Дербушев, Фёдор Михайлович

Фёдор Михайлович Дербушев
Вордӥськем дырыз	14-тӥ южтолэзе 1916(1916-03-14)
Вордӥськем интыез	Старый Трык гурт, Кизнер ёрос, Удмуртия
Кулэм дырыз	3-тӥ куарусёнэ 1981(1981-09-03) (65 арес)
Кулэм интыез	Черняховск кар, Калининград улос, РСФСР, СССР
Кунмуртлыкез	СССР СССР
Кыӵе войскоез	пехота
Служить карон аръёсыз	1937—1945 (висатыса)
Званиез
Ожмаськонъёс/ожъёс	Советско-финской ож, Быдӟым Атыкай ож
Данъетъёсыз

Фёдор Михайлович Дербушев (1916-1981) — красноармеец, Быдӟым Атыкай оже пыриськем мурт, Совето Союзлэн Героез (1944).

Улон сюресэз

Фёдор Дербушев вордӥськиз 1916-тӥ арын 14-тӥ южтолэзе Старый Трык гуртын (али Удмуртиысь Кизнер ёрос) крестьян семьяын. Начальной образование басьтыса, колхозын ужаз. 1937-тӥ—1940-тӥ аръёсы Горд Армиын служить кариз. Советско-финской оже пыриськиз. Демобилизовать каремзы бере Рыбинскысь вувыл транспортлэн военизированной охранаяз вахтёр луыса ужаз. 1942-тӥ арын куартолэзе Дербушевез фронтэ басьтӥзы. 1943-тӥ арын куарусён толэзёзь гвардилэн красноармеецез Фёдор Дербушев Лымшор-Шундыпуксёнпал фронтысь 6-тӥ армилэн 25-тӥ гвардейской стрелковой дивизилэн 78-тӥ гвардейской стрелковой полклэн противотанковой ружьёезлэн расчётысьтыз номерез вал ини. Сэзь луэменыз Днепр понна ожъёсын висъяськиз.

25-тӥ куарусёнысен 26-тӥе выжон уе Дербушев десант составен ӵош Украин ССР-ысь Днепропетровск улосын Солонян ёросын Войсковое черкогурт котырын, Днепр шурез выжыса, солэн бурпал ярдураз плацдармез басьтон ожъёсы пыриськиз. Ожын Дербушев тушмонлэсь танксэ, кык огневой точкаоссэ но трос солдат-офицерез быдтӥз.

СССР-ысь Вылӥ Кенешлэн Президиумезлэн 1944-тӥ арын 22-тӥ тулыспалэ гожтэм Косэтэзъя «фронтлэн командованиезлэсь боевой заданиоссэ ӟеч быдэсъямез но фашистъёсын геройлыко ожмаськемез понна» гвардилэн красноармеецезлы Фёдор Дербушевлы Совето Союзлэн Героез дано ним сётэмын но Ленин орденэн но «Зарни Кизили» медален пусъемын (6674-тӥ номер).

Война бырем бере Дербушевез демобилизовать каризы . Гуртаз бертыса, Удмурт АССР-ысь Кизнер ёросын Ягул гуртын улӥз, нюлэс поттон комбинатын ужаз. Бӧрысь Калининград улосысь Черняховск каре улыны кошкиз. Улонысь кошкиз 1981-тӥ арын 3-тӥ куарусёнэ.

Озьы ик пусъемын Горд Знамялэн орденэныз но медальёсын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Герои огненных лет. — Ярославль: Верхне-Волжское кн. изд., 1985.