ГуртFEST
| ГуртFEST | |
|---|---|
 | |
| Инлыкез | калыккуспо |
| фестиваль[d] | |
| Тематикаез | гурт лулчеберет |
| Радъясьёс | Лудорвай музей-заповедник |
| Кутсконэз | 2016 |
| Ортчытон ӵемлыкез | арлы быдэ |
| Ортчытон интыез | |
| 56°44′50″ с. ш. 53°03′14″ в. д.GЯO | |
| Ортчытон интыез | |
| Кун | |
 |
|
ГуртFEST — Удмуртиысь гурт лулчеберетлы сӥзем калыккуспо фестиваль. 2016-тӥ арысен архитектурая но этнографияя Лудорвай музей-заповедникын радъяське. Чечы Спас вакытэ тупа.
Историез
2016-тӥ арын 14-тӥ гудырикошконэ Лудорвай музей-заповедниклы 30 ар тырмон улсын нырысетӥез «ГуртFEST» ортчиз. Ужрад Чечы Спаслы тупатэмын вал, со выль кыскем чечыез вӧсян но чечы ярмаркаез усьтон бордысен кутскиз[1]. Шулдыръяськонын асьсэ лулчебертсэс адӟытӥсь кӧня ке азбаръёс ужазы: Дэри ёросысь Пероггурт — шор удмуртъёслэсь лулчеберетсэс, Кияса ёросысь Вуж Салья гурт — лымшор удмуртъёслэсь, Глаз ёросысь Золотарёво — уйпал удмуртъёслэсь, Сарапул ёросысь Юрино гуртысь но Дэбес ёросысь Смольники гуртысь улӥсьёс — ӟуч гурт лулчеберетэз, Балезино ёросысь Кестым но Яр ёросысь Вортча — бесерманъёслэсь, нош Эстониысь куноос — сету лулчеберетэз. Озьы ик фестивальын киужъёсъя мастер-классъёс но «Удмуртиысь гурт но ужрад туризмез азинтон» темая котыре ӝӧк ортчизы. Йылпумъян концертын Удмуртиысь, Санкт-Петербургысь, Великий Новгородысь но Эстониысь коллективъёс шулдыртӥзы[1][2].
2017-тӥ арысен фестиваль арлы быдэ ортчыны кутскиз. Сое радъясьёс программазэ кӧня пол вошъязы, ужаз выль площадкаосты пыртыса. Озьы, 2017-тӥ арын ужрадэ люкаськемъёс «Ӟуч художествоя текстиль» адӟытонэ вуылыны но В. Д. Поленов нимо Россиысь калык творчествоя кун юртлэн фондъёсысьтыз экспонатъёсты адӟыны быгатӥзы. Со фестивальын ик радъясьёс устоез нылмурт йырси пунэтлы адӟытон, Балтийской зарезья круизлы розыгрыш ортчытӥзы, озьы ик «ГуртFEST» ужрадэ пыриськисьёсын «вуко котыртӥ тужгес бадӟым хороводэн бергазы»[3].
Ньылетӥ фестивальлэн аспӧртэмлыкез Удмуртиысь тужгес вашкала тӧл вукоез (107 ар) лэзён но Россиысь пӧртэм улосъёсы экспедициос дыръя пуктэм 16 вакчи документальной фильмъёсты возьматон вал[4][5].
2023-тӥ арын фестивальын Удмуртиын пуктэм нырысетӥ художествоя но этнографияя «Соперницы» фильм (1929-тӥ ар) возьматӥзы но частушкаосын баттл радъязы[6].
Фестивале трос аръёс ӵоже Россиысь уно улосъёсысь улӥсьёс, озьы ик Эстониысь но Финляндиысь куноос пыриськизы[7][3].
- Гуртфест
Валэктонъёс
- ↑ 1 2 Текстовая трансляция: фестиваль деревенской культуры «Гурт-фест» прошел в Лудорвае [ӟуч] udmurt.media (14 августа 2016). Эскеремын 18.08.2025 арын
- ↑ «Гурт-fest» – фестиваль деревенской культуры [ӟуч] udm.addnt.ru (12 августа 2016). Эскеремын 18.08.2025 арын
- ↑ 1 2 II Международный фестиваль деревенской культуры «ГуртFEST» [ӟуч] Официальный сайт Администрации города Ижевска (07 августа 2017). Эскеремын 18.08.2025 арын
- ↑ На «ГуртФесте» запустили ветряную мельницу [ӟуч] Агропром Удмуртии (19 августа 2019). Эскеремын 18.08.2025 арын
- ↑ Марина Боярко (18 августа 2019) Самая старая ветряная мельница Удмуртии дала старт фестивалю «ГуртFEST» [ӟуч] ijevsk.bezformata.com. Эскеремын 18.08.2025 арын
- ↑ Баттл частушечников и мастер-класс по ткачеству прошли в Удмуртии на фестивале «ГуртFEST» [ӟуч] Коммерсантъ (14 августа 2023). Эскеремын 18.08.2025 арын
- ↑ Новости: 12-13 августа 2017 года в Удмуртии пройдут дни деревенской культуры ««ГуртFest» [ӟуч] izhevsk.vibirai.ru (24 июля 2017). Эскеремын 18.08.2025 арын
Чӧлсконъёс
- VIII Межрегиональный фестиваль деревенский культуры «ГуртFEST» [ӟуч]. Эскеремын: 18 гудырикошконэ 2025 арын.