Ушаков, Анатолий Алексеевич
| Анатолий Алексеевич Ушаков | |
|---|---|
 | |
| Вордӥськем нуналыз | 1-тӥ коньывуонэ 1950 |
| Вордӥськем интыез | |
| Кулон нуналыз | 12-тӥ толсуре 2004 (54 года) |
| Кун | |
| Ужудысэз | артист, директор |
Анато́лий Алексе́евич Ушако́в яке Очей Толи (1-тӥ коньывуонэ 1950, Алнаш ёрос, Удмурт Автономной Советской Социалистической Республика — 12-тӥ толсуре 2004) — тужгес тодмо удмурт маскарчи, гожъяськись, эстрадая «Шулдыр ӝыт» ансамбльлэн кылдытӥсез но 27 ар ӵоже ссолэн кивалтӥсез (1977—2004). Удмуртиысь но Россиысь дано артист, Удмуртиысь Кун премилэн лауреатэз.
Улон сюресэз
Вордскиз 1950-тӥ арын 1-тӥ коньывуонэ Алнаш ёросысь Куашкам (ӟуч: Юртошур-Какси; али быремын) гуртын трос нылпиё семьяын. Атаез — Алексей Александрович — ветеран, совето-фин но Быдӟым Атыкай ожъёсы пыриськем мурт[1]. Школа аръёсаз литератрной кружоке ветлӥз, нырысь вакчи заметкаос но кылбуръёс гожъяз, нош бӧрысь — юморескаос но серемес веросъёс[2]. Алнаш шор ёзо школаез йылпумъямез бере ёрос культура юртэ ужаны интыяськиз. Пуктӥз спектакльёс, соосын Алнаш но бускель ёросъёстӥ ветлӥз. Огпол удмурт кылын уженыз Муское но вуылӥз[1].
Собере Анатолий Ушаковез Удмурт кун филармоние ужаны ӧтизы но Ленконцертлэн эстрада искусствоя мастерскояз дышетскыны келязы. Сое йылпумъяз 1976-тӥ арын. Нош 1977-тӥ арын Удмурт филармонилэн бурд улаз эстрадая «Шулдыр ӝыт» ансамбль кылдытӥз; ачиз ик соин кивалтӥз, концертъёссэ нуиз но сцена вылын серемес учыръёсты вералляз[1]. Бергес эшшо 2 пол Ленинградын стажировкаос ортчиз на[3].
Уно пол пыриськиз но вормылӥз элькун, улоскуспо но кун вожвылъяськонъёсын, маскарчи сямен тодмо луиз. Солэн юморескаосыз но фельетонъёсыз «Йыр вадьсын инбам» (1984), «Чипы лым» (1993) но «Шулдыр ӝыт» (1996) бичетъёсы пыризы[4].
Улонысь кошкиз 2004-тӥ арын 12-тӥ толсуре, Шаркан ёросын машинаен пазьгиськыса. Ватэмын Алнашысь шайвылэ[2].
Семьяез
- Кузпалыз — Галина Платонова, Удмуртиысь калык артистка.
- Нылыз — Наталья Ушакова, «Шулдыр ӝыт» ансамбльлэн директорез.
- Эмеспиез — Андрей Камалтдинов, «Шулдыр ӝыт» ансамбльысь артист.
- Нунокез — Ева[5].
Данъетъёсыз
- Удмуртиысь но Россиысь дано артист;
- Удмуртиысь Кун премилэн лауреатэз[4].
Валэктонъёс
- ↑ 1 2 3 Елена Сараматова Серекъятыны быгатон - туж секыт уж [удм.] Удмурт дунне.
- ↑ 1 2 Елена Скворцова Учкись уг вунэты! Анатолий Ушаковлы - 70 ар [удм.] Удмурт дунне.
- ↑ Ушаков Анатолий Алексеевич [удм.] Воршуд.
- ↑ 1 2 1 октября 1950 г. [ӟуч] Национальная библиотека Удмуртской Республики.
- ↑ Ольга Корепанова «Шулдыр ӝытысь» шулдыр династия [удм.] Удмурт дунне.
Литература
- Эстрадный ансамбль Шулдыр ӝыт = Весёлый вечер. — [Ижевск] : Секреты красоты и здоровья, 2005. — 11 с.: фот.; 21 см.