказэс пуктӥллям но гурысьтызы шыдзэс поттыса сиськыны кутскиллям. Али но та корка со интыын ик сылэ на, пе.

1897-тӥ арын 1-тӥ толшоре ортчытэм нырысетӥ переписья, починкаын 12 улон юрт но 75 улӥсез лыдъямын вал. Соос пӧлын 41 воргорон но 34 кышномурт пусъемын. Соос татчы Иж заводысь ужлы ёрмыса интыяськоно луиллям.

1939—1962-тӥ аръёсы Дэри починка Дэри ёросысь Дэри сельсоветэ пыртэмын вал. УАССР-ысь Вылӥ Кенешлэн Президиумезлэн 1962-тӥ арын 31-тӥ южтолэзе гожтэм косэтэзъя Дэри починка Дэри сельсоветлэн пушпӧлысьтыз поттэмын вал. 1983-тӥ арын 19-тӥ куарусёнэ гожтэм косэтъя быдэсак учётысь поттэмын.

Валэктонъёс

Чӧлсконъёс

• Составители: О.М.Безносова, С.Т.Дерендяева, А.А.Королёва. Справочник по административно-территориальному делению Удмуртии. — Ижевск: Удмуртия, 1995. — С. 287. — 744 с.