Лымыныл

Википедиысь материал
Лымыныл
ӟуч: Снегурочка
В. М. Васнецов. «Снегурочка». 1899
В. М. Васнецов. «Снегурочка». 1899
Кылдытӥсез славян калыклэн устной творчествоез но кар фольклор
Произведениос «Снегурочка» (выжыкыл); «Снегурочка» (пьеса); «Снегурочка» (опера); «Снегурушка» (выжыкыл).
Кин луэмез нылмурт
Арлыдыз пичи ныл, нылмурт, егит ныл
Семьяез крестьян
Мукет нимъёсыз Снегурка, Снежевиночка
Логотип РУВИКИ.Медиа Медиафайлъёс РувикиМедиа пушкын

Лымыныл ӟуч: Снегурочка (Снегурка, Снежевиночка)[1] — ӟуч выжыкылысь выль ар персонаж, Тол Бабайлэн внучкаез но юрттӥсез. Тол Бабай но нылпиос куспын герӟасьмурт луэ[2]. Куддыръя пичи ныл тусын, куддыръя — егит ныл выллем возматӥське. Тол Бабайлэн юрттӥсез чотын нырысьсэ Лымыныл потӥз 1937-тӥ арын Мускоысь Союзъёслэн Юртазы[2].

Персонажлэн историез

Ӟуч фольклорын

Пыр-почгес учке Снегурочка (сказка)

Лымыныллэн образэз славян калыклэн сям-йылолаз пусъемын, озьы ик пумиське калык фольклорын[2]. Ӟуч фольклорын Лымыныл лымылэсь колӟаса лэсьтэм нылаш ― Снегурка (Снежевиночка) ― калык выжыкылысь персонаж луэ. Та сюжетэз 1869-тӥ арын тупатъяса печатлаз вал А. Н. Афанасьев «Поэтические воззрения славян на природу» ужезлэн кыкетӥ томаз: «Лымылэсь кылдытэмен, Снегурка (Снежевиночка, немцъёслэн Schneekind) нимамын». Выжыкылын пересь воргорон но пересь кышномурт асьсэлы лымылэсь мунё колӟало но со лулъяське, нош гужем эшъёсыныз тэле мыныса шунаса быре.

Революцилэсь азьпал поттэм рождественской открытка

Устолыкын

1873-тӥ арын А. Н. Островский, Афанасьевлэн выжыкылъёсыз вылэ инъяськыса, «Снегурочка» пьеса гожтӥз. Отын Лымыныл Тол Бабайлэн но Тулыслэн нылзы шуыса возьматэмын, но шунды-инмарез Ярилоез сӥлы карон йылол ортчытон вакытэ бырыны шеде. Пьесаын со сайкыт ымныро тӧдьы йырсиё ненег нылаш. Нырысь-валысь пьеса калыклы ӧз яра . Озьы ке но, 1882-тӥ арын Н. А. Римский-Корсаков «Снегурочка» пьесая, со нимын ик опера гожтӥз, кудӥз туж азинлыко луиз[2].

Берло Лымыныллэн образэз XIX даурлэн пумаз — XX даурлэн кутсконаз нылпи ёлкаосты радъясь дышетӥсьёслэн ужъёсазы-сценарийёсазы кутӥськиз. Революцилэсь азьпал Лымыныл тусо шудонъёсын выль ар кызъёсты чебермаллязы, нылашъёс Лымыныл костюмъёс дасяллязы, выжыкылысь, Островскийлэн пьесаысьтыз но операысь люкетъёсызлы инсценировкаос лэсьтылӥзы. Со вакытэ Лымыныл праздникез нуись чотын ӧз кутӥськы на вал[2].

Совето Союзын

Революци бере вӧсьбур кунэн юн чакласькыса возиськиз, кылсярысь Толсур но ваньмыз соин герӟаськем сямъёс. 1929-тӥ арысен совето Россиын Толсурез (ӟуч: Рождество Христово) пусъён алэмын вал[3]. СССР-ысь СНК-лэн 24.09.1929 арын «О рабочем времени и времени отдыха в предприятиях и учреждениях, переходящих на непрерывную производственную неделю» Пуктэмезъя, «В день нового года и дни всех религиозных праздников (бывших особых дней отдыха) работа производится на общих основаниях» шуыса гожтэмын.

1935-тӥ арын кун политикалэн воштӥськеменыз, толсур сям-йылолъёс Выль арез пумитанлэн ог люкетэзлы пӧрмиз . Совето вакытэ выль ар шулдыръяськонъёсты радъян сярысь книгаосын Лымыныл Тол Бабайлэн юрттӥсез но нылпиосын герӟасьмуртэз сямен возьматэмын. 1937-тӥ арлэн кутсконаз Мускоысь Союзъёслэн юртазы выль ар шулдыръяськонъёсы Тол Бабай но Лымыныл нырысьсэ ӵошен вуизы. Азьвыл совето тусъетъёсын Лымыныл пичи нылаш тусын возьматӥськылӥз, нош егит ныл тусын бергес возьматылыны кутскизы[2]. XX даурысь почта открыткаосын Тол Бабай ӵемысь Выль ар пияшен ӵошен тусъетамын, песяез горпдпыръем тулупен, нош птияшез ― чагырен. Со сямья ик берло Лымынылэз чагыр дӥсен возьматылӥзы[4].

Ож бере аръёсы Лымыныл котькуд Выль ар шулдыръяськонын Тол Бабаен ӵошен возьматэмын. Выль ар азьын Лымынылъёсты театральной вузъёсысь студенткаос но егит актрисаос шудылӥзы. Самодеятельной постановкаосын Лымыныллэсь рользэ бадӟым классын дышетскись тӧдьы йырсиё нылашъёслы, егит нылкышноослы сётъяллязы[2].

Лымыныллэн коркаез

«Снегурочка» фильмлы (1968) Мера шур дурын быдэс «берендей гурт» пуктэмын вал. Интыез юнме шорысь быръемын ӧй вал: та палъёсын, Щелыково гуртын, Островский аслэсьтыз пьесазэ гожтӥз. Съёмкаос бере пу коннструкциос Костромае выжтэмын но отын «Берендеевка» парк кылдытэмын вал. 2008-тӥ арын Костромаын Лымыныллэн коркаез пуктэмын. 2009-тӥ арын 4-тӥ оштолэзе нырысьсэ Лымыныллэн вордӥськем нуналыз пусъемын вал, со дырысен арлы быдэ пусйиське[5].

Рекордъёс

2023-тӥ арын 23-тӥ толсуре Кемеровоысь Олимпийской паркын «Кузбасс-Арена» спорткомплекс азьын ортчем Лымынылъёслэн трос калыкен круге султыса ветлонзы Россиысь рекордъёсын книгае пыртэмын вал. Со ужрад Лымынылъёслэсь Нырысетӥ огъякузбасс ӵошатсконзэс йылпумъяз[6]. Рекордъёсын книгалэн регистраторез Юлия Пронкина пусйиз: «Спешу сообщить, что рекорд — самый массовый хоровод в костюмах Снегурочки с результатом 1071 участница — официально зарегистрирован»[7].

Ужрадэ пыриськемъёс пӧлысь тужгес арлыдоезлы, Зоя Плотниковалы, 101 арес тырмиз. Со кругетӥ Елизавета правнучкаеныз ӵошен ортчиз[8].

Лымыныллэн образэз устолыкын

Кинематографын

Калык выжыкылъя

  • «Сказка о Снегурочке» (1957) — В. Д. Дегтярёв режиссёрлэн мультфильмез.
  • «Снегурка» (1969) — В. Д. Дегтярёв режиссёрлэн мультфильмез.

А. Н. Островскийлэн пьесаезъя

  • «Снегурочка» (1952) — И. П. Иванов-Вано режиссёрлэн мультфильмез.
  • «Снегурочка» (1968) — П. П. Кадочников режиссёрлэн кинофильмез, Снегурочкалэсь рользэ шудэ Евгения Филонова.
  • «Весенняя сказка» (1971) — Ю. Н. Цветков режиссёрлэн телефильмез, Снегурочкалэсь рользэ шудэ Наталия Богунова.
  • «Ледяная внучка» (1980) — Б.Рыцарев режиссёрлэн кинофильмез, Снегурочкалэсь/Любалэсь рользэ шудэ Светлана Орлова, князьлэсь рользэ — Альберт Филозов.
  • «Снегурочка» (2006) — М. А. Муат режиссёрлэн мультфильмез

Мультфильмъёс

  • «Зимняя сказка» (1945) — мультфильм-фантазия, сценарийлэн авторъёсыз Иван Иванов-Вано но Евгений Шварц, сюжетэзъя коньыос лымымунё лэсьто но Лымыныл вордӥське.
  • «Когда зажигаются ёлки» (1950) — мультфильм, сценаристэз Владимир Сутеев, нырысьсэ Лымыныл Тол Бабайлэн юрттӥсез сямен возьматэмын.
  • «Ну, погоди!» (выпуск 8, 1974) — мультфильм, Снегурочкалэн костюменыз — Кион (образлэн гротескез) Кечен ӵошен «Тол бабайлэсь но Лымыныллэсь кырӟанзэ» быдэсто.
  • «Дед Мороз и серый волк» (1978) — мультфильм, сценарий Владимир Сутеев, Снегурочка появляется как спутница Деда Мороза.
  • «Партизанская Снегурочка» (1981) — мультфильм.
  • Сказочный патруль (2016 —) — мультсериал. Лымынылэз озвучить кариз (Снежкаез) Полина Кутепова.

Фильмъёс

  • «Новогодние приключения Маши и Вити» (1975) — Лымыныллэсь рользэ шудэ Ирина Борисова.
  • «Снегурочку вызывали?» (1985) — Лымыныллэсь рользэ быдэстэ Ирина Алфёрова.
  • «Ирония судьбы. Продолжение» (2007) — Лымыныллэсь рользэ быдэстэ Евгения Добровольская.
  • «Моя мама — Снегурочка» (2007) — Лымыныллэсь рользэ быдэстэ Мария Порошина.
  • «Срочно требуется Дед Мороз» (2007) — Лымыныллэсь рользэ быдэстэ Светлана Письмиченко.
  • «Снегурочка. Пасхальная сказка» (2010) — Лымыныллэсь рользэ быдэстэ Татьяна Петрова.
  • «Страна ОЗ» (2015) — Алиса Хазанова но Дарья Екамасова
  • «Снегурочка против всех» (2021) — Лымыныллэсь рользэ быдэстэ Надежда Сысоева

Крезьгурын

  • 1882-тӥ арын Н. А. Римский-Корсаков «Снегурочка» опера гожтӥз.
  • Кырӟан-дуэт «Расскажи, Снегурочка, где была», быдэсто Кион (А. Папанов) но Лудкеч (К. Румянова) «Ну, погоди!» мультсериаллэн 8-тӥ выпусказ (1974). Та кырӟанлы «Сектор Газа» группа пародия кылдытӥз («Ночь перед Рождеством» альбом) (1991).
  • «Снегурочка» — «Жестокий романс» фильме пыртымтэ кырӟан (1984), Людмила Гурченколэн быдэстэмезъя фильмысь кырӟанъёсын грампластинкаосын вань.

Изобразительной искусствоын

  • «Снегурочка» (1899) — Виктор Михайлович Васнецов. Дэра, вӧй. 116х80 см. Музей: Третьяковской галерея.

Галерея

  • Зворыкин Б. В. Снегурочка (1925-тӥ ар котырын)

    Зворыкин Б. В. Снегурочка (1925-тӥ ар котырын)

  • Интерьерной мунё Снегурочкалэн костюменыз

    Интерьерной мунё Снегурочкалэн костюменыз

  • Костромаын Лымыныллэн коркаез

    Костромаын Лымыныллэн коркаез

  • Тол Бабай но Лымыныл «Кремлёвской ёлкаын» 2016/2017-тӥ аръёсы

    Тол Бабай но Лымыныл «Кремлёвской ёлкаын» 2016/2017-тӥ аръёсы

  • Тол Бабай но Лымыныл Беловежской пущаын, 2004 год

    Тол Бабай но Лымыныл Беловежской пущаын, 2004 год

  • Кемеровоысь Лымынылъёслэн круген ветлоназы пыриськемъёс. 2023-тӥ ар

    Кемеровоысь Лымынылъёслэн круген ветлоназы пыриськемъёс. 2023-тӥ ар

Валэктонъёс

  1. ↑ Афанасьев, 1994, с. 639.
  2. ↑ 1 2 3 4 5 6 7 Душечкина 2003
  3. ↑ Рожков А. Ю. В кругу сверстников: жизненный мир молодого человека в Советской России 20-х годов : в двух томах (Том 1) — Краснодар: Перспективы образования, 2002 — Стр. 171—205 с.— ISBN 5-93749-017-7
  4. ↑ Идеологически верная Снегурочка: откуда взялась внучка Деда Мороза
  5. ↑ 5-6 апреля 2013 года в Костроме состоится V Межрегиональный праздник, посвященный Дню рождения Костромской Снегурочки [ӟуч] Эскеремын 2013-04-05 арын  [недоступная ссылка]
  6. ↑ Сердакова, Е. В Кемерове 1 071 Снегурочка прошлась в гигантском хороводе [ӟуч] Комсомольская правда.
  7. ↑ В Кемерово прошел самый массовый хоровод Снегурочек в России, РИА Новости (20231223T1155). Эскеремын: 12 шуркынмонэ 2024 арын.
  8. ↑ Снегурочки Кузбасса установили рекорд России – РИА «Кузбасс» [рус.]

Литература

  • Афанасьев А. Н. Поэтические воззрения славян на природу. — М.: Индрик, 1994. — Т. 2. — 784 с. — ISBN 5-85759-011-6. Архивировано 16 оштолэзе 2014 года.
  • Душечкина Е. В. Дед Мороз и Снегурочка // Отечественные записки : журнал. — М., 2003. — № 1.
  • Душечкина Е. В. Три века русской ёлки // Наука и жизнь : журнал. — 2008. — № 1.
  • Елкина, М. В. Сказочный сюжет «Снегурочка» и его интерпретация русскими писателями: автореферат дис. … кандидата филологических наук: 10.01.09 / Елкина Мария Владимировна. — Челябинск: Челябинский государственный университет, 2009.

Чӧлсконъёс

«https://udm.ruwiki.ru/w/index.php?title=Лымыныл&oldid=502439»-ысь басьтэмын