Удмурт скороход
| Удмурт скороход | |
|---|---|
 | |
| фестиваль[d] | |
| Радъясьёс |
«Удмурт Элькунысь студент туризмъя федерация» РОО, УдГУ-ысь туризмъя «Траверз команда» нимо клуб, УР-ысь Мугорез кыдатон культурая, спортъя но егитъёсын ужан политикая министерство |
| Кутсконэз | 2009 |
| Ортчытон интыез | |
| Ортчытон интыез | |
| Кун | |
| Сайт | skorohod18.ru |
Удмурт скороход (ӟуч: Удмуртский скороход) — Удмуртиысь пыдын ӝог ветлонъя росси фестиваль. 2009-тӥ арысен радъяське. Арлы быдэ куарусён толэзе ортче.
Историез
2009-тӥ арын турклубе пыриськисьёс но Удмурт кун университетысь студентъёс Ижкар котыретӥ лачак кузя пыдын котыръяськон ортчытӥзы[1]. Ужрадэз радъясь Александр Тринеев тодаз вайылӥз
Кӧня ке дасо кузя адямиос люкаськизы. 100 иськемъем тужгес кузез дистанция вормонтэм йӧтылӥз[1].
Ӝоген озьы пыдын «юмшанэ» арлы быдэ люкаськыны ӧдъязы. 2017-тӥ арын фестиваль грант вормиз но росси фестиваль луиз[2].
2022-тӥ арын проект ВКонтактелэн «Сообществоосты азинтонъя цифровой тӥрлыкъёс» дышетонъя интенсиваз вормиз но мерлыко вотэссэ азинтон-вӧлмытон вылысь 100 сюрс манет утӥз[3].
2023-тӥ арын ужрадэ Удмуртиысь, Свердловск улосысь, Пермь улосвылысь, Татарстанысь 2 847 мурт пыриськиз. Уноез ӝог ветлӥсьёс 25 яке 50 иськемъем вакчи дистанциосы куриськизы. Радъясьёслэн ивортэмзыя, «2 нунал куспын соос оглом 96 925 иськем ортчизы, та экваторлэн кузьдалаезлэсь кык но ӝыны поллы уногес луэ»[4].
Радлыкез
Вань мылкыд карисьёс асьсэлы тупамон дистанция бырйыны быгато: Лайт (25 иськем), Нормал (50 иськем), Профи (75 иськем), Экстрим (100 иськем), Экстрим + (125 иськем), Скороход (150 иськем)[2]. 2020-тӥ арысен 200 иськемез но ортчыны луэ[5].
Пӧртэм темаослы маршрутъёс но ӵектэмын луо. Кылсярысь, 2023-тӥ арын ужрад Ижевск-Балезино чугун сюресэз лэсьтэм дырысен 80 аръем юбилейлы сӥземын вал, соин ик маршрутъёсты та чугун сюрес вай котыртӥ лэзизы[5][6]. 2024-тӥ арын фестиваль Сарапул ёрослэн 100 ар тырмонэз улсын радъяськиз, ёрослэн ог люкетэтӥз ортчиз.
Пыдын котыръяськон кык нунал ӵоже радъяське. Ӝог ветлӥсьёс кӧснуналэ 7:00 часын сюрес вылэ пото, нош финишозь соос арнянуналэ 23:55 часозь вуыны кулэ[5].
Ужрадлэсь 3 нунал азьвыл нимысьтыз сайтын люкаськон инты но маршрут сярысь ивортон потэ[5].
Пусъем нуналэ вань мылкыд карисьёс ивортэм интые люкасько, татын соослы котырысь чаклан (ӟуч: контрольный) пунктъёсын карта сётӥське. Со пунктъёсын ву но пӧсь сиён люкыло, озьы ик со интыосысен каре транспортэн дэмен берытскыны луэ[7]. Кузь дистанциез быръем скороходъёс нимысьтыз чаклам палаткаосын лагерьын кӧлыны быгато[2].
Пыдын юмшанэ вань пыриськисьёслы сертификат сётӥське. Ужрад фестиваль луэ бере, соин ик вормисьёсты нимысьтыз уг чаклало но уг пусъё[7].
Валэктонъёс
- ↑ 1 2 Удмуртский скороход 2018 [ӟуч] traverz.ru. Эскеремын 15-11-2025 арын
- ↑ 1 2 3 Никита Иванов (04-08-2017) Экстремальная прогулка «Удмуртский скороход» стала всероссийской [ӟуч] udmurt.media. Эскеремын 15-11-2025 арын
- ↑ Мария Соловьёва (28-06-2022) Проект «Удмуртский скороход» стал победителем образовательного интенсива для сообществ от ВКонтакте [ӟуч] udmurt.media. Эскеремын 15-11-2025 арын
- ↑ Удмуртский скороход [ӟуч] Известия Удмуртской Республики (07-09-2023). Эскеремын 15-11-2025 арын
- ↑ 1 2 3 4 Александр Кирилин (31-08-2020) «Удмуртский скороход»: время выбирать обувь [ӟуч] Удмуртская правда. Эскеремын 15-11-2025 арын
- ↑ Фестиваль пешей ходьбы «Удмуртский скороход» пройдет 2-3 сентября [ӟуч] Московский Комсомолец в Ижевске (18-08-2023). Эскеремын 15-11-2025 арын
- ↑ 1 2 «Удмуртский скороход 2025» — главное испытание осени [ӟуч] skorohod18.ru. Эскеремын 15-11-2025 арын
Чӧлсконъёс
- Удмуртский скороход [ӟуч]
 |
|---|
