Ахмаметьев, Андрей Алексеевич

Андрей Алексеевич Ахмаметьев
Вордӥськем дырыз	16-тӥ (29‑тӥ) южтолэзе 1917(1917-03-29)
Вордӥськем интыез	пос. Иж завод, Ижевско-Нагорной волость,Сарапул уезд, Вятской губерния, Росси империя
Кулэм дырыз	9-тӥ коньывуонэ 1968(1968-10-09) (51 арес)
Кулэм интыез	Ленинград, РСФСР, СССР
Кунмуртлыкез	СССР СССР
Кыӵе войскоез	ВВС
Служить карон аръёсыз	1936—1956
Званиез
Ожмаськонъёс/ожъёс	Быдӟым Атыкай ож
Данъетъёсыз

Андре́й Алексе́евич Ахмаме́тьев (16 [29] южтолэзе 1917 — 9 коньывуонэ 1968 арын) — Быдӟым Атыкай оже пыриськем мурт, 3-тӥ Белорус фронтысь 1-тӥ армилэн 10-тӥ отдельной разведывательной полклэн эскадрильяезлэн командирезлэн воштӥсез, капитан.

Совето Союзлэн Героез (23.02.1945), подполковник (1952).

Улон сюресэз

Вордӥськиз 16 (29) южтолэзе 1917-тӥ арын Ижкарын. Фабрично-заводской ученичестволэсь школазэ йылпумъяз, собере Пермьысь заводын ремонтной слесарь луыса ужаз. 1936-тӥ арын Пермьысь индустриальной рабфаклэсь 2 курссэ йылпумъяз.

Сбере со арын ик армие кошкиз. 1940-тӥ арын Лётчикъёсты дасясь Чкалов нимо военной авиационной школаез йылпумъяз (али дыре — Оренбург). Службазэ нуиз ВВС-лэн строевой частьёсаз (Муско военной округын). 1941-тӥ арын оштолэзьысен пӧсьтолэзёзь — 163-тӥ резервной авиационной полкын лётчик-инструктор луыса тыршиз (Муско военной округ). 1941-тӥ арын пӧсьтолэзьысен — 1942-тӥ арын южтолэзёзь — 3-тӥ запасной авиационной полкысь лётчик-инструктор (Астрахань но Элиста каръёсын). Пе-2 бомбардировщикен лобась лётчикъёсты дасялляз.

Быдӟым Атыкай оже пыриськиз: 1942-тӥ арын оштолэзьысен — 1943-тӥ арын толшорозь — 130-тӥ бомбардировочной авиационной полкын лётчик вал; 1943-тӥ арын толшорысен — 1945-тӥ арын куартолэзёзь — лётчик, звенолэн командирез, 10-тӥ отдельной разведывательной авиационной полкысь авиаэскадрильялэн командирезлэн воштӥсез. Западной но 3-тӥ Белорус фронтъёсын ожмаськиз. Смоленскез, Белоруссиез мозмытонэ но Кёнигсбергез штурмен басьтонэ пыриськиз. Пе-2 бомбардировщикен разведкае но ожутиськон висгожъёсты но тушмонлэсь люкаськем интыоссэ аэрофотосъёмка лэсьтон понна 214 пол боевой лобанъёсы потаз.

Ожмаськонъёсын сэзь но геройлыко лоуэмез понна СССР-ысь Вылӥ Кенешлэн Президиумезлэн 1945-тӥ арын 23-тӥ тулыспалэ гожтэм Косэтэзъя Ахмаметьев Андрей Алексеевич Совето Союзлэн Героез нимын пусъемын но Ленин орден но «Зарни Кизили» медаль сётэмын (№ 6133).

Война бере службазэ ВВС-лэн строевой частьёсаз азьланьтӥз (Белорусской военной округын), авиаэскадрильяен командовать кариз. 1950-тӥ арын лобан ужысьтыз кошконо луиз. ПВО-лэн авиацияз наземной штурман луыса службазэ азланьтӥз но командной пунктэн кивалтӥз. 1953-тӥ арын управлени пунктъёсысь штурманъёсты дасясь курсъёсты быдтӥз. ПВО-я Ленинград армилэн штабезлэн Валтӥсь командной пунктэзлэн боевой управлениезъя группаяз служить кариз. 1956-тӥ арын толшорысен подполковник А. А. Ахмаметьев — запасэ лэземын.

Улӥз Ленинградын (али — Санкт-Петербург). Улонысь кошкиз 1968-тӥ арын 9-тӥ коньывуонэ.

Данъетъёсыз

• Совето Союзысь Героезлэн «Зарни Кизили» медалез
• Ленин орден (1945)
• Горд Знамялэн куинь орденэз (1943, 1944, 1945)
• Александр Невскийлэн орденэз (1944)
• Быдӟым Атыкай ожлэн II степенё орденэз (1943)
• Кык Горд Кизили орденэз (1942, 1951)
• Медальёс, соос пӧлын:
  • «1941-тӥ—1945-тӥ аръёсы Быдӟым Атыкай ожын Германиез вормем понна» медаль
  • «1941-тӥ—1945-тӥ аръёсы Быдӟым Атыкай ожын Вормонлы кызь ар» юбилейной медаль

Буре ваён

• Ватэмын Санкт-Петербургысь 9-тӥ толшоре быремъёсты буре ваёнлы сӥзем шайвылын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Чӧлсконъёс

Андрей Алексеевич Ахмаметьев(ӟуч) «Герои страны» сайт. (Дата обращения: 16 оштолэзе 2011)