Кузнецов, Андрей Леонидович

Рувикиын таӵе фамилиен мукет муртъёс сярысь гожтосъёс вань. Учке: Кузнецов.

Андрей Леонидович Кузнецов
Удмуртиысь дышетонъя но наукая министр
2004-тӥ арысен — 2014-тӥ арын
Бӧрысьчиез	Мирошниченко Алексей Анатольевич
Вордӥськемын	4-тӥ южтолэзе 1963({{padleft:1963|4|0}}-{{padleft:3|2|0}}-{{padleft:4|2|0}}) (63 года) Иж, РСФСР, СССР
Дышетскемез	Ижысь Е. Ф. Драгунов нимо индустри техникум Ижысь М. Т. Калашников нимо техникая кун университет Россиысь Г. В. Плеханов нимо экономикая университет[d]
Учёной степенез	Экономика тодосъёсъя доктор[d] но профессор[d]
Данъетъёсыз

Андре́й Леони́дович Кузнецо́в (ворд. 4-тӥ южтолэзе 1963, Иж) — росси кун ужась. Удмуртиысь дышетонъя но наукая министр (2004—2014), Удмуртиысь Правительстволэн тӧроезлэн воштӥсез (2014—2016). Экономикая наукаосъя доктор, профессор, Россиысь инженерияя академилэн зэмос ёзчиез. Росси Федерациысь вылӥ тодон-валан сётон удысысь дано ужась, Удмуртиысь дано экономист.

Улон сюресэз

Вордӥськиз 1963-тӥ арын 4-тӥ южтолэзе Ижкарын. 1978-тӥ арын Ижысь индустри техникуме дышетскыны пыриз, сое 1982-тӥ арын йылпумъяз. Со аре ик агрегат но нимысьтыз станкъёсты тупатъясь-радъясь луыса «Ижмаш» заводэ уже интыяськиз.

1982-тӥ арысен «Ужез радъян но нормаос тупатон» ӧнеръя дышетскиз Ижысь механикая институтын, «Предприятилэн экономикаез» кафедраысь ассистент луиз.

1987-тӥ арысен 1991-тӥ арозь — Мускоысь Россиысь Плеханов нимо калык хозяйствоя институтысь стажёр-исследователь но аспирант. Кандидат диссертацизэ утьыса, Иже берытскиз. Ижысь техникая кун университетэ бадӟымез дышетӥсь луыса интыяськиз, отӥяз «Менеджмент но маркетинг» факультетлы деканэ юнматэмын вал. 2000-тӥ арын «Предприятилэсь коллективзэ трансформационной экономикаын мерлыко азинтонъя стратегия» темалы сӥзем доктор диссертацизэ утиз.

2000-тӥ арысен 2001-тӥ арозь Андрей Кузнецов Ижысь техникая кун университетысь Экономикая, кивалтонъя но коньдон ужпумъёсъя институтлэн директорез, отӥяз 2004-тӥ арозь — стратегияя план лэсьтонъя проректор.

2004-тӥ арын Удмуртиысь дышетонъя но наукая министре юнматэмын, та интыяз со 2014-тӥ арозь тыршиз. 2014-тӥ арын Удмуртиысь Правительстволэн Тӧроезлы воштӥсе пуктӥзы.

2016-тӥ арын Кузнецовез доходъёс сярысь декларациын ивортонъёс тупамтэен сэрен вице-премьерлэн ужинтыысьтыз мозмытэмын вал.

2016-тӥ арысен Андрей Кузнецовлэн уж удысэз герӟаськемын Ижысь М. Т. Калашников нимо техникая кун университетэн. Со «Экономика но организациен кивалтон» кафедраысь профессор, озьы ик УрО РАН-ысь Экономикая институтлэн Удмурт ёзысьтыз наукая валтӥсь ужась луэ. Со сяна, 2019-тӥ арын ИжГТУ-ысь дышетонлэн ӟечлыкезъя но аккредитацияя проректоре юнматӥзы.

Андрей Кузнецов — 100-лэсь ятыр наукая ужъёслэн авторез, соос пӧлын 10-эз — монографиос но 3-ез — дышетон пособиос, таос РИНЦ-е пыртэмын. Солэн ужъёсыз сӥземын предприятиез азинтонъя стратегиез эскеронлы, коллективлэсь мерлыко азинсконзэ валтонлы, ужбергатонлэн мерлыко кылкутонэзлы но мукет.

Библиографиез

• Н. Л. Захаров, А. Л. Кузнецов. Управление социальным развитием организации. — М., 2019. — 208 с. — ISBN 978-5-16-005067-6.
• А. Л. Кузнецов. Стратегический менеджмент: учебное пособие. — Ижевск: Ижевский гос. технический ун-т, 2006. — 158 с. — ISBN 5-7526-0274-2.
• А. Л. Кузнецов. Стратегия социального развития коллектива предприятия в трансформационной экономике [ӟуч]. — 2000.
• А. Л. Кузнецов, В. Х. Трибушная. Стратегическое управление инновационным развитием промышленного предприятия [ӟуч] // Вестник ИжГТУ имени М.Т. Калашникова. — 2012. — № 03. — С. 74—78. — ISSN 1813-7903.
• А. Л. Кузнецов. Инновационный потенциал технического университета: стратегия развития и управление [ӟуч] // Вестник ИжГТУ имени М.Т. Калашникова. — 2012. — № 03. — С. 86—89. — ISSN 1813-7903.
• О. М. Перминова, А. Л. Кузнецов, Н. Н. Харитонова. Стратегические ориентиры развития инновационной информационной среды [ӟуч] // Вестник ИжГТУ имени М.Т. Калашникова. — 2012. — № 02. — С. 65—66. — ISSN 1813-7903.
• И. Р. Валидов, А. Л. Кузнецов. Метод индексации базовой цены: мотивационная модель формирования цен на продукцию, поставляемую по государственному оборонному заказу [ӟуч] // Интеллектуальные системы в производстве. — 2022. — Т. 20, № 01. — С. 49—55. — ISSN 1813-7911. — doi:10.22213/2410-9304-2022-1-49-55.
• В. П. Грахов, А. Л. Кузнецов и др. Внедрение цифрового управления проектами строительства и эксплуатации энергоэффективных житлых домов [ӟуч] // Наука и техника. — 2021. — Т. 20, № 01. — С. 66—74. — ISSN 2227-1031.

Данъетъёсыз но дано нимъёсыз

• «Ужын ассэ возьматэмез понна» (ӟуч: За трудовое отличие) медаль;
• Удмурт Элькунысь дано экономист;
• Росси Федерациысь вылӥ тодон-валан сётон удысысь дано ужась;
• Росси Федерациысь Дышетонъя но наукая министерстволэн Данъян грамотаез;
• Удмурт Элькунлэн Данъян грамотаез.

Валэктонъёс

Чӧлсконъёс

• Вице-премьер Удмуртии: вузы республики не смогут стать опорными в этом году [ӟуч]

• Чем запомнится уволенный вице-премьер Удмуртии Андрей Кузнецов [ӟуч]