Карачев, Михаил Васильевич

Михаил Васильевич Карачев
Вордӥськем дырыз	29-тӥ куарусёнэ 1907(1907-09-29)
Вордӥськем интыез	Уметьгурт, Сьӧлта ёрос, Удмуртия
Кулэм дырыз	31-тӥ южтолэзе 1958(1958-03-31) (50 арес)
Кулэм интыез	Костанайын
Кунмуртлыкез	СССР СССР
Кыӵе войскоез	артиллерия
Служить карон аръёсыз	1929—1945
Званиез
Ожмаськонъёс/ожъёс	Быдӟым Атыкай ож
Данъетъёсыз

Михаил Васильевич Карачев (1907—1958) — ефрейтор, Быдӟым Атыкай оже пыриськем мурт, Совето Союзлэн Героез (1945).

Улон сюресэз

Михаил Карачев вордӥськиз 1907-тӥ арын 29-тӥ куарусёнэ Уметьгуртын ( Удмуртиысь Сьӧлта ёрос ). Гуртысьтызы школаысь куинь классэз йылпумъямез бере атаезлы юртъер котырын юрттӥськиз. 1929-тӥ—1930-тӥ аръёсы Рабоче-крестьянской Горд Армиын служить кариз. Арми бере колхозын, собере леспромхозын ужаз. 1941-тӥ арын инвожо толэзе Карачевез выльысь армие басьтӥзы. 1942-тӥ арын южтолэзьысен — Быдӟым Атыкай ожын. Уйпал-Шундыпуксёнпал но 1-тӥ Прибалти фронтъёсын ожмаськиз. 1944-тӥ арын инвожо толэзёзь гвардилэн ефрейторез Михаил Карачев 1-тӥ Прибалти фронтысь 6-тӥ гвардейской армилэн 22-тӥ гвардейской миномётной полклэн 212-тӥ отдельной гвардейской миномётной дивизионэзлэн старшой разведчик-наблюдателез вал ини . Белорус ССР-ысь Витебск улосэз мозмытонын сэзь ожмаськеменыз висъяськиз .

1944-тӥ арын 26-тӥ инвожое Карачев десантной группаез йыръяса, Бешенкович ёросысь Улла каргурт котырын Шундыпуксёнпал Двинаез выжиз но траншеяосы ватскем тушмонэз пазьгиз, собере оборонаез ас палаз берыктӥз. 27-тӥ инвожое Карачевлэн быгатыса командовать каремез улсын, одӥг залпен 150 пала немец солдат-офимцеръёс но 4 танк быдтэмын вал. Сӧсырмем юлтошсэ Волковез ож лудысь поттыкуз, тушмон снаряд йыраз вуиз, ачиз сӧсырмыны шедиз.

СССР-ысь Вылӥ Кенешлэн Президиумезлэн 1945-тӥ арын 24-тӥ южтолэзе гожтэм Косэтэзъя «Шундыпуксёнпал Двинаез ожмаськыса выжыку, геройлыко луэмез понна» гвардилэн ефрейторезлы Михаил Карачевлы Совето Союзлэн Героез дано ним сётэмын но Лени орденэн но Зарни Кизили медален пусъемын (7343-тӥ номер).

Война бырем бере Карачев Костанайысь мехлесхозын, собере промысловой артельын ужаз. Улонысь кошкиз 1958-тӥ арын 31-тӥ южтолэзе, ватэмын Костанайысь Братской шайвылын.

Озьы ик пусъемын Горд знамялэн орденэныз но мукет медальёсын.

Валэктонъёс

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• ГСС, ГРФ, ПКОС — наши земляки. — Ижевск, 1995.
• Кулемин И. Г. Героев наших имена. Ижевск, 1975.