Акубов, Глеб Самсонович

Рувикиын таӵе фамилиен мукет муртъёс сярысь гожтосъёс вань. Учке: Акубов.

Глеб Самсонович Акубов
Вордӥськем нуналыз	23-тӥ куарусёнэ 1928({{padleft:1928|4|0}}-{{padleft:9|2|0}}-{{padleft:23|2|0}})
Вордӥськем интыез	Вавож, Малмыж утем, Ватка губерния, РСФСР, СССР
Кулон нуналыз	14-тӥ толшоре 2001({{padleft:2001|4|0}}-{{padleft:1|2|0}}-{{padleft:14|2|0}}) (72 года)
Кулэм интыез	Иж, Россия
Кунмуртлыкез	СССР СССР → Россия Россия
Ужудысэз	промышленной производствоез радъясь
Данъетъёсыз

Глеб Самсонович Акубов (1928-тӥ арын 23-тӥ куарусёнэ Вотской автономной областьысь Вавож черкогуртын, РСФСР, СССР — 2001-тӥ арын 14-тӥ толшоре Удмурт Элькунысь Ижкарын, Россия) — совето но росси промышленник, производствоез радъясь. 1966-тӥ—1986-тӥ аръёсы — «Ижтяжбуммаш» заводлэн директорез, 1986-тӥ—1989-тӥ аръёсы — «Буммаш» предприятилэн валтӥсь директорез.

Улон сюресэз

Глеб Самсонович Акубов вордӥськиз 1928-тӥ арын 23-тӥ куарусёнэ удмурт Вавож черкогуртын. Бадӟым тылож кутскыку, солы дас куинь арес но ӧй вал на. Войналэн нырысетӥ араз ик ёзъёсыныз ӵош колхозын ю-нянь утялтӥз, картошка октӥз, зернотокын ужаз, валъёсты улляны юрттылӥз, мукет ужлэсь но ӧз кышкалля. 15 аресказ бадӟым муртэн лыдъяське ни вал, соин ик секыт пиосмурт ужез но быдэсъялляз: турын турназ, турынэз зуродэ люкалляз, валэн бакчаосты но бусыосты гырылиз, валэн ик кизьылӥз но, колхозысь кебитын ужалляз.

Пинал дырыз секыт ке но вал, Глеб Акубов школаын дышетскемез бере 1951-тӥ арын Мускоысь горной институтэз йылпумъяз. Отысен сое Кемерово улосысь Сталинск (али — Новокузнецк) каре ыстӥзы, горной цехын механик луыса ужаз. 1954-тӥ—1956-тӥ аръёсы Монголиысь Налайха шахта лэсьтонын валтӥсь механик луыса тыршиз.

1957-тӥ арын Удмуртие берытскиз, Ижысь мотозаводын валтӥсь механик луыса ужаз (1957—1961), бератаз — директорлэн лэсьтӥськон ужпумъёсъя воштӥсез вал (1961—1966).

1966-тӥ арын 19-тӥ куартолэзе Глеб Самсонович «Ижтяжбуммаш» заводлы директоре юнматэмын, со бумага лэсьтон машинаос поттонъя СССР-ысь нырысетӥез предприятие. Завод соку гинэ ӝутӥське вал ай, но нырысетӥ вуззэ вӧлмытэ ни вал. Арлэн нырысетӥ палараз бумага поттонын кутӥськись куасьтон ёзъёсыз ӵыжатэмын, кулэ адресъёсъя куронъёссыя вуттэмын. Со сяна, цехъёсын станокъёслы аспӧртэм тӥрлык лэсьтэмын. 1967-тӥ арын 4-тӥ шуркынмонэ Пермьысь комбинатын «Ижтяжбуммаш» заводысь ӧнерчиосын ӵыжатэм нырысетӥез бумага поттон машина ужаны ӧдъяз.

Глеб Самсонович Акубов кунысьтымы бумага поттонын кутӥськись станокъёс лэсьтонъя валтӥсь предприяитиен — «Ижтяжбуммаш» заводэн —23 ар ӵоже кивалтӥз (бератаз сое «Буммаш» завод каризы). Та дыр ӵоже заводын ужасьёс НИИ-ысь но мукет предприятиосысь ӧнерчиосын дэмен СССР-ысь Минлесбумпромлы 20-лэсь ятыр бумага но картон поттыны ярась машинаос лэсьтӥзы. Со сяна, СССР-ысь Госснаблэн фабрикоасызлы картон лэсьтон машинаос ӵыжатӥзы, таин валче фабрикаосын макулатуралэсь картон поттыны луонлык кылдӥз, озьы одӥг машина 200 сюрс кубометр пуэз ширъяны юрттылӥз.Завод Шундыӝужан Европаысь кунъёсы — Польшае, Чехословакие, Болгарие но мукетъёсаз — лачак машинаоссэ келяз. Мувӧй поттон, газ кыскон, туспуктон, промышленной но гурт удысъёсын кутӥськись тӥрлык но выль арбериос лэсьтон борды но пумен басьтӥськиз. Линолеум гинэ но поттыны ӧдъяз.

Быгатыса но ассэ жалятэк тыршемез, калык уже пыриськемез понна Глеб Самсонович Акубов Ленинлэн орденэныз, Ужысь Горд Знамялэн кык орденъёсыныз, «Знак Почёта» орденэн пусъемын. Со сяна, «За доблестный труд в Великой Отечественной войне 1941-1945 гг.» но «За доблестный труд. В ознаменование 100-летия со дня рождения В. И. Ленина» медальёсын, ВДНХ-лэн зарни но ньыль азьвесь медальёсыныз, «Шахтерская Слава III степени» гадьпусэн данъямын. СССР-ысь Кун премилэн лауреатэз луиз. Удмуртиысь Вылӥ Советэзлэн Президиумезлэн но министерствоослэн Данъян грамотаосынызы пусъемын.

Бурё ваён

• 2004-тӥ арын толсуре «Буммаш» заводлэн валтӥсь корпусаз пырон азе Глеб Самсонович Акубовлы сӥзем мемориал пул юнматэмын.

Валэктонъёс

Литература

• Акубов Глеб Самсонович // Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — С. 175. — 768 с. — 2200 экз. — ISBN 978-5-7659-0486-2.