Чистяков, Дмитрий Александрович
| Дмитрий Александрович Чистяков | |
|---|---|
 | |
|
| |
.svg){kind=small} Ижкарлэн тӧроез
.svg){kind=small} |
|
| 2023-тӥ арын 6-тӥ куарусёнысен | |
| Элькунлэн тӧроез | Владимир Путин |
| Улослэн тӧроез | Александр Бречалов |
| Азьпалчиез | Владимир Гуляев (врио) |
|
|
|
| Вордӥськемын |
11-тӥ куартолэзе 1972 (54 арес) Ижкар, Удмурт АССР, РСФСР, СССР |
| Дышетскемез | Правоя «ТИСБИ» академия, Россиысь Кун службая но калык хозяйствоя академия |
Дми́трий Алекса́ндрович Чистяко́в (ворд. 1972-тӥ арын 11-тӥ куартолэзе Ижкарын ) — Россиысь политика удысын ужась, Ижкарлэн тӧроез (2023-тӥ арын 6-тӥ куарусёнысен — али дырозь).
Улон сюресэз
Вордӥськиз 1972-тӥ арын 11-тӥ куартолэзе Ижкарын Удмурт АССР-ын. Школа бере Правоя «ТИСБИ» академиын «Юриспруденция» удысъя дышетскиз (2004-тӥ ар). Берлогес Россиысь Кун службая но калык хозяйствоя академиез «Государственное и муниципальное управление» удысъя йылпумъяз (2017-тӥ ар).
1992-тӥ—1993-тӥ аръёсы Росси Федерацилэн Ожгар кужымъёсаз служить кариз, Приднестровской Молдавской Республикаын 14-тӥ армиын. Демобилизовать каремын младшой сержант званиен.
1994-тӥ—2003-тӥ аръёсы Удмурт Элькунысь инкассация управлениын (НБ УР ЦБ РФ) нырысь инкассатор луыса ужаз, собере Ижкар участокен кивалтӥз.
2003-тӥ арысен 2017-тӥ арозь федерал банкъёсын кивалтон интыужъёсын тыршиз. 2015-тӥ арысен 2017-тӥ арозь — Ижкар думалэн VI ӧтчамысьтыз депутатэз. 2017-тӥ арысен 2023-тӥ арозь — Ижкар Администрацилэн мерлыко ужпумъёсъя тӧролэн воштӥсез.
«Единая Россия» партилэн ёзчиез.
2023-тӥ арын 5-тӥ куарусёнэ Кар думалэн 27-тӥ сессияз депутатъёс Ижкарлы тӧрое кык ӵектэм мурт пӧлысь Дмитрий Чистяковез бырйизы[1]. 6-тӥ куарусёнысен Ижкарлэн тӧроез луэ.
Семьяез
Кузпалъяськемын. Быдэ вуымтэ нылпиез вань[2].
Данъетъёсыз
- «Ижкар» муниципал кылдытэтлэн тӧроезлэн Таукаронэз (2012-тӥ ар),
- «Ижкар» муниципал кылдытэтлэн тӧроезлэн Данъян грамотаез (2013-тӥ ар),
- Удмурт Элькунысь Кун Кенешлэн Данъян грамотаез (2017-тӥ ар)[3].