Элекмувыр

Элекмувыр
	Гурт
Элекмувыр
	56°38′35″ с. ш. 51°18′06″ в. д.GЯO
Кун	Россия;
Улӥсез
Улӥсез	0 мурт (2015);
Цифровой идентификаторъёс
Почта индекс	427726
Возьматоно/ватоно картаосты
	Элекмувыр

Элекмувыр (ӟуч: Верхняя Муркозь) — Удмурт Элькунысь Кизнер ёросысь гурт.

Интыяськемез

Интыяськемын шаерлэн лымшор-шундыпуксён палаз, лысо-куаро нюлэсъёс пӧлын^[2], ёрос центрлэсь — Кизнер посёлоклэсь — ог 40 иськемын (шонерак). Элекмувыр вӧзтӥ Муркозька шур бызе. Ӝуждалаез — 169 метр зарезь вадьсын.

Куазь

Куазь умеренно континентальной. Ар ӵоже шоро-куспо темература — 2,5 °С. Тужгес шуныт вакытэ — пӧсьтолэзе — шоро-куспо температура −18,7 °C; тужгес кезьыт — толшоре, — −14,2 °C. Ар ӵоже шорлыдын 400—450 мм зор-кот усе, соос пӧлысь 300 миллиметрез шуныт вакытэ луэ^[3].

Историез

Элекмувырез Вуж Омгаысь кӧчем калык 18-тӥ даур пумын кылдытэм. Гуртоос интыяськиллям пичи шурлэн, кудӥз Пичи Муркозька шуре усе, кутсконаз.

Нырысьсэ Малмыж утемысь Элекмувыр (Елик-Мувыр) гуртлэн нимыз Ватка губерниын 1859-тӥ-1873-тӥ аръёсы ортчем лыдъян-чотанын пусъемын. Соку гуртын 15 юртын 79 улӥсез лыдъяськиз: 33 воргорон но 46 нылкышно^[4].

1905-тӥ арын Элекмувыр починка (Муркозь-Омга) Малмыж утемысь Волипельга волосте пыриз; соку 27 юртын 169 адями улӥз: 83 пиосмурт но 86 нылкышно^[4].

1970-тӥ арын гурт Кизнер ёросысь Муркозь-Омга сельсоветэ пыре вал. Та арын 224 улӥсь лыдъяськиз: 127 нылкышно но 97 воргорон^[4].

Улӥсьёсыз

2002-тӥ арын ортчем калыкез лыдъян-чотанлэн йылпумъянъёсызъя, гуртын улӥсь 49 мурт пӧлысь 96 процентэз удмуртъёс вал.

Тодмо гуртоос

Евгения Васильевна Медведева — удмурт кырӟась, Удмурт Элькунысь кырӟанъя но эктонъя «Италмас» ансамбльлэн солисткаез. Удмурт Элькунысь калык артистка, Россиысь дано артистка.
Алевтина Васильевна Медведева — удмурт кырӟась, Удмурт Элькунысь кырӟанъя но эктонъя «Италмас» ансамбльлэн солисткаез. Удмурт Элькунысь дано артистка.

Валэктонъёсыз

↑ https://web.archive.org/web/20160304004116/http://www.mykizner.ru/upload/news/chislennost_01012015.xls
↑ Приказ Министерства природных ресурсов Российской Федерации от 28 марта 2007 г. № 68 «Об утверждении Перечня лесорастительных зон и лесных районов Российской Федерации»
↑ Общие сведения о районе Официальный сайт администрации Кизнерского района.
↑ ¹ ² ³ Верхняя Муркозь [ӟуч] Родная Вятка.

[_60ff721c1949e063-1] ttps://web.archive.org/web/20160304004116/http://www.mykizner.ru/upload/news/chislennost_01012015.xls

[2] Приказ Министерства природных ресурсов Российской Федерации от 28 марта 2007 г. № 68 «Об утверждении Перечня лесорастительных зон и лесных районов Российской Федерации»

[3] Общие сведения о районе Официальный сайт администрации Кизнерского района.

[:0-4] ¹ ² ³ Верхняя Муркозь [ӟуч] Родная Вятка.

[1]

[2]

[3]

[4]