Сабакин, Лев Фёдорович

Лев Фёдорович Саба́кин
Лев Фёдорович Саба́кин
Вордӥськем нуналыз	1746
Вордӥськем интыез	Старица[d], Тверь провинция[d], Новгород губерния[d], Росси империя[d];
Кулон нуналыз	12‑тӥ (24-тӥ) гудырикошконэ 1813
Кулэм интыез	Иж, Сарапул утем, Ватка губерния, Росси империя[d];
Кун	Росси империя[d];
Ужудысэз	механик-изобретатель
Нылпиосыз	Анна, Александр, Иван
Данъетъёсыз

Экспертиза РАН

Экспертизаез ортытӥз
Россиысь Тодосъёсъя Академия

Поыр-поч лыдӟе

Лев Фёдорович Саба́кин (1746, Старица^[d], Новгород губерния^[d] — 12‑тӥ (24-тӥ) гудырикошконэ 1813, Иж, Ватка губерния) — механик, часъёсты лэсьтӥсь конструктор, Вӧсьлыко Владимир нимо IV степенё орденэн пусъем мурт.

Улон сюресэз

Вордӥськиз 1746-тӥ арын Старица карын. Гурт школаез йылпумъямез бере Тверьысь уголовной палатае копиист луыса службае кутскиз, но ӝоген канцеляристэ юнматэмын вал. 1779-тӥ—1784-тӥ аръёсы Тверьын губерниысь валтӥсь механик вал^[1]^[2]^[3]^[4].

Механикаен тунсыкъяськылӥз но часъёс лэсьтылӥз, ӵапак талы луыса 1774-тӥ арын со сярысь тодӥз Екатерина II [ӟуч] (удм. императрица. Солэн указэзъя Сабакин практикая механикаез тодон-валан понна Англие ыстэмын вал, татын со 1784-тӥ арысен 1786-тӥ арозь улӥз^[2].

Лев Сабакин нимысьтыз саклык висъязы паровой яке «тыл» машинаослы. Россие берытскемез бере Сабакин практикая механикая тодон-валанъёссэ вӧлмытӥз^[5]. 1800-тӥ арозь Тверьын губерниысь валтӥсь механик луыса службазэ азинтӥз^[3]. Вормонъёсыз понна сое коллежской асессорлэн [ӟуч] (удм. чинозяз ӝутӥзы.

1797-тӥ—1799-тӥ аръёсы Павел I императорлэн [ӟуч] (удм. косэмезъя ни кыкетӥзэ Англие вуылӥз, таяз учыре — манет ӵыжатонэз радъян, станокъёсты но агрегатъёсты поттон ужен тодматскон вылысь^[2].

1799-тӥ арын Екатеринбургысь Заводъёсын кивалтонъя валтӥсь управлениысь канцелярие механике юнматэмын вал. Уралын Сабакин 11 пӧртэм машинаосты лэсьтӥз, соос пӧлын Улӥ Исет но Каменск заводъёсысь крич горнъёслы [ӟуч] (удм. чаклам цилиндр выллем мехъёс [ӟуч] (удм., тылпу кысӥсь машина, бадӟым диаметрен цилиндръёсты вӧлонъя тӥрлык, манетъёсты штампен лэсьтонъя стан^[2]^[3]^[6]. 1803-тӥ арын Берёзовскысь промыселъёслы парен ужась машинаосты лэсьтонэн выриз^[4]. 1805-тӥ арын, А. Ф. Дерябин ӧтемъя, Вотка заводэ выжиз но Ижысь пыӵалтӥрлык лэсьтон заводэз пуктонэ пыриськиз^[5]^[7]. Ӝоген надворной советниклэн [ӟуч] (удм. чиназ отставкае потӥз, но станокъёсты, машинаосты но тӥрлыкъёс лэсьтон но умоятон ужзэ азинтӥз^[1].

1810-тӥ арын Сабакин кивалтэм улысын Вотка заводэ Уралын нырысь ик пуктэмын вал прокатъя стан, корт листъёслэсь поддонъёсты вандонъя станокъёс, тылпуосты кысонъя фабрикаослэн липет йылазы ву тубытонъя машинаос, вылӥ ужазинлыкен копёр, омырез пелляса ужась машина умоятэмын, озьы ик токарь станокъёсты поттон радъямын, соосты отӥяз Гороблагодатской заводъёсы [ӟуч] (удм. пуктӥзы^[8]^[2].

1811-тӥ арын Ижысь заводын Сабакин пыӵал гумыосты вандылон понна вуэн ужась станок малпаз, фабрикалэсь ужазинлыксэ трослы будэтӥз. Озьы ик со гумыосты умоятонъя, резьбаез но пазэз вандылонъя станокъёс кылдытӥз но лэсьтӥз^[9]^[4].

1812-тӥ арын Атыкай ож кутскем бере 66 аресказ со заводын ужан понна выльысь Ижкаре куриськиз^[1].

Лев Сабакин Ижкарын 1813-тӥ арын 12-тӥ (24-тӥ) гудырикошконэ улонысь кошкиз^[6]^[4]. Ватэмын Нагорной шайвылын^[5].

Ас улонэз

Куд-ог исследовательёслэн малпамзыя, Сабакин 1770-тӥ аръёслэн кутсконазы кузпалъяськиз, солэн куинь пиналъёсыз вордӥськизы — Анна нылыз (Павел Аносовлэн [ӟуч] (удм. мумиз) но Александр (1774) но Иван (1780) пиосыз.

1806-тӥ арын сирота кылем ньыль пичиесь нуныкайёссэ будэтонэз ас авылаз басьтӥз, соос пӧлын вал Павел Аносов — вуоно металлург, ӟуч булатэз кылдытӥсь^[1]^[10]^[2].

Ужъёсыз но изобретениосыз

Шотланд механиклэсь Дж. Фергюсонлэсь англи кылысь сочинениоссэ берыктӥз^[3]^{[комм. 1]}:
«Лекции о разных предметах касающихся до механики, гидравлики и гидростатики, как то: о материи и её свойствах, о центральных силах, о механических силах, о мельницах, о кранах, о тележных колёсах, о машине колотить сваи и о гидравлических и гидростатических машинах вообще» (СПб., 1787);
«О огненных машинах» (1788) — берыктэм борды ватсаса печатламын;
«Малое здание, или разговоры, касающееся до астрономии, физики и механики, основанные на ясных доказательствах и самопростейших опытах» (М., 1789) — книга егитъёслы чакламын, отын юан-валэктон пыр пӧртэм удысъёсысь валтӥсь тодэтъёс гожтэмын.

Тодмо изобретениосыз:

борддоре ошиськись астрономияя часъёс;
корабельной ходэз мертась машина;
кусыпез-кузьдалаез но ӝуждалаез мертась тӥрлык;
Манет ӵыжатон двор [ӟуч] (удм. понна пӧртэм станокъёс;
Улӥ Исеть но Каменск заводъёслы омырен пелляса ужась цилиндр выллем мехъёс;
Петербургысь Медициная коллегилы секыт арберисоты мертанъя весъёс^[12].

Комментарийёс

↑
В. В. Бобынинлэн ивортэмезъя, ЭСБЕ-ысь мукет статьяя, Сабакин ӟуч кылэ берыктӥз Фергюсонлэсь таӵе сочинениоссэ^[11]:
- «Select mechanical exercises» (1773);
- «The art of drawing in perspective made easy» (1775);
- «An introduction to electricity» (1775);
- «Three letters to Mr. Kennedy» (1775).
Зэмлыксэс юнматонъя шугъяськонъёс кылдо.

Валэктонъёс

↑ ¹ ² ³ ⁴ Иванов А. В. Горнозаводская цивилизация (ӟуч) — М.: АСТ, 2014. — С. 243. — 283 с. — 4000 экз. — ISBN 978-5-17-079642-7
↑ ¹ ² ³ ⁴ ⁵ ⁶ Сабакин Лев Фёдорович / Куликов К. И. // Уральская историческая энциклопедия : [арх. 20 коньывуонэ 2021] / глав. ред. В. В. Алексеев. — 2-е изд., перераб. и доп. — Екатеринбург : Издательство Академкнига; УрО РАН, 2000. — С. 467. — 640 с. — 2000 экз. — ISBN 5-93472-019-8.
↑ ¹ ² ³ ⁴ Заболоцкий Е. М. Горное ведомство дореволюционной России (ӟуч): Очерк истории: Биографический словарь — М.: Новый хронограф, 2014. — С. 208—209. — 280 с. — 300 экз. — ISBN 978-5-94881-279-3
↑ ¹ ² ³ ⁴ Лев Фёдорович Сабакин // Ими гордится удмуртская земля : Деятели науки и техники : Библиографический указатель литературы / составители Л. И. Фролова, З. Г. Кирюхина. — Ижевск : Издательство «Удмуртия», 1978. — Вып. 2. — С. 58—59. — 76 с. — 1000 экз.
↑ ¹ ² ³ Новиков, 1999, с. 18.
↑ ¹ ² Сабакин Лев Фёдорович // Ремень — Сафи. — М. : Советская энциклопедия, 1975. — С. 474. — (Большая советская энциклопедия#Третье издание / гл. ред. А. М. Прохоров ; 1969—1978, т. 22).
↑ Алексеев В. В., Гаврилов Д. В. Металлургия Урала с древнейших времён до наших дней. — М.: Наука, 2008. — С. 147. — 886 с. — 1650 экз. — ISBN 978-5-02-036731-9.
↑ Новиков, 1999, с. 17—18.
↑ Военная история Урала: События и люди / под общ. ред. А. В. Сперанского. — Екатеринбург: Издательский дом «Сократ», 2015. — С. 59, 80. — 320 с. — ISBN 978-5-88664-321-3.
↑ Новиков, 1999, с. 17.
↑ В. В. Бобынин. Фергюсон, Джемс (математик и астроном) // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
↑ Заблоцкий Е. М. Деятели горной службы дореволюционной России. Краткий биографический словарь. — СПб.: Гуманистика, 2004. Архивировано 29 гудырикошконэ 2016 арын.

Литература

Загорский Ф. Н. Сабакин — механик XVIII века. — М.: Наука, 1963. — 88 с.
Чупин Н. К. Записка о горном управлении и горном промысле на Урале в царствование императора Александра 1-го [ӟуч] // Горный журнал. — 1878. — Февраль (№ 2).
Новиков А. В. Золотой ларец. — Ижевск: Ижевский полиграфический комбинат, 1999. — 382 с. — 3000 экз. — ISBN 5-87469-038-7.

Чӧлсконъёс

Механик Лев Фёдорович Сабакин [ӟуч]

Сабакин Лев [ӟуч]

[12] В. В. Бобынинлэн ивортэмезъя, ЭСБЕ-ысь мукет статьяя, Сабакин ӟуч кылэ берыктӥз Фергюсонлэсь таӵе сочинениоссэ^[11]:
«Select mechanical exercises» (1773);

«The art of drawing in perspective made easy» (1775);

«An introduction to electricity» (1775);

«Three letters to Mr. Kennedy» (1775).
Зэмлыксэс юнматонъя шугъяськонъёс кылдо.

[2] «Select mechanical exercises» (1773);

[3] «The art of drawing in perspective made easy» (1775);

[4] «An introduction to electricity» (1775);

[5] «Three letters to Mr. Kennedy» (1775).

[Иванов-1] ¹ ² ³ ⁴ Иванов А. В. Горнозаводская цивилизация (ӟуч) — М.: АСТ, 2014. — С. 243. — 283 с. — 4000 экз. — ISBN 978-5-17-079642-7

[УИЭ-2] ¹ ² ³ ⁴ ⁵ ⁶ Сабакин Лев Фёдорович / Куликов К. И. // Уральская историческая энциклопедия : [арх. 20 коньывуонэ 2021] / глав. ред. В. В. Алексеев. — 2-е изд., перераб. и доп. — Екатеринбург : Издательство Академкнига; УрО РАН, 2000. — С. 467. — 640 с. — 2000 экз. — ISBN 5-93472-019-8.

[Заболоцкий-3] ¹ ² ³ ⁴ Заболоцкий Е. М. Горное ведомство дореволюционной России (ӟуч): Очерк истории: Биографический словарь — М.: Новый хронограф, 2014. — С. 208—209. — 280 с. — 300 экз. — ISBN 978-5-94881-279-3

[Фролова-4] ¹ ² ³ ⁴ Лев Фёдорович Сабакин // Ими гордится удмуртская земля : Деятели науки и техники : Библиографический указатель литературы / составители Л. И. Фролова, З. Г. Кирюхина. — Ижевск : Издательство «Удмуртия», 1978. — Вып. 2. — С. 58—59. — 76 с. — 1000 экз.

[_78f6103252a6ab3b-5] ¹ ² ³ Новиков, 1999, с. 18.

[БСЭ-6] ¹ ² Сабакин Лев Фёдорович // Ремень — Сафи. — М. : Советская энциклопедия, 1975. — С. 474. — (Большая советская энциклопедия#Третье издание / гл. ред. А. М. Прохоров ; 1969—1978, т. 22).

[7] Алексеев В. В., Гаврилов Д. В. Металлургия Урала с древнейших времён до наших дней. — М.: Наука, 2008. — С. 147. — 886 с. — 1650 экз. — ISBN 978-5-02-036731-9.

[_49ed836cbda7fbf5-8] Новиков, 1999, с. 17—18.

[9] Военная история Урала: События и люди / под общ. ред. А. В. Сперанского. — Екатеринбург: Издательский дом «Сократ», 2015. — С. 59, 80. — 320 с. — ISBN 978-5-88664-321-3.

[_78f6103252a6ab34-10] Новиков, 1999, с. 17.

[11] В. В. Бобынин. Фергюсон, Джемс (математик и астроном) // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

[13] Заблоцкий Е. М. Деятели горной службы дореволюционной России. Краткий биографический словарь. — СПб.: Гуманистика, 2004. Архивировано 29 гудырикошконэ 2016 арын.

[1]

[2]

[3]

[4]

[5]

[6]

[7]

[8]

[9]

[10]

[комм. 1]

[12]

[11]