Кулябин, Иван Васильевич

Иван Васильевич Кулябин
Вордӥськем нуналыз	27-тӥ инвожое 1931({{padleft:1931|4|0}}-{{padleft:6|2|0}}-{{padleft:27|2|0}})
Кулон нуналыз	27-тӥ инвожое 2000({{padleft:2000|4|0}}-{{padleft:6|2|0}}-{{padleft:27|2|0}}) (69 лет)
Кулэм интыез	Иж, Россия
Кун	СССР  Россия
Данъетъёсыз

Иван Васильевич Кулябин (27-тӥ инвожое 1931 — 27-тӥ инвожое 2000, Иж) — «Ижмаш» НПО-ысь слесарь-сборщикъёслэн совето бригадирзы. РСФСР-ысь дано машиностроитель (1980). Ижкарлэн дано муртэз (1988).

Улон сюресэз

Вордӥськиз 1931-тӥ арын 27-тӥ инвожое Киров улосысь Уни ёросысь Кулебы гуртысь крестьян семьяын.

1943-тӥ арысен, гурт школаысь ньыль классэз йылпумъяса, Быдӟым Атыкай ож вакытэ дас кык аресказ ужаны кутскиз гуртысь колхозын.

1946—1948-тӥ аръёсы Ижкарысь ремесленной училищеын дышетскиз, сое йылпумъяса, ньылетӥ разрядъем слесарь-лекальщик луиз. 1948—1951-тӥ аръёсы Ижысь машиностроительной заводын станок лэсьтон цехын слесарь луыса тыршиз. 1951—1954-тӥ аръёсы Совето армиын ожгар службазэ нуиз.

1954-тӥ арысен, Ожгар кужымъёслэн радъёсысьтызы демобилизация бере, Ижысь машиностроительной заводын станок лэсьтон цехысь нимысьтыз станокъёсъя участокын слесарь-сборщиклэсь ужзэ азинтӥз, производстволэсь люкиськылытэк, Ижысь ӝыт школаын дышетскиз, озьы шор ёзо образование басьтӥз. 1962-тӥ арысен, квалификациез будэтонъя курсъёсты йылпумъяса, механо-сборочной ужъёсъя витетӥ разрядъем слесарь квалификация басьтӥз, 1964-тӥ арын — механо-сборочной ужъёсъя куатетӥ разрядъем слесарь. Аслаз предприятияз гинэ ӧвӧл — быдэс удысысь механо-сборочной ужъёсъя устоез слесарь луиз, быгатыса ужамез но вылӥ квалификациез понна солы аслаз пусэныз (ӟуч: клеймо) ужаны оскизы.

1977-тӥ арысен Ижысь машиностроительной заводысь станок лэсьтон цехысь слесарь-сборщикъёслы бригадире но нодъясьёслэн кенешсылы тӧрое юнматӥзы. Кулябин кивалтэм улсын слесарь-сборщикъёслэн бригадазы бадӟымесь вормонъёс утӥз, солы тужгес секыт вылӥ шонерлыко станокъёсты лэсьтонэз оскизы, соос пӧлын числоен-программаен кивалтоно станокъёс но. И. В. Кулябин ас азяз пуктэм ужпумъёсты 150 процентлы быдэстылӥз, предприятиысь солы нырысетӥосыз пӧлын «Коммунистической ужысь ударник» ним сётӥзы. Егитъёс пӧлын коммунизмъя нодъян уж нуэмез понна И. В. Кулябинэз «Егитъёсты устоез нодъясь» нимын сӥлы каризы.

1977-тӥ арын СССР-ысь Вылӥ Кенешлэн Президиумезлэн указэзъя, «Станок лэсьтонэз азинтэмез, вылӥ азинлыко тӥрлык поттэмез но калык пӧлын бадӟым валэктон уж нуэмез понна» И. В. Кулябин Ленин нимо орденэн пусъемын.

1980-тӥ арын РСФСР-ысь Вылӥ Кенешлэн Президиумезлэн указэзъя, «Машиностроение удысын вормонъёсыз понна» РСФСР-ысь дано машиностроитель дано ним сётэмын.

1988-тӥ арын 8-тӥ инвожое «Станок лэсьтонэз азинтэмез, вылӥ азинлыко тӥрлык поттэмез но мерлыко уже пыриськемез понна» Ижкарлэн дано муртэз дано ним сётэмын.

1993-тӥ арысен пенсие потӥз, Ижын улӥз.

2000-тӥ арын 27-тӥ инвожое Ижкарын улонысь кошкиз.

Данъетъёсыз

Данъетъёсыз:

• Ленин нимо орден (1977);
• Ужысь Горд Знамя орден;
• «В. И. Ленинлэн вордскемез дырысен 100 арез пусъён» медаль;
• «1941-тӥ—1945-тӥ аръёсысь Быдӟым Атыкай ож вакытэ ӟеч ужамез понна» медаль (1992).

Дано нимъёсыз

• РСФСР-ысь дано машиностроитель (1980);
• Ижкарлэн дано муртэз (8.06.1988 № 146);
• «Ижмаш» НПО-ысь ужась дано ветеран.

Мукет данъетъёсыз

• Удмурт АССР-ысь Вылӥ Кенешлэн Президиумезлэн Данъян грамотаез (1991 — «трос аръёс ӵоже ӟеч тыршемез но мерлыко уже мыло-кыдо пыриськемез понна»).

Валэктонъёс

Литература

• Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.