ТУК-Фест

ТУК-Фест
театральной фестиваль
Жанрез	фестиваль[d]
Тематикаез	Россиысь но дуннеысь театральной устолык
Ортчытон дырыз	арлы быдэ ортчись калыккуспо фестиваль
Кутсконэз	2022
Ортчытон интыез
Ортчытон интыез	Удмурт Элькун
Кар	Удмуртиысь каръёсын
Кун	Россия Россия
Медиафайлъёс РувикиМедиа пушкын

ТУК-Фест― Удмуртиын ортчись Россиысь но дуннеысь театральной устолыкъя пӧртэм жанръем фестиваль. Нырысьсэ ортчиз 2022-тӥ арын 2-7-тӥ куарусёнэ. Отчы Удмуртиысь, Татарстанысь, Пермь но Киров улосъёсысь, Москваысь но Санкт-Петербургысь 12 коллектив пыриськиз. Фестиваль огдыре Ижкарысь но Глазкарысь площадкаосын ортчиз.

Кылдэмез

Фестиваль ортчытӥське Лулчеберето кичӧлтонъёсъя Президент Фондлэн, Удмурт Элькунысь Кивалтэтлэн но тӧролэн юрттэмзыя. Сое радъясьёс: Удмурт Элькунысь Культурая министерство, Удмурт Элькунысь Мунё кун театр но «Пролог» АНО. Фестивальлэн девизэз «Сое адӟыны кулэ!» Та ужрадэ Россиысь пӧртэм каръёсысь но улосъёсысь коллективъёс пырисько. Ваньмыз сямен, соос пӧртэм фестивальёслэн но вожвылъяськонъёслэн лауреатъёссы луо, соос пӧлын кунлэн валтӥсь фестивалезлэн ― «Зарни маска» фестивальлэн вормисьёсыз.

2023-тӥ арын

Кыкетӥез «ТУК-Фест» фестиваль радъямын вал Удмуртиысь куинь каръёсын – Ижкарын, Глазкарын но Воткинскын. 24-тӥ инвожоысен 30-тӥ инвожоозь учкисьёс адӟыны быгатӥзы Россилэн укмыс улосъёсысьтыз, озьы ик Армениысь но Франциысь 15 коллективъёслэсь пӧртэм жанръем спектакьёссэс: драма, комедия, эпос, опера. Ужрадэ пыриськизы кун но частной луись театръёс, мунё, драмая, крезьгуро но урамын шудӥсь театръёс, бадӟым формаен пуктэмъёсыз но моноспектакльёс. Удмурт Элькунысь йӧскалык кун театр «ТУК-Фестын» выль премьеразэ возьматӥз – Геннадий Красильниковлэн романэзъя дасям «Арлэн кутсконэз»/«Начало года» спектакльзэ. Ижкарысь Мунё театр «Жили-были чудеса» выжыкылзэ Глазкарын возьматӥз. Фестиваль улсын ортчись спектакльёсы 4000 пала учкись вуылӥз

2025-тӥ арын

2025-тӥ арын фестиваль 1-тӥ инвожоысен 7-тӥ инвожоозь кыстӥськиз. Огдыре Ижкарын, Глазкарын, Воткинскын но Сарапулын Россиысь валтӥсь театръёслэн (Вахтангов нимо тетарысен кутскыса, Образцов нимо мунё тетатрозь), озьы ик Мексикаысь но Азербайджанысь театръёслэн но трос пӧртэм экспериментальной творческой огазеяськонъёслэн спектакльёссы возьматэмын вал. Соос пӧлын нимысьтын нылпиослы но бадӟымъёслы, мунёосын но мунёостэк постановкаос.

Нырысь нуналаз ортчись шествие

Усьтон ужрад ортчиз нырысетӥ нкуналаз, 1-тӥ инвожое. Мунё театр дорысен Шор площадёзь театральной шествие радъямын вал. Отчы пыриськизы Ижкарысь театральной но танцевальной колективъёс, пӧртэм каръёсысь урам театръёс но огшоры учкисьёс. Собере Шор площадьын зэмос театральной карнавал ортчиз. Отын урамын шудӥсь театръёс асьсэлэсь спектакльёссэс возьматъязы. Соос пӧлын зэмос калык мексикан мунёосын шудӥсь Мексикан артистъёслэн «Calaveritas» (Калаверитас) спектакльзы, Москваысь «ИЙ» театрлэсь нымы-кибыослэн тунсыко улонзы сярысь спектаклез, Пермьысь «Туки-Луки» театрлэсь интерактивной ву представлениез но трос тунсыкоез. Урам праздниклэсь нырысь нуналзэ йылпумъяз Гоша Куценколэн «ГК» группаез.

Озьы ик фестивальлэн нырысетӥ нуналаз возьматэмын вал Сергей Образцов нимо мунё театрлэн «Цирк на нитях» легендарной спектаклез, нош берпуметӥ нуналаз – Евгений Вахтангов нимо театрлэн оркестрлэн шудэмезъя Александр Пушкинлэсь «Сказки о попе и о работнике его Балде» спектаклез. Программаын аспӧртэмлыко жанръёсын дасям спектакльёс но фестивальной постановкаос возьматӥськизы, кылсярысь: спектакль-рок-концерт (Санкт-Петербург), моноопера (Новосибирск), кукольно-масочной феерия (Пермь), Азвесь даурысь кылбурчиосын кабаре (Нягань), туала эктон амалэн пуктэм ӟуч литератураысь классика (Калуга), Шекспирез выль сямен адӟытон (Новороссийск) но мукет .

Фестиваль улсын оштолэзе ТУК-АРТ адӟытон ужаны кутскиз. «Люди, куклы, война» шуыса нимаськиз но Удмурт Элькунысь Мунё театрлэн 90 ар тырмонэзлы но Быдӟым Вормонлы 80 ар тырмонлы сӥземын вал.

Пӧртэм каръёсысь театръёслэсь спектакльёссэс учкем сяна, мыло-кыдоос понна ужаз ТУК-ЛАБ (творческой лаборатория). Куинетӥяз фестивальын со Москваысь, Санкт-Петербургысь, Новосибирскысь но Хабаровскысь командаосты огазеяз, ужан дыр куспын соос пӧртэм жанръёсын спектакльёслы 4 эскиз дасязы: мунё театр/арбери, драма, крезьгуро театр, кар театр. Котькуд возьматон бере учкисьёсын вераськон-кенешон ортчиз.

Валэктонъёс