Шор Кечол
| Гурт | |
| Шор Кечол | |
|---|---|
 | |
| 56°31′36″ с. ш. 53°12′45″ в. д.GЯO | |
| Кун | |
| Цифровой идентификаторъёс | |
| Почта индекс | 427805 |
|
|
|
Шор Кечол (ӟуч: Среднее Кечёво) — Пичи Пурга ёросысь гурт, пыре Кечол гурт поселение.
Интыяськемез
Интыяськемын Удмурт шаерлэн лымшор люкетаз, суро нюлэсъёсын подзонаын, Кечёвка шурлэн ярдураз. Ёрос центрлэсь, Пичи Пургалэсь, ог 12 иськемын. Зарезь вадьсын 126 метр ӝуждалаын.
Куазь
Куазь умеренно континентальной. Толалтэ кузь но лымыё, гужем вакчи, но пӧсь. Тужгес шуныт вакытэ — пӧсьтолэзе — шоро-куспо температура — 18,9 °C; толалтэ, толшоре, — −14,3 °C. Ар ӵоже шорлыдын 538 мм зор-кот усе, соос пӧлысь 353 миллиметрез — оштолэзьысен коньывуонозь. Лымы 160—165 нунал ӵоже возиське.
Улӥсьёсыз
2012-тӥ арын 1-тӥ толшоре гуртын 428 адями лыдъяськиз.
2002-тӥ арын ортчем лыдъян-чотанъя, гуртын вань улӥсьёс пӧлысь 389-эз (89 процентэз) удмуртъёс вал[1].
Инфраструктура
1897-тӥ арын Бадӟым Кечёво земской школа усьтэмын вал. 1923-тӥ арын со 7 классъем луиз, нош 1958-тӥ арын — 8 классъем. 1968-тӥ арысен — со Среднее Кечёвоысь шор ёзо школа[2].
2005-тӥ арын школа азбарын Быдӟым Атыкай ожын быремъёслы сӥзем обелиск усьтӥзы[3], нош 2025-тӥ арын тулыс школае «Геройлэсь партазэ» пуктӥзы — озьы буре вайизы гуртозэс, Быдӟым оже пыриськем муртэ, партизан отрядлэсь командирзэ Иван Фёдорович Очеевез[4].
Озьы ик гуртын Кечёво школа-интернат ужа[5].
Валэктонъёс
- ↑ Коряков Ю. Б. База данных «Этно-языковой состав населённых пунктов России»
- ↑ МОУ СОШ д. Среднее Кечево [ӟуч] МОУ СОШ д. Среднее Кечево.
- ↑ Удмуртия для Победы - Памятник павшим во время Великой Отечественной войны
- ↑ Дмитрий Стрелков. «Парту героя» открыли в школе Среднего Кечёво в память об Иване Очееве, ИА «Сусанин» (22 оштолэзе 2025). Эскеремын: 8 коньывуонэ 2025 арын.
- ↑ ГКОУ УР "Кечевская школа-интернат" [ӟуч] ГКОУ УР "Кечевская школа-интернат".