Интервидение (кырӟан вожвылъяськон)

Википедиысь материал
Кырӟан вожвылъяськон «Интервидение»
ӟуч: Конкурс песни «Интервидение»
пол. Konkurs Piosenki Interwizji
Изображение логотипа
Кӧняез ке пӧлысь одӥгез логотип, кудӥз кутӥськиз Интервидениын 1977-тӥ—1980-тӥ аръёс вискын.
Кӧняез ке пӧлысь одӥгез логотип, кудӥз кутӥськиз Интервидениын 1977-тӥ—1980-тӥ аръёс вискын.
Жанр Кырӟан вожвылъяськон
Кылдытӥсез Поляк телевидение (TVP)
Программалэн кивалтӥсьёсыз «Pagart» (1977—1980)
Юрий Аксюта, Лариса Синельщикова (2008)
Передачаез нуисьёс Ирена Дзедзиц но Яцек Бромский (1977—1980)
Андрей Малахов, Яна Чурикова, Иосиф Кобзон, Анна Седакова, Иван Ургант, Александр Цекало но Дмитрий Шепелев (телепередачаосты нуись)(2008)
Крезьгурчи Анджей Курылевич
Кунъёс, кытын кылдытэмын ПольшаFlag of Poland.svg Польша, РоссияFlag of Russia.svg Россия
Кылъёс Поляк кыл, ӟуч кыл
Кӧня выпуск дасямын 4 вожвылъяськон
Кылдытон
Студия Радиовещания но телевидения калыккуспо огазеяськон (OIRT) (1977—1980)
Нырысетӥ канал но Красный квадрат (телекомпания) (2008)
Трансляция
Трансляцилэн дырыз 24 гудырикошконэ 1977 арын 23 гудырикошконэ 1980 арын
28 гудырикошконэ 2008 арын — 31 гудырикошконэ 2008 арын
Хронологиез
Солэсь азьпал потэм передачаос Сопотын ортчем кырӟанъя калыккуспо фестиваль (1961—1980; 1984—2009; 2012—)
Вить кизили (2004—2008)
Со выллем передачаос Евровидение (1956—)
Бундесвидение (2005—)
Азиатско-Тихоокеанской кырӟан фестивальёс (2012—)
Тюрквидение (2013—)
Логотип РУВИКИ.Медиа Медиафайлъёс РувикиМедиа пушкын

«Интервидение» (ӟуч: Конкурс песни «Интервидение») — эстрада кырӟанъя вожвылъяськон, сое кылдытӥз Радиовещания но телевидения калыккуспо огазеяськон (OIRT). Вожвылъяськон ортчылӥз Сопот карын 1977-тӥ—1980-тӥ аръёсы Сопотысь кырӟанъя калыккуспо фестивальёс улсын[1].

2008-тӥ арын «Красный Квадрат» компания вожвылъяськонэз Сочиын улӟытыны мылкыд кариз[2]. 2014-тӥ арын куартолэзе, конкурс коньывуон толэзе берытскоз но отчы азьвыл совето кунъёс но Валчеужанъя Шанхай огазеяськонлэн ёзчиосыз пыриськозы шуыса ялэмын вал[3]. 2024-тӥ арын «Интервидение» Москваын ортчыны кулэ вал[4].

2024-тӥ арын 13-тӥ инвожое Михаил Швыдкой, культура удысын калыккуспо валчеужанъя Росси Федерацилэн президентэзлэн огмуртэз, вожвылъяськон 2025-тӥ арлэн кутсконаз ортчоз шуыса ивортӥз[5].

2025-тӥ арын 3-тӥ тулыспалэ Росси Федерацилэн президентэз Владимир Путин «Интервидение» крезьгуро вожвылъяськонэз ортчытон сярысь косэт гожтӥз[6], конкурс ортчоз Москваысь «Live Аренаын» 2025-тӥ арын 20-тӥ куарусёнэ[7].

Историез

Вожвылъяськонэз кылдытӥз «Интервидение» калыккуспо огазеяськон. Ачиз огазеяськон кылдытэмын 1960-тӥ арын тулыспал толэзе Радиовещания но телевидения калыккуспо огазеяськон[ru] улсын. Интервидение тросгес пыриськизы социализмо кунъёс. Солэн ялан ужась ёзъёсыз — Интервиденилэн кенешез, Координация технической центр но Программаосты координировать каронъя центр — ваньмыз Прагаын интыяськемын вал.

Нырысь-валысь Интервидение СССР, ГДР, Польша, Венгрия но Чехословакия пыриськизы. Украина, Эстония но Латвия Огазеяськонлэн асэрико ёзчиосыз шуыса лыдъяськизы . Та кунъёслэн 1962-тӥ арысен телепередачаосынызы но трансляциосынызы вошъяськыны луонлыксы вал ини. 1963-тӥ арын куартолэзьысен Интервидение пыриськизы Болгария но Румыния. Бӧрысьгес итӥськизы Литва, Белоруссия, Молдова, Куба, Монголия, Финляндия, Вьетнам но Афганистан. берлогес Югославиысь телевизионной организациос но пыриськизы. Интервиденилэн программаосыз пӧлын тросгес вал спортлы сӥзем репортажъёс но спорт ӵошатсконъёсысь трансляциос, со сяна вал на нылпи, крезьгуро но шулдыртӥсь программаос. Арлы быдэ Польшаысь Сопот карын кырӟанъя вожвылъяськон ортчылӥз, 1977-тӥ арын солы «Интервидение» официальной ним сётӥзы. Фестивале лыктэм куноос пӧлын вал Глория Гейнор, Петула Кларк, «Бони М» группа но мукетъёсыз.

Польшаысь политикаен герӟаськем ужрадъёс[ru] кырӟанъя вожвылъяськонэз азинтыны люкетӥзы: 1980-тӥ арын гужем азьын Гданьскын «Солидарность» движенилэн кивалтэмез улсын уно сюрс ужасьёс забастовкае потӥзы. Вуонояз арын Польшаысь кивалтэт военной положение ялӥз, урамъёсы танкъёс но вооружённой полиция потӥз. Со бӧрсьы Сопотын ӵошатскон ӧз ни ортчылы.

1983-тӥ арын «Интервидение» крезьгуро ӵошатскон сизьым каръёсын ортчиз, соос пӧлын Тампере, Москва, Варшава, София но Прага (Прага пыриськисьёсты кык пол пумитаз, берпуметӥ ӝытэз но отын ик ортчиз). Гран-при данъетэз басьтӥз Польшаысь кырӟась Збигнев Водецки «I Love to Return to Where I’ve Been» (Lubie wracac tam gdzie bylem) кырӟанэныз[8][9], нош вормисьёс пӧлы потӥзы Марина Флореа (Румыния), Маргарита Горанова (Болгария) но Карел Чернох (Чехословакия). 1984-тӥ арын Польшаын кырӟанъя вожвылъяськон «Сопотысь крезьгуро фестиваль» нимын ик ортчиз[10].

Социализм куашкам бере, Интервидение но быриз[11]. Со бӧрсьы вожвылъяськонэз выльдон пумысь трос вераськонъёс кылдылӥзы. Кылсярысь, Валчеужанъя Шанхай огазеяськон[ru] улсын ортчытон сярысь кичӧлтон.

«Вить Кизилиос. Интервидение»

2008-тӥ арын «Красный квадрат» компания Нырысетӥ каналэн ӵош Сочиын вожвылъяськонэз улӟытыны тыршиз[2]. Егит кырӟасьёслэн «Вить Кизилиос» огъяросси вожвылъяськонлы калыккуспо инлык сётон сярысь малпан кемалась кылдэмын ни вал. Куинь ар ӵоже Нырысетӥ канал та фестивалез элькун форматэн ортчытъяз, арлы быдэ оргкомитетэ мукет кунъёсысь куриськонъёс вуылӥзы. Ньылетӥ полаз ини ужрадлэн куронъёсыз выльдӥськизы. «Вить Кизилиослы» тросгес тунсыкъяськон мед луоз шуыса, вожвылъяськонлэсь форматсэ воштыны но «Вить кизилиос.Интервидение» ниманы малпамын вал.

Нош ик бырон

Нырысетӥ каналлэн 2008-тӥ арын пыӵатэм выль куронъёсызъя, вуонозэ «Интервидение» конкурсэз ортчыны кулэ вал со кунын, кудӥз таяз аре вормись луиз. 2009-тӥ арын тулыс вожвылъяськонэз радъясьёс Душанбее вуылыса, вожвылъяськонэз «Кохи Борбад» культурно-развлекательной комплексын ортчытыны кенешизы. Но берло ужрадэз гудырикошкон толэзьысь коньывуон толэзьлы выжтӥзы[12]. 2009-тӥ арын коньывуонэ Таджикистанысь телевидениея но радиовещаниея комитетлэн тӧроезлэн нырысетӥ воштӥсез Абдурахмон Абдуманнов вераз, Россиысь ӵошатсконэз радъясьёслэсь, «Красный квадрат» но «Нырысетӥ канал» компаниослэсь, официальной гожтэт вуиз шуыса, кудаз соос Таджикистанлы «вожвылъяськонэз таяз аре Душанбеын ортчытыны дасясь луымтэзы сярысь ивортӥзы»[13] . «Интервидениез» радъясьёс конкурсэ Валчеужанъя Шанхай огазеяськонэ пырись кунъёсты но пыртыны малпазы, соин сэрен, вожвылъяськонэз 2010-тӥ аре выжтон сярысь пумкылъян кутэмын вал.

Выльдон

2009-тӥ арын Россилэн премьер-министрез Владимир Путин вожвылъяськонэз выльысь выльдыны ӵектӥз, таяз радэ Россия, Китай но Шор Азиысь мукет кунъёс (тужгес но Валчеужанъя Шанхай огазеяськонэ пырись кунъёс, ШОС-лэн ёзчиосыз) куспын[14][15][16]. 2014-тӥ арын куартолэзе ялэмын вал, вожвылъяськон коньывуон толэзе берытскоз шуыса, отчы пыриськозы азьвыл совето улосъёс но ШОС-лэн ёзчиосыз. Солы луыса, выльысь улӟытэм «Интервидение-2014» калыккуспо вожвылъяськонэз 2014-тӥ арын коньывуонэ Сочиын ортчытыны чакламын вал[17]. «Вить Кизилиос» крезьгуро вожвылъяськонлэн Россиысь быръён люкетэз 2014-тӥ арын инвожо толэзе Ялтаын ортчиз. Бӧрысь, ужрадэз радъясьлэн Виктор Дробышлэн верамезъя, политикаын кылдэм югдурлы луыса, вожвылъяськонэз тулыслы выжтӥзы[18]. Ивортэм дырпусъёс ортчем бере радъясьёслэсь нокыӵе официальной ивор ӧз вуы — вожвылъяськон ӧз ортчы.

Интервидение 2025

2025-тӥ арын 3-тӥ тулыспалэ президент Владимир Путин «Интервидение» ӵошатсконэз 2025-тӥ арын ортчытон сярысь косэт гожтӥз. Со Москваын но Москва улосын ортчоз[6]. Отчы пыриськыны мылкыд каремзы сярысь 20 кун ивортӥз ини[19].

25-тӥ тулыспалэ РФ кивалтэтэз вожвылъяськонэз ортчытонъя оргкомитетэз юнматӥз. Отчы пыртэмын культурая министр Ольга Любимова, Нырысетӥ каналлэн генеральной директорез Константин Эрнст но культура удысын калыккуспо валчеужанъя президентлэн огмуртэз Михаил Швыдкой[20].

20-тӥ южтолэзе «Интервидение» вожвылъяськонэз ортчытыны кивалтэтысь 750 млн манет висъяськоз шуыса тодмо луиз[21].

Вожвылъяськонын Россиез возьматоз Россиысь сӥё-дано артист Ярослав Дронов, Shaman кушемнимын тодмо луэ[22]. Со сярысь ивортэмын вал 19-тӥ куартолэзе Нырысетӥ каналын мынӥсь «Пусть говорят» программаын[23].

Вожвылъяськон ортчоз 20-тӥ куарусёнэ Москваын «Live Аренаын»[7] .

Вожвылъяськонэ пыриськись кунъёс

Интервиденилэн картаез. Вожвылъяськонэ 1977-тӥ арысен пыриськем кунъёс:      Кунъёс, кудъёсыз вожвылъяськонэ одӥг пол ке но пыриськылӥзы      Кунъёс, кудъёсыз быгато пыриськыны, но мылкыдзэс ӧз вералэ      Кунъёс, кудъёсыз пыриськыны мылкыд каризы но пӧртэм мугъёсъя ӧз пыриськылэ

Интервидение ӵошатсконэ пыриськыны быгатозы Асэрико Кунъёслэн Эштосазы (СНГ) пырись кунъёс, Валчеужанъя Шанхай огазеяськонэ пырись кунъёс но азьвыл СССР-е пырись кунъёс (соос пӧлын Балти кунъёс), озьы ик Лымшор Корея но Япония. ШОС блокез чаклась кунъёсты (Индия, Иран, Монголия, Пакистан но Афганистан) ӧтён сярысь тодмо ӧвӧл на. Азьвылгес та вожвылъяськонэ Шундыӝужан блокысь кунъёс но мукетъёсыз пыриськыны быгато вал[24][25][26].

Пӧртэм вакытъёсы та вожвылъяськонэ 30 кун пыриськылӥз: Армения, Азербайджан, Беларусь, Бельгия, Болгария, Канада, Китай, Куба, Финляндия, Венгрия, Казахстан, Киргизия, Латвия, Молдова, Марокко, Нидерланды, Польша, Португалия, Румыния, Россия, Испания, Швейцария, Таджикистан, Туркменистан, Украина, Узбекистан; али дыре луисьтэм кунъёс: Чехословакия, ГДР, СССР но Югославия.

Азвыл ӵошатсконэ пыриськем, нош таязэ пырисьтэм кунъёс: Армения, Азербайджан, Беларусь, Бельгия, Болгария, Канада, Куба, Финляндия, Венгрия, Латвия, Молдова, Марокко, Нидерланды, Польша, Португалия, Румыния, Испания, Швейцария, Туркменистан, Украина.

Та дырозь вожвылъяськонэ огпол но пыриськылымтэ, но али пыриськыны быгатӥсь кунъёс: Грузия, Литва, Эстония, Лымшор Корея но Япония[24][25][26].

Кошконъёс, берен берытсконъёс но вормонъёс

Огазеям ячейкаосты висъян понна, «Ар» ячейка вылэ зӥбе.
Ар Ортчон интыез Дырыз ВУ Дебютъёс Берытсконъёс Кошконъёс Вормись
1977 ПольшаFlag of Poland.svg Польша 24-тӥ-27-тӥ гудырикошконэ 20 / 11 11: БолгарияFlag of Bulgaria (1971-1990).svg Болгария, ВенгрияFlag of Hungary.svg Венгрия, ГДРFlag of East Germany.svg ГДР, ИспанияFlag of Spain (1977 - 1981).svg Испания, КубаFlag of Cuba.svg Куба, ПольшаFlag of Poland.svg Польша, РумынияFlag of Romania (1965-1989).svg Румыния, СССРFlag of the Soviet Union (dark version).svg СССР, ФинляндияFlag of Finland.svg Финляндия, ЧехословакияFlag of Czechoslovakia.svg Чехословакия, ЮгославияFlag of SFR Yugoslavia.svg Югославия — — ЧехословакияFlag of Czechoslovakia.svg Чехословакия
1978 ПольшаFlag of Poland.svg Польша 23-тӥ-26-тӥ гудырикошконэ 12 / 10 1: КанадаFlag of Canada (Pantone).svg Канада 2: КубаFlag of Cuba.svg Куба, ЮгославияFlag of SFR Yugoslavia.svg Югославия СССРFlag of the Soviet Union (dark version).svg СССР,
ЧехословакияFlag of Czechoslovakia.svg Чехословакия
1979 ПольшаFlag of Poland.svg Польша 22-тӥ-25-тӥ гудырикошконэ 13 3: БельгияFlag of Belgium (civil).svg Бельгия, Flag of Morocco.svg Марокко, Flag of Portugal.svg Португалия 1: КубаFlag of Cuba.svg Куба 1: КанадаFlag of Canada (Pantone).svg Канада ПольшаFlag of Poland.svg Польша
1980 ПольшаFlag of Poland.svg Польша 20-тӥ-23-тӥ гудырикошконэ 14 / 13 2: НидерландыFlag of the Netherlands.svg Нидерланды, ШвейцарияFlag of Switzerland.svg Швейцария 1: ЮгославияFlag of SFR Yugoslavia.svg Югославия 3: БельгияFlag of Belgium (civil).svg Бельгия, Flag of Morocco.svg Марокко, Flag of Portugal.svg Португалия СССРFlag of the Soviet Union.svg СССР,
ФинляндияFlag of Finland.svg Финляндия,
ЧехословакияFlag of Czechoslovakia.svg Чехословакия
1983 СССРFlag of the Soviet Union.svg СССР,
ФинляндияFlag of Finland.svg Финляндия,
ЧехословакияFlag of Czechoslovakia.svg Чехословакия,
ПольшаFlag of Poland.svg Польша,
БолгарияFlag of Bulgaria.svg Болгария 		ПольшаFlag of Poland.svg Польша
2008 РоссияFlag of Russia.svg Россия 28-тӥ-31-тӥ гудырикошконэ 11 11: АзербайджанFlag of Azerbaijan 1918.svg Азербайджан, АрменияFlag of Armenia.svg Армения, БелоруссияFlag of Belarus (1995-2012).svg Белоруссия, КазахстанFlag of Kazakhstan.svg Казахстан, КиргизияFlag of Kyrgyzstan.svg Киргизия, ЛатвияFlag of Latvia.svg Латвия, МолдавияFlag of Moldova.svg Молдавия, РоссияFlag of Russia.svg Россия, ТаджикистанFlag of Tajikistan.svg Таджикистан, Flag of Turkmenistan.svg Туркмения, УкраинаFlag of Ukraine.svg Украина — 13: БолгарияFlag of Bulgaria (1971-1990).svg Болгария, ВенгрияFlag of Hungary.svg Венгрия, ГДРFlag of East Germany.svg ГДР (пырак азелы), ИспанияFlag of Spain (1977 - 1981).svg Испания, КубаFlag of Cuba.svg Куба, НидерландыFlag of the Netherlands.svg Нидерланды, ПольшаFlag of Poland.svg Польша, РумынияFlag of Romania (1965-1989).svg Румыния, СССРFlag of the Soviet Union.svg СССР (пырак азелы), ФинляндияFlag of Finland.svg Финляндия, ЧехословакияFlag of Czechoslovakia.svg Чехословакия (пырак азелы), ШвейцарияFlag of Switzerland.svg Швейцария, ЮгославияFlag of SFR Yugoslavia.svg Югославия (пырак азелы) ТаджикистанFlag of Tajikistan.svg Таджикистан

Ӵошатсконэ пыриськем кунъёслэн рейтингзы

№ Кун Ⅰ Ⅱ Ⅲ Ⅳ Ⅴ
1 ЧехословакияFlag of Czechoslovakia.svg Чехословакия 3 0 0 0 0
2 СССРFlag of the Soviet Union.svg СССР 2 0 0 1 1
3 ПольшаFlag of Poland.svg Польша 1 0 2 1 0
4 ТаджикистанFlag of Tajikistan.svg Таджикистан 1 0 0 0 0
ФинляндияFlag of Finland.svg Финляндия 1 0 0 0 0
5 ИспанияFlag of Spain.svg Испания 0 2 0 0 0
6 ГДРFlag of East Germany.svg ГДР 0 1 0 1 2
7 КубаFlag of Cuba.svg Куба 0 1 0 0 0
8 РоссияFlag of Russia.svg Россия 0 1 0 0 0
9 РумынияFlag of Romania.svg Румыния 0 0 1 1 0
10 ВенгрияFlag of Hungary.svg Венгрия 0 0 1 0 1
11 АрменияFlag of Armenia.svg Армения 0 0 1 0 0
12 БолгарияFlag of Bulgaria.svg Болгария 0 0 0 2 0
13 КиргизияFlag of Kyrgyzstan.svg Киргизия 0 0 0 1 0
НидерландыFlag of the Netherlands.svg Нидерланды 0 0 0 1 0
14 КазахстанFlag of Kazakhstan.svg Казахстан 0 0 0 0 1

Вормисьёс

Улӥяз Интервиденилэн вань мынон вакытэз ӵоже вормисьёс возьматэмын

Ар Кун Кырӟась Кырӟан Баллъёс Висъяськемез Кыкетӥ инты Дырыз Ортчон интыез
1977 ЧехословакияFlag of Czechoslovakia.svg Чехословакия Гелена Вондрачкова Malovaný džbánku 174 24 КубаFlag of Cuba.svg Куба 27-тӥ гудырикошконэ Польшалэн флагез Сопот
1978[27] СССРFlag of the Soviet Union.svg СССР Алла Пугачёва «Всё могут короли» 88 24 ГДРFlag of East Germany.svg ГДР[28] 26-тӥ гудырикошконэ Польшалэн флагез Сопот
ЧехословакияFlag of Czechoslovakia.svg Чехословакия Вацлав Нецкарж Patrik
1979 ПольшаFlag of Poland.svg Польша Чеслав Немен Nim przyjdzie wiosna 82 16 ИспанияFlag of Spain (1977 - 1981).svg Испания 25-тӥ гудырикошконэ Польшалэн флагез Сопот
1980[29] СССРFlag of the Soviet Union.svg СССР Николай Гнатюк На ветрах осенних 30 6 ИспанияFlag of Spain (1977 - 1981).svg Испания[30] 23-тӥ гудырикошконэ Польшалэн флагез Сопот
ФинляндияFlag of Finland.svg Финляндия Марион Рунг Where Is The love
ЧехословакияFlag of Czechoslovakia.svg Чехословакия Марика Гомбитова I Want to Share With You
С 1981 по 2007 гг. конкурс не проводился
2008 ТаджикистанFlag of Tajikistan.svg Таджикистан Тахмина Ниязова Hero 216 1 РоссияFlag of Russia.svg Россия[31] 31-тӥ гудырикошконэ Флаг России Сочи
2009-тӥ арысен али дырозь вожвылъяськон уг ортчытъяськы

Валэктонъёс

  1. ↑ История фестиваля в Сопоте Эскеремын 2013-01-02 арын
  2. ↑ 1 2 Пять звёзд. Интервидение в Сочи (2008) Красный квадрат. Эскеремын 2017-07-23 арын
  3. ↑ Russia: Intervision To Return This October
  4. ↑ Конкурс песни "Интервидение" пройдет в Москве в 2024 году, РИА Новости (21.03.2024). Эскеремын: 21 южтолэзе 2024 арын.
  5. ↑ "Интервидение" могут провести в Москве в начале 2025 года
  6. ↑ 1 2 Музыкальный конкурс "Интервидение" пройдет в 2025 году в Московском регионе
  7. ↑ 1 2 "Интервидение" пройдет 20 сентября, TACC (30 оштолэзе 2025). Эскеремын: 30 оштолэзе 2025 арын.
  8. ↑ Lubię wracać tam gdzie byłem - Utwory - Cyfrowa Biblioteka Polskiej Piosenki
  9. ↑ Мелодии и ритмы зарубежной эстрады
  10. ↑ Политические скандалы
  11. ↑ Международная организация «Интервидение»
  12. ↑ Сроки проведения конкурса «Пять звезд. Интервидение» переносятся [ӟуч] Эскеремын 2014-05-24 арын
  13. ↑ Международный конкурс «Пять звезд. Интервидение» в этом году не состоится, - КТР [ӟуч] Эскеремын 2014-05-24 арын
  14. ↑ Intervision: The Russian proposed song contest with China, Central Asia Архивная копия от 13 шуркынмонэ 2017 на Wayback Machine (Shanghaiist: Shanghai News, Food, Arts & Events)
  15. ↑ Putin mulls Intervision Song Contest Архивная копия от 16 пӧсьтолэзе 2013 на Wayback Machine (BBC World Service)
  16. ↑ Vladimir Putin proposes rival to Eurovision Song Contest between Russia and central Asian countries Архивная копия от 13 пӧсьтолэзе 2015 на Wayback Machine (Daily Mail)
  17. ↑ Федоткина, Татьяна На каждое «Евровидение» у России найдется своё «Интервидение» [ӟуч] Московский комсомолец. Эскеремын 2014-05-24 арын
  18. ↑ Конкурс «Интервидение» откладывается из-за политической ситуации [ӟуч] Русская служба новостей. Эскеремын 2014-09-02 арын
  19. ↑ Более 20 стран подтвердили участие в конкуре «Интервидение» в Москве
  20. ↑ Правительство утвердило состав оргкомитета "Интервидения", РИА Новости (25 тулыспалэ 2025). Эскеремын: 25 тулыспалэ 2025 арын.
  21. ↑ МИД получит 750 млн руб. на проведение песенного «Интервидения», РБК (21 южтолэзе 2025). Эскеремын: 21 южтолэзе 2025 арын.
  22. ↑ Shaman представит Россию на «Интервидении», РБК (19 куартолэзе 2025). Эскеремын: 19 куартолэзе 2025 арын.
  23. ↑ Представителя РФ на "Интервидении" объявят 19 мая на Первом канале, TACC (18.05.2025). Эскеремын: 18 куартолэзе 2025 арын.
  24. ↑ 1 2 Granger, Anthony Russia: Intervision To Return This October Eurovoix. Эскеремын 2014-05-26 арын
  25. ↑ 1 2 Bartlett, Paul Bearded Lady Spurs Russia to Revive Soviet-Era Song Contest eurasianet.org. Эскеремын 2014-05-30 арын
  26. ↑ 1 2 Россия нашла замену "Евровидению" (Russian). Архивировано 9 толшоре 2019 года. Эскеремын: 1 инвожое 2014 арын.
  27. ↑ 1978-тӥ арын вормисьёс кык кузя вал, малы ке шуоно, СССР но Чехословакия огмында баллъёс люказы, нош со вакытэ та выллем кылдэм учыръёс чакламын ӧй вал.
  28. ↑ Вормисен кык кунэз ялэм бере, куинетӥ интые потӥз ГДР
  29. ↑ 1980-тӥ арын вормисьёс куинь кузя луизы. СССР, Финляндия но Чехословакия огмында баллъёс люказы, нош со вакытэ та выллем кылдэм учыръёс чакламын ӧй вал
  30. ↑ Вормисен куинь кун лыдъямен сэрен, ньылетӥ интые потӥз Испания
  31. ↑ Победитель "Интервидения" - Тахмина Ниязова (Таджикистан) [ӟуч] Первый канал. Эскеремын 2014-08-13 арын

Чӧлсконъёс

«https://udm.ruwiki.ru/w/index.php?title=Интервидение_(кырӟан_вожвылъяськон)&oldid=506629»-ысь басьтэмын