Тигрлэн калыккуспо нуналыз

Википедиысь материал
Тигрлэн калыккуспо нуналыз
Тигрлэн тусъетэныз почта марка (Россия, 1993)
Тигрлэн тусъетэныз почта марка (Россия, 1993)

Тигрлэн калыккуспо нуналыз ӟуч Международный день тигра (англ. International Tiger Day) — 2010-тӥ арын шуркынмонэ Санкт-Петербургын ортчем Дуннеысь тигръёсты утёнлы сӥзем калыккуспо форумын юнматэм праздник («Тигриный саммит»). Пусйиське арлы быдэ 29-тӥ пӧсьтолэзе[1].

Пӧртэм кунъёсын Тигрлэсь калыккуспо нуналзэ пусъёнлэн одӥгез валтӥсь ужпумез — тигръёслэн быронэнызы герӟаськем ужпумъёс но соосты утён амалъёс сярысь калыклы ивортон[1].

Тигр калыккуспо утет улэ, МСОП-лэн Горд Книгаяз, пыртэмын [2]. 1947-тӥ арысен тигръёс вылэ пӧйшуран быдэсак алэмын. 1955-тӥ арын тигр пиосты кутылон озьы ик алэмын вал[2].

Пӧртэм кунъёсын

Праздникез пӧртэм интыосын пӧртэм сямен пусъё: кылсярысь, дуннеысь куд-ог зоопаркъёсын та нуналэ пӧйшуръёслы нимысьтыз ческыт сиён-юонъёс но кузьымъёс дасяло[3]. Global Tiger Initiative калыккуспо огазеяськон нимысьтыз Тигрлэн нуналызлы, тигръёслэсь лыдзэс утён понна, ог 350 миллион доллар люканы малпаз, но 2022-тӥ арозь сьӧсь пӧйшуръёслэн лыдзы бырем гинэ ӧвӧл, кык поллы йылоз шуыса ивортӥз[4].

Россиын

Владивостокын тигрлэсь нуналзэ пусъён, 2006-тӥ ар.

Россиын 2000-тӥ арысен куарусён толэзьлэн ньылетӥ арнянуналаз Дальний Востокын улӥсь тигрлэсь нуналзэ пусъё. Таӵе нунал сярысь малпанэз 1995-тӥ арын ӵектӥз гожъяськись-охотовед Владимир Троинин, соку со вить ар ӵоже школаосын но библиотекаосын инкуазь сярысь урокъёс ортчытъяз, нылпиослы инкуазь экскурсиос но «Тигрлэсь нуналзэ» лыдӟон форматэн ортчытъязДуннеысь кыр инкуазь фондысь Амур ёзэтысьтыз эшъёссэ ӧтьыса, сюрсо сьӧсь пӧйшурлы дурбасьтон лозунгъёсын город кузя тигр костюмъёсын ветлон ужрад ортчытӥз. Озьы , 14-тӥ оштолэзе Владивосток карлэн шор площадез кузя 200 адямилэсь колонна ортчиз[7][8]. 2001-тӥ арын  Владивосток кар администрацилэн Пуктэтэзъя, «Тигрлэн нуналыз» азьын та нуналлы арлы быдэ ортчись официальной кар праздник инлык сётэмын вал[9]. Огдышем сямъя, та нуналэ карын праздник карнавальной шествиен кутске. Озьы ик пӧртэм ӵошатсконъёс но конкурсъёс ортчыло[9]. Берло аръёсы Тигрлы сӥзем нуналэз Приморье улосвылысь мукет улон интыосын но пусйыны кутскизы[10], 2008-тӥ арысен та нунал быдэс шаер праздниклы пӧрмиз[11]. 2010-тӥ арысен  КНР-ын но Приморье улосвылэн кусыпъяськись улосъёсын но пусйыны кутскизы[12].

Россилэн Президентэз Владимир Путин «Дальний Востокын тигр нуналэз» шаерысьтымы тужгес синмаськымон инкуазь праздник шуыса нимаз. Путин верамъя, та нунал огазея "котькуд адямиез, кин та чебер пӧйшурлэн азинлыкез сярысь сюлмаське, котькудзэ, кин уг ӝожтӥськы кыр инкуазьлы но соин тупаса улыны, сое утьыны тырше, асьсэлы но вуоно поколениосызлы таза чылкыт улон инты кылдытэ [13].

Валэктонъёс

  1. ↑ ИТАР-ТАСС. Эскеремын 2014-09-28 аре
  2. ↑ 2,0 2,1 Тихонов А. Красная книга России.Животные и растения. — РОСМЭН, 2002. — С. 414. — 10 000 экз. — ISBN 5-353-00500-7.
  3. Аргументы и факты. Эскеремын 2014-09-28 аре
  4. Российская газета. Эскеремын 2014-09-28 аре
  5. ↑ «Tiger day festival 2016 in Vladivostok, Russia»
  6. ↑ Экологический праздник. Кто придумал празднование Дня тигра
  7. ↑ «День Тигра — 2017»
  8. ↑ «День тигра во Владивостоке»
  9. ↑ РИА Новости. Эскеремын 2014-09-28 аре
  10. ↑ «День Тигра» шагает по Приморью
  11. ↑ «Сергей Березнюк: В День тигра приморцев ждет масса сюрпризов»
  12. ↑ В приграничном Китае отпраздновали День тигра(недоступная ссылка)
  13. РИА Новости. Эскеремын 2014-09-28 аре

Чӧлсконъёс

«https://udm.ruwiki.ru/w/index.php?title=Тигрлэн_калыккуспо_нуналыз&oldid=189128»-ысь басьтэмын