Черезов, Аркадий Степанович

Аркадий Степанович Черезов
Аркадий Степанович Черезов
Вордӥськем дырыз	15-тӥ куартолэзе 1923
Вордӥськем интыез	Красногорск ёрос
Кулэм дырыз	19-тӥ пӧсьтолэзе 1943 (20 арес)
Кулэм интыез	Троснянский район[d], Орёл улос, РСФСР, СССР;
Кунмуртлыкез	СССР
Кыӵе войскоез	ВВС
Служить карон аръёсыз	1941—1943
Ожмаськонъёс/ожъёс	Быдӟым Атыкай ож
Данъетъёсыз	;
	Медиафайлъёс РувикиМедиа пушкын

Аркадий Степанович Черезов (1923-1943) — Быдӟым Атыкай оже пыриськем мурт, лётчик-штурмовик, Шор фронтысь 78-тӥ гвардейской штурмовой авиацияя полклэн бортовой командирез, гвардиысь лейтенант, Совето Союзысь Герой (кулэмез бере).

Улон сюресэз

Вордӥськиз 1923-тӥ арын 15-тӥ куартолэзе Валамаз гуртын (али Удмуртиысь Красногорск ёросэ пыре). Сизьым нылпи пӧлысь пичиез вал. Вазь анай-атайтэк кылиз. Валамазын сизьым классэз йылпумъяз, собере Ижысь 24 номеро школаын но аэроклубын дышетскиз. 1941-тӥ арын Балашовысь лётчикъёслэсь ожгар училищезэс йылпумъяз.

Армиын 1942-тӥ арын куартолэзьысен. Сталинград оже пыриськиз. Тушмон самолётъёслэн мышказы пырыса, танкъёссэс ыбылӥз. Ожгар операциоссэ ӟеч ортчытэмез понна Горд Кизили орденэн пусъемын вал. 1943-тӥ арын коммунистъёслэн партиязы пыриз.

1943-тӥ арын 5-тӥ пӧсьтолэзьысен — Курск ожын. Нуналлы быдэ кӧня ке пол лобаны потаз, тушмонлы секыт ыштонъёс вайыса. 10-тӥ пӧсьтолэзе Горд Знамя орденэн пусъемын.

19-тӥ пӧсьтолэзе Тросна ёросысь Ломовец черкогурт дорын, танкъёсыз ыбылыкуз, зенитной снаряд самолётэзлэн бензинэн баказ йӧтӥз. Аркадий Черезов, улонзэ утем интые, ӝуась самолётэныз танкъёсын колонна вылэ мертчиськиз, тушмонлы быдӟым ыштонъёс вайиз.

1944-тӥ арын 13-тӥ оштолэзе, кулэмез бере, Аркадий Степанович Черезов Совето Союзлэн Героез нимын но Ленин орденэн пусъемын вал.

Буре ваён

Валамазын Геройлэн синпелетэз, нош Красногорск черкогуртын бюстэз сылэ, вордскем гуртаз солэн нимыныз ульча но вань^[1]. Озьы ик 2007-тӥ арын солэсь нимзэ Валамаз библиотекалы сётӥзы^[2]. Ижысь 24 номеро школаын Геройлы сӥзем музей усьтэмын но буре ваён пул шуккемын вал^[3].

Буре ваён
Красногорск черкогуртысь Геройёслэн скверазы сылӥсь бюст
Ижысь буре ваён пул

Валэктонъёс

↑ Страницы биографии А. С. Черезова Новостной блог Николая Колупаева. Эскеремын 2012-11-20 арын
↑ Решение Совета депутатов муниципального образования «Красногорский район» Удмуртской Республики «О присвоении Валамазской сельской библиотеке имени Аркадия Степановича Черезова» МО «Красногорский район». Эскеремын 2012-11-20 арын
↑ Музей-история МБОУ Гимназия № 24, г. Ижевск. Эскеремын 2013-01-07 арын

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Чӧлсконъёс

Аркадий Степанович Черезов [ӟуч] «Герои страны» сайт.

[ВАЛ-1] Страницы биографии А. С. Черезова Новостной блог Николая Колупаева. Эскеремын 2012-11-20 арын

[2] Решение Совета депутатов муниципального образования «Красногорский район» Удмуртской Республики «О присвоении Валамазской сельской библиотеке имени Аркадия Степановича Черезова» МО «Красногорский район». Эскеремын 2012-11-20 арын

[3] Музей-история МБОУ Гимназия № 24, г. Ижевск. Эскеремын 2013-01-07 арын

[1]

[2]

[3]