Россиысь нюлэс тылпуос (2025)

Википедиысь материал
2025-тӥ арын Россиысь нюлэс тылпуос
2025-тӥ арын Россиысь нюлэс тылпуос
2025-тӥ арын Россиысь нюлэс тылпуос
Интыез РоссияFlag of Russia.svg Россия
Дырыз 2025-тӥ арын тулыспалысен

2025-тӥ арын Россиысь нюлэс тылпуос (ӟуч: Лесны́е пожа́ры в Росси́и в 2025 году́)— 2025-тӥ арын Росси Федерацилэн интывылъёсаз нюлэс ӝуан учыръёс.

Чакланъёс

Рослесхозлэн  [ӟуч] (удм. ивортэмезъя, 2025-тӥ арын, куазьлэн аномальной луэменыз, нюлэс тылпуос вазьгес кутскизы[1]. Шор федерал округын (ЦФО) толалтэ ӧжыт лымы усемен, нюлэс тылпуосын нюръяськыны кутскыны южтолэзьлэн шорысеныз косэмын, азьвыл аръёсы сыӵе ужрадъёс оштолэзьлэн шорысеныз кутскылӥзы[2]. Тросаз учыръёсы тылпу адямилэн ӝикыттэм луэмез бордысь потэ.

Нюлэсъёсъя, нюлэс возёсъя но тылпу кысонъя эксперт, Алексей Ярошенко «Земля касается каждого» проектаз тазьы вераз:

2025- тӥ арын тылпу потон кышкытлыклэн йылэмезлэн валтӥсь мугъёсыз — Россиысь нюлэс зонае пырись унояз улосвылъёсын тулыслэн чакламлэсь вазь вуэмез но элькунлэн шундыпуксён палаз матэктӥсь куазьлэн укыр кӧс улэмез. Макем ӧжыт зор-кот усёз тулыс но гужем, сокем жалясьтэм кӧс луоз куазь. Озьы ке но, али шонерак вераны луэ, кылем арын сӥзьыл кӧс возиськемен но толалтэ ӧжыт лымы усемен, музъемын мускытлыкез кулэезлэсь ӧжытгес[3].

Шор, Лымшор, Приволжск, Уйпал-Кавказ федерал округъёсысь ог 30 улосъёсын но Дальней Востокын тылпу потонлэн кышкытлыкез 2025-тӥ арын южтолэзьысен чакламын. Озьы ик секыт югдур кылдыны быгатоз Брянск, Белгород, Москва, Воронеж улосъёсын, Курск, Орёл но Смоленск улосъёслэн шундыпуксён но шор люкетъёсаз[4].

14-тӥ южтолэзьысен Росси Федерацилэн куинь субъектъёсаз нимысьтыз противопожарной режим юнматэмын: быдэсак Калининград улосын, Краснодар шаерлэн кык муниципал кылдытэтъёса, Приморье шаерлэн 14 муниципал кылдытэтъёсаз.

Россилэн тямысаз субъектъёсаз пожароопасной сезон усьтэмын: быдэсак Краснодар шаерын, Карачаево-Черкесской, Кабардино-Балкарской, Чечен Элькунъёсын, Белгород, Астрахань, Калининград улосъёсын, Приморье шаерысь 18 муниципал кылдытэтъёсын[5].

Тылпуэн нюръяськонлы уксёен юрттон

2025-тӥ арын нюлэс тылпуосын нюръяськон понна улосъёслы федерал коньдэтысь ог 20 млрд манет чакламын, 2024-тӥ арен ӵошатыса, со тросгес луэ[6].

Тылпу улосъёсын

Амур улос

2025-тӥ арын тулыс быдэс улосын нимысьтыз противопожарной режим юнматэмын. Куартолэзе Свободненской ёросысь нюлэскын тылпу потыса, куазьлэн кӧс но тӧло улэменыз, вакчи дыр куспын кыдёке вӧлмиз. 13-тӥ куартолэзе тылпу «Восточный» космодром паласен Циолковский кар доры матэктӥз[7], 14-тӥ куартолэзе со быдэсак кысэмын вал[8].

Забайкалье шаер

7-тӥ оштолэзе басьтэм тодэтъёсъя, улосын тылпуэн басьтэм 32 инты пусъемын вал, огъя быдӟалаез 57 сюрс гектарлэсь трос. Тунгокоченской, Чернышевской но Чита ёросъёсын ЧС режим юнматэмын[9].

17-тӥ оштолэзе Забайкалье шаерын ЧС режимез федерал уровенен пуктон сярысь вераськон мынэ, шуыса ивортӥз Рослесхоз. 2025-тӥ ар кутсконысен Россиын пусъем вань нюлэс тылпуос пӧлысь 60 процентэз Забайкалье шаерын потэмын[10].

2025-тӥ арын 23-тӥ оштолэзе Забайкальеын юнматэм ЧС режим федерал инлыкен пусъемын[11].

2025-тӥ арын 13-тӥ куартолэзе Забайкалье шаерын 45 нюлэс тылпу пусъемын, огъя быдӟалаез 576 сюрс гектарлэсь трос. Чита муниципал округын гинэ 31 сюрс гектар пала нюлэс ӝуаз. Росси МЧС-ысь спасательёслэн ог люкетэз Сохондо, Яблоново но Тургутуй улон интыосы вуттэмын вал. Тылпу кысонэ МЧС-лэн Ил-76 самолётъёсыз пыриськизы[12].

21-тӥ куартолэзе бадӟым тылпуэн сэрен «Байкал» федерал трасса пытсамын вал. Тылпу пырак сюрес дурозь вуиз, соин сэрен Улётовской ёросысь машинаен ветлон сюреслэн ньыль иськемез быдэсак пытсамын вал[13].

Приморье шаер

Тулыспаллэн пумаз — южтолэзе толалтэ ӧжыт лымы усемен но адямилэн ӝикыттэм луэменыз Приморье шаерын трос тылпу потон учыръёс пусъемын вал. Зол тӧласькемен, тылпу паськыт вӧлмиз.

Ростов улос

2-тӥ оштолэзе Солёной ты дурысь Батайск котырын кӧс турын но шашы ӝуаны кутскиз. Кыр тылобурдоослэн каръяськонзылы бадӟым кышкытлык кылдӥз. Сьӧд ӵын Ростов-на-Дону кар дорозь вуиз[14].

Тюмень улос

Улосын 1-тӥ оштолэзьысен пожароопасной сезон ялэмын. Тюмень карын «тылпулэсь утиськонъя кышкыттэмлыкез чаклан понна, калыклы карысь нюлэсъёсы ӧжытгес вуылон сярысь» Пуктэт кутэмын вал[15].

Хабаровск шаер

10-тӥ оштолэзе Росси Федерациысь инкуазез утёнъя но инкуазь узырлыкъёсъя министр Александр Козлов[ru]* Хабаровск шаерын тылпулэсь утиськонъя кенешон ортчытӥз. 2024-тӥ арын со нюлэс тылпуослэсь тужгес бадӟым изъян басьтэм 5 улосъёс пӧлы пыртэмын вал. Соку Хабаровск шаерысь вань нюлэсъёслэсь 3,3 %-эз ӝуаса быриз[16].

Хакасия

2025-тӥ арын 5-тӥ оштолэзе куазь юн тӧло луэмен, тылпулэсь кылдэм кышкытлык будӥз, соин валче, улосын ЧС но нимысьтыз противопожарный режим юнматэмын. Со нуналэ тылпуэн басьтэм 43 инты пусъемын вал[17]. 6-тӥ оштолэзе 60 инты ӝуаны кутскиз, 35-ез быдэсак кысэмын. Тылпу басьтэм интылэн огъя кыстӥськемез ог 80,6 иськем[18][19]. Абаканысь, Саяногорскысь, Аскиз, Бейск, Орджоникидзе, Усть-Абакан, Алтай ёросъёсысь кӧняез ке лэсьтӥськемъёс но улон юртъёс тылпуэн ӝуаса быризы[20].

11 − 13-тӥ оштолэзе нюлэс тылпуос кысэмын Таштып, Боград но Шира ёросъёсын[21].

19 − 20-тӥ оштолэзе эшшо 9 ёросъёсын но каръёсын тылпу ӝутскемын[22][23].

Бурятия

2025-тӥ арын 13-тӥ оштолэзьысен нюлэс тылпуосыын сэрен Бурятиын ЧС режим юнматэмын. 13-тӥ куартолэзе ӵукна улосын 22 нюлэс тылпу пусъемын, огъя быдӟалаез 53 208 га[24].

Валэктонъёс

  1. ↑ Лесные новости | Рослесхоз [ӟуч]
  2. ↑ Рослесхоз ожидает лесные пожары в центре России в марте, Коммерсантъ (12 тулыспалэ 2025). Эскеремын: 14 южтолэзе 2025 арын.
  3. ↑ Худший пожарный прогноз за последние пять лет [англи]
  4. ↑ Из искры: лесные пожары могут начаться в 30 регионах уже в марте, Известия (21 тулыспалэ 2025). Эскеремын: 14 южтолэзе 2025 арын.
  5. ↑ Авиалесоохрана: О лесопожарной обстановке в России на 00:00 мск 14.03.2025 г. НАНС.
  6. ↑ Дмитрий Патрушев: Для борьбы с лесными пожарами в 2025 году регионы получат из федерального бюджета почти 20 млрд рублей - Арктикпост [ӟуч]
  7. ↑ МЧС России
  8. ↑ Пожар около космодрома Восточный локализовали, РБК (14 куартолэзе 2025). Эскеремын: 14 куартолэзе 2025 арын.
  9. ↑ В Забайкалье горит 32 пожара, с утра их было на три больше, ЧИТА.ру (7 оштолэзе 2025). Эскеремын: 7 оштолэзе 2025 арын.
  10. ↑ В Забайкалье из-за лесных пожаров могут ввести федеральный режим ЧС, Interfax.ru (17 оштолэзе 2025). Эскеремын: 17 оштолэзе 2025 арын.
  11. ↑ В Забайкальском крае ввели федеральный режим ЧС из-за лесных пожаров, Реальное время (23 оштолэзе 2025). Эскеремын: 23 оштолэзе 2025 арын.
  12. ↑ МЧС России
  13. ↑ Российскую федеральную трассу перекрыли из-за пожара, Lenta.RU (21 куартолэзе 2025). Эскеремын: 21 куартолэзе 2025 арын.
  14. ↑ «Апокалипсис рядом с нами»: зарево пожара возле Батайска видно за километры, RostovGazeta (2 оштолэзе 2025). Эскеремын: 3 оштолэзе 2025 арын.
  15. ↑ Тюменцам запретят посещать городские леса. СПИСОК, Nash Gorod (26 южтолэзе 2025). Эскеремын: 26 южтолэзе 2025 арын.
  16. ↑ К глобальным таежным пожарам готовятся в Хабаровском крае, Transsibinfo.com (10 оштолэзе 2025). Эскеремын: 10 оштолэзе 2025 арын.
  17. ↑ В Хакасии из-за пожаров и сильного ветра объявили режим ЧС, Взгляд.ру. (5 оштолэзе 2025). Эскеремын: 23 куартолэзе 2025 арын.
  18. ↑ 60 пожаров, один пострадавший - огнеборцы Хакасии об итогах штормовой субботы, 19rusinfo.ru (6 оштолэзе 2025). Эскеремын: 23 куартолэзе 2025 арын.
  19. ↑ Специалисты МЧС ликвидировали более 30 ландшафтных пожаров в Хакасии, Известия (6 оштолэзе 2025). Эскеремын: 23 куартолэзе 2025 арын.
  20. ↑ Названы все территории Хакасии, где из-за ветра бушевали пожары, Газета Хакасия (6 оштолэзе 2025). Эскеремын: 23 куартолэзе 2025 арын.
  21. ↑ Леса в Хакасии горели из-за подростков и искр от тепловоза, Юг Сибири (14 оштолэзе 2025). Эскеремын: 23 куартолэзе 2025 арын.
  22. ↑ Масштабные пожары охватили Хакасию, Новая Хакасия.online (21 оштолэзе 2025). Эскеремын: 23 оштолэзе 2025 арын.
  23. ↑ В Хакасии за день потушено шесть ландшафтных и техногенных пожаров, Новая Хакасия.online (19 оштолэзе 2025). Эскеремын: 23 куартолэзе 2025 арын.
  24. ↑ В Бурятии в связи с лесными пожарами объявили режим ЧС, TACC (13 куартолэзе 2025). Эскеремын: 13 куартолэзе 2025 арын.

Чӧлсконъёс

«https://udm.ruwiki.ru/w/index.php?title=Россиысь_нюлэс_тылпуос_(2025)&oldid=489404»-ысь басьтэмын