Пермь улосвыл

Википедиысь материал

РАН экспертиза

Logo-ran.png
Экспертизаез ортчытэ
Россиысь Тодосъёсъя Академия
Рос-прос лыдӟе
Times2.svg

РАН экспертиза

Arrow-Right.png
Logo-ran.png
Экспертизаез ортчытэ
Россиысь Тодосъёсъя Академия
Рос-прос лыдӟе
Росси Федерацилэн асмосэз
Пермь улосвыл
Vishera.jpg
Флаг[d] Герб[d]
Флаг[d] Герб[d]
59°14′00″ с. ш. 56°08′00″ в. д.GЯO
Кун РоссияFlag of Russia.svg Россия
Пыре
  • Приволжск федерал округысь
  • Урал экономикая ёросэ
Адм. центр ПермьFlag of Perm.svg Пермь
Пермь улосвыллэн губернаторез Дмитрий Махонин
Пермь улосвылысь Заксобранилэн тӧроез Валерий Сухих
Историез но географиез
Кылдытэмын 1.12.2005
Быдӟалаез

160 236 км²

  • ( 24-тӥ интыын)
Часовой пояс YEKT
Тужгес бадӟымез кар Пермь
Мукетъёсыз тужгес бадӟым каръёс Березники, Соликамск, Чайковск
Экономика
ВРП 1 318,5[2] млрд манет (2018)
 • интыез 15-тӥ интыын
 • одӥг лулэз басьтыса 503,8[5] сюрс манет
Улӥсез
Улӥсез

↘2 508 239[6] мурт (2023)

  • ( 18-тӥ интыын)
Ӵемлыкез 15,65 мурт/км²
Йӧскалыкъёс ӟучъёс, бигеръёс, коми-пермякъёс, башкиръёс, удмуртъёс
Лыдпусо идентификаторъёс
Код ISO 3166-2 RU-PER
ОКАТО кодэз 57
РФ асмослэн кодэз 59
Сайтэз​ [ӟуч]
Пермь улосвыл на карте
Данъетъёсыз Орден Ленина
Логотип РУВИКИ.Медиа Медиафайлъёс РувикиМедиа пушкын

Пермь улосвыл (калык пӧлын — Прика́мье[7]; ӟуч: Пермский край) — Росси Федерациысь субъект, Россилэн Европейской люкетысьтыз шундыӝуӝан палаз интыяськемын[8]. Пыре Приволжск федерал округе но Урал экономикая ёросэ. Административной центрез — Пермь кар. Быдӟалаез — 160 237 км². Улӥсез — 2 508 239[6] адями (2023). Улосэ пыре Коми-Пермяк округ.

Восточно-Европейской нёжаллэн (равнина) шундыӝужан люкетаз но Шоретӥ но Уйпал Ураллэн шундыпуксён палысьтыз бамалаз, Кам шурлэн бассейназ[8]. Уйпал ласянь бускелез луэ Коми элькун, шундыӝужан ласянь — Свердловск улос, лымшор ласянь — Башкортостан, шундыпуксён ласянь — Удмуртия, уйпал но шундыпуксён ласянь — Киров улос[9].

Кылдэмын 2005-тӥ арын 1-тӥ толсуре Пермь областез но Коми-Пермяк автономной округез огазеяменызы валче[10]. Историез учконо ке, улосвыл 1796-тӥ арын кылдытэм Пермь губерниысь потэмын, кудӥз ас вакытаз Быдӟым Пермьысь вордскемын.

Администрациослы но интыослы люкиськемез: 33 административной ёрос; 25 кар, соос пӧлысь 14-ез улосвыл инлыкен но 11-ез ёрос инлыкен; 26 каргуртъёс; Звёздный нимо ворсам административно-территориальной кылдытэт но административно-территориальной единица сямен нимысьтыз инлыкен Коми-Пермяк округ[11].

Физикая но географияя тодметъёсыз

Интыяськемез

Валтӥсь статья: Пермь улослэн физикая географиез  [ӟуч] (удм.

Пермь улосвыл Ӟуч нёжаллэн шундыӝужан палась гож дураз но Урал гурезьёслэн шундыпуксён ласянь бамалазы, дуннеысь кык люкетъёслэн — Европалэн но Азилэн — ваче вуоназы пуксемын[9], улосвыллэн 99,8 % быдӟа люкетэз Европае пыре, 0,2 % люкетэз — Азие. Уйпалысен лымшорозь тужгес кузь кыстӥськись гожез 645 иськем луэ, шундыпуксёнысен шундыӝужанозь — ог 420 иськем. Улосвыллэн гожъёсыз читыр-чутыресь, соос 2,2 сюрс иськемлэсь ятыр кыстӥсько[9].

Пермь улосвыллэн картаез
Пум луись интыос
  • уйпалан — 61°39' с. ш., Пура-Мунит гурезь (1094 м);
  • лымшорын — 56°06' с. ш. (Октярь ёросысь Бияваш гурт сельсоветысь азьвыл Ельник гурт котырын);
  • шундыпуксён палан — 51°47' в. д.,236 Высоталэсь 1 иськемын, Лэпью, Пелес, Кажим шуръёслэн люкиськон интыязы;
  • шундыӝужан палан — 59°39' в. д., Хоза-Тумп хребетлэн тужгес ӝужытэз инты, Рахт-Сори-Сяхл гурезь.

Час пояс

Пермь улосвыл МСК+2 часовой зонаын интыяськемын. UTC-ъя кутӥськись дырлэн висъяськемез +5:00 луэ[12].

Куазь

Валтӥсь статья: Пермь улосысь инкуазь  [ӟуч] (удм.

Пермь улос шоро-куспо климатической поясын интыяське. Пермь улосвылысь Коми-Пермяк округ, Гайны, Коса, Кочёво ёросъёс Крайний Северысь ёросъёс радэ пуктэмын.

Пермь улосвылысь тол сюрес
Пермь улосвылтӥ ортчись федерал инлыкен М-7 сюрес

Тол кузь, лымыё. Улосысь уйпалан но шундыӝужан палан толшоре шоро-куспо температура −18,5 °C возиське, лымшор палан но шундыпуксён палан −15 °C улэ. Тужгес кезьытэз температура (улосысь уйпалан) −56 °C лэзиськылӥз[13], гужем +42 °C луиз.

Музъем выл

Пермь улослэн рельефез радъяськиз ог 250 млн ар талэсь азьвыл, Урал гурезьёс кылдыку но отӥяз платформалэн кристалл инъетэз вылын осадочной породаос люкаськыку[14].

Улослэн уйпалаз (ог 85 % территориез), Ӟуч нёжаллэн  [ӟуч] (удм. шундыӝужан люкетысьтыз гож котыраз, музъемез улыг но ӵошкыт.

Улослэн шундыӝужан палаз (ог 15 % территориез), Урал гурезьёс кузя, музъемез гурезё: Уйпал Уралын со шоро-куспо гурезё но шоретӥ Уралын лапег гурезё. Соос вискысь гож ортче Ослянка гурезьлэн выжыетӥз (59º с. ш.).

Улослэн уйпалаз интыяськем тужгес ӝужыт гурезьёс:

  • Тулым из (ӟуч: Тулымский камень) — 1496 м — Пермь улосысь тужгес ӝужыт инты;
  • Гумбольдт нимо гурезь — 1410 м;
  • Ишерим — 1331 м;
  • Вӧсяськон из (ӟуч: Молебный камень) — 1274 м;
  • Мартай — 1132 м.

Шоретӥ Ураллэн гурезьёсыз пӧлын тужгес ӝужытъёсыз интыясько Басеги хребет кузя — Шоро-куспо Басег (993 м).

Шуръёс

Валтӥсь статья: Пермь улосысь шуръёс  [ӟуч] (удм.

Пермь улосвылысь шуръёс Кам бассейнэ пыро. Пермь улосын 29 сюрслэсь ятыр шуръёс, соослэн огъя кузьдалазы ог 90 сюрс иськем[15][16].

Пермь улосысь кыкез шуръёс бадӟымъёсыз пӧлы пыро (кузьдалазы 500 иськемлэсь ятыр), — со Кам (1805 иськем) но паллян палласянь пушказ усись Чусовой (592 иськем). 40 шуръёслэн кузьдалазы 100 иськем но солэсь трос. Соос пӧлысь бадӟымъёсыз:

  • Кам — 1805 иськем;
  • Чусовой — 592 иськем;
  • Сылва — 493 иськем;
  • Вишера — 415 иськем;
  • Колва — 460 иськем;
  • Яйва — 304 иськем;
  • Косьва — 283 иськем;
  • Коса — 267 иськем;
  • Весляна — 266 иськем;
  • Иньва — 257 иськем;
  • Обва — 247 иськем.

Пичи шуръёс пӧлы (кузьдалазы 100 иськемлэсь ичи) улосысь ваньмыз сямен шуръёс пыро. Соос пӧлысь куд-огез историен герӟаськемын, кылсярысь, Егошиха шур — солэн пумаз Пермь кар кылдытэмын вал.

  • Пермь улосвылысь шуръёс
  • Кам — Пермь улосвылысь бадӟымез шур

    Кам — Пермь улосвылысь бадӟымез шур

  • Чусовой шур дурысь Максимовской из (1912)

    Чусовой шур дурысь Максимовской из (1912)

  • Чусовой шур Каме усён азяз (2015)

    Чусовой шур Каме усён азяз (2015)

  • Пермь улосвылысь Усьва шур

    Пермь улосвылысь Усьва шур

Музъем узырлык

Пермь улосвыл пӧртэм пайдаё музъем узырлыкен бай, угось секытэсь гурезё но нёжало интыосыз трос. Татын потто: мувӧй, газ, минерал сылалъёс, зарни, алмаз, хромитовой руда но куренялэс корт, гыбед, известняк, дуно, лэсьтӥськонын но чеберъянын кутӥськись изъёс, пуктӥськонын ярась материалъёс[17].

Пермь улослэн интывылаз 1928-тӥ арын Верхнечусовской каръёс нимо каргурт котырын мувӧй нырысьсэ шараямын вал. Али дыре улосын углеводородной сырьёлэн кылдэм 160 интыез тодмо, соос пӧлысь уже кутэмъёсыз: 89 мувӧй, 3 газ но 18 газ но мувӧй. Уноез соос бадӟымесь ӧвӧл. Музъемысь узырлыкез поттон шоретӥ но лымшор ёросъёсынгес нуиське. Сӥосысь узырлыкез кыскон тужгес ӟеч радъям интыос: Полазна, Краснокамск, Куеда, Оса но Чернушинское котырын. Уйпалась музъем узырлыкен интыосты (Соликамск но Березники палан) ляб асэстыны выро, малы ке шуоно мувӧй отын туж мурын но сылал сӥос улын кылдэмын.

Улосысь эгырез ог 200 ар ӵоже поттӥзы. Кизел палась изо но эгыро бассейнысь изо эгыр ӝоктылӥзы, со улосэн шунтон но югдытон балансаз бадӟым инты басьтылӥз. 1960-тӥ арын тужгес трос эгыр ӝутэмын вал, быдӟалаез 12 миллион тонна люкаськиз, отӥяз узырлыкез поттон пумен кулэсмиз, выль эгыро интыосты ӧз утчалэ ни.

Пермь улосысь калий сылалэн дуннеысь бадӟымез узыр Верхнекамской инты вань. Татын потто натрийлэсь, калийлэсь но магнийлэсь хлористой сылалъёсты, озьы ик изо сылал. Быдӟалаез 1800 км², сылало сӥослэн пасьталазы 514 метрозь вуэ.

Валтӥсез музъем узырлыкен инты Сарановск палан луэ — Россиысь хромитъёсын тужгес баез инты. Озьы ик дасяло XVIII даурлэн кутсконысеныз тодмо корт но ыргон интыосты. Зарниен интыос шедьтэмын Шор Уралысь (Горнозаводск ёрос, Койва шурлэн бассейнэз) но Уйпал Уралысь (Красновишерск ёрос, Велс но Улс шуръёслэн бассейнзы), но та дыре уг потто.

Улослэн уйпалаз, Красновишерск ёросын, алмазъёсты поттон радъямын. Алмазэн узыр интыос Горнозаводск ёросысь Койва шурлэн бассейназ усьтэмын вал, татын 1829-тӥ арын Россиысь нырысетӥез алмаз шедьтэмын вал. Вылӥ ӟечлыко алмазъёсты ювелир промышленностьын уже куто. 2018-тӥ арын Александровской муниципал округысь шараям Сюзь шур котырысь россыпьын  [ӟуч] (удм. 2031-тӥ арын чакламын алмаз поттыны кутскыны. 2022-тӥ арын отысь запасъёсты 500 сюрс карат тыр дунъязы, сое 40-50 % йылтыны луонлык вань[18].

Озьы ик улосын кварц, цитрин, селенит, мрамор, уваровит узырлыкен интыос вань[17].

Улос пӧртэм минералъёсын бай, соосты буяськонын куто:

  • Волконскоит  [ӟуч] (удм. — шер пумиськись горд сюё материал, кутӥське утись но чеберлы буёлъёсты, эмальёсты но пастаосты лэсьтонын, ӵемысь — вож буёло. Улосын 25 объектъёс, соос пӧлын узырлык кылдэм интыос: Божье, Селино, Крутой Лог, Лапшино, Ефимята, Самосадки. Волконскоитэн тужгес бай Частые ёрос;
  • Сурик  [ӟуч] (удм. — улосысь куинь интыын пумиськись корт сурик интыос: Соловинское, Шудьинское (Елово ёрос) но Пальтинское;
  • Охра  [ӟуч] (удм. — улосысь 42 интыын шараямын, интыяськемын Берёзовка, Горнозаводск, Елово, Кишерть, Коса, Кочёво, Кунгур, Суксун, Уинское но Чусовой ёросъёсын, Краснокамск но Александровск котырын.

Озьы ик улосын потто:

  • известняк — кутӥське лэсьтӥськонын ярась известь понна. Сутыса ужано карбонатъёсын сизьым инты: Матюковой гурезь, Уйпал Шараши, Шараши, Губаха, Всеволодо-Вильвенский, Бадӟым Сарсино но Чикалино;
  • доломит  [ӟуч] (удм.;
  • гипс но ангидрит — кутӥське кынмись суретъёс, кӧс гипс штукатурка, гипсолокнистой плитаос, гипс панельёс, гипсокартон лэсьтонын. Уно гипс узырлыкен интыос пусъемын Орда но Уинское ёросын. Кунлэн балансаз кутэм интыос: Чумкас, Соколино-Саркаево, Ергачи, Полазна, Дейково, Селище, Одино но Егоршины Ямы;
  • Пермском улосын керамзит горд сюен 37 инты — сутон дыръя зол будӥсь горд сюй, со керамзит поттонын валтӥсь сырьё луэ. Та интыос Гайны, Кишерть, Кочёво, Красновишерск, Лысьва, Октябрьский, Соликамск, Суксунск но Чусовой ёросъёсын кылдэмын, озьы ик Александровск, Кизел, Губаха каръёс котырын. Тужгес бадӟымъёсыз луо Санаторское и Костаревское керамзито узырлыкен интыос;
  • Улосысь ваньмаз сямен административной ёросъёсын горд сюё интыос вань. Тужгес бадӟымъёсыз — Комарихинской (Чусовской ёрос), Каменское (Пермь ёрос), Таушинское (Чернушино ёрос), Балмашевское (Пермьысь Орджоникидзе ёрос), Батурское (Краснокамск), Калинкинское (Усольск ёрос). Горд сюй но отощитель нимо луо кирпич но черепица поттонын кутӥсько изделий;
  • Отощитель луолэн кылдэм интыез: Букорское (Чайковск ёрос), Еверзиковское (Лысьва ёрос), Мокрино палась Седино инты (Кишерть ёрос) но Ничковской нимо интылэн участокез (Красновишерск ёрос);
  • луоен но векчи изэн сурет — минералъёсын но векчи изо гурезь породаосын интыос. ПГС бетонэз но асфальтобетонэз воштэ. Пермь улосын луо но вечки из поттон 30 интыос.

Будосъёс

Пермь улосысь будосъёс пӧлысь уно люкетэз сик луэ. Нюлэсъёс улослэн 71 % будо. Писпуос пӧлысь уноез — кыз но ньылпу. Куаро писпуослэн лыдзы уйпалысен лымшор пала йылэ[19].

Пермь улосвылысь нюлэс. Гремячинск ёрос

Лулосъёс

Валтӥсь статья: Пермь улосысь будосъёс  [ӟуч] (удм.

Пермь улосын 62 пумо млекопитающий пусъемын (30-лэсь ятырез промыселын кутӥсько), ог 270 пумо тылобурдоос, 39 пумо чорыгъёс, 6 пумо пресмыкающий но 9 пумо музъемын но вуын улӥсьёс[20][21].

Пермь улосвылысь тайга сик

Нимысьтыз утёно инкуазь интыос

Пермь улосын федерал инлыкен нимысьтыз утёно кык инты: Вишера зоповедник  [ӟуч] (удм. но «Басеги заповедник  [ӟуч] (удм.», озьы ик улосэн утёно 300 инты но интыен утёно 130 инты[22].

Историез

Валтӥсь статья: Пермь улослэн историез  [ӟуч] (удм.

Пермь улосвылэ палеолит вакытэ ик адямиос выжыяськизы (Гарчи 1 нимо стрелецкой лулчеберетъя  [ӟуч] (удм. дугдон инты[23], Ельники II, Ганичата I—II, Пещерный Лог, Заозерье, Сосновка III, Егоши́ха но мукет дугдон интыос[24]).

I-тӥ но II-тӥ сюрс аръёс вискын туала Пермь улослэн лымшор люкетыз шедиз Волжской Булгарилэн, собере Монголо-татарской зӥбетлэн ки улазы.

XV даурлэн шораз Вылӥ Кам дорын коми-пермяк Великопермской княжество (Чердынь княжество) кылдӥз, со Московской Великой княжестволэсь, озьы ик, вылды, Новгород республикалэсь (1472-тӥ арозь) кылзӥськыса улӥз. Археологияя княжество родановской лулчеберетэ  [ӟуч] (удм. пырылӥз. Со дыре ик Прикамьеын кылдӥзы ӟуч пиратъёс — ушкуйникъёс, таос бератаз асьсэды казакъёс нимазы. Казакъёс пӧлысь оглюкетэз Ермак атаман кивалтэм улсын, Строганов промышленникъёс ыстэмен, келямын вал Сибирез ӝутыны.

Александр II императорен юнматэм Пермь губернилэн кунпусэз (1856)

Ӟуч кунэ пыремзы бере Пермь музъемъёс Соликамскысь воевода чаклам улсын улӥзы, отӥяз Пётр I императорен 1708-тӥ арын 18-тӥ (29-тӥ) толсуре кылдытэм Сибирь губерние сюризы[25]. Сибирь губерниез провинциослы люкылыкузы, Пермь музъемъёс Соликамск но Ватка провинциослы сётэмын вал[26]. 1724-тӥ арын 4-тӥ (15-тӥ) инвожое Кунгур кар Кунгур уездэн валче Ватка провинциысь Соликамске выжтэмын вал[27]. 1727-тӥ арын 29-тӥ оштолэзе (10-тӥ куартолэзе) Ватка но Соликамск провинциосты Кузон губерние сётӥзы[28]. 1737-тӥ арын 13-тӥ (24-тӥ) гудырикошконэ провинциысь воеводаез Соликамскысь Кунгур каре выжтӥзы. Кузон губерниысь Соликамск провинция луиз Пермь провинция[29][30].

1781-тӥ арын «княгини Пермская княгинялэсь» титуллэсь нимзэ нуллӥсь Екатерина II императрицалэн указэзъя, кылдытэмын вал нимысьтыз Пермь наместничество, сое 2 областьёслы люкизы — Пермь но Екатеринбург[31]. 1781-тӥ арын 18-тӥ (29-тӥ) коньывуонэ наместничествоез но солэсь Пермь центрзэ сӥё-дано усьтон ужрад ортчиз. Наместничество Пермь но Тобольск генерал-губернаторствое пырылӥз, сое 1796-тӥ арын 12-тӥ (23-тӥ) толсуре Пермь но Тобольск губерниослы люкизы.

1923-тӥ арын 3-тӥ шуркынмонэ Пермь губерния быдтэмын вал, музъемъёсыз Екатеринбург шоркарен Урал областе пыризы. 1925-тӥ арын 26-тӥ тулыспалэ Коми-Пермяк йӧскалык округ кылдытэмын вал. 1934-тӥ арын 17-тӥ толшоре Урал областез куинь областьлы люкизы (Свердловск, Челябинск, Обь-Иртыш); туала Пермь улос Свердловск областе пыриз. 1938-тӥ арын 3-тӥ коньывуонэ СССР-ысь Вылӥ Кенешлэн Президиумезлэн указэныз кылдытэмын вал Пермь область?!, сое Свердловск областьысь висъязы. 1940-тӥ арын 8-тӥ южтолэзьысен 1957-тӥ арын 2-тӥ коньывуонозь Мо́лотов область нимаськылӥз[32].

1967-тӥ арын 28-тӥ толшоре Пермь область хозяйствоез но лулчеберетэз ӝутонын ужась калыклэн вормонъёсыз понна «Ленин нимо орденэн» пусъемын[33][34].

1977-тӥ арын Коми-пермяк йӧскалык округ луиз автономной округ. СССР куашкам бере, Россилэсь Конституцизэ кутэмен (1993), округ Росси Федерациысь ачиз коже улӥсь субъект луиз, но музъемъёсыныз РФ-ысь субъект луись Пермь областе пырылӥз, областен огкылысь кусыпъёс возиз.

2003-тӥ арын 7-тӥ толсуре референдум ортчиз, отын Пермь областьын но Коми-Пермяк автономной округын улӥсьёс Росси Федерациысь одӥг субъектэ — Пермь улосвылэ — огазеяськонлы дурбасьтӥзы. Огазеян ужрад дыръя интывылын номыр ӧз воштӥськы, выль субъект Пермь областьлэн музъем вылаз кылдӥз, кытчы округ но пырылӥз. Но со дыре ик округ РФ-ысь субъект сямен инлыксэ ыштӥз, таин валче Федерал Собраниын но — интызэ. Огазеяськон сярысь референдумлэн йылпумъянъёсызъя конституцияя федерал закон кутэмын вал, соя Пермь улосвыллэн кылдэм нуналыз 2005-тӥ арын 1-тӥ толсур лыдъяське.

Улӥсез

Валтӥсь статья: Пермь улосысь калык  [ӟуч] (удм.

Росстатлэн ивортэмезъя, улосвылын улӥсьёслэн лыдзы 2 508 239[6] адями (2023). Калыклэн ӵемлыкез — 15,65 чел./км² (2023). Карын улӥсьёс — 76,58 % (2022). 2012-тӥ арын калык 1570 адямилы будӥз<[35].

Улӥсь калыклэн лыдыз
189719391959197019751979
1 334 110↗2 087 518↗2 992 876↗3 023 443↘2 986 000↗3 011 540
198719891990199119921993
↗3 071 000↗3 099 994↘3 027 958↘3 022 108↘3 012 524↘3 003 412
199419951996199719981999
↘2 982 229↘2 963 942↘2 943 491↘2 926 057↘2 909 664↘2 896 771
200020012002200320042005
↘2 878 903↘2 858 588↘2 819 421↘2 813 770↘2 791 036↘2 769 805
200620072008200920102011
↘2 748 233↘2 730 892↘2 718 227↘2 708 419↘2 635 276↘2 633 550
201220132014201520162017
↘2 631 073↗2 634 461↗2 636 154↗2 637 032↘2 633 774↘2 632 097
201820192020202120222023
↘2 623 122↘2 610 800↘2 599 301↘2 532 405↘2 525 149↘2 508 239
2024
↘2 495 266
1 000 000
2 000 000
3 000 000
4 000 000
1959
1989
1994
1999
2004
2009
2014
2019
2024
Йӧскалык состав

2020-тӥ арын ортчытэм лыдъян-чотанъя, Пермь улосвылын улӥсь 4 сюрслэсь ятыр адямиен выжы калыкъёс[36] (скобкаын выжызэс пусъем муртъёслэн процентсы):

Пермь улосвылын оглом уло 125 выжы калыкъёс уло[37].

Улон интыос

Валтӥсь статья: Пермь улосысь улон интыос  [ӟуч] (удм.
10 сюрслэсь ятыр адямиен улон интыос
Пермь ↘1 034 002[38]
Березники ↘138 069[38]
Соликамск ↘89 473[38]
Чайковск ↘75 837[38]
Кунгур ↘62 673[38]
Лысьва ↘53 855[38]
Краснокамск ↘48 778[38]
Чусовой ↗45 471[38]
Добрянка ↘28 782[38]
Чернушка ↘32 991[38]
Кудымкар ↘28 293[38]
Верещагино ↗22 239[38]
Оса ↘19 523[38]
Губаха ↗23 397[38]
Нытва ↘16 675[38]
Кизел ↗15 619[38]
Красновишерск ↘14 460[38]
Очёр ↗14 385[38]
Александровск ↘10 780[38]
Полазна ↘11 200[38]
Горнозаводск ↘11 073[38]
Кондратово ↗14 631[38]

2010-тӥ арысь лыдъян-чотанъя, улосын шараямын 25 кар, 30 каргурт но 2644 гурт. 2002-тӥ арен ӵошатыса, 244 улоно интыос бушазы[39].

Кун кивалтэт

2007-тӥ арын 19-тӥ оштолэзе кутэм Пермь улосвыллэн уставезлэн улосысь законодательствоын вылӥ юридической кужымез вань, со Пермь улосын таӵе кун кивалтэтэз юнматӥз[40]:

  • Пермь улосысь Закон кылдытъясь кенеш  [ӟуч] (удм.;
  • Пермь улосысь губернатор  [ӟуч] (удм.;
  • Пермь улосысь правительство  [ӟуч] (удм.;
  • Судъя кивалтэт Пермь улосысь федерал судъёсын но миръясь судъёсын быдэсме;
  • Пермь улосысь мукет кун кивалтэт ёзъёс:
    • Пермь улосысь быръёнъёсъя комиссия — Пермь улосын быръён правоосты но Росси Федерациысь Пермь улосысь кунмуртъёслэн референдуме пыриськон эрикрадзэс радъян;
    • Пермь улосысь эскерон-лыдъян палата — улосысь коньдон ужпумъёсты чакланъя кун ёз;
    • Пермь улосысь губернаторлэн администрациез.

Губернатор

Валтӥсь статья: Пермь улосысь губернатор  [ӟуч] (удм.

Пермь улосын губернатор вылӥ кивалтӥсь луэ, улосысь быдэсъясь властен кивалтэ. Бырйиське 5 арлы, пусъем ужудысаз бӧрсьысь бӧрсе кык сроклэсь кема ужаны уг быгаты. Губернаторлэсь ужзэ Пермь улосысь губернаторлэн администрациез радъя. 2025-тӥ арын 18-тӥ куарусёнэ выль быръем губернатор Дмитрий Махонин официально ужаны ӧдъяз.

Закон кылдытъян ёз

Валтӥсь статья: Пермь улосысь Закон кылдытъясь кенеш  [ӟуч] (удм.

Улосысь закон кылдытъясь но быдэсъясь кивалтэт Пермь улосвылысь Закон кылдытъясь но кутӥсь кенешен радъяське, отчы улосысь улӥсьёс 60 депутатъёсты 5 арлы быръё. 30 депутат бырйиське партиослэн списокъёссыя (пропорциональной система), кылем 30-эз — одӥг мандатъем округъёсъя (мажоритарной система). Партиослэн списокъёссыя интыос басьтон понна партиослы 5 % порогез ортчыны кулэ (нырысетӥ ӧтчам понна — 7 %). 2006-тӥ арын 3-тӥ толсуре Пермь улосысь Закон кылдытъясь кенеше депутатъёсты нырысьсэ бырйизы.

Пермь улосысь Закон кылдытъясь но кутӥсь кенеш

Администрациослы но интыослы люкиськон

Администрациослэн но интыослэн радлыксы

Валтӥсь статья: Пермь улосэз администрациослы но интыослы люкон  [ӟуч] (удм.

Пермь улосвыллэн административно-территориальной радлыказ пыро[41]:

  • Коми-Пермяк округ — нимысьтыз инлыкен административно-территориальной единица;
  • 33 административной ёрос, соос пӧлын Коми-Пермяк округысь 6 ёрос;
  • 51 улоно кар пункт, соос пӧлын:
    • улосвыл инлыкен 14 кар, соос пӧлын Пермь — Пермь улосвыллэн но Коми-Пермяк округе пырись но солэн шоркарез луись Кудымкарлэн административной центрзы[40];
    • 11 ёрос инлыкен кар;
    • ужасьёслы 26 каргурт.
  • Пермьысь 7 кар ёрос;
  • Звёздный ЗАТО;
  • 3576 гурт.

Улосын ваньмыз-ӧвӧлэз: 3669 административно-территориальной единица.

Муниципал радлык

Валтӥсь статья: Пермь улосысь муниципал радлык  [ӟуч] (удм.

2025-тӥ ар кутсконын Пермь улосвылын пусъемын:

  • 3 кар округ;
  • 40 муниципал округ.

Экономика

Валтӥсь статья: Пермь улосысь экономика  [ӟуч] (удм.

Пермь улосвыл — Россиысь экономикая азинскем улосъёсыз пӧлысь огез. 2018-тӥ арын улосысь валовой продуктлэн быдӟалаез 1.318.472 млн манет тыр люкаськиз[42].

Россиысь Банклэн 10 манетъем синпелет манетэз (2010)

2020-тӥ арын уж утчасьёслы ӵектоно шоро-куспо уждунлэн быдӟалаез 45 сюрс манет пусъемын вал. Толшоре та лыдпус ог 40-41 сюрс манет люкаськиз. Ӵектэм уждунлэн медианной быдӟалаез 35 сюрс манет луиз[43].

Промышленность

Улосысь экономикаез валтэ ӟеч азинскем промышленной комплекс. Промышленностьысь валтӥсь удысъёс: мувӧй, химия но нефтехимия, сьӧд но чибориё металлургия, машина лэсьтон, нюлэс промышленностья комплекс.

Пермьысь мувӧез перерабатка пыр поттӥсь «Лукойл-Пермнефтеоргсинтез» завод (ПНОС)

Пермь улосын арлы быдэ ог 10 млн тонна мувӧй кыско. Сьӧд зарни поттӥсь валтӥсь компания — «Лукойл — Пермь» ООО. Мувӧй кыскон уж радъяське лымшор палангес (Куеда, Кунгур, Орда, Оса, Частые но Чернуши муниципал ёросъёсын) но улослэн уйпалаз (Красновишерск, Соликамск но Усольск муниципал ёросъёсын).

Пермьын мувӧез («Лукойл-Пермнефтеоргсинтез» ООО (ПНОС)) но газэз переработка пыр поттӥсь бадӟым компаниос ужало.

Химияя промышленностьысь валтӥсь удыс луэ минерал удобрениосты поттон, Россиысь вань калий удобрениез поттон та улосын быдэсме. Пермь улосын дуннеысь бадӟымез калий сылалъёслэн кылдон интызы — Верхнекамское инты. Рудаез бугыртон-ӝутон но калий удобрениез поттон Березники палан быдэсме («Уралкалий» ПАО[44]) но Соликамскын («Уралкалий» ПАО). «Уралкалий» компания — калий удобрениез поттӥсь дуннеысь огез кужмоез но сое экспортэн кунгожсьӧры келясь предприятие.

Азот удобрениосты потто Пермьын («Минерал удобрениос» ОАО) но Березникиын («Азот» ОАО).

Улосысь нефтегазохимия промышленностьысь предприятиос ӵемысь сырьёез нырысетӥ переработка пыр гинэ потто. Удысысь бадӟымесь предприятиос:

  • «Сибур-Химпром» ЗАО — Пермь;
  • «Метафракс» ОАО — Губаха;
  • «Уралоргсинтез» ОАО— Чайковск.

Со сяна, Пермьын ужало активированной уголь («Сорбент» ОАО), мисьтаськон порошок («Хенкель-Пемос»), галогенэн тырмытэм химияя вуз («Галоген» ОАО), фталевой ангидрид («Камтэкс-Химпром» ОАО) лэсьтонъя предприятиос.

Губахаын интыяське коксохимияя завод («Губахаысь кокс» ОАО).

Сьӧд металлургия удысын тыршо быдэс циклэн завод («Чусовойысь металлургияя завод» ОАО) но кортэз ӵыжатӥсь, солэсь арбериос лэсьтӥсь предприятиос (бадӟымез — «Лысьваысь металлургияя завод» ОАО).

Чибориё металлургия Верхнекамской сылал кылдон интыысь рудаез переработка пыр поттон бордын ужа, со интыын трос магниез но шер пумиськись кортэз. Заводъёс ужало Березникиын (титан но магний поттон «ВСМПО-Ависма» корпорацилэн комбинатэз) но Соликамскын (Соликамскысь магний поттон завод). Пермьын вторичной алюминь поттонъя завод тырше («Пермьысь чибориё кортъёс» ОАО).

Машиностроение удысын валтӥсь инты басьтэ ожгар вузъёсты поттон. Машиностроениея бадӟымез центр — Пермь: авиацияя но ракета двигательёсты бичало, мувӧй кыскисьёслы но гурезьёсын но шахтаосын ужаны тӥрлык, бензомоторной пилаос, связья аппаратура, судноос, кабель но мукет арбериос. Кужмо предприятиос — Мотовилихинской заводъёс но Пермьысь мотор лэсьтонъя комплекс.

Машиностроениысь нимысьтыз предприятиос озьы ик интыясько Лысьва карын (турбогенераторъёс бичало), Кунгурын (нефтепромысловой тӥрлык потто), Очёрын (буровой тӥрлык ӵыжато) но Александровскын (гурезьёсын но шахтаосын кутӥськись тӥрлык лэсьто), озьы ик Павловск каргуртын (Очёр ёрос), Суксунын но Юго-Камскын (Пермь ёрос). Улосысь машиностроительной удыслэн шуге-леке вуон мугъёсыз пӧлысь висъяны луэ обороная ичи кун заказэз, озьы ик уноез предприятиос, вузэз пумозяз-йылозяз лэсьтэм интые, комплектующийёсты но нимаз люкетъёсты бичало, та вузэз асьсэ коже вузан политикаез быдэстыны люкетэ. Тужгес ӟеч азинске промышленностьысь музъем узырлыкез поттыны юрттӥсь удысъёслы но чугун сюрес транспортлы тӥрлык лэсьтон.

Улосысь нюлэс промышленной комплекс Прикамьеысь узыр сик вылын ужа. Нюлэс дасян кужымъёс улосысь уйпалангес интыяськемын. Пермь улосын ужало целлюлоза но бумага поттон куинь комбинат: Краснокамскын, Пермьын но Соликамскын («Соликамскбумпром» ОАО). Улонын ужа кунысь фанера лэсьтонъя огез кужмоез предприятие — «СВЕЗА Уральский» НАО (Пермь улосысь Нытва ёросысь Уральский каргурт).

Улосысь сиён-юон поттонъя бадӟымез центр — Пермь. Ужало мясокомбинат («Пермьысь мясокомбинат» ОАО, «Продо» группае пыро), «Пермский» йӧл комбинат («Юнимилк» компанилэн ёзэз), маргарин лэсьтонъя, пызь изонъя, ликёр но водка пӧзьтонъя огазеяськон («Пермалко» ОАО, S.P.I. группае пыре), вина но водка пӧзьтон заводъёс («Уралалко» ОАО, «Синергия» группае пыре), кык кондитерской фабрикаос («Пермская» но солэн бурд улаз удась «Камская» Nestlé), хладокомбинат («Пермьысь „Созвездие“ хладокомбинат» ОАО, «Комос Групп» компание пыре), нянь пыжон. Сиён-юон лэсьтон промышленностья мукет бадӟымесь центръёс луо Кунгур (нянь но йӧл поттон), Краснокамск (сӥльлэсь сиён лэсьтон), озьы ик Чайковск, Лысьва, Кудымкар, Верещагино.

Гурт удыс
Валтӥсь статья: Пермь улосысь гурт удыс  [ӟуч] (удм.

Пермь улосысь кӧё музъемъёслэн кызьыны-мерттыны кужым сётӥсь луонлыксы бадӟым. Та муосын бакча сиён, пудо сиён культураосты утялтыны кулэ. Соосты озьы ик турнаны но пастуханы кутыны пайдаё луоно. Котьма ке но трос гыроно-кизёно муос фосфор но калий удобренилы зол кулэясько. Нюр интыос (огъя лудъёслэсь 3,5 процентэз) куасьтэм, ӝикыт утялтэм, гурт удыс ужрадъёс быдэстэм бере дуно гырон-кизён но пудо сиён дасян интыослы пӧрмизы. Гурт удыслэн лыдъяськись бусыос Пермь улослэсь 20 процентсэ басьто. Улосввыллэн ӝыныяз (59 %) нюлэс дасян хозяйствоя предприятиос ужало.

Кызёно бусыос:
Ар 1959 1990 1995 2000 2005 2010 2015
сюрс гектар 2118[45] 1850,3[46] 1501,9 1289[46] 999,5[47] 795,2 757,2[47]
Транспорт

Свердловск чугун сюреслэн Пермь ёзэз (азьвыл — Л. М. Каганович нимо Пермьысь чугун сюрес), «„Кам шур пароходство“ судоходной компания» ОАО, «Пермь авиалиниос» ФГУП, Большое Савино калыккуспо аэропорт ужало.

Экономикая азинскыны люкетэ Пермь улослэн уйпалаз автомобиль сюресъёслэн ӧвӧлтэмзы но мукет ёросъёсын дурыстэм тырмымтэзы. Сюресъёс уродэн чебересь Урал гурезьёсын туризм уг ужа. Быдэс Пермь шаеретӥ бызись Бадӟым Кам шур ачиз ласянь секытэн ортчоно барьер выллем луэ, малы ке шуоно со вамен куинь гинэ автомобиль выжъёс лэсьтэмын.

2015-тӥ арын улосвылын 592 857 автомобиль пусъемын вал. Та лыдпусъя Пермь улосвыл РФ-ын 24-тӥ интые потӥз[48].

Дышетон

Озьы ик учке: Пермь улосысь вылӥ дышетонниос  [ӟуч] (удм.

Пермь улосвылын ог 30 вузъёс но вузъёслэн ёзъёссы ужало[49]. Бадӟымесь университетъёс луо Пермьысь политехникая йӧскалык университет  [ӟуч] (удм. но Пермьысь кун университет  [ӟуч] (удм..

Лулчеберет

Пермьысь лулчеберетъя революция

2000-тӥ аръёсы Пермь улосвылын Пермьысь лулчеберетъя революция нимо проект быдэсмиз.

Валтӥсь статья: Пермьысь лулчеберет революция улосысь  [ӟуч] (удм.

Улосвылысь музейёс

  • Пермьысь суреданъя кун галерея;
  • Пермьысь шаертодонъя музей;
  • Пермьысь туала искусствоя музей;
  • «Мотовилихинской заводъёс» музей;
  • Пермьысь кун университетлэн историезъя музей;
  • Б. К. Поленов нимо палеонтологияя но историысь геологияя музей;
  • Архитектурая но этнографияя «Хохловка» музей;
  • Политикая репрессиослэн историзылы сӥзем «Пермь-36» музей;
  • Пермьысь педагогикая кун университетысь Пермь Предуральелэн археологиезъя но этнографиезъя музей;
  • Связья музей (Лысьва);
  • Каскалы сӥзем музей (Лысьва);
  • Пуньылы сӥзем музей (Нытва);
  • Чердыньысь шаертодонъя музей;
  • Адӟытонъя зал (Чердынь);
  • Чайковскысь шаертодонъя музей;
  • Осконлэн историезъя музей (Чердынь);
  • КУБ-лы сӥзем музей (Губаха);
  • Сылаллэн историезъя музей (Соликамск);
  • Красновишерысь шаертодонъя музей.

Туризм

2016-тӥ арын «Маньпупунёр — Отортен — Дятловлэн перевалэз маршрутэтӥ ортчон» туризмъя программа Россиысь туризмъя «Арлэн маршрутэз» III премиын «Устоез спортъя маршрут» номинациын I инты басьтӥз[50].

Оскон

2014-тӥ арын 19-тӥ южтолэзе Пермь улосвылын Ӟуч православной черк кылдытӥз куинь епархием Пермьысь митрополия:

  • Пермь но Кунгур;
  • Кудымкар но Верещагино;
  • Соликамск но Чусовой.

Куд-ог вӧсьлыкъёс:

  • Белогорьеысь монастырь;
  • Слудкаысь черк;
  • Свято-Троицкой Стефанов монастырь;
  • Федосиевской черк;
  • дун-чылкыт Пётрлы но Павеллы сӥзем собор;
  • Спасо-Преображенской черк (Кунгур);
  • Чайковскысь дун-чылкыт Георгий Победоносецлы сӥзем черк;
  • Пермьысь соборной мечеть.

Улосвылысь дано муртъёс

«Пермь улосвыллэн дано муртэз» (азьвыл — областьлэн) дано нимын сӥлы каро экономикаын, наукаын, лулчеберетын, искусствоын, дышетонын, тазалыкез но югдурез утёнын, кун но муниципал лэсьтӥськонын, ӟеч уж лэсьтонын но мукет удысын умой тыршем понна. Пӧртэм вакытэ та нимын пусъемын[51]:

  • Астафьев Василий Михайлович — Совето Союзлэн Героез;
  • Суханов Сергей Германович — федерал кардиоцентрлэн валтӥсь врачез;
  • Широков Евгений Николаевич — СССР-ысь калык суредась;
  • Бобылёв Иван Тимофеевич — СССР-ысь калык артист;
  • Коноплёв Борис Всеволодович — КПСС-лэн Пермь обкомезлэн нырысетӥ секретарез;
  • Астафьев Виктор Петрович — гожъяськись;
  • Сахарова Людмила Павловна — СССР-ысь калык артистка;
  • Кудряшова Клавдия Кузьминична — СССР-ысь калык артистка;
  • Вагнер Евгений Антонович — академик;
  • Рахшмир Павел Юхимович — тодосчи историк;
  • Тольцинер Филипп Максимович — архитектор.

«Пермь улосвыллэн дано муртэз», «Пермь областьлэн дано муртэз», «Коми-Пермяк округлэн дано муртэз» дано нимъёсын улосысь 40-лэсь ятыр улӥсьёс сӥлы каремын.

Валэктонъёс

  1. ↑ Валовой региональный продукт по субъектам Российской Федерации в 1998-2018гг. [ӟуч] (xls) Росстат.
  2. ↑ Валовой региональный продукт по субъектам Российской Федерации в 1998-2018гг. [ӟуч] (xls) Росстат.
  3. ↑ Валовой региональный продукт по субъектам Российской Федерации в 1998-2018гг. [ӟуч] (xls) Росстат.
  4. ↑ Валовый региональный продукт на душу населения по субъектам Российской Федерации в 1998-2018гг. MS Excel документ
  5. ↑ Валовый региональный продукт на душу населения по субъектам Российской Федерации в 1998-2018гг. MS Excel документ
  6. ↑ 1 2 3 Предварительная оценка численности постоянного населения на 1 января 2023 года и в среднем за 2022 год (с учётом итогов Всероссийской переписи населения 2020 г.) [ӟуч] Эскеремын 2023-02-01 арын
  7. ↑ «Прикамье», или Кто отделил Пермь от Урала [ӟуч] newsko.ru (27-12-2011). Эскеремын 21-11-2025 арын
  8. ↑ 1 2 Калуцкова Н. Н., Горячко М. Д. и др. Пермский край / председ. Ю. С. Осипов и др., отв. ред. С. Л. Кравец. — Большая Российская Энциклопедия (в 35 т.). — Москва: Научное издательство «Большая российская энциклопедия», 2014. — Т. 25. П — Пертурбационная функция. — С. 712—723. — 764 с. — 26 000 экз. — ISBN 978-585270-362-0.
  9. ↑ 1 2 3 Назаров Н. Н. География Пермского края: учебное пособие. — Пермь: Пермский ун-т, 2006. — С. 6–7. — 139 с. — ISBN 5-7944-0562-7.
  10. ↑ Федеральный конституционный закон № 1-ФКЗ [ӟуч] rg.ru (25-03-2004). Эскеремын 21-11-2025 арын
  11. ↑ Об административно-территориальном устройстве Пермского края (с изменениями на 10 октября 2017 года) [ӟуч] docs.cntd.ru. Эскеремын 21-11-2025 арын
  12. ↑ Федеральный закон от 03.06.2011 № 107-ФЗ «Об исчислении времени», статья 5 [ӟуч]
  13. ↑ Климат [ӟуч] perm.ru. Эскеремын 21-11-2025 арын
  14. ↑ Рельеф [ӟуч] perm.ru. Эскеремын 21-11-2025 арын
  15. ↑ Водные ресурсы [ӟуч] perm.ru. Эскеремын 21-11-2025 арын
  16. ↑ Водные ресурсы Пермской области [ӟуч] Энциклопедия Пермской области. Эскеремын 21-11-2025 арын
  17. ↑ 1 2 Полезные ископаемые [ӟуч] perm.ru. Эскеремын 21-11-2025 арын
  18. ↑ В Пермском крае снова будут добывать алмазы [ӟуч] properm.ru (23-07-2024). Эскеремын 21-11-2025 арын
  19. ↑ Растительность [ӟуч] perm.ru. Эскеремын 21-11-2025 арын
  20. ↑ Животный мир Пермской области [ӟуч] Энциклопедия Пермской области. Эскеремын 21-11-2025 арын
  21. ↑ Млекопитающие [ӟуч] Энциклопедия Пермской области. Эскеремын 21-11-2025 арын
  22. ↑ Перечень ООПТ России [ӟуч] oopt.aari.ru. Эскеремын 21-11-2025 арын
  23. ↑ М. В. Аникович. Пути становления верхнего палеолита Восточной Европы и Горного Алтая // Археология, этнография и антропология Евразии. — 2007. — № 1. — С. 9.
  24. ↑ Палеолит Пермского края [ӟуч] enc.permculture.ru. Эскеремын 21-11-2025 арын
  25. ↑ Полное Собрание Законов Российской Империи. Том. 4. Ст. 2218 [ӟуч] nlr.ru. Эскеремын 21-11-2025 арын
  26. ↑ Полное Собрание Законов Российской Империи. Том 5. Ст. 3380 [ӟуч] nlr.ru. Эскеремын 21-11-2025 арын
  27. ↑ Полное Собрание Законов Российской Империи. Том 7. Ст. 4529 [ӟуч] nlr.ru. Эскеремын 21-11-2025 арын
  28. ↑ Полное Собрание Законов Российской Империи. Том 7. Ст. 5065 [ӟуч] nlr.ru. Эскеремын 21-11-2025 арын
  29. ↑ Полное Собрание Законов Российской Империи. Том 10. Ст. 7347 [ӟуч] nlr.ru. Эскеремын 21-11-2025 арын
  30. ↑ Управление Пермским Прикамьем в XVIII веке [ӟуч] permgaspi.ru. Эскеремын 21-11-2025 арын
  31. ↑ С. А. Тархов Изменение административно-территориального деления России за последние 300 лет [ӟуч] permgaspi.ru. Эскеремын 21-11-2025 арын
  32. ↑ Управление Пермским Прикамьем в советский период [ӟуч] permgaspi.ru. Эскеремын 21-11-2025 арын
  33. ↑ Дмитрий Владимиров (02-03-2018) На пермский «Орден Ленина» планируют добавить надпись [ӟуч] metrosphera.ru. Эскеремын 21-11-2025 арын
  34. ↑ Владимир Ивашкевич (04-02-2014) Награда ушла от героя [ӟуч] newsko.ru. Эскеремын 21-11-2025 арын
  35. ↑ По итогам 2012 года в Прикамье зафиксирован естественный прирост населения [ӟуч] properm.ru (09-02-2013). Эскеремын 21-11-2025 арын
  36. ↑ Национальный состав населения по субъектам Российской Федерации [ӟуч] gks.ru. Эскеремын 21-11-2025 арын
  37. ↑ Пермский край [ӟуч] pfo.gov.ru. Эскеремын 21-11-2025 арын
  38. ↑ 1 2 3 4 5 6 7 8 9 10 11 12 13 14 15 16 17 18 19 20 21 22 Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более [ӟуч] (XLSX) Эскеремын 2022-09-01 арын
  39. ↑ Юлия Сырова. Нас переписали // Пятница : газета. — 2012. — 3 февраля (№ 4 (562)). — С. 1, 13.
  40. ↑ 1 2 Устав Пермского края [ӟуч] docs.cntd.ru. Эскеремын 21-11-2025 арын
  41. ↑ Об административно-территориальном устройстве Пермского края [ӟуч] docs.cntd.ru. Эскеремын 21-11-2025 арын
  42. ↑ Валовой региональный продукт Пермского края в 2018 году [ӟуч] 59.rosstat.gov.ru. Эскеремын 21-11-2025 арын
  43. ↑ Эксперты: в Прикамье средняя зарплата выросла на 5 тыс. [ӟуч] perm.rbc.ru (12-02-2020). Эскеремын 21-11-2025 арын
  44. ↑ Уралкалий [ӟуч] uralkali.com. Эскеремын 21-11-2025 арын
  45. ↑ Сельское хозяйство СССР. Статистический сборник (1960) / Центр. стат. упр. при Совете Министров СССР. — Москва: Госстатиздат ЦСУ СССР, 1960. — С. 500. — 667 с. — 1000 экз.
  46. ↑ 1 2 Госкомстат России. Регионы России. Социально экономические показатели. — Москва, 2002. — С. 490. — 863 с. — 1600 экз. — ISBN 5-89476-108-5.
  47. ↑ 1 2 Федеральная служба государственной статистики. Регионы России. Социально экономические показатели. — Москва, 2016. — С. 726. — 1326 с. — ISBN 978-5-89476-428-3.
  48. ↑ В Пермском крае зарегистрировано более полумиллиона автомобилей [ӟуч] v-kurse.ru (24-09-2015). Эскеремын 21-11-2025 арын
  49. ↑ Информационно-аналитические материалы по результатам проведения мониторинга деятельности образовательных организаций высшего образования 2015 года [ӟуч] Министерство образования и науки Российской Федерации. Эскеремын 21-11-2025 арын
  50. ↑ Победители III Всероссийской туристской премии «Маршрут года» [ӟуч] tourawards.ru (20-11-2016). Эскеремын 21-11-2025 арын
  51. ↑ Новости [ӟуч] perm.ru (15-11-2012). Эскеремын 21-11-2025 арын

Чӧлсконъёс

«https://udm.ruwiki.ru/w/index.php?title=Пермь_улосвыл&oldid=507232»-ысь басьтэмын