Котырысь инкуазьлы сӥзем дунневыл нунал

Википедиысь материал
Котырысь инкуазьлэн нуналыз
Ecologia.jpg
Типез Экологи нунал
Валатонэз Калыклэсь саклыксэ котырысь инкуазь ужпумъёслы висъян.
Юнматэмын 1972-тӥ арын 15-тӥ толсуре
Кылдытӥсез ООН-лэн Генеральной Ассамблеяез
Пусъё Калыккуспо нунал
Дырыз 5-тӥ инвожое
Герӟаськемын 1972-тӥ арын 5-тӥ инвожоысен Стокгольмын ужаны кутскиз котырысь инкуазен герӟаськем ужпумъёслы сӥзем конференция.
Логотип РУВИКИ.Медиа Медиафайлъёс РувикиМедиа пушкын

Котырысь инкуазьлэн дунневыл нуналыз (ӟуч: Всеми́рный де́нь окружа́ющей среды́ ООН-лэн мукет официальной кылъёсаз: англ. World Environment Day, араб اليوم العالمي للبيئة, исп. Día mundial del medio ambiente, кит. 世界环境日, фр. Journée mondiale de l'environnement ) — экологилы сӥзем калыккуспо нунал, пусйиське арлы быдэ 1973-тӥ арысен кутскыса. Та нунал вань калыкез инкуазен герӟаськем ужпумъёс сярысь малпаськытытэ.

Историез

1972-тӥ арын 15-тӥ толсуре ООН-лэн Генеральной Ассамблеяезлэн  [ӟуч] (удм. 27-тӥ сессияз «Котырысь инкуазьлэн дунневыл нуналыз» юнматэмын (A/RES/2994-тӥ номеро Резолюция (XXVII))[1].

Нуналыз тупатэмын Стокгольмын ортчись котырысь инкуазь ужпумъёслы сӥзем конференцилэн нуналаз — 5-тӥ инвожое (1972-тӥ ар)[2].

Со конференци улсын ООН-лэн системаяз выль огазеяськон кылдытэмын вал — ООН-лэн котырысь инкуазья Программез[ru][2].

Нуналлэн валтӥсь ужпумез — быдэс дуннелэсь саклыксэ инкуазьын кылдэм шуг-секытъёс пала берыктон[2].

1973-тӥ арын 5-тӥ инвожое ООН- лэн котырысь инкуазья Программез кивалтэм улсын нырысьсэ пуъемын вал «Котырысь инкуазьлэн дунневыл нуналыз»[3].

Та нуналэн герӟаськем учыръёс

1993-тӥ арын США-ын Рик Федрицци, Дэвид Готфрид но Майк Итальяно кылдытӥзы Экологической лэсьтӥськонъя нырысетӥзэ Дунневыл Кенешез. Со лэсьтӥськон удысын огсыр азинсконлы сӥзем амалъёсты азинтонлы сӥземын (Вож лэсьтӥськон[ru])[4].

2009-тӥ арын Россиын кылдытэмын Экологической лэсьтӥськонъя Кенеш[5].

«Котырысь инкуазьлы сӥзем дунневыл нуналлэн» эмблемаез, 2008-тӥ ар.

Темаос

1974-тӥ арысен кутскыса, котькуд арлы темаос но лозунгъёс чакласько, озьы ик бырйиське кун, кудаз валтӥсь калыккуспо ужрадъёс ортчытыны чакламын[6].

  • 1974 — «Музъеммы одӥг гинэ» (Спокан);
  • 1975 — «Улон интыос» (Дакка);
  • 1976 — «Ву — улонлэн валтӥсь ваньбурез» (Онтарио);
  • 1977 — «Озон сӥез утён ужпум; музъемъёсты ыштон но мулэн куашкамез» (Силхет);
  • 1978 — «Куашкатонъёстэк азинскон» (Силхет);
  • 1979 — «Асьме нылпиосмылэн азьланез одӥг — куашкатонъёстэк азинскон» (Силхет);
  • 1980 — «Вылез дасо ар азьын сулӥсь ужпум: куашкатонъёстэк азинскон» (Силхет);
  • 1981 — «Музъем ул вуос; токсичной хими тырметъёс адямилэн сиськоназ» (Силхет);
  • 1982 — «Стокгольм бере 10 ар ортчыса (инкуазез утён ужпумъёсты эскерон)» (Дакка);
  • 1983 — «Кышкытлык кылдытӥсь кылем-мылемъёсты люкан, быдтон но ватон: кислотной зоръёс но энергия» (Силхет);
  • 1984 — «Музъемъёсты пустынялы пӧрмытон» (Раджшахи);
  • 1985 — «Егитъёс: улӥсь калык но котырысь инкуазь» (Исламабад);
  • 1986 — «Дуннелы писпу» (Онтарио);
  • 1987 — «Котырысь инкуазь но улонни: липет гинэ ӧвӧл» (Найроби);
  • 1988 — «Котырысь инкуазез азьпал радэ пуктыны кутским ке, азинсконмы уз быры» (Бангкок);
  • 1989 — «Огъя шунытскон, огъя алон» (Брюссель);
  • 1990 — «Нылпиос но котырысь инкуазь» (Мехико);
  • 1991 — «Куазьлэн воштӥськемез. Огъя партнёр кариськонлэн кулэлыкез» (Стокгольм);
  • 1992 — «Музъеммы ваньмылэн одӥг — валче кариськыса утём сое » (Рио-де-Жанейро);
  • 1993 — «Куанерлык но котырысь инкуазь — котретысь потон» (Пекин);
  • 1994 — «Одӥг Музъем — оддӥг семья» (Лондон);
  • 1995 — «Ми, калыкъёс: котырысь огъя инкуазь понна огазе кариськон» (Претория);
  • 1996 — «Асьмелэн музъеммы, асьмелэн улон интымы, асьмелэн коркамы» (Стамбул);
  • 1997 — «Музъем вылын улон понна» (Сеул);
  • 1998 — «Музъем вылын улон понна — утём зарезьёсмес» (Москва)[5];
  • 1999 — «Асьмелэн Музъеммы — асьмелэн азьпал улонмы. Утём сое!» (Токио);
  • 2000 — «Котырысь инкуазьлы сюрс ар — дыр вуиз мар ке карыны» (Аделаида);
  • 2001 — «Улонлэн Дунневыл вотэсаз пырыны» (Турин, Гавана);
  • 2002 — «Музъемлы луонлык сётыны» (Шэньчжэнь);
  • 2003 — «Ву — кык миллиард мурт солы кулэяське!» (Бейрут)[7];
  • 2004 — «Зарезьёс но океанъёс кулэ! Лулоесь, лултэмесь ӧвӧл» (Барселона)[8];
  • 2005 — «„Вож каръёс“: Музъемлы план!» (Сан-Франциско);
  • 2006 — «Пустыняос но музъемъёсты пустынялы пӧрмытон— кӧс интыосты пустынялы пӧрмытоно ӧвӧл!» (Алжир)[9];
  • 2007 — «Йӧ шунан — Пӧсь тема!» (Лондон)[10];
  • 2008 — «Куштӥськы эриктэм луонлэсь! Омыре ӧжытгес углерод поттыса, экономикаез азьланьтон!» (Веллингтон)[11];
  • 2009 — «Тӥляд Музъемды тӥледын кулэяське» (Мехико)[12];
  • 2010 — «Пӧртэмлыкъёс трос. Музъеммы одӥг. Азьпал улонмы но одӥг» (Рангпур)[13];
  • 2011 — «Нюлэсъёс: инкуазь ваньбурез кутыса» (Дели)[14];
  • 2012 — «Вож экономика: нош тон солэн люкетэз?» (Бразилия)[15];
  • 2013 — «Малпаськы. Сиськы. Уть» (Улан-Батор)[16];
  • 2014 — «Пичи шормуӵъёс но куазьлэн воштӥськемез» — «Куарадэ ӝут, зарезь вадесэз эн!» (Бриджтаун)[5];
  • 2015 — «Сизьым миллиард уйвӧт. Одӥг Планета. Эсэпсэ валаса кут» (Рим)[17];
  • 2016 — «Кыр пӧйшуръёсты вузан политикаез синазькыль карон» (Луанда)[18];
  • 2017 — «Мон инкуазен валче» (Оттава)[19];
  • 2018 — «Инкуазез пластикен кырсёмытонэн нюръяськон» (Нью-Дели)[6];
  • 2019 — «Омырез кырсёмытонэн нюръяськон» (Китай);
  • 2020 — «Инкуазьлэн дырыз» (Колумбия)[6];
  • 2021 — «Выльысь малпаськыса валан. Кылдытон. Выльдон» (Пакистан)[6];
  • 2022 — «Музъеммы одӥг гинэ» — «Та планета — асьмелэн одӥг гинэ улон юртмы, солэсь ваньбурзэ адями утьыны кулэ» (Швеция)[20];
  • 2023 — «Пластикен кырсёмытонэн нюръяськон» (Кот-д’Ивуар, Нидерланды)[21];
  • 2024 — «Асьмелэн музъеммы. Асьмелэн азьпал улонмы. Ми — #Выльдӥсь поколение» (Саудовской Аравия)[3];
  • 2025 — «Пластикен кырсёмытонэн нюръяськон!» (Чеджудо)[22].

Котькуд ар праздник нунал азьын ООН-лэн Генеральной секретарез калыклы вазиськонзэ печатла.

Ужрадъёс

Пӧртэм кунъёсын таӵе ужрадъёс ортчыло[2][6]:

  • сӥё-дано экологъёсты данъетан;
  • нюлэсъёсын, паркъёсын, вутымъёсын но ярдуръёсын радъям субботникъёс;
  • писпу мерттон акциос;
  • заповедникъёсы но йӧскалык паркъёсы радъям экскурсиос;
  • каръёсын ортчись ужрадъёс (митингъёс, велосипедистъёслэн парадзы, «вож» концертъёс);
  • музейёсын но школаосын лекциос но семинаръёс.

«Котырысь инкуазьлэн дунневыл нуналыз» сярысь трос гожъяло-верало ивор вӧлмытон ёзэсъёс. Кылсярысь, мерлыко вотэсъёсын со нунал #ВсемирныйДеньОкружающейСреды, #ПоколениеВосстановления но мукет хештегъёсын ортче[21].

ООН-лэн Генеральной Ассамблеяез арлы быдэ котырысь инкуазез утёнлы но чылкытатонлы сӥзем ужрадъёс ортчытъя.

  • ООН-лэн Генеральной Ассамблеяез 2021-тӥ арысен 2030-тӥ арозь «Экосистемаосты выльдонъя дас арлы» план юнматӥз. Озьы 2024-тӥ арын кӧняез ке ужрадъёс муосты выльдонлы но пустынялы пӧрмытонэз дугдытонлы сӥземын вал. Эр-Риядын ООН-лэн опустыниваниен нюръяськонъя Конвенциезлэн Концеренциезлэн 16-тӥ сессиез ортчиз[3][23][24].

2010-тӥ арын Италиын OIKOS компания котырысь инкуазез умоятонлы сӥзем кӧня ке акция ортчытӥз.

2022-тӥ арын Инкуазез утёнлы сӥзем валтӥсьёсыз калыккуспо ужрадъёс Швециын ортчизы[20].

2023-тӥ арын Кот-д’Ивуарын Нидерландыен валчеяськыса ортчизы[21].

2024-тӥ арын ужрадъёсты ортчытыны быръемын вал Саудовской Аравия[5].

2025-тӥ арын ужрадъёс ортчизы Корея Элькунын, Чеджудо шормуӵын[22].

Россиын

1998-тӥ арын со нуналлы сӥзем валтӥсь калыккуспо ужрадъёс Москваын ортчизы[5].

2024-тӥ арын Москваын экологилы сӥзем калыккуспо форум ортчиз[2].

  • Инкуазьлэн калыккуспо нуналэз Салоникиын, 2008-тӥ ар.

    Инкуазьлэн калыккуспо нуналэз Салоникиын, 2008-тӥ ар.

  • Инкуазьлы сӥзем фестиваль, 2011-тӥ ар, Бранденбургской ӟезьы азьын

    Инкуазьлы сӥзем фестиваль, 2011-тӥ ар, Бранденбургской ӟезьы азьын

  • Экологилы сӥзем нунал Донецкын, 2011-тӥ ар

    Экологилы сӥзем нунал Донецкын, 2011-тӥ ар

  • Митинг Австралиын, 2011-тӥ ар

    Митинг Австралиын, 2011-тӥ ар

  • Писпу мерттон ужрад, Консо, 2012-тӥ ар

    Писпу мерттон ужрад, Консо, 2012-тӥ ар

  • Индилэн Ожгар-зарезь флотэз Инкуазьлэн дунневыл нуналаз — 2016-тӥ ар

    Индилэн Ожгар-зарезь флотэз Инкуазьлэн дунневыл нуналаз — 2016-тӥ ар

  • Бхопалын ужрадъёс, 2017-тӥ ар

    Бхопалын ужрадъёс, 2017-тӥ ар

Озьы ик учке

Валэктонъёс

  1. ↑ Резолюция № A/RES/2994 (XXVII) [ӟуч]
  2. ↑ 1 2 3 4 5 6 Всемирный день окружающей среды 2025: когда, история, традиции праздника | РБК Тренды, РБК Тренды. Эскеремын: 7 куартолэзе 2025 арын.
  3. ↑ 1 2 3 Nations, United. Всемирный день окружающей среды | Организация Объединенных Наций, United Nations. Эскеремын: 7 куартолэзе 2025 арын.
  4. ↑ «Зеленые» стандарты для строительства. Эскеремын: 8 куартолэзе 2025 арын.
  5. ↑ 1 2 3 4 5 6 Сегодня - Всемирный день (охраны) окружающей среды - World Environment Day — Совет по экологическому строительству [ӟуч]
  6. ↑ 1 2 3 4 5 Всемирный день окружающей среды 2025: какого числа, история и традиции праздника. Эскеремын: 7 куартолэзе 2025 арын.
  7. ↑ Информационная поддержка кампании в защиту Дунайского заповедника
  8. ↑ Генеральный секретарь ООН Пан Ги Мун [ӟуч]
  9. ↑ Генеральный секретарь ООН Пан Ги Мун [ӟуч]
  10. ↑ Генеральный секретарь ООН Пан Ги Мун [ӟуч]
  11. ↑ Генеральный секретарь ООН Пан Ги Мун [ӟуч]
  12. ↑ Всемирный день охраны окружающей среды. Справка, РИА Новости (20090605T1117). Эскеремын: 8 куартолэзе 2025 арын.
  13. ↑ Генеральный секретарь ООН Пан Ги Мун [ӟуч]
  14. ↑ Всемирный день охраны окружающей среды. День эколога в России, РИА Новости (20110605T0130). Эскеремын: 8 куартолэзе 2025 арын.
  15. ↑ Всемирный день охраны окружающей среды, РИА Новости (20120605T1009). Эскеремын: 8 куартолэзе 2025 арын.
  16. ↑ Всемирный день окружающей среды и День эколога в России, РИА Новости (20130605T0115). Эскеремын: 8 куартолэзе 2025 арын.
  17. ↑ Генеральный секретарь ООН Пан Ги Мун [ӟуч]
  18. ↑ Всемирный день окружающей среды. День эколога в России, РИА Новости (20160605T0223). Эскеремын: 8 куартолэзе 2025 арын.
  19. ↑ Сегодня — Всемирный день окружающей среды и День эколога - ГКУ «Дирекция особо охраняемых природных территорий Санкт-Петербурга» [рус.]
  20. ↑ 1 2 Всемирный день окружающей среды в 2022 году пройдет в Швеции, UN Environment (18 шуркынмонэ 2021). Эскеремын: 7 куартолэзе 2025 арын.
  21. ↑ 1 2 3 Programme, UN Environment. История - Всемирный день окружающей среды 2023 года, World Environment Day (2 куартолэзе 2024). Эскеремын: 7 куартолэзе 2025 арын.
  22. ↑ 1 2 World Environment Day, World Environment Day. Эскеремын: 7 куартолэзе 2025 арын.
  23. ↑ UN Decade on Restoration [ӟуч]
  24. ↑ Convention [англи]

Чӧлсконъёс

«https://udm.ruwiki.ru/w/index.php?title=Котырысь_инкуазьлы_сӥзем_дунневыл_нунал&oldid=502204»-ысь басьтэмын