Щелкунчик (балет)

Википедиысь материал
Learning.svg

Материалы библиотеки имени Б.Н. Ельцина

Arrow-Right.png
Library.png
В данной статье использованы материалы из фондов Президентской библиотеки имени Б.Н. Ельцина
Подробнее
Та кыллэн мукет валатонъёсыз но вань, учке Щелкунчик(валатонъёсты).
Щелкунчик
Балетлэн премьераез ортчиз 6 (18) толсуре 1892-тӥ арын Санкт-Петербургысь Мариинской театрын
Балетлэн премьераез ортчиз 6 (18) толсуре 1892-тӥ арын Санкт-Петербургысь Мариинской театрын
Крезьгурчи Пётр Ильич Чайковский
Либреттолэн авторез Мариус Иванович Петипа[d]
Сюжетэз Э. Т. А. Гофманлэсь «Щелкунчик и мышиный король» выжыкылзэ Александр Дюмалэн берыктэмезъя гожтэм произведение
Хореограф Мариус Петиплэн разработкаезъя дасяз Лев Иванов[1]
Берло тупатъянъёс Лев Иванов, Александр Горский, Фёдор Лопухов, Василий Вайнонен, Юрий Григорович
Кылдон арыз 1892
Нырысетӥ постановка 18-тӥ толсур 1892
Кытын пуктэмын Мариинской театр, Санкт-Петербург
Логотип Викисклада Медиафайлы на Викискладе
Императорской Мариинской театрын пуктэм «Щелкунчик» спектакльысь люкетэз. 1892: Марианна — Лидия Рубцова, Клара — Станислава Белинская, Фриц — Василий Стуколкин
ЦФА [АО «Марка»] № 50—53)

«Щелку́нчик» — соч. 71,П. И. Чайковскийлэн кык актъем балетэз, либреттозэ Э. Т. А. Гофманлэн «Щелкунчик и Мышиный король» выжыкылэзъя гожтӥз Мариус Петип, балетмейстер-постановщикез Лев Иванов.

Кылдэмез сярысь

Либреттоез кылдытэмын 1844-тӥ арын Т. А. Гофманлэн «Щелкунчик и Мышиный король» Александр Дюма-атаен берыктэм выжыкылъя[2] (театральной энциклопедия янгышаса[3] автореныз лыдъя Дюмалэсь пизэ, кудӥз со арын ик[4]) «История Щелкунчика» произведенизэ печатласа поттӥз[5]. Выжыкыллэсь сюжетной линизэ кельтыса, Дюма оригиналэзлэсь висъясьткись выль выжыкыл кылдытӥз. Гофманлэсь выжыкыл сюжетсэ кӧня ке воштыса, либреттоез волятыса но выжыкыл-символъёс ватсаса гожтэмын[6].

Балетлэн премьераез Лев Ивановлэн пуктэмезъя 6 1892 арын Санкт-Петербургысь Мариинской театрын ортчиз, со ӝыт ик возьматэмын вал Чайковскийлэн «Иоланта» операез. Премьералэн дирижёрез Риккардо Дриго, декорациосыз Михаил Бочаровлэн но К. Ивановлэн, костюмъёс дасямын Императорской театръёслэн директорзылэн Иван Всеволожскийлэн но Евгений Пономарёвлэн эскизъёссыя. Валтӥсь рольёсты шудӥзы: Щелкунчик — Сергей Легат,Драже фея  — Антониетта Дель-Эра, Коклюш принц — Павел Гердт, Дроссельмейер — Тимофей Стуколкин, Марианна племянница— Лидия Рубцова. Кларалэсь но Фрицалэсь рольёссэ быдэстӥзы Петербургысь театральной училищеын покчи классъёсын дышетскись Станислава Белинская но Василий Стуколкин (кыксы ик училищеез 7 ар ортчыса йылпумъязы, 1899-тӥ арын)[7].

Со арын ик, 1892 арын А. С. Аренский «Щелкунчик» балетысь фортепьянолы ньыл киын шудыны чаклам сюитазэ печатлаз, кык ар ортчыса, балетысь быдэсак партитуразэ печатлаз[8].

Эскерчиос балетлэн сюжетысьтыз Чайковскийлэсь матысь ӵыжы-выжызэ — Давыдовъёсты но улоназы зэмос луэм учыръёсты тодманы турттылӥзы. Нырысь ик крезьгурчилэсь сузэрзэ Александраез но солэсь нылпиоссэ — Владимирез но Татьянаез. Балет критиклэн Павел Ященковлэн малпамезъя, Давыдовъёслэн Каменка именизы «крезьгурчилэн малпанъёсаз Конфитюренбург нимо нылпи дуннелы пӧрмытэмын. Юртъерлэн кузёез, крезьгурчилэн сузэрез Александра Ильинична мыло-кыдо королева, солэсь вить арлы азьпал кулэм нылыз Татьяна — Клара, солэн Боб „идолэз“… „яратоно принц“», быдэсак луэ[9].

П. И. Чайковскийлэн берло кылдытэм произведениосыз пӧлын «Щелкунчик» нимаз инты басьтэ: со балетной жанрлэн сямъёсызлэсь висъяське, отын кутэмын чылкак выль крезьгуро образъёс. Балетын нырысьсэ чузъяськиз челеста — крезьгурчилэн куремезъя Парижысь ваем крезьгуро инструмент. «Щелкунчиклэсь» крезьгурзэ «балетлы тупасьтэм, укыр серьёзной но сюлэмез чигись» шуо[10].

Шудӥсь муртъёс

Пӧртэм тупатъянъёсын валтӥсь героинялэн нимыз пӧртэм луэ: Клара но Мари. Гофманлэн книгаяз валтӥсь героиняез Мари нимало, нош Клара — солэн яратоно мунёез. Россиын Нырысетӥ дунне ож кутскемен (1914-тӥ ар) но патриот мылкыдъёс вӧлмемен, балетлэн сюжетэз "ӟучомиз", валтӥсь герония Машалы пӧрмиз. Со дыре ик Фрицлэн нимыз ӧз воштӥськы, малы ке шуоно, со — отрицательной персонаж. Пусйыны кулэ, та сям али дырозь возиське.

Чайковский - Вариация Маши
Куараез шудытонын юрттэт.
  • Штальбаум
  • Солэн кышноез
Соослэн нылпиоссы:
  • Мари (Маша, куддыръя — Клара), принцесса
  • Фриц (Миша)
  • Марианна, племянница
  • Няня
  • Дроссельмейер
  • Щелкунчик, принц
  • Фея Драже
  • Принц Коклюш
  • Мунё
  • Паяц (шут)
  • ШГыръёслэн эксэйзы
  • Кордебалет: куноос, ӵыжы-выжыос, медоос, маскаос, пажъёс, сяськаос, шудонъёс, солдатикъёс но мукет.

Либретто

Прологен кык действиен балет

Толсур азьын, Штальбаум эмчилэн юртаз куноос вуылыны кутско. Бадӟымъёсын ӵош вуо нылпиос, нылашъёс ― мунёосынызы, пияшъёс ― сабляосын.

I действие

Штальбаум эмчилэн нылпиосыз Мари но Фриц чидатэк кузьым возьмало. Куноос пӧлысь берпуметӥез — Дроссельмейер. Солэн шудонъёсты лулъяны быгатэмез паймытэм гинэ ӧвӧл, кышкатэ нылпиосты. Дроссельмейер масказэ кылем бере Мари но Фриц асьсэлэсь яратоно киросатайзэс тодмало. Марилэн мунёосыныз шудэмез потэ но, но соос утялтэмын шуыса тодыса куатаське.

Нылашез буйгатон вылысь, киросатаез солы Щелкунчикез кузьма. Мунёлэн аспӧртэм тусыз нылашлэсь серемзэ поттэ. Фриц малпамтэ шорысь мунёез тӥя, Мари ӝожоме но яратыны вуэм мунёзэ изьыны выдтэ. Фриц но солэн эшъёсыз, шыр маскаос дӥсяса, Мариез исаны кутско. Праздникез йылпумъяса, куноос дышем сямын гроссфатер эктонэз экто но гуртъёсазы берто. Вуэ уй. Чебермам кызэн комнатаез толэзь югдытэ.

Мари берытскыса Щелкунчикез ӟыгыртэ но олокытысь-марысь ӟеч сямо синпӧртмась музэн Дроссельмейер потэ Со киыныз шонтэ но комнатаын ваньмыз воштӥськыне: борддоръёс палэнтӥсько, кыз будыны кутске, со вылэ ошылэм шудонъёс лулъясько но солдатикъёслы пӧрмо. Малпамтэ шорысь, Шыр Эксэй кивалтэм улсын, шыръёс пото. Сэзь Щелкунчик солдатикъёсты оже нуэ.

Щелкунчик но Шыр Эксэй ог-огзы вылэ ожалско. Мари, шыръёслэн армизы солдатикъёслэсь трослы кужмогес шуыса адӟе. Мар карыны ёрмыса, со пыдкутчанзэ кыле но вань кужмысьтыз Шыр Эксэй шоры сэрпалтэ. Соиз кышкаса войскоеныз пегӟе. Солдатикъёслэн армизы вормись луэ. Соос Мариез, пельпум вылазы пуктыса, Щелкунчик доры нуо. Шӧдтэк шорысь солэн тусыз воштӥськыны кутске но со чебер принцлы пӧрме. Мари но лулъяськем мунёос кизилиё инбам улын паймымон чебер кыз вӧзын сыло. Соос котырын лымыпырыос экто.

II действие

Мари но Принц кизилиё инме учко но шыръёсын жугиськемзэс тодазы ваё. Ваньмыз экто, шыр армиез вормемзылы шумпото. Испан, Араб, Китай но Ӟуч мунёос Мариез соосты утьыны быгатӥз шуыса тау каро. Котыразы феяос но пажъёс экто. Вуэ Дроссельмейер но нош ик ваньзэ воштэ. Ваньмыз Марилэн но Принцлэн сюанзылы дасясько. Мари сайка, Щелкунчик солэн ки вылаз кылле.

«Щелкунчик» балет Бадӟым театрын. Фото Е. Фетисовой

Интерпретациос

Вань на балетлэн фрейдистской вариантэз. Сое кылдытӥз Рудольф Нуреев[11]. Солэн пуктэмезъя, Принцен эктэмез бере Мари сайка, нош Щелкунчик интые кылдэ егитомем Дроссельмейер.

Мэтью Борнлэн пуктэмаз Клара — куанер сирота, яратоно муртэныз, Щелкунчикен ӵош луыны быгатонтэменыз куректэ но палэнысен Щелкунчиклэн мукет нылын эктэмез шоры учке. Люкиськон темаез озьы ик адӟыны луэ Морис Бежарен кылдытэм версиын, отын валтӥсь персонаж — туж вазь анайзэ ыштэм Бим нимо пияш[10].

Крезьгуро драматургилэн но либреттолэн герӟаськемзы

Хореографъёс кыкетӥ актысь вальсын крезьгурлэсь воштӥськемзэ лыдэ уг басьто. Отын шӧдтэк шорысь чузъяськыны кутске трагической пассаж, нош «эктӥсь паръёс дышем ритмъя берганзэс азьланьто»[10].

Балетлэн составез

Состав[12]:

  1. Увертюра
  2. Нырысетӥ действие.
    1. 1-тӥ картина.
      1. Кызэз чеберман но ӝуатон
      2. Марш
      3. Нылпи галоп но анай-атайёслэн потонзы
      4. Эктонъёсын сцена
        1. Дроссельмейерлэн потонэз
        2. Заводем мунёослэн эктонзы (мазурка)
        3. Демонической эктон
      5. Сцена но Гросфатер
        1. Щелкунчик-мунёлэн потонэз
        2. Щелкунчиклэн полькаез
        3. Марез веттан гур но Фрицлэн шудэмез
        4. Анай-атайёслэн но куноослэжн эктонзы (Гросфатер)
      6. Сцена (Мари но Щелкунчик)
        1. Нуны веттан гур
        2. Нылпи комнаталэн воштӥськемез
        3. Кызлэн будэмез
      7. Шыръёслэн потонзы но ожмаськон
    2. 2-тӥ картина.
      1. Лысо нюлэс толалтэ
      2. Лымы вальс (лымыпырыослэн эктонзы)
  3. Кыкетӥ действие.
    1. Ческыт сиёнъёсын Конфитюренбург дворец
    2. Марилэн но Щелкунчиклэн вуэмзы
    3. Дивертисмент
      1. Шоколад (испан эктон)
      2. Кофе (араб эктон)
      3. Чай (китай эктон)
      4. Трепак (ӟуч эктон; карамель боды)
      5. Пудо утисьёслэн эктонзы (датской марципан)
      6. Мамаша Гигонь (Жигонь) но маскарчиос
    4. Сяська вальс
    5. Па-де-де
      1. Драже фея но Оршад принц
      2. I вариация: тарантелла
      3. II вариация: Драже феялэн эктонэз
      4. Кода
    6. Йылпумъян вальс
    7. Апофеоз

Инструментъёс

  • Пу духовой инструментъёс:
    • 3 флейта (3-тӥ флейта = флейта-пикколо);
    • 2 гобой;
    • 1 англи сюр;
    • 2 кларнет;
    • 1 бас-кларнет;
    • 2 фагот.
  • Ыргон духовой инструментъёс:
    • 4 валторна;
    • 2 труаы;
    • 2 тенор-тромбон;
    • 1 бас-тромбон;
    • 1 туба.
  • Шуккыса шудон инструментъёс:
    • литавръёс;
    • пичи барабан;
    • тарелка;
    • бадӟым барабан;
    • треугольник;
    • бубен;
    • кастаньетаос;
    • там-там;
    • чингылиос;
    • «шудон инструментъёс» (кылсярысь, кикы-шулан).
  • Челеста;
  • 2 арфа;
  • Нылпи хор
  • Сиё инструментъёс:
    • скрипкаос I;
    • скрипкаос II;
    • альтъёс;
    • виолончельёс;
    • контрабасъёс.

Россиысь кулэлыко постановкос

Мариинской театр

  • 6 (18) толсуре 1892арын — премьера:
    • Балетмейстерез: Лев Иванов
    • Дирижёрез: Рикардо Дриго
    • Суредасьёс: Михаил Бочаров и К. Иванов
    • Костюмъёс: Иван Всеволожский но Евгений Пономарёв;
    • Мари — Станислава Белинская
    • Фриц — Василий Стуколкин
    • Щелкунчик — Сергей Легат
    • Драже фея — Антониетта Дель-Эра
    • Коклюш принц — Павел Гердт
    • Дроссельмейер — Тимофей Стуколкин
    • Шут — Александр Ширяев
    • Марианна — Лидия Рубцова
  • 1923 — Лев Ивановлэн со декорациосын ик выльдэм постановкаез; балетмейстеръёс Фёдор Лопухов но Александр Ширяев, дирижёрез Александр Гаук; Драже фея — Елизавета Гердт, Коклюш принц — Михаил Дудко, Дроссельмейер — Николай Солянников.
  • 1929 — выль сямен пуктэмез; балетмейстерез Фёдор Лопухов, дирижёрез Александр Гаук, суредасез Владимир Дмитриев; Маша — Ольга Мунгалова, Щелкунчик — Пётр Гусев, Дроссельмейер — Леонид Леонтьев.
  • 1934 — балетмейстерез Василий Вайнонен, дирижёрез Евгений Мравинский, суредасез Иван Селезнёв; Маша — Галина Уланова, Щелкунчик-принц — Константин Сергеев.[13]
  • 2001 — балетмейстерез — Симонов Кирилл, крезьгуро кивалтӥсез — Валерий Гергиев, декорациос, костюмъёс, либретто, ппуктэмеза — Михаил Шемякин. Маша — Наталья Сологуб, Щелкунчик-принц — Александр Сергеев[14], Андриан Фадеев, Дроссельмейер — Антон Адасинский.

Бадӟым театр

  • 1919 — балетмейстерез Александр Горский, дирижёрез Н. А. Фёдоров, суредасез Константин Коровин; Клара — Валентина Кудрявцева, Фриц — Шокоров 2-й, Щелкунчик-принц — Ефим Ефимов, Дроссельмейер — Алексей Булгаков. Та постановкаын сцена бадӟым кофе сервизэн ӝӧклы укшатэмын, эктӥсьёс отысь поталляло.
  • 1932 — ГАБТ улсысь балет техникумлэн спектаклез; балетмейстерез Л. И. Иванов, выльдӥзы Александра Чекрыгина но Александра Монахова, дирижёрез Юрий Файер, суредасез Панфилов; Клара — Евгения Фарманянц, Щелкунчик — Юрий Папко, Фриц — Ю. Гербер, Дроссельмейер — Александр Чекрыгин, Драже фея — Ольга Лепешинская.
  • 1939 — балетмейстерез В. И. Вайнонен, дирижёрез Юрий Файер, суредасез Владимир Дмитриев; Маша — Марина Семёнова, Щелкунчик — Алексей Ермолаев, Дроссельмейер — Владимир Рябцев.
  • 1966-тӥ арын 12-тӥ южтолэзе — выльысь пуктэмын; балетмейстерез Юрий Григорович, дирижёрез Геннадий Рождественский, суредась Симон Вирсаладзе; Маша — Екатерина Максимова, Щелкунчик-принц — Владимир Васильев, Дроссельмейер — Владимир Левашев, Шыр Эксэй — Герман Ситников, Щелкунчик-мунё — Елена Ватуля, Француз мунё — Татьяна Попко.

Тодмо аудиозаписьёс

  • 1960 — дирижёрез Геннадий Рождественский, Бадӟым театрысь оркестр но нылпи хор, СССР.

[Д 06583-6; С 06977-80; СМ 0169-72; MEL CD 1000665]

  • 1986 — дирижёрез Владимир Федосеев, «Весна» нылпи хоръя школа, Центральной телевиденилэн но Огъясоюзной радиолэн бадӟым симфони оркестрез.

[А10 00347 005]

  • 1988 — дирижёрез Евгений Светланов, «Весна» нылпи хоръя школа, ГАСО.

[А10 00605-8; MEL CD 1000409]

Валэктонъёс

  1. ↑ Лев Иванов на belcanto.ru
  2. ↑ [http://fr.wikisource.org/wiki/Histoire_d%E2%80%99un_casse-noisette «Histoire d’un casse-noisette» (фр.)]
  3. ↑ Балет «Щелкунчик» | Центр Дягилева, Международный культурный центр им. С. П. Дягилева. Дата обращения: 13 шуркынмонэ 2024.
  4. ↑ ТЭ, 1967.
  5. ↑ Дюма, Александр. Сказки // Собрание сочинений. — М.: Арт-Бизнес-Центр, 2005. — Т. 61. — С. 621. — 636 с. — ISBN 5-7287-0254-6.
  6. ↑ Скворцова И. А. Балет П. И. Чайковского «Щелкунчик»: опыт характеристики // Учебное пособие. — М.: Научно-издательский центр «Московская консерватория», 2011. — 68 с. — С. 10—14. ISBN 978-5-89598-264-8
  7. ↑ Академия русского балета им. А. Я. Вагановой. Списки выпускников Эскеремын 2010-03-13 аре
  8. ↑ П. И. Чайковский. Полное собрание сочинений. Литературные произведения и переписка. — М.: Музыка, 1978. — Т. XVI-A. — С. 313. — 376 с. — 6000 экз.
  9. ↑ Ященков П. Балет со следами морфия и неразделённой любви к племяннику. Часть 3 // Московский комсомолец : Газета. — 2014. — 4 толшоре.
  10. ↑ 10,0 10,1 10,2 Ирина Удянская, Наталья Шастик. Страсти по Щелкунчику // Серебряный город : книга-альманах. — Юнимедиа, 2023. — Т. 4. — С. 112—125. — ISBN 978-5-6050659-4-4.
  11. ↑ «Бриллиант в короне»: как Рудольф Нуреев изменил балет, Культура.РФ. Дата обращения: 13 шуркынмонэ 2024.
  12. ↑ Чайковский. Балет «Щелкунчик» Belcanto.ru.
  13. ↑ Энциклопедия: "заново сочинённый «Щелкунчик», (1934)
  14. ↑ Александр Сергеев

Литература

Чӧлсконъёс

«https://udm.ruwiki.ru/w/index.php?title=Щелкунчик_(балет)&oldid=241002»-ысь басьтэмын