Ошмес

«Ошмес»
«Ошмес»
Типез	мерлык но политика ужпумъёслы сӥзем газет
Форматэз	А3
Валтӥсь редакторез	Нигаматуллина О.Б.
Кылдытэмын	1999
Кылыз	удмурт
Валтӥсь офисэз	Башкортостан, Татышлы ёрос, Вылын Татышлы черкогурт, Ленин нимо урам, 91-тӥ номеро юрт.
Тиражез	860 экземпляр
Веб-сайтэз	oshmes.info

Ошме́с (ӟуч: Родник) — Башкортостанын удмурт кылын печатласькись мерлык но политика ужпумъёслы сӥзем кун газет. Потэ 1999-тӥ арысен.

Историез

1996-тӥ арын 20-тӥ пӧсьтолэзе Башкортостанысь удмуртъёслэн нырысетӥ учредительной съездазы удмуртъёслэн Лулчеберетъя йӧскалык центрзы кылдӥз. Соку ик Башкортостан Элькунын улӥсь удмуртъёс анай кылынызы потӥсь газет кылдытон сярысь куронэн вазиськизы. Кивалтэт соослэн куронзылы дурбасьтӥз. 1998-тӥ арын тулыспалэ Башкортостанлэн Президентэз М. Г. Рахимов удмурт кылын потӥсь кун газет кылдытон сярысь Косэт гожтӥз. 1998-тӥ арын коньывуонэ элькунысь Министръёслэн Кабинетсы газетэз поттон сярысь Пуктэт кутӥз^[1]. 1999-тӥ арын 1-тӥ инвожое «Ошмес» газетлэн нырысетӥ номерез потӥз^[2]. Сое кылдытон бордын тыршизы Башкортостанысь удмуртъёслэн Лулчеберетъя йӧскалык центрлэн со дыре кивалтӥсез Р. Б. Галямшин но ёрос газетлэн редакторезлэн воштӥсез А. В. Гильмаев. Гильмаев ик луиз Башкортостанысь удмурт газетлэн нырысетӥ редакторез. Берло сое А. Н. Миниахметов воштӥз^[3]. Али дыре газетлэн валтӥсь редакторез: Нигаматуллина Ольга Борисовна^[4]. Татын возьматӥсько мерлыкен но политикаен герӟаськем ужпумъёс но элькунын ортчем ужрадъёс. Ӵем печатласькыло удмуртъёслэн лулчеберетсылы но историзылы сӥзем материалъёс. Газетлэн учредителез луэ Башкортостан Элькунысь Министръёслэн Кабинетсы^[ru], печатлаське Печатья но ивор вӧлмытонъя агентстволэн юрттэмезъя. Росси почта пыр Башкортостан Элькунынын но мукет улосвылъёсын вӧлмытӥське. Газетэз лыдӟо Удмурт Элькунын, Пермь шаерын.

Газет сярысь

4 полосаем А3 форматэн газет арняяз 1 пол потэ. Тиражез — 860 экземпляр. Бадӟым уж нуиське сайтэз, вотэс бамъёсты азинтон понна. Али дыре газетэз лыдӟыны луэ ВК-ысь, Одноклассникиысь но Телеграмысь.

Газет бамъёсын потӥсь материал паськыт кутӥське Башкортостанын улӥсь удмуртъёслэсь вераськетсэс эскеронын^[5].

Башкортостанысь школаосын дышетскисьёс куспын «Ошмеслэн» кубокез понна волейболэн шудонъя ӵошатсконъёс ортчыло. Сое радъя но ортчытэ газетлэн редакциез^[6].

Валэктонъёс

↑ КАБИНЕТ МИНИСТРОВ РЕСПУБЛИКИ БАШКОРТОСТАН. ПОСТАНОВЛЕНИЕ от 1 октября 1998 года N 212 ОБ УЧРЕЖДЕНИИ РЕСПУБЛИКАНСКОЙ ГАЗЕТЫ «ОШМЕС» («РОДНИК») НА УДМУРТСКОМ ЯЗЫКЕ
↑ [1] // Народы Урало-Поволжья: история, культура, этничность. Уфимский полиграфкомбинат, 2003. С. 45.
↑ Информационный центр «Финноугория»
↑ официальный сайт газеты «Ошмес». Об издании
↑ Александр Шутов. Некоторые лингвостилистические особенности языка газеты «Ошмес» Архивная копия от 16 оштолэзе 2012 на Wayback Machine. // Журналистика Удмуртии: история и современность : материалы Регион. межвуз. науч.-практ. конф., посвящ. 100-летию удмурт. нац. период. печати. 15 февр. 2006 г. / УдГУ, Фак. журналистики УдГУ ; отв. ред. А. А. Вахрушев. — Ижевск, 2006. — 265—268.
↑ Сайт Новотатышлинского сельсовета

Литература

А. Н. Миниахметов. О газете удмуртов Башкортостана «Ошмес». // Информационно-методический сборник Министерства национальной политики УР. Ижевск. — 2002. — № 7. — С. 65-68.
А. Н. Миниахметов. Роль газеты «Ошмес» в формировании и укреплении национального самосознания удмуртов Республики Башкортостан. // Финно-угры Башкортостана : материалы круглого стола «Народное творчество финно-угорских народов Башкортостана». — Уфа, 2005. — С. 52-54

[1] КАБИНЕТ МИНИСТРОВ РЕСПУБЛИКИ БАШКОРТОСТАН. ПОСТАНОВЛЕНИЕ от 1 октября 1998 года N 212 ОБ УЧРЕЖДЕНИИ РЕСПУБЛИКАНСКОЙ ГАЗЕТЫ «ОШМЕС» («РОДНИК») НА УДМУРТСКОМ ЯЗЫКЕ

[2] [1] // Народы Урало-Поволжья: история, культура, этничность. Уфимский полиграфкомбинат, 2003. С. 45.

[3] Информационный центр «Финноугория»

[4] официальный сайт газеты «Ошмес». Об издании

[5] Александр Шутов. Некоторые лингвостилистические особенности языка газеты «Ошмес» Архивная копия от 16 оштолэзе 2012 на Wayback Machine. // Журналистика Удмуртии: история и современность : материалы Регион. межвуз. науч.-практ. конф., посвящ. 100-летию удмурт. нац. период. печати. 15 февр. 2006 г. / УдГУ, Фак. журналистики УдГУ ; отв. ред. А. А. Вахрушев. — Ижевск, 2006. — 265—268.

[6] Сайт Новотатышлинского сельсовета

[1]

[2]

[3]

[4]

[5]

[6]

Башкортостанысь ивор вӧлмытӥсь ёзэтъёс
Газетъёс	Огъякун Башкортостан [баш.] Истоки [ӟуч] Йэншишмэ [баш.] Йэшлек [баш.] Кызыл тан [биг.] Омет [биг.] Ошмес [удм.] Республика Башкортостан [ӟуч] Урал сасси [чув.] Чолман [луговомар.] Кар но ёрос Атайсал [баш.] Баймакский вестник [ӟуч] Вечерняя Уфа [ӟуч] Восход [ӟуч] Выбор [ӟуч] Киске Уфа [баш.] Красное знамя [ӟуч] Кумертауское время [ӟуч] Огни Агидели [ӟуч] Октябрьский нефтяник [ӟуч] Салауат [баш.] Сибайский рабочий [ӟуч] Стерлитамакский рабочий [ӟуч] Тан [баш.] Туган як [биг.] Уфимская неделя [ӟуч] Уфимские ведомости [ӟуч] Учалинская газета [ӟуч]
Журналъёс	Агидель [баш.] Акбузат [баш.] Аллюки [биг.] Аманат [баш.] Башкортостан кызы [баш.] Башкортостан укытыусыхы [баш.] [ӟуч] Бельские просторы [ӟуч] Ватандаш [баш.] [ӟуч] [англи] Панорама Башкортостана [ӟуч] Рампа. Культура Башкортостана [ӟуч] Сельские узоры [ӟуч] Тамаша [баш.] Тулпар [биг.] Уфа [ӟуч] Хэнэк [баш.] [ӟуч] Шонкар [баш.]
Радиостанциос	Актан [ӟуч] АРИС [ӟуч] Ашкадар [баш.] Бирь [ӟуч] Бураево [ӟуч] Дюртюли FM [ӟуч] Илишевское радио [баш.] [ӟуч] [биг.] Первый канал [ӟуч] Роксана [баш.] [биг.] Спутник FM [ӟуч] Тартип [баш.] [ӟуч] [биг.] Татар радиосы [биг.] Хит Навигатор [ӟуч] Юлдаш [баш.] [биг.]
Телеканалъёс	АРИС 24 [баш.] [ӟуч] Башкирское спутниковое телевидение [баш.] [ӟуч] Башкортостан 24 [баш.] [ӟуч] Вся Уфа [ӟуч] Глазами туриста [ӟуч] Девон-инфо [баш.] [ӟуч] [биг.] Живая природа [ӟуч] Курай ТВ [баш.] Матур ТВ [баш.] [биг.] Нефтекамск 24 [ӟуч] Салям [баш.] [ӟуч] [биг.] Сибайское телевидение [баш.] [ӟуч] Тамыр [баш.] [ӟуч] ТВ БЛИК [ӟуч] Толпар ТВ [баш.] [ӟуч] [биг.] Туган тел [баш.] [биг.] Учалы ТВ [баш.] [ӟуч] Home [ӟуч] MTVmix [ӟуч] NEXT-TV [баш.] [ӟуч] [биг.] [луговомар.] UTV [ӟуч]