Шамшурин, Василий Григорьевич

Википедиысь материал
РУВИКИ энциклопедиын таӵе фамилиен муртъёс сярысь мукет гожтосъёс вань.Учке Шамшурин.
Василий Григорьевич Шамшурин
Shamshurin-240xx290.png
Вордӥськем дырыз 2-тӥ тулыспалэ 1920(1920-02-02)
Вордӥськем интыез
Кулэм дырыз 18-тӥ шуркынмонэ 1942(1942-11-18) (22 арес)
Кулэм интыез Дзуарикау, Уйпал Осетия
Кунмуртлыкез СССР
Служить карон аръёсыз 1939—1942
Званиез Покчи лейтенант
Ожмаськонъёс/ожъёс
Данъетъёсыз
Совето Союзлэн Героез
орден Ленина
Логотип РУВИКИ.Медиа Медиафайлъёс РувикиМедиа пушкын

Васи́лий Григо́рьевич Шамшу́рин (1920—1942) — Совето армиысь гвардиысь покчи лейтенант, Быдӟым Атыкай оже пыриськем мурт, Совето Союзысь Герой (данъямын 1943-тӥ арын, кулэмез бере). 4-тӥ омыр армиысь 7-тӥ гвардейской авиационной полкысь пилот.

Улон сюресэз

Вордӥськиз Ватка губерниысь Сарапул ёросысь Красноярск починкаын (быремын)[К 1] удмурт крестьян семьяын. Киясаысь 7 аръем школаез йылпумъяса, колхозын ужаз, собере Воткаысь машиностроительной техникумын но аэрокружокын дышетскиз, Воткинскысь машина поттонъя заводын техник-технолог луыса тыршиз[2][3].

Горд Армиын 1939-тӥ арысен. 1940-тӥ арын Пермьысь лётчикъёслэсь ожгар училищезэс, нош 1941-тӥ арын Саратовысь лётчикъёслэсь училищезэс йылпумъяз. Быдӟым Атыкай оже 1942-тӥ арын толсуре пыриськыны кутскиз. Кавказсьӧр фронтлэн 4-тӥ омыр армиезлэн 7-тӥ гвардейской штурмовой авиационной полказ лётчике басьтэмын вал. Пыриськиз Донбассэз утёнъя операцие, Кавказ но Орджоникидзе понна ожмаськонъёсы. Оглом гвардиысь покчи лейтенант Шамшурин 22 пол ожгар заданиосы лобаны вуттӥз, тушмонлэсь 4 самолётсэ, 14 танксэ но мукет ож тӥрлыксэ быдтӥз[2][3][4][5].

1942-тӥ арын 18-тӥ шуркынмонэ тушмонъёс Дзуарикау вӧзысь Гизель гурт дорын В. Шамшуринлэн самолётэзлэсь баксэ пасятӥзы. Лётчиклэн парашютэн васькыны луонлыкез вал, но со интые ӝуась самолётсэ со тушмонлэн ожгар техникаез вылэ нуиз[3][4].

Шамшуринлы 22 арес вал[4].

Данъетъёсыз

СССР-ысь Вылӥ Кенешлэн президиумезлэн 1943-тӥ арын 8-тӥ тулыспалэ поттэм косэтэзъя Василий Григорьевич Шамшурин быремез бере Совето Союзысь Герой вылӥ нимен, Ленин орденэн но «Зарни Кизили» медален пусъемын.

Буре ваён

  • Красноярск починкаын Геройлы сӥзем синпелет вал[2].
  • Кияса черкогуртын солы обелиск пуктэмын[6][2].
  • Кияса ёросын Совето Союзысь Геройлэн В. Шамшуринлэн нимыныз кузьым понна арлы быдэ куасэн ӵошатсконъёс радъясько[7].
  • 2014-тӥ арын Дзуарикауысь Данъян аллеяын В. Шамшуринлэсь бюстсэ усьтӥзы[8].

Валэктонъёс

  1. ↑ Красноярск починка Кияса черкогуртлэсь ог 3 иськемын интыяськиз, Кияса сельсоветэ пыриз, быремын[1].
  1. ↑ Виктор_В Красноярский [ӟуч] Родная Вятка. Эскеремын 2019-09-06 арын
  2. ↑ 1 2 3 4 Шамшурин Василий Григорьевич Авиаторы Второй мировой.
  3. ↑ 1 2 3 Инспектор УГИБДД МВД по УР полиции Яна Гусманова рассказывает о своем родственнике - Герое Советского Союза В.Г. Шамшурине Официальный сайт Министерства внутренних дел Российской Федерации.
  4. ↑ 1 2 3 80 лет Бессмертному Подвигу Василия Шамшурина в битве за Кавказ (Герой СССР Посмертно) [ӟуч] Комитет по культуре администрации Минераловодского муниципального округа Ставропольского края.
  5. ↑ Портал о Фронтовиках Победа 1945.
  6. ↑ В праздничный день 9 мая в Киясовском районе прошли многочисленные мероприятия в честь 67-й годовщины Победы в Великой Отечественной войне.
  7. ↑ Василий Григорьевич Шамшурин [ӟуч] «Герои страны» сайт.
  8. ↑ Аслан Богазов На Аллее славы селения Дзуарикау открыли памятники летчику Василю Шамшурину и Герою Социалистического труда Юрию Кучиеву Россия. Алания.
«https://udm.ruwiki.ru/w/index.php?title=Шамшурин,_Василий_Григорьевич&oldid=486389»-ысь басьтэмын