Егоров, Вениамин Николаевич

Егоров Вениамин Николаевич
Егоров Вениамин Николаевич
	Пешкин Вениамин Трифонович
Улон аръёсыз	1923—1943
Вордӥськем дырыз	14-тӥ куарусёнэ 1923
Вордӥськем интыез	Глаз, Удмурт автономной область, РСФСР, СССР;
Кулэм дырыз	3-тӥ шуркынмонэ 1943 (20 лет)
Кулэм интыез	Киев, Украин ССР, СССР;
Кунмуртлыкез	СССР
Кыӵе войскоез	пехота
Служить карон аръёсыз	1941—1943
Званиез	капитан
Ожмаськонъёс/ожъёс	Быдӟым Атыкай ож; • Курск ожмаськон; • Киев понна ожмаськон
	Медиафайлъёс РувикиМедиа пушкын

Вениамин Николаевич Егоров (вордӥськем сярысь свидетельствояз — Пешкин Вениамин Трифонович; 14-тӥ куарусёнэ 1923, Глазов — 3-тӥ шуркынмонэ 1943, Пуща-Водица) — Быдӟым Атыкай ожын 1-тӥ Украин фронтысь 38-тӥ армилэн 167-тӥ Краснознамённой Сумской стрелковой дивизилэн 615-тӥ стрелковой полклэн стрелковой ротаезлэн командирез вал, капитан. Совето Союзлэн Героез.

Улон сюресэз

Вордӥськиз 1923-тӥ арын 14-тӥ куарусёнэ Удмурт Элькунын Глазкарын, ужасьлэн семьяяз. Национальностезъя ӟуч. Образованиез шоръёзо. 30-тӥ аръёсы Салехард каре (али Ямало-Ненец автономи округлэн административной центрез) улыны кошкизы. Атайзэ отчы соку пуктӥськись пу поттон заводэ инженере ужаны выжтӥзы.

1941-тӥ арын Салехард кун военкомат Егоровез Горд Армие басьтӥз. 1942-тӥ арын Тюменьысь военно-пехотной училищеез йылпумъяз. Со арын ик пӧсьтолэзе фронтэ вуиз. Воронеж но 1-тӥ Украин фронтъёсын ожмаськиз, Курск ожмаськонэ пыриськиз, Десна но Днепр шуръёс вамен ожъёсын выжыку, сэзь луэмзэ но ротаен кивалтыны быгатэмзэ возьматӥз.

1942-тӥ арын 17-тӥ куарусёнэ Воронеж улосысь Каверья черкогурт котырын ожъёс мыныку, блокировочной группалэн командирез Егоров, ваньмызлэсь азьпал тушмон траншеяе тэтчыса, дзотэ гранатосы зӥръяз но вить немец солдатэз быдтӥз.

1943-тӥ арын 26-тӥ толшоре Курск улосысь Тердуны черкогурт котырын тушмонлэсь оборона линизэ пазьгыса, В. М. Егоров подразделениысьтыз ожгарчиосын ӵош чигнась тушмонэз уйиз но ачиз витьсэ пыд йылысьтыз погыртӥз. Мантурово черкогуртэз мозмотон ожъёсын Егоров аслаз ротаеныз, лыдзыя тросгес луись гитлеровецъёслэсь урдсконъёссэс вормиз. Огаз ожын тушмон ручной пулемётлэсь расчётсэ быдэсак быдтӥз, соку Егоров ачиз со пулемётэз кутӥз но кызьлэсь ятыр тушмон солдат-офицерез ыбылыса быдтӥз.

Геройлыко ожмаськемез но ротаен быгатыса командовать каремез понна, 1943-тӥ арын 8-тӥ куартолэзе гожтэм 167-тӥ стрелковой дивизияя 018/н номеро косэтъя В. Н. Егоров Горд Кизили орденэн пусъемын.

Вениамин Егоров юн висъяськиз Киевез фашистъёслэсь мозмытон ожъёс мыныку.

1943-тӥ арын 3-тӥ шуркынмонэ капитан Егоров В. М. аслаз подразделениеныз Пуща-Водица (алм Киевлэн пушказ) каргурт понна ожмаськонлэн тужгес секыт вакытаз ротазэ атакае ӝутӥз. Ачиз азьпал радэ султыса, ожгарчиоссэ сьӧраз валтӥз. Ваньмызлэсь азьпал тушмон траншеяос дорозь вуыса, гитлеровецъёсын киын ожмаськонэ пыриськиз но ачиз 20 аресъем офицер бырыны шедиз. Ватэмын Киевысь Пуща-Водицкой шайвылын.

СССР-лэн Вылӥ Кивалтэтэзлэн Президиумезлэн 1944-тӥ арын 3-тӥ инвожое гожтэм косэтэзъя, командованилэсь боевой заданиоссэ ӟеч быдэстэмез но фашистъёсын геройлыко ожмаськемез понна, капитанлы Вениамин Николаевич Егоровлы кулэмез бере Совето Союзлэн Героез дано ним сётэмын.

Данъетъёсыз, буре ваён

Пусъемын Горд Кизили но Ленин орденъёсын.

Геройлэн вордӥськем шаераз — Глазкарын, Совето Союзлэн Геройёсызлы сӥзем скверын солэн бюстэз пуктэмын, нимыз Вормон площадьысь мемориал пул вылын гожтэмын.

Вениамин Егоров Глазовысь 2-тӥ номеро шоръёзо школалэн дышетскисьёсын лыдметаз пырак азелы пыртэмын.

Геройлэн нимыз озьы ик гожтэмын Салехардысь Вормон площадьын сылӥсь мемориалэ. 2002-тӥ арын тулыс солы сӥзем мемориал плита пуктэмын.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Кулёмин И. Г. Героев наших имена. Ижевск, 1975.
Кулёмин И. Г. и др. Герои Советского Союза — наши земляки. Устинов, 1985.
Шёл парнишке в ту пору…: герои-комсомольцы в боях за Советскую Украину в годы Великой Отечественной войны 1941–1945 гг. / авт.-сост. В. Н. Немятый и др. — К.: Молодь, 1985. — 367 с.

Чӧлсконъёс

Вениамин Николаевич Егоров [ӟуч] «Герои страны» сайт.