Романов, Леонид Григорьевич

Рувикиын таӵе фамилиен мукет муртъёс сярысь гожтосъёс вань. Учке: Романов.

Леонид Григорьевич Романов
Вордӥськем нуналыз	20-тӥ оштолэзе 1937({{padleft:1937|4|0}}-{{padleft:4|2|0}}-{{padleft:20|2|0}}) (89 лет)
Вордӥськем интыез	Сизнер[d], Хлебниковское гурт поселение[d], Мари-Турек ёрос[d], Пор АССР[d], РСФСР, СССР
Кунмуртлыкез	СССР  Россия
Ужудысэз	театральный актёр, режиссёр-постановщик
Данъетъёсыз	Удмурт АССР-ысь калык артист[d] Удмурт АССР-ысь дано артист[d]

Леони́д Григо́рьевич Рома́нов (ворд. 20-тӥ оштолэзе 1937, Сизнер^[d], Пор АССР^[d]) — совето но росси режиссёр-постановщик, актёр, кун ужась. Удмурт АССР-ысь лулчеберетъя министрлэн воштӥсез (1976—1980). Удмурт АССР-ысь дано но калык артист, РСФСР-ысь искусство удысысь дано ужась.

Улон сюресэз

Вордӥськиз 1937-тӥ арын 20-тӥ оштолэзе Пор АССР-ысь Мари-Турек ёросысь Сизнер гуртысь удмурт семьяын. Атаез ожын быриз, анаез нылпиоссэ огназ будэтӥз.

Школаын дышетскыкуз, Леонид Романов сценкаосын но спектакльёсын шудӥз. Нырысетӥ рольёсыз сярысь тодаз вайылӥз:

Нырысетӥ рольме 4-тӥ классын дышетскыкум быдэстӥ, немец офицерез шудӥ. Данъяськыса сылӥсько: кыӵе мон молодец, текстэз наизусть дышетӥ! Мукетъёсыз «актёръёс» кылъёссэс уг тодо, ӝӧк улэ ватскем дышетӥсьсылэсь валэктонзэ возьмало. Но солэсь шыпыртэмзэ валаны шуг, соин ик мыкырсконо луо. Залын серекъяло. Отӥяз «Кезьыт ошмес» спектакльын беглой солдатлэсь рользэ шудӥ. Спектакль пумын геройме ыбыло. Оскымон мед луоз шуыса, кулисаос сьӧрын зэмос пӧйшуран пыӵалысь холостоен ыбизы, клублэн борддоръёсыз ик зурказы! Залын пукись выны каааак бӧрдыны кутскиз: «Лёнька агайме виизы!». Учкисьёс солы валэкто, со зэмос ӧвӧл шуыса. Нош мон кыллисько, уг вырӟылӥськы — уг яра ук.

Карлыган шор ёзо школаез йылпумъямез бере Леонид Романов Ижкаре кошкиз но 9 номеро техникая училищее пыриз. Диплом басьтӥз но, кӧня ке нунал ортчыса, тодмо удмурт кылбурчиен Герман Ходыревен тодматскиз. Соиз Ленинградысь А. Н. Островский нимо театральной институтэ пырон вылысь ӵектӥз Удмурт драмтеатрысь конкурсэ пыриськыны.

1961-тӥ арын Леонид Романов театральной вузэз йылпумъяз но Удмурт драмая театрлэн артистэз луиз. 1976-тӥ арын Удмурт АССР-ысь лулчеберетъя министрлэн воштӥсезлэн ужинтыяз юнматӥзы. Та удысын со 1980-тӥ арозь тыршиз, нош отӥяз 1982-тӥ арозь Мускоысь Владимир Маяковский нимо академической театрын стажировка ортчиз.

1982-тӥ арын Удмурт драмая театре берытскиз валтӥсь режиссёр сямен. 1993-тӥ арысен режиссёр луыса тыршиз, 2004-тӥ арысен режиссёр-постановщик луэ.

Совето Союзысь театр обществолэн Удмурт ёзэзлы тӧрое бырйиськылӥз.

Творчествоез

Леонид Романов уно аръёс ӵоже бадӟымъёслы но, пичиослы но спектакльёс пуктылӥз. Ваньмыз-ӧвӧлэз солэн 50 постановкаосыз.

300-лэсь ятыр рольёсты быдэстӥз. Романовлэн верамезъя, ӵемысь со колхоз тӧроосты шудылӥз. Пересьмисьтэм роленыз лыдъя Тол Бабаез, сое пӧртэм постановкаосын но пӧртэм сценаос вылын арлы быдэ быдэстэ.

Озьы ик Леонид Романов кӧня ке удмурт гожъяськисьёслэн пьесаоссылы театрлэн сцена вылаз пуктон вылысь инсценировкаос гожтӥз но дас пала ӟуч пьесаосты анай кылэ берыктӥз.

Ас улонэз

Леонид Романов кузпалъяськемын. Ольга Трофимова кузпалыз озьы ик актриса луэ. Наталья нылзы вань.

Спортэн выре: бызьылэ, куасэн нискыла.

Данъетъёсыз но дано нимъёсыз

• Удмурт АССР-ысь дано артист (1970);
• Удмурт АССР-ысь калык артист (1974);
• РСФСР-ысь искусство удысысь дано ужась (1983);
• Ижкарлэн дано муртэз (2022);
• Удмурт Элькунысь Правительстволэн Данъян грамотаез (1997);
• Удмурт Элькунысь Лулчеберетъя министерстволэн Данъян грамотаез (2002);
• Удмурт Элькунысь Лулчеберетъя министерстволэн Данъян пул вылаз пыртэмын (2020);
• Удмурт Элькунлэн Данъян грамотаез (2007).

Быръем спектакльёсыз но рольёсыз

Актёр

• Сюан — Прохор;
• Дуно салам — Зубов;
• Сорочинская ярмарка — Цыбуля;
• Гаян — Пугачёв;
• Сестрица Алёнушка и братец Иванушка — Странник;
• Конёк-Горбунок — старик-отец.

Режиссёр

• 1981 — Катерина Измайлова (Н. С. Лесков);
• 1983 — Йыбыртты музъемлы (Г. Перевощиков);
• 1983 — На бойком месте (А. Н. Островский);
• 1988 — Жингрес сӥзьыл (И. Гаврилов);
• 1991 — Уте милемыз, Инмаръёс! (П. Кудряшов).

Валэктонъёс

Чӧлсконъёс

• Романов Леонид Григорьевич [ӟуч]