Стрелков, Спиридон Михайлович

Рувикиын таӵе фамилиен мукет муртъёс сярысь гожтосъёс вань. Учке: Стрелков.

Спиридон Михайлович Стрелков
Вордӥськем дырыз	8-тӥ шуркынмонэ 1917(1917-11-08)
Вордӥськем интыез	Зура черкогурт, Эгра ёрос, Удмуртия
Кулэм дырыз	4-тӥ тулыспалэ 1945(1945-02-04) (27 арес)
Кулэм интыез	Германия
Кунмуртлыкез	СССР СССР
Кыӵе войскоез	пехота
Служить карон аръёсыз	1938—1945
Званиез
Ожмаськонъёс/ожъёс	Быдӟым Атыкай ож
Данъетъёсыз

Спиридон Михайлович Стрелков (1917—1945) — Рабоче-крестьянской Горд Армиысь старшой сержант, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Спиридон Стрелков вордӥськиз 1917-тӥ арын 8-тӥ шуркынмонэ Зура черкогуртын (али — Удмуртиысь Эгра ёрос). Школаын 6 класс дышетскемез бере, колхозын вал сюдӥсь луыса ужаз, собере тракторен прицепщик. 1938-тӥ арын Стрелковез Горд Армие басьтӥзы. 1944-тӥ арысен — Быдӟым Атыкай ожысь фронтъёсын ожмаськиз. Отын ик сӧсырмыны шедиз.

Службаез

1944-тӥ арын инвожо толэзьысен сержант Спиридон Стрелков 3-тӥ Белорус фронтысь 33-тӥ армилэн 222-тӥ стрелковой дивизиезлэн 774-тӥ стрелковой полкысь пулемётной отделениен кивалтӥз.Белоруссиысь Витебск но Могилёв каръёс понна ожмаськиз. 1944-тӥ арын 23-тӥ инвожое Стрелковлэн расчётэз нырысетӥосыз пӧлын Проня шур вамен выжыса, Могилёв улосысь Головичигурт котырысь ожмаськонэ пыриськиз. Стрелков ачиз немез дзотэз пушкытӥз, нош котырысь эшъёссэ ыштэмез бере, огназ кыльыса но фашистэз берлань чигнатыны быгатӥз. 1944-тӥ арын 7-тӥ пӧсьтолэзе Свислочь шур дурысь Мацевичи гурт котырын ожмаськыку ачиз огназ 7 немец солдатэз быдтӥз но 18-сэ пленэ басьтыны быгатӥз. 1945-тӥ арын 4-тӥ тулыспалэ Франкфурт-на-Одере котырын ожмаськонын бырыны шедиз. Спиридон Стрелков Аурит гурт котырысь шайвылын ватэмын (Цильтендорф коммуна, Бранденбург, Германия).

СССР-ысь Вылӥ Кенешлэн Президиумезлэн 1945-тӥ арын 24-тӥ южтолэзе поттэм Косэтэзъя Спиридон Стрелков сержант «кышкасьтэм но геройлыко луэмез понна» кулэмез бере Совето Союзлэн Героез вылӥ нимын пусъемын. Озьы ик Ленин нимо орденэн но Атыкай ожлэн 2-тӥ степенё медаленыз пусъемын.

Горд Армие басьтэмзы бере, Шундыӝужан палан служить кариз. Шундыпуксёнпал фронтэ 1944-тӥ арын тулыспалэ вуиз. , Проня но Березина шуръёс вамен выжиз. Сӧсырмыны шедьыса но гуртаз ӧз берты, эшъёсыныз ӵош Проня шур дырысь госпитальын йӧнатскиз. Шур вамен выжанэз утись фашист группаен ожмаськыку, нырысь пулемётчикъёсты быдтӥз, Таӵе кышкасьтэм ожмаськемез понна полклэн командирез сое вылӥ Званилы ӵектӥз. Со куспын Михаил Спиридонович Одер шур вамен но потыны вуиз. Отын ик 1945-тӥ арын 4-тӥ тулыспалэ бырыны шедиз.

Буре ваён

Геройлэн нимыз Зура школалы сётэмын. Татын гажаса утё солы сӥзем сэрегез. Нош Эгра ёросын котькуд ар ортчыло куасэн бызьылонъя Спиридон Михайлович Стрелковлы сӥзем ӵошатсконъёс.

Валэктонъёс

Литература

• И. Г. Кулёмин. Героев наших имена. Ижевск, 1975.
• Р. И. Яшина. Ожын кыдам чуръёс//Вордскем кыл. 1996. 4-тӥ № 39-44-тӥ б.