ВТУЗ-комбинат (Ижкар)
| Ижысь пыӵалтӥрлык но андан ӵыжатон заводъёс бордын ужась техникая вылӥ дышетсконни | |
|---|---|
| (ВТУЗ-комбинат) | |
 | |
| Кылдэм арез | 1930 |
| Ворсам арез | 1931 |
| Расположение | Ижкар, Вотской АО |
| Юридический адрес | Ижкар, М. Горькийлэн ульчаез, 79-тӥ юрт |
 |
|
 Медиафайлъёс РувикиМедиа пушкын | |
 | Россилэн лулчеберето кылёс лэсьтосъёсыз лэсьтос № 1830028000 (БД Викигида) |
ВТУЗ-комбинат (Ижкарысь пыӵалтӥрлык но андан ӵыжатон заводъёс бордын ужась техникая вылӥ дышетсконни; ӟуч: ВТУЗ-комбинат (Ижевск)) — Ижысь нырысетӥез вылӥ дышетон инты. Станокъёс лэсьтон, тӥрлык поттон, корт ӵыжатон удысъёсысь промышленностен кивалтон вылысь вылӥ квалификациен кадръёсты дасялляз[1].
Историез
1930-тӥ арын 1-тӥ куарусёнэ Ижысь пыӵалтӥрлык но андан ӵыжатон заводъёс бордын ужась ВТУЗ-комбинат усьтӥськиз. Со Иж заводъёслэн управленизылэн бурд улаз возиськиз, СССР-ысь Калык хозяйствоя вылӥ кенешлэн чакламез улсын ужаз. Комбинатын дышетскон куинь тубатъя куинь ар кыстӥськиз: нырысетӥяз квалификациен ужасьёсты но бригадиръёсты дасян радъяськиз, кыкетӥез шоро-куспо тодон-валан сётӥз, нош куинетӥез — техникая вылӥ образование[1].
СССР-ысь ВСНХ-лэн вузъёсъя титул списоказ пырымтэ ВТУЗ-комбинат 1931-тӥ арын быдтэмын вал, солэн куинь тубато инъетэз вылын куинь асьсэ понна ужась учреждениос кылдытэмын вал: техникуме пырыны дасянъя курсъёс (I тубат), механикая но металлургияя ӝыт ужась техникум (II тубат) но техникая вылӥ курсъёс (III тубат)[2].
ВТУЗ-комбинатлэн юртэз
Ижысь ВТУЗ-комбинат Гужем сад вӧзысь Базарной урамысь юртын интыяськылӥз (али — Максим Горькийлэн ульчаысьтыз 79-тӥ юрт). Ӵапак татын эшшо кык иж вузъёслэн историзы кутскиз: 1933-тӥ арын вылӥ этажаз Ижысь медициная кун институт усьтӥськиз, нош 1952-тӥ арын татын Ижысь механикая институт кылдӥз[3].
2002-тӥ арын Удмурт Элькун Кивалтэтлэн постановлениезъя, ВТУЗ-комбинатлэн юртэз улосэн утёно архитектурая синпелетъёс пӧлы пыртэмын вал[4].
Али дыре юртын «Сайгас Групп» компаниослэн огазеяськонзы кивалтэм улсын «Горького 79» вузкаронъя но офисъёсъя центр интыяське.
Валэктонъёс
- ↑ 1 2 А. А. Булдакова. Основные этапы формирования системы подготовки оружейных кадров в Ижевске (по материалам архивных документов) [ӟуч], gasur.ru. Эскеремын: 16 гудырикошконэ 2025 арын.
- ↑ О. И. Васильева. Формирование национальных рабочих кадров на Ижстальзаводе в 1930-е гг. (1) [ӟуч], gasur.ru. Эскеремын: 16 гудырикошконэ 2025 арын.
- ↑ vovd14. Горького 79 Ижевск. История сразу двух ижевских институтов [ӟуч], iz-article.ru. Эскеремын: 16 гудырикошконэ 2025 арын.
- ↑ Постановление Правительства Удмуртской Республики от 30.09.2002 № 802 «Об отнесении объектов историко-культурного наследия народа Удмуртскои Республики к категории объектов культурного наследия (памятников истории и культуры) регионального (Удмуртской Республики) значения» [ӟуч], docs.cntd.ru. Эскеремын: 16 гудырикошконэ 2025 арын.