Балашов, Михаил Ефимович

Михаил Ефимович Балашов
Вордӥськем дырыз	15-тӥ толсуре 1903(1903-12-15)
Вордӥськем интыез	Старое Ахматово, Нижегородской губерния, Росси Империя
Кулэм дырыз	26-тӥ куарусёнэ 1943(1943-09-26) (39 арес)
Кулэм интыез	Войсковое черкогурт котырын, Днепропетровск улос Солонянск ёрос
Кунмуртлыкез	СССР СССР
Служить карон аръёсыз	1941—1943
Званиез	гвардиысь красноармеец
Ожмаськонъёс/ожъёс	Быдӟым Атыкай ож
Данъетъёсыз	(посмертно)
Медиафайлъёс РувикиМедиа пушкын

Михаи́л Ефи́мович Балашо́в (15-тӥ толсуре 1903 — 26-тӥ куарусёнэ 1943) — Совето Союзлэн Героез (19.03.1944), Быдӟым Атыкай оже пыриськем мурт, Юго-Западной фронтысь 6-тӥ армилэн 25-тӥ гвардейской стрелковой дивизиезлэн 28-тӥ гвардейской отдельной сапёрной батальонысьтыз сапёр, гвардиысь красноармеец.

Улон сюресэз

Вордӥськиз 1903-тӥ арын Нижегородской улосын Большеболдинской ёросын Старое Ахматово черкогуртын ӟуч крестьян семьяын. 3 класс дышетскемез бере, ужано луиз, медъяськыса пу пильылӥз. Мыло-кыдо пыриськиз ас гуртаз колхоз кылдытон ужрадэ. Колхозын дуриськись, собере бригадир луыса ужаз. 1939-тӥ арын Балашовъёслэн семьязы Удмурт АССР-ысь Сарапул каре улыны лыктӥз. Татын пудо вордон удысын тыршиз, «Сарапульский» совхозысь йӧл кыскон фермаен кивалтӥз.

1941-тӥ арын толсуре Сарапулысь райвоенкомат Балашовез Горд Армие басьтӥз. Запасной полкын дышетскемез бере, 1942-тӥ арын куартолэзе фронтэ вуиз. Одӥгаз ожмаськонын сӧсырмыса, пленэ шедиз. Яраез кӧня ке кыскиськем бере, пегӟыны быгатӥз. Госпитальын кӧня ке йӧнатскыса, Балашов нош ик фронтэ кошкиз, ожмаськыса Днепр дорозь вуиз.

1943-тӥ арын 26-тӥ куарусёнэ выжон уе  Войсковое черкогурт котырын (Днепропетровск улосысь Солонянск ёрос) гвардиысь красноармеец Балашов сапёръёслэн группаенызы ӵош младшой лейтенант Твердохлебов кивалтэм улсын шурлэн бурпал ярдураз выжиз. Сапёръёс киултэм плацдарме интыяськизы но со котыртӥ минаос тыризы, озьы асьме пехоталы Днепрез выжыны луонлык кылдытӥзы. Кӧня ке час ӵоже десантникъёс сэзь ожмаськизы тушмонэн, солэсь вить контратаказэ вормыны быгатӥзы. Со ожмаськонын Балашов бырыны шедиз.

СССР-ысь Вылӥ Кенешлэн Президиумезлэн 1944-тӥ арын 19-тӥ южтолэзе гожтэм Косэтэзъя, командованиен пуктэм боевой ужпумъёсты ӟеч быдэсъямез но тушмонэн сэзь, геройлыко ожмаськемез понна гвардиысь красноармейцлы Михаил Ефимович Балашовлы кулэмез бере Совето Союзлэн Героез ним сётэмын.

Данъетъёсыз

• Совето Союзлэн Героезлэн «Зарни Кизили» медалез
• Ленин орден
• Быдӟым Атыкай ожлэн I степенё орденэз

Буре ваён

• Геройлэн нимыз Старое Ахматово черкогуртысь бырем ожгарчиослы сӥзем синпелетын гожтэмын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Чӧлсконъёс

Михаил Ефимович Балашов [ӟуч] «Герои страны» сайт.  [Дата обращения: 30 коньывуонэ 2011]