Садовников, Владимир Геннадьевич

РАН экспертиза

Экспертиза ортчытэмын
Россиысь Тодосъёсъя Академиен

Рос-прос лыдӟе

РАН экспертиза

Экспертиза ортчытэмын
Россиысь Тодосъёсъя Академиен

Рос-прос лыӟе

Рувикиын таӵе фамилиен мукет муртъёс сярысь гожтосъёс вань. Учке: Садовников.

Владимир Геннадьевич Садовников
Вордӥськем дырыз	25-тӥ толшоре 1928({{padleft:1928|4|0}}-{{padleft:1|2|0}}-{{padleft:25|2|0}})
Вордӥськем интыез	Шонгуты[d], Шонгутская волость[d], Буинский кантон[d], Татарская Автономная Советская Социалистическая Республика[d], РСФСР, СССР
Кулэм дырыз	26-тӥ тулыспалэ 1990({{padleft:1990|4|0}}-{{padleft:2|2|0}}-{{padleft:26|2|0}}) (62 года)
Кулэм интыез	Вотка, Удмурт Автономной Советской Социалистической Республика, РСФСР, СССР
Кун	СССР
Тодос удысэз	ракета лэсьтон
Ужан интыез	Южмаш[d] Ижевский механический завод[d] Воткинский завод[d]
Дышетскемез	Казанский национальный исследовательский технический университет имени А. Н. Туполева[d] (1953)
Данъетъёсыз	Воткалэн Дано кунмуртэз

Влади́мир Генна́дьевич Садо́вников (1928-тӥ арын 25-тӥ толшоре Татар АССР-ысь Буа кантонысь Шонгут волостьысь Шонгутын, РСФСР, СССР — 1990-тӥ арын 26-тӥ тулыспалэ Удмурт АССР-ысь Воткаын) — ракета лэсьтонъя совето конструктор.

Социалистической Ужысь кык полэс Герой, Воткаысь машиностроительной заводлэн директорез, «Воткаысь машиностроительной завод» производствоя огазеяськонлэн валтӥсь директорез.

Улон сюресэз

Владимир Геннадиевич Садовников 1928-тӥ арын 25-тӥ толшоре Татар АССР-ысь Апостов ёросысь Шонгуты гуртын вордӥськемын.

1953-тӥ арын Кузонысь авиацияя институтэз йылпумъямез бере, Владимир Садовников Днепропетровске ыстэмын вал. Татын со 1953-тӥ арысен 1958-тӥ арозь «Южмаш» заводын инженер, старшой инженер луыса тыршиз, СССР-ысь наукаосъя академилэн «Космос» но «Интеркосмос» ракетаос лэсьтон комплексъёсъя валтӥсь конструкторез вал, «инмысь инме» лобись ракетаосты поттӥсь конструкторъёслэн группаенызы кивалтӥз.

1958-тӥ арын Владимир Садовников Ижкаре улыны выжиз, Механикая заводэ уже интыяськиз, татын нимысьтыз конструктор бюроез кылдытӥз-радъяз но соин кивалтӥз. 1960-тӥ арын сое заводлы валтӥсь инженере пуктӥзы.

1966-тӥ арын инвожое Владимир Садовниковез Воткаысь машиностроительной заводлы директоре юнматӥзы, отӥяз «Воткаысь машиностроительной завод» производствоя огазеяськонлэн валтӥсь директорез луиз.

1966-тӥ арысен 1988-тӥ арозь Владимир Садовников кивалтэм улсын Воткаысь машзавод пӧртэм вакытъёсы уно пумо ракетаос поттӥз: Темп-2С ракета комплекс 15Ж42, «Пионер» 15Ж45 РК (солэн модификациез — «Пионер-УТТХ» 15Ж53 РК но «Пионер-3» 15Ж57 РК), Тополь но Ока оперативно-тактической ракета комплекс 9К714. Озьы ик завод мисьтаськон машинаос, нылпи коляскаос лэсьтылӥз, таос ӟечлыко пусэн дунъямын вал.

Ракетаос поттэм сяна, заводын кортэн выронъя пӧртэм станокъёс лэсьтылӥзы: 1960-тӥ аръёсы — 6Н13 но 6М13П шонересь фрезерной станокъёс, числоосын но программаен ужась (ЧПУ) 9ФСП но 9ФСПМ фрезерной станокъёс; 1970-тӥ аръёсы — умоятэм 6Р13 но ВМ127 модельёс, ВМ130Н универсальной фрезерной станокъёс, мертась-чаклась арбериосын ужась ВМ130В станокъёс, трос ужез быдэстыны быгатӥсь шоро-куспо быдӟалаем ВМ140 станокъёс, трос ужез быдэстыны быгатӥсь но тӥрлыкез ачиз воштӥсь ВМ150Ф4 станокъёс; 1980-тӥ аръёсы — шпиндельлэсь частотазэ ачиз воштӥсь ВМ140Ф3 станокъёс, «Луч-43» ЧПУ-эн ужась ВМ141Ф3-01 станокъёс, шорзэ выльдӥсь (ОЦ) 40 тӥрлыкен ужась ВМ500 ПМФ4 модельлы станокъёс но «Луч-3» ЧПУ.

Поттэм станокъёс СССР-ысь ВДНХ-е огпол гинэ калык син азе поттэмын ӧй вал, дипломъёсын пусъемын, нош ужасьёс ВДНХ-лэн медальёсыныз данъямын.

Владимир Садовников кивалтэм улсын завод улон-вылонлы но бадӟым саклык висъялляз — Воткаын улыны тупамон выль микрорайон ӝутэмын, Вотка тыметлэн ярдурез выльдэмын, больница комплекс, поликлиника, санаторий-профилакторий пуктэмын, техучилищелы но машиностроительной техникумлы юртъёс лэсьтэмын, магазинъёс усьтэмын но трос мукетыз быдэстэмын.

Владимир Садовников кивалтон вакытэ Вотка завод 1966-тӥ 1981-тӥ аръёсы Ужысь Горд Знамя орденэн пусйылэмын, 1976-тӥ арын Ленин нимо орденэн данъямын, 1967-тӥ арын — министерстволэн но ЦК профсоюзэзлэн юбилей Горд Знамяен, 1970-тӥ арын КПСС-лэн ЦК-езлэн, СССР-ысь Вылӥ Советлэн Президиумезлэн, СССР-ысь Министръёслэн Кенешсылэн но ВЦСПС-лэн Данъян грамотаосынызы сӥлы каремын, 1982-тӥ арын КПСС-лэн ЦК-езлэн, СССР-ысь Министръёслэн Кенешсылэн, ВЦСПС-лэн но ВЛКСМ-лэн ЦК-езлэн киысь кие выжись Горд Знамяенызы данъямын, СССР-ысь ВДНХ-ын всесоюзной Данъян пул вылэ пыртэмын.

1988-тӥ арын Владимир Садовников пенсие потӥз. Воткаын улӥз.

1990-тӥ арын 26-тӥ тулыспалэ Владимир Садовников ас мылкыд каремезъя улонысь кошкиз. Ватэмын Воткаысь лымшор шайвылын.

Данъетъёсыз

• СССР-ысь Вылӥ Советлэн Президиумезлэн 1976-тӥ арын 9-тӥ куарусёнэ юнматэм Указэныз нимысьтыз техника поттон удысын вормонъёс басьтэмез понна Владимир Геннадьевич Садовниковлы Социалистической Ужысь Герой ним сётэмын, соку ик Ленин нимо орденэн, «Серп и Молот» медальёсын пусъемын.
• СССР-ысь Вылӥ Советлэн Президиумезлэн 1981-тӥ арын 15-тӥ куартолэзе юнматэм Указэныз производствоын вормонъёс басьтэмез, вить аръем планэз дырызлэсь вазь быдэстэмез, производствозэ йылтэмез, ассэ жалятэк тыршемез понна Владимир Геннадьевич Садовников Ленин нимо орденэн но «Серп и Молот» кыкетӥ медален пусъемын.
• Ленин нимо куинь орденэн, Ужысь Горд Знамялэн орденэныз но медальёсын данъямын.
• СССР-ысь Кун премиен сӥлы каремын.
• Воткалэн Дано кунмуртэз.

Политикаын ужез

Владимир Садовников Удмурт Элькунысь Вылӥ Советлэн 7-11 ӧтчамысьтыз депутат вал (1967-тӥ — 1985-тӥ аръёсы). Со сяна, КПСС-лэн 24-тӥ но 27-тӥ ӧтчамъёсаз делегат вал.

Буре ваён

• Владимир Садовниковез сӥлы карыса, Воткаын солэн нимыз машиностроительной техникумлы но ульчалы сётэмын.
• Садовниковлэн бюстэз Воткаын солы сӥзем ульчае пуктэмын.

Валэктонъёс

Чӧлсконъёс

• Владимир Геннадьевич Садовников(ӟуч) «Герои страны» сайт.

• Биография и архивные фотографии Садовникова