Черных, Евгений Васильевич

Евгений Васильевич Черных
Вордӥськем нуналыз	20-тӥ гудырикошконэ 1931({{padleft:1931|4|0}}-{{padleft:8|2|0}}-{{padleft:20|2|0}})
Вордӥськем интыез	Сюмси, Удмурт автономной область, Горький улос, РСФСР, СССР
Кулон нуналыз	29-тӥ куартолэзе 2012({{padleft:2012|4|0}}-{{padleft:5|2|0}}-{{padleft:29|2|0}}) (80 лет)
Кулэм интыез	Иж, Россия
Кун	СССР  Россия
Ужудысэз	Ижысь андан ӵыжатон заводысь сталевар
Данъетъёсыз

Евге́ний Васи́льевич Черны́х (20-тӥ гудырикошконэ 1931, Сюмси, Горький улос — 29-тӥ куартолэзе 2012, Иж) — производствоысь совето азьветлӥсь, СССР-ысь Сьӧд металлургияя министерстволэн Ижкарысь андан ӵыжатонъя заводысь андан ӵыжатӥсь, Социалистической Ужысь Герой (1977).

Улон сюресэз

1931-тӥ арын 20-тӥ гудырикошконэ Нижний Новгород улосэ пырись Вотской автономной областьысь (али — Удмурт Элькун) Сюмси черкогуртын вордӥськиз.

Шор ёзо тодон-валан басьтыса но фабрично-заводской дышетонъя школаез йылпумъяса, 1948-тӥ арын производствоя ужзэ мытӥз, Ижкарысь андан ӵыжатон заводын андан ӵыжатӥсьлэн юрттӥсез луыса. Тодмо сталевар, Социалистической Ужысь Герой А. Г. Лыков дорын дышетскиз. 1956-тӥ арын, Совето армиын срочной службазэ нуыса, заводэ берытскиз. Та предприятиын 40 арлэсь ятыр ужатозяз, уногес тыршиз электромартеновской цехын андан ӵыжатӥсь луыса.

Андан ӵыжатӥсьёслэсь бригадазэс валтӥз, со уно аръёс ӵоже социалистической ӵошатсконын азьпал радын вал, заводысь нырысетӥосыз пӧлын пусъемын вал «Коммунистической ужысь бригада» дано нимын.

IX пятилетка дыръя (1971—1975) Черныхлэн бригадаез дырызлэсь вазь ас азяз пуктэм ужпумез быдэстӥз, чакламлэсь ортчыт 2250 тонна вылӥ ӟечлыко андан ӵыжатӥз но 40 000 манетлэсь ятыр коньдон ширъяз. Бригада 12 пумо вылӥ легированной марка андан ӵыжатӥз, ачиз бригадир кӧня ке рационализаторской ӵектонъёслэн авторзы луиз. Черныхлэн бригадаезлэн ужан интыяз андан ӵыжатон быгатонлыкъёсъя школа радъяллязы. X пятилетка дыръя гинэ со 10 квалифицированной сталеваръёсты дасяз.

Планэз но социалистической кылкутонэз быдэстонын азинсконъёсыз понна Евгений Васильевич Черных, СССР-ысь Вылӥ Кенешлэн Президиумезлэн 1977-тӥ арын 10-тӥ инвожое кутэм указэзъя Социалистической Ужысь Герой нимын пусъемын, Ленин нимо орденэн но «Серп но Молот» зарни медален сӥлы каремын.

1978-тӥ арын сменалы кивалтӥсьлэсь ужзэ быдэсъясе юнматӥзы, 1980-тӥ арысен мастер вал, 1982-тӥ арысен — старшоез инженер-технолог.

1961-тӥ арысен КПСС-лэн ёзчиез вал. Пӧртэм аръёсы металлургия удысысь профсоюзъёслэн улосвыл но шор комитетъёсазы, КПСС-лэн Ижкарысь горкомаз ёзчие бырйиськылӥз. Ижкарез но Удмуртиез азинтонлы сӥзем трос улосвыл конференциослэн ужазы пыриськиз.

1981-тӥ арын (50 аресысен) пенсие потӥз но 1992-тӥ арозь «Металлург» лулчеберетъя дворецын ужаз на. 1988-тӥ арын «Ижкарлэн дано муртэз» дано нимын сӥлы каризы, нош 2005-тӥ арын — «Удмурт Элькунлэн дано муртэз» нимын.

Ижын улӥз, татын ик 2012-тӥ арын 29-тӥ куартолэзе 81 аресказ улонысь кошкиз.

Данъетъёсыз

• Социалистической Ужысь Герой (1977);
• Ленин нимо кык орден (1966, 1977);
• Октябрь революци нимо орден (1971);
• Медальёс;
• Социалистической ӵошатсконысь отличник;
• IX пятилеткаысь ударник;
• 1973-тӥ—1976-тӥ аръёсысь социалистической ӵошатсконын вормись;
• Дано металлург;
• Ужысь ветеран.

Валэктонъёс

Чӧлсконъёс

• Черных Евгений Васильевич [ӟуч]

• Почётный металлург завода «Ижсталь» [ӟуч]

• Логинов В. Мальчик из села Сюмси: Евгений Васильевич Черных (рус.) // Ветераны Удмуртии. — 1998. — № 3. — С. 45—49.
• Удмуртская Республика: энциклопедия / Туганаев Виктор Васильевич. — Ижевск: Удмуртия, 2000. — С. 747. — 767 с.
• Почётные граждане города Ижевска: дайджест. — Ижевск: ИБО ЦМБ им. Н. А. Некрасова, 2006.