Иднакар (музей-заповедник)
| Иднакар (музей-заповедник) | |
|---|---|
.jpeg) | |
| Интыяськемын |
 Россия |
| Адресэз | Удмуртия, Глаз ёрос |
 |
|
Иднакар (музей-заповедник) — Удмурт Элькунысь археологилы сӥзем М. Г. Иванова нимо историко-культурной музей-заповедник. Музейлэн инъетэз луэ «IX-XIII дауръёсысь вашкала Иднакар» — федерал инлыкен синпелет[1].Элькунын сыӵе музей одӥг гинэ. Огъя быдӟалаез ньыль гектар.
Интыяськемын
Музей Глазкарлэсь 4 иськемын интыяськемын.
Кылдэмез
РСФСР-ысь Министръёслэн Кенешсылэн 1960-тӥ арын 30-тӥ гудырикошконэ гожтэм 1327-тӥ номеро Пуктэтэзъя вашкала Иднакар археология, история но лулчеберетъя синпелетлуэ шуыса ялэмын[2]. Солы кун инлык сётэмын но утиськись объектъёс пӧлы пыртэмын. 1997-тӥ арын, археологической раскопкаосын шедьтэм артефактъёс вылэ пыкиськыса, «Иднакар» музей-заповедник усьтэмын[3].
Экспозициос
Музейын яланлыко куинь адӟытон ужа: «Иднакар гуӵин (IX—XIII дауръёсы)», «Кутсконэз. Поломской археологической культура (V—IX дауръёсы)», «Уйпал Удмуртилэн куазез». Татын озьы ик кык вошъяськись адӟытонъёсын зал ужа[4].
«Иднакар» музейлэн археологической коллекциосаз шор дауръёсысь Чупчи шур котырысь выжы калыкъёслэн огазеяськон вакытысьтызы кылем материалъёс люкамын. Коллекциосы пыртэмын ужан тӥрлык, юртъер котырын кутӥськись арбериос но ожтӥрлык, чеберъяськон тӥрлык, куд-огъёсыз пумозяз быдэстымтэ. Соос финн-угор калыклэсь материальной но духовной культуразэс валан-дышетонын бадӟым юрттэт сёто. Материалъёс Поломской (V—VIII дауръёс) но Чепецкой (IX—XIII дауръёс) лулчеберетъёслэн кылем-мылемъёссы луо но Чупчи котырын улӥсьёслэсь историзэс но улэм-вылэмзэс возьмато[4].
Музей-заповедниклэн кырын аспӧртэмлыко интерактивной комплексэз вань. Со «Идна батырлэн крепостез» шуыса нимаське. Музее лыктэмъёс адӟыны быгато крепостьлэсь борддорезлэсь люкетсэ, шор дауръёсысь кебитлэсь модельзэ, зэмос раскопкалы укшась археологической «песочницаез», вашкала учогез, вашкала Иднакарлэсь масштабной макетсэ.
Аспӧртэмлыко экспозициосты адӟон вылысь, татчы арлы быдэ 100 000 мурт вуылэ. Россиысь чеберлыко интыос понна «Россия 10» куара сётонын «Иднакар» музей- заповедник 54-тӥ интые потӥз[3]
Валэктонъёс
- ↑ Культура. РФ Историко-культурный музей-заповедник Удмуртской Республики «Иднакар» им. М. Г. Ивановой
- ↑ Единая Справочная. Ижевск и Удмуртия. Иднакар - музей-заповедник (г. Глазов)
- ↑ 1 2 Живое наследие. Музей-заповедник «Иднакар»
- ↑ 1 2 Центр развития туризма Удмуртской Республики Историко-культурный музей-заповедник Удмуртской Республики «Иднакар» им. М. Г. Ивановой