Гасников, Михаил Иванович

Михаил Иванович Гасников
Михаил Иванович Гасников
Вордӥськем дырыз	10-тӥ толшоре 1920
Вордӥськем интыез	Ломеслуд[d], Малмыж утем, Ватка губерния, РСФСР[d];
Кулэм дырыз	1989
Кулэм интыез	Калуга, РСФСР, СССР;
Кунмуртлыкез	СССР
Кыӵе войскоез	пехота[d]
Служить карон аръёсыз	1941—1960
Званиез
Частез	44-тӥ гвардейской стрелковой дивизилэн ; 130-тӥ гвардейской стрелковой полкез
Командовать кариз	стрелковой батальонэн
Ожмаськонъёс/ожъёс	Быдӟым Атыкай ож;

Михаи́л Ива́нович Га́сников (10-тӥ толшоре 1920, Ломеслуд^[d], Ватка губерния — 1989, Калуга) — Быдӟым Атыкай оже пыриськем мурт, Совето Союзлэн Героез.

Улон сюресэз

Вордӥськиз Удмуртиын Можга ёросын Ломеслуд гуртын ӟуч крестьян семьяын. Школаын 5 классэз йылпумъяса, Ижысь металлургической заводын вальцовщик луыса ужаз.

1941-тӥ арысен Быдӟым Атыкай ожлэн фронтъёсаз ожмаськиз. 7 пол сӧсырмылӥз. Курской ожмаськонэ пыриськиз, татын ик Снава гурт дорын ожъёс мыныку, сэзь луэменыз висъяськиз: 1943-тӥ арын 5-тӥ пӧсьтолэзьысен 9-тӥ пӧсьтолэзёзь 7-тӥ стрелковой рота, Гасниковлэн кивалтэмез улсын, тушмон авиацилэн дугдылытэк ыбылэмез но пушкытъямез улын, тушмон танкъёслэсь но пехоталэсь 8 атакаоссэ пезьгытӥз, 500 пала тушмон солдат-офицерез, боеприпасъёсын но пехотаен 7 автомашинаез, 3 секыт но 2 шорлыко секталаем танкъёсты пушкытӥз. Ачиз Гасников тушмон танкез противотанковой гранатаен пушкытӥз; сӧсырмыса но боевой задачаез йылпумъятозь ож бусыысь ӧз кошкы. Сэзь ожмаськемез понна Год Знамялэн орденэныз пусъемын.

Нарев шур вамен выжыку, быгатыса ож действиосын кивалтӥз. Гасниковлэн батальонэз шурлэн бурпал ярдурысьтыз плацдармез киултӥз но тушмонлэсь 4 атаказэ пезьгытӥз, соин валче, полклы шур вамен выжыны луонлык кылдытӥз.

Война бырем бере, Гасников службазэ Совето Армиын азьланьтӥз. 1960-тӥ арысен запасэ лэземын. Улӥз Калугаын. 1989-тӥ арын 4-тӥ шуркынмонэ улонысь кошкиз^[1].

Данъетъёсыз

Совето Союзлэн Героез (1945-тӥ арын 24-тӥ южтолэзе гожтэм 5951-тӥ номеро Косэт);
Ленин орден;
Горд Знамялэн кык орденэз;
Быдӟым Атыкай ожлэн 1-тӥ степенё орденэз;
Горд Кизили орден.

Валэктонъёс

↑ Кулёмин И. Г. , Сентемова Л. Ф. , Ислентьева Р. А. Герои Советского Союза, Герои Российской Федерации, полные кавалеры Ордена Славы — наши земляки. — Ижевск: Удмуртия, 2005. — С. 26. — 272 с. — ISBN 5-7659-0639-7.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Чӧлсконъёс

Михаил Иванович Гасников [ӟуч] «Герои страны» сайт.

[1] Кулёмин И. Г. , Сентемова Л. Ф. , Ислентьева Р. А. Герои Советского Союза, Герои Российской Федерации, полные кавалеры Ордена Славы — наши земляки. — Ижевск: Удмуртия, 2005. — С. 26. — 272 с. — ISBN 5-7659-0639-7.

[1]