Завьялов, Семён Акимович

Семён Акимович Завьялов
Вордӥськем дырыз	17-тӥ куарусёнэ 1908(1908-09-17)
Вордӥськем интыез	Нижний Армязь гурт,Осинской уездын, Пермь губерния, Росси империя (али Удмуртие пыре)
Кулэм дырыз	28-тӥ оштолэзе 1963(1963-04-28) (54 арес)
Кулэм интыез	Чайковский карын, Пермь улос, РСФСР, СССР
Кунмуртлыкез	СССР СССР
Кыӵе войскоез	стрелковой войскоос
Служить карон аръёсыз	1941—1943
Званиез
Частез	254-тӥ стрелковой дивизилэн 936-тӥ стрелковой полкез
Ожмаськонъёс/ожъёс	Быдӟым Атыкай ож
Данъетъёсыз

Семён Акимович Завьялов (17-тӥ куарусёнэ 1908-тӥ арын — 28-тӥ оштолэзе 1963-тӥ арын) — Быдӟым атыкай оже пыриськем мурт, Совето Союзлэн Героез. Уйпал-Шундыпуксёнпал фронтысь 27-тӥ армилэн 254-тӥ стрелковой дивизилэн 936-тӥ стрелковой полклэн пулемётной отделениезлэн командирез. С. А. Завьяловлэн бюстэз пуктэмын Чайковский карысь Вормонлы сӥзем паркын.

Улон сюресэз

Вордӥськиз 1908-тӥ арын 17-тӥ куарусёнэ Пермь губерниын Осинской уездын Ершовской волостьын Нижний Армязь гуртын (мукет тодэтъёсъя Верхний Армязь) (али Удмурт Элькунысь Камбарка ёрос) крестьян семьяын. Школаын 7 класс дышетскыса, Ершовской леспромхозын ужаз. 1932-тӥ—1935-тӥ аръёсы Горд Армиын служить кариз. Армиысь бертыса, 1941-тӥ арозь Молотов улосын Фокинской ёросын Сайгатка черкогуртон пудо першал луыса ужаз.

1941-тӥ арын инвожо толэзе выльысь Горд Армие басьтӥзы. 1942-тӥ арын 15-тӥ куарусёнысен ожъёсы пыриськиз Ленинград улосысь Старорусской ёросын Сычёво гурт дорын (али Новгород улосэ пыре) . Со нуналэ 254-тӥ стрелковой дивизилэн частьёсыз тушмонлэсь валтӥсь юнматэм рубежзэ атакаен басьтыны быгатӥзы.

1942-тӥ арын 19-тӥ куарусёнэ, кык часъем артиллерийской подготовкаез ортчыса, немец контратакае ӝутскиз. С. А. Завьялов дзотысен станковой пулемётысь 200 пала матэктӥсь солдат-офицеръёс шоры ыбылыны кутскиз. Матын пуштэм снаряд дзотлэсь амбразуразэ куашкатӥз, огез палдэтэз Завьяловлэн ымныр шораз вуиз. Сӧсырмыса но, пулемётсэ дзотысь поттыса, со выльысь ыбылыны кутскиз. 48 тушмон солдатэз быдтӥз, ачиз но выльысь сӧсырмыны шедиз. Пулемётэз быдэсак сӧриськем бере, Завьялов автоматысь ыбылыса, эшшо 12 тушмон солдатэз вииз. Ассэ но тушмон снаряд сӧсыртӥз. Соку, блиндажын ӝогак яраоссэ биньылыса, огневой рубеже потӥз, снаряд макесаз вуыса, Завьялов ӝутскыны ӧз ни быгаты.

СССР-лэн Вылӥ Кенешезлэн Президиумезлэн 1943-тӥ арын 14-тӥ тулыспалэ гожтэм Косэтэзъя С. А. Завьяловлы Совето Союзлэн Героез дано ним сётэмын но «Зарни Кизили» медален пусъемын (818-тӥ номер).

1943-тӥ арын демобилизовать карем бере Сайгатка черкогуртын улӥз, берло Пермь улосысь Чайковский каре улыны кошкиз.

Улонысь кошкиз 1963-тӥ арын 28-тӥ оштолэзе. Солы сӥзьыса, Чайковский карысь одӥгезлы ёрослы Завьяловлэн нимыз сётэмын. Отын ик Геройлэн бюстэз ӝутэмын.

Валэктонъёс

Чӧлсконъёс

Семён Акимович Завьялов [ӟуч] «Герои страны» сайт.