Платонова, Галина Иосифовна
| Галина Иосифовна Ушакова | |
|---|---|
 | |
| Вордскем нимыз | Галина Иосифовна Платонова |
| Вордӥськем нуналыз | 21-тӥ тулыспалэ 1953 (73 арес) |
| Вордӥськем интыез | Тылойыл Починка, Можга ёрос, УАССР, РСФСР, СССР |
| Кун | |
| Ужудысэз | кырӟась |
| Кузпалыз | Анатолий Ушаков |
| Данъетъёсыз |
  |
Гали́на Ио́сифовна Плато́нова (картэзъя Ушакова; ворд. 21-тӥ тулыспалэ 1953, Тылойыл починка[d], Удмурт Автономной Советской Социалистической Республика) — удмурт кырӟась, «Шулдыр ӝыт» ансамбльлэн кивалтӥсез но солистэз. Россиысь сӥё-дано, Удмуртиысь калык артистка.
Улон сюресэз
Вордскемын Алнаш ёросысь Тылойыл Починка (ӟуч: Ка́менный Ключ, али Можга ёрос) гуртын. 8 классэз йылпумъяз Атабай школаын, нош шор ёзо школаез — Можга ёросысь Горнякын[1]. Пичи дырысеныз ик кырӟась луэмез потэ вал[2].
Школаез быдтэмез бере одӥг арзэ «Италмас» ансамбльын кырӟаз, собере Ижысь крезьгуръя училищеысь вокалъя ёзэтэз йылпумъяз. Бӧрысь Удмуртиысь культурая министерство но Удмурт кун филармония келязы сое Ленинградысь Ленконцертлэн эстрада искусствоя мастерскояз дышетскыны[2].
Удмуртие берытскыса, «Шулдыр ӝыт» ансамбльын ужаны кутскиз но отын 30 арлэсь кема тыршиз. Со дыр ӵоже уно удмурт но ӟуч кырӟанъёсты быдэстӥз, тужгес яратӥз ариосты, романсъёсты, вашкала удмурт кырӟанъёсты[1]. Гастрольёсын Россиысь уно улосъёсты, Уйпал Кавказэз, Украинаез котыртӥз. Отын ужакуз, ансамбль Удмуртиысь Кун премилэн лауреатэз луиз[3].
Семьяез
Анатолий Ушаковлэн кышноез вал. 2004-тӥ арын картэз бырем бере «Шулдыр ӝытлэн» кивалтӥсез луиз.
- Нылыз — Наталья Ушакова, «Шулдыр ӝыт» ансамбльлэн директорез.
- Эмеспиез — Андрей Камалтдинов, «Шулдыр ӝыт» ансамбльысь артист.
- Нунокез — Ева[4].
Данъетъёсыз но нимъёсыз
- Россиысь дано артистка;
- Удмуртиысь калык артистка[2].
Валэктонъёс
- ↑ 1 2 Лия Малых Платонова Галина Иосифовна [удм.] Воршуд.
- ↑ 1 2 3 Любовь Тихонова Инмар мар сётӥз, соизлы тау [удм.] Удмурт дунне.
- ↑ Платонова Галина Иосифовна [ӟуч] КаЛенДарь | Знаменательных и памятных дат Удмуртии.
- ↑ Ольга Корепанова «Шулдыр ӝытысь» шулдыр династия [удм.] Удмурт дунне.
Литература
- Женщины Удмуртии. — Ижевск, 2007. — C. 142.
- Нянькина Л. Кырӟанэ сюрес // Кенеш. — 2011. — № 2. — С. 64-72.
- Инмар мар сётӥз, соизлы тау : [беседа] / записала Л. Тихонова // Удмурт дунне. — 2013. — 22 февр. — С. 16 : фот.
- Кӧкыын веттам кырӟан : [беседа] / записала Лия Малых // Удмурт кизилиос : очерки, зарисовки, интервью (2001—2007). — Ижевск, 2007. — С. 74-75 : фот.
- Пузанова Н. Н. Песня домашняя и сердечная // Удмуртская правда. — 2008. — 31 окт. — С. 12 : фот.
- Удмуртская Республика. Культура и искусство : энциклопедия. — Ижевск, 2014. — С. 381.
- Христолюбова Л. С. Ушакова (Платонова) Галина Иосифовна // Удмуртские женщины, ХХ век. — Ижевск, 2002. — С. 260 : фот.