Медведева, Евгения Васильевна
| Евгения Васильевна Медведева | |
|---|---|
 | |
| Вордӥськем нуналыз | 13-тӥ гудырикошконэ 1961 (65 арес) |
| Вордӥськем интыез | Элекмувыр гурт, Кизнер ёрос, УАССР, РСФСР, СССР |
| Кун | |
| Ужудысэз | кырӟась |
Евге́ния Васи́льевна Медве́дева (ворд. 13-тӥ гудырикошконэ 1961, Элекмувыр, Удмурт Автономной Советской Социалистической Республика) — удмурт кырӟась, Кырӟанъя но эктонъя «Италмас» кун ансамбльысь артист. Удмуртиысь калык артистка, Россиысь дано артистка.
Улон сюресэз
Вордскемын 1961-тӥ арын 13-тӥ гудырикошконэ Кизнер ёросысь Элекмувыр гуртын 5 нылпиё семьяын. Атаез арганэн шудӥз, анаез чебер кырӟаз, нылпиоссы но кырӟаса будӥзы[1].
8 классэз йылпумъяса, Можга педучилищеын дышетскиз. Направления 2 ар ӵоже Ижысь 23 номеро шор ёзо школаын пиналъёсты визьнодаз, собере мотозаводэ выжиз[2].
1985-тӥ арын «Италмас» ансамбльлэн кивалтӥсез Анатолий Мамонтов ӧтиз Е. Медведеваез конкурсэ пыриськыны, устооссэ чортӥзы «Италмасэ» ужаны. Ӧтизы Медведеваез но. Ӝыны ар ортчыса, со сцена вылын кырӟанъёсыз огназ быдэсъяз ни.
Ансамблен трос кунъёсы но каръёсы вуылӥз. Дуэтэн Л. Ахтариеваен но А. Медведеваен кырӟалля. «Италмас» ансамбльлэсь концертъёссэ нуиз[3].
Данъетъёсыз но нимъёсыз
- Удмурт Республикаысь калык артистка.
- Россиысь дано артистка
Ас улонэз
Евгения Медведева быземын. Кузпалыныз пизэс будэтӥзы, нуноксы вань.
Ваньмон дыръязы мушен выризы, пасекаязы 100-лэсь уно умортозы вал. Но со ваньмыз ӝуаз. «Соку сюлмы ӝуаз, гуртэ бертэме ӧз лу ни», — шуиз Е. Медведева.
Алевтина Медведева кырӟасьлэн апаез.
Валэктонъёс
- ↑ Елена Рябина. Эмъюм интые - сцена [удм.] // Кенеш. — 2010. — Гудырикошкон.
- ↑ "Мон". Евгения Медведева [удм.] ГТРК "Удмуртия".
- ↑ 13 августа 1961 г. [ӟуч] Знаменательные и памятные даты. 2016 год.