Попков, Валерий Филиппович

Валерий Филиппович Попков
Валерий Филиппович Попков
Вордӥськем дырыз	24-тӥ южтолэзе 1961 (65 лет)
Вордӥськем интыез	Кильмезь[d], Сюмси ёрос, Удмурт Автономной Советской Социалистической Республика, РСФСР, СССР;
Кунмуртлыкез	СССР → Россия
Кыӵе войскоез	Пограничной войскоос
Званиез	; полковник
Ожмаськонъёс/ожъёс	Афган ож (1979—1989)

Вале́рий Фили́ппович Попко́в (ворд. 24-тӥ южтолэзе 1961, Кильмезь^[d], Удмурт Автономной Советской Социалистической Республика) — Совето Союзлэн Героез, СССР-ысь Кун кышкыттэмлыкъя комитетлэн (КГБ) пограничной войскоосызлэн «Ми-8» вертолёт экипажезлэн командирез, полковник.

Улон сюресэз

Вордӥськиз 1961-тӥ арын 24-тӥ южтолэзе Удмурт АССР-ын Сюмси ёросысь Кильмезь каргуртын удмурт семьяын. 6 арескын семьяеныз Ростов улосэ Семикаракорск ёросысь «Междуреченский» совхозэ улыны кошкизы^[1].

1978-тӥ арын карын 1 номеро шор ёзо школаын 10 классэз йылпумъямез бере Сызраньысь лётчикъёсты дасянъя авиацияя ожгар училищеын дышетскиз^[2]. Собере Ю. А. Гагарин нимо Военно-воздушной академиез быдтӥз^[3].

1982-тӥ арын, Сызраньын дышетскемез бере (СВВАУЛ), службазэ азьланьтӥз Краснознамённой Среднеазиатской пограничной округын СССР-ысь КГБ-лэн пограничной войскоосаз. Аслаз частеныз валче Афганистанлы интернациональной юрттэт сётонэ пыриськиз. Командованилэсь пӧртэм заданиоссэ быдэсъяса (войскоосты десантировать карон, омыр разведкаос, кулэ интыосы боеприпасъёс но сиён-юон вуттон, сӧсырмем ожгарчиосты эвакуировать карон, транспортной колоннаосты вылысен утён), 1982-тӥ арысен 1989-тӥ арозь 2500-лэсь трос боевой лобанъёсы потаз.

1996-тӥ арысен — Россиысь Пограничной федерал службалэн адъюнктэз. 1999-тӥ арысен академилэн кивалтӥсезлэн воштӥсез вал, 2000-тӥ арысен со академиын ик тактикая но авиационной соединениослэн оперативной искусствозыя кафедраын дышетӥз.

2005-тӥ арысен полковник В. Ф. Попков запасэ лэземын.

Улэ Муско котырысь Лобня карын^[4].

Подвигез

1989-тӥ арын 19-тӥ толшоре, совето войскоосты Афганистанысь поттэмлэсь кӧня ке нуналлы азьвыл, Валерий Попков но азьпал вертолётлэн пилотэз Ильгиз Шарипов Ми-8 машинаосын ожгар задание потӥзы. Шариповлэсь вертолётсэ душманъёс ракетаен мырӟизы, со гурезьёс вӧзы усиз. Экипажысь куинез мурт пуштэмлэсь быриз, нош Шарипов парашютэн тэтчыса вуттӥз, но лэзиськиз душманъёс пала.

Попков нап-ӵуж парашютэз но со доры матэктӥсь боевикъёсыз адӟыса, соку ик НУРСъёсын (ракетаосын) ыбиз. Душманъёс огдырлы пазьгиськизы. Попков Шарипов доры васькиз, нош соиз (кышкатскыса, лэся), вертолётэз адӟытэк-кылытэк, быземысь ӧз дугды. Соку Попков вертолётсэ Шарипов азе ик пуктӥз. Экипажез потӥз, Шариповлы тубыны юрттӥз, нош собере шӧдтэк шорысь Шариповлэн ӝуась вертолётэз доры шонтӥзы, улэп кылем муртъёссэ утчаса. Попков сьӧразы лобиз, душманъёслэсь пуляоссэс ачиз вылэ кыскыса. Экипажез берытскем бере Попков машиназэ берыктӥз но выллань тубиз.

Аэродромысен комиссия вертолёт бордысь 21 патронлэсь пасьсэ шедьтӥз, огез соос пӧлысь пилотлэн кабинаяз мертчем, экипажлэн командирезлэн йыр дораз ик.

Со вал Попковлэн берпуметӥез, 2590-тӥез, ожгар заданиез Афганистанын.

Данъетъёсыз

Ӵош служить карись эшъёссэ утёнъя операциез ӟеч быдэстэмез бере Попков капитанлы майор звание сётэмын. ДРА-лы интернациональной юрттэт сётонъя операциын геройлыко но сэзь луэмез понна СССР-ысь Вылӥ Кенешлэн Президиумезлэн 1989-тӥ арын 21-тӥ оштолэзе гожтэм Косэтэзъя Совето Союзлэн Героез дано нимын пусъемын.
Ленин орден,
Горд Кизили орден,
«СССР-лэн Ожтӥрлыко кужымъёсаз службазэ нуэмез понна» 3-тӥ степенё орден,
«За отвагу», «За боевые заслуги», «Воинской службаын висъяськемез понна», «Кунгожъёсты утёнын висъяськемез понна» медальёс.

Мерлыко удыс

1985-тӥ арысен КПСС-лэн ёзчиез.

В. Ф. Попков «Боевое братство» огазеяськонлэн Дмитровысь ёзэтэзлэн азьветлӥсез луэ, мыло-кыдо пыриське егитъёслы патриотизм мылкыд пыӵатон уже.

Валэктонъёс

↑ Герои Отечества. Попков Валерий Филиппович
↑ В. П. Куницын, В. М. Толкачев. Военный городок: от Усть-Двинского пехотного полка до вертолетного училища. — Сызрань: Ваш Взгляд, 2013. — 256 с. — 500 экз. — ISBN 978-5-904048-35-8.
↑ Коллектив авторов. История командного факультета Военно-Воздушной академии имени Ю. А. Гагарина / В.Е. Зенков. — Москва: ЗАО СП «Контакт РЛ», 2007 год. — С. 318. — 368 с. — ISBN 5-902908-02-7. в 1993 году
↑ Герои, живущие в Лобне Архивная копия от 16 южтолэзе 2008 на Wayback Machine.

Чӧлсконъёс

Герой Советского Союза Попков Валерий Филиппович.
Капитан Попков Валерий Филиппович.
Фотография и стихи, посвященные Попкову.
Известные земляки Эскеремын 2010-05-30 арын

[ГО-1] Герои Отечества. Попков Валерий Филиппович

[2] В. П. Куницын, В. М. Толкачев. Военный городок: от Усть-Двинского пехотного полка до вертолетного училища. — Сызрань: Ваш Взгляд, 2013. — 256 с. — 500 экз. — ISBN 978-5-904048-35-8.

[3] Коллектив авторов. История командного факультета Военно-Воздушной академии имени Ю. А. Гагарина / В.Е. Зенков. — Москва: ЗАО СП «Контакт РЛ», 2007 год. — С. 318. — 368 с. — ISBN 5-902908-02-7. в 1993 году

[4] Герои, живущие в Лобне Архивная копия от 16 южтолэзе 2008 на Wayback Machine.

[1]

[2]

[3]

[4]