Герасимов, Вадим Анатольевич

Вадим Анатольевич Герасимов
Вадим Анатольевич Герасимов
Вордӥськем дырыз	16-тӥ тулыспалэ 1921
Вордӥськем интыез	Ижевск
Кулэм дырыз	12-тӥ толсуре 1943 (22 арес)
Кулэм интыез	Чернобыльский район[d], Киев улос[d], Украин ССР, СССР;
Кунмуртлыкез	СССР
Кыӵе войскоез	связь войскоос
Служить карон аръёсыз	1940—1943
Званиез
Ожмаськонъёс/ожъёс	Быдӟым Атыкай ож

Вадим Анатольевич Герасимов^[1] (1921—1943) — Рабоче-крестьянской Горд Армиысь старшой сержант, Быдӟым Атыкай оже пыриськем мурт, Совето Союзлэн Героез (1944).

Улон сюресэз

Вордӥськиз 1921-тӥ арын 16-тӥ тулыспалэ Ижкарын ужасьёслэн семьяязы. 1924-тӥ арын Куйбышев улосысь Сызрань каре улыны кошкизы. Куать классэз йылпумъямез бере, заводэ слесарь-инструментальщиклы юрттӥсе ужаны интыяськиз, со дыре ик дышетсконзэ азьланьтӥз. 1940-тӥ арын Горд Армие басьтӥзы. Службазэ Дальней Востокын ортчиз. 1942-тӥ арын сӥзьыл Челябинске вуиз, отын куасэн ветлӥсь батальонэ гожтӥзы. 1943-тӥ арын 20-тӥ тулыспалэ фронтэ вуиз. Уйпал но Шундыпуксёнпал вискысь, Шор но Воронеж фронтъёсын ожмаськиз. Гвардилэн старшой сержантэз Герасимов Воронеж фронтысь 60-тӥ армилэн 2-тӥ гвардейской воздушно-десантной дивизиезлэн 4-тӥ гвардейской воздушно-десантной полкезлэн взводэзлэн старшой телефонистэз вал. Днепр понна ожмаськонын кышкасьтэм сэзь луэменыз висъяськиз^[2].

1943-тӥ арын коньывуон толэзе дивизилэни азьпал подразделениосыныз ӵош Украин ССР-ысь Киев улосысь Чернобыль ёросысь Губин гурт котырын Днепр шур вамен выжиз. 4-тӥ −11-тӥ коньывуонэ тушмонлэн матын луэмез шоры учкытэк, полклэн командованиезлэсь дивизилэн подразделениосынызз кусып герӟетэз вис карытэк возьыны быгатӥз, тушмон ултӥ кык пол телефон кабель золтоно луылӥз, вить пол тӥяськем герӟетэз тупатъяз. Тупатъян ужъёс нуыкуз, батальонлэн позициосыз вылэ мышласянь матэктӥсь тушмон подразделениосты синйылтӥз. Адӟемез сярысь вераны командной пунктэ мыныкуз, ас полкысьтыз 8-тӥ роталэсь бырем расчётэзлэсь пулемётсэ шедьтӥз, соин валче нюлэс дуре потӥз. Тушмонэз ог 100 метрлы матэ лэзьыса, ыбылыны кутскиз но сюлэсь ятыр немец солдат-офицерез быдтӥз. Ассэ кык пол сӧсыртӥзы ке но, ыбылэмысь ӧз дугды. Командование, мышласянь юн ыбылэм куараез кылыса, автоматчикъёслэсь взводзэс келяз, соос вуэмен, тушмон чигнано луиз. Сэзь связистэз госпитале нуизы но 1943-тӥ арын 12-тӥ толсуре басьтэм яраослэсь кулӥз^[2].

СССР-ысь Вылӥ Кенешлэн Президиумезлэн 1944-тӥ арын 10-тӥ толшоре гожтэм «Горд Армилэн генералъёсызлы, офицер, сержант но рядовой составезлы Совето Союзлэн Геролез ним сётон сярысь» Косэтэзъя «фронтын командованилэсь боевой заданиоссэ ӟеч быдэсъямез но немец фашистъёсын сэзь ожмаськемез понна» В. А. Герасимовлы Совето Союзлэн Героез дано ним сётэмын. Ленин но Горд Кизили орденъёсын пусъемын^[2]^[3].

Сызраньын Герасимовлы синпелет пуктэмын^[2].

Валэктонъёс

↑ Совето Союзлэн Героез нимын пусъён сярысь Косэтын — Вадим Антонович
↑ ¹ ² ³ ⁴ Вадим Анатольевич Герасимов [ӟуч] «Герои страны» сайт.
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 толшоре (№ 3 (263)). — С. 1. Архивировано 7 толсуре 2021 арын.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
ГСС, ГРФ, ПКОС — наши земляки. — Ижевск, 1995.

[1] Совето Союзлэн Героез нимын пусъён сярысь Косэтын — Вадим Антонович

[wh-2] ¹ ² ³ ⁴ Вадим Анатольевич Герасимов [ӟуч] «Герои страны» сайт.

[3] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 толшоре (№ 3 (263)). — С. 1. Архивировано 7 толсуре 2021 арын.

[1]

[2]

[3]