Русских, Харлампий Акимович

Харлампий Акимович Русских
Харлампий Акимович Русских
Вордӥськем дырыз	15-тӥ куарусёнэ 1915
Вордӥськем интыез	Егоровцы[d], Валамаз гурт поселение[d], Сьӧлта ёрос, Удмурт автономной область;
Кулэм дырыз	25-тӥ толшоре 1975 (59 лет)
Кулэм интыез	Хабаровск, РСФСР, СССР;
Кунмуртлыкез	СССР
Кыӵе войскоез	инженерной войскоос
Служить карон аръёсыз	1936—1956
Званиез
Ожмаськонъёс/ожъёс	Хасан ожмаськонъёс (1938),; Быдӟым Атыкай ож

Харлампий Акимович Русских (1915-тӥ арын 15-тӥ куарусёнэ Сьӧлта ёросысь Егоровцы гуртын—1975-тӥ арын 25-тӥ толшоре Хабаровскын) — Совето Армиысь майор, Быдӟым Атыкай оже пыриськем мурт, Совето Союзлэн Героез (1943).

Улон сюресэз

Харлампий Русских вордӥськиз 1915-тӥ арын 15-тӥ куарусёнэ Удмурт Автономной областьын Валамаз гурт поселениысь Егоровцы гуртын (али Удмуртиысь Сьӧлта ёросэ пыре) ӟуч крестьян семьяын^[1]. Школаын сизьым класс дышетскыса, колхозын ужаз. Берлогес нюлэс дасянъя мастеръёслэсь курсъёссэс ортчиз но леспромхозын тыршиз. 1936-тӥ арын куарусёнэ Рабоче-крестьянской Горд Армие басьтӥзы. Хасан ты дурысь ожмаськонъёсы пыриськиз. 1941-тӥ арын младшой лейтенантъёсты дасянъя курсъёсты ортчиз. 1942-тӥ арын тулыспалысен Быдӟым Атыкай ожлэн фронтъёсаз ожмаськиз^[2].

1943-тӥ арын куарусён толэзёзь старшой лейтенант Харлампий Русских Воронеж фронтысь 40-тӥ армилэн 20-тӥ отдельной моторизованной понтонно-мостовой батальонлэн взводэныз командовать кариз. Днепр понна ожмаськонын сэзь луэменыз висъяськиз. Русскихлэн взводэз асьме войскоосты Днепрлэн шундыпуксёнпал ярдураз (Украин ССР Киев улосысь Козинцы гурт котырын) поттонъя заданиез ӟеч быдэстӥз. Дас уй-нунал куспын понтонёръёслэн ротазы куинь паромен 300 танк, 184 артиллери орудие, 510 тыро машина но ог 10 сюрс ожгарчиосты но командиръёсты выжтӥз^[2].

СССР-ысь Вылӥ Кенешлэн Президиумезлэн 1943-тӥ арын 23-тӥ коньывуонэ гожтэм Косэтэзъя «командованилэсь боевой заданиоссэ ӟеч быдэсъямез но немец захватчикъёсын геройлыко ожмаськемез понна» старшой лейтенант Харлампий Русских Совето Союзлэн Героез дано нимын пусъемын, Ленин орденэн но «Зарни Кизили» медален данъетамын (2375-тӥ номер)^[2].

1944-тӥ арын 30-тӥ пӧсьтолэзе, Висла шурез ожъёсын потыкузы, секыт сӧсырмыны шедиз^[1]. Сэзь ожмаськемез понна Горд Знамя но Горд Кизили орденъёсын но мукет медальёсын пусъемын^[2]. Тылож йылпумъяськем бере Русских службазэ Совето Армиын азьланьтӥз. 1956-тӥ арын майор званиен запасэ лэземын^[3]. Улӥз но ужаз Хабаровскын. Улонысь кошкиз 1975-тӥ арын 25-тӥ толшоре^[2].

Буре ваён

Х. Русскихлэн нимыз Ижкарын Ялан ӝуась тыл азьысь Совето Союзлэн геройёсызлы сӥзем мемориал стела вылын гожтэмын<ref name="НБУ">/ref>.
2010-тӥ арын 8-тӥ куартолэзе Совето Союзлэн Героезлэн Русских Харлампий Акимовичлэн бюстэз пукитэмынЕгоровцы гуртын. 2022-тӥ арын синпелет выльдэмын вал.

Валэктонъёс

↑ ¹ ² Национальная библиотека Удмуртской Республики. Русских Харлампий Акимович
↑ ¹ ² ³ ⁴ ⁵ Харлампий Акимович Русских [ӟуч] «Герои страны» сайт.
↑ Герои Отечества. Русских Харлампий Акимович

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
ГСС, ГРФ, ПКОС — наши земляки. — Ижевск, 1995.
История Великой Отечественной войны. Т. 4. — Москва, 1964.
Кулёмин И. Г. Героев наших имена. Ижевск, 1975.
Подвиги их бессмертны. — 2-е изд., испр. и доп. — Хабаровск, 1985.

[НБУ-1] ¹ ² Национальная библиотека Удмуртской Республики. Русских Харлампий Акимович

[wh-2] ¹ ² ³ ⁴ ⁵ Харлампий Акимович Русских [ӟуч] «Герои страны» сайт.

[3] Герои Отечества. Русских Харлампий Акимович

[1]

[2]

[3]