Ворончихин, Михаил Тимофеевич
| Михаил Тимофеевич Ворончихин | |
|---|---|
 | |
| Быдэс нимыз | Михаил Тимофеевич Ворончихин |
| Вордӥськем нуналыз | 3-тӥ южтолэзе 1947 (79 лет) |
| Вордӥськем интыез | Качкашур |
| Кун | |
| Ужудысэз | кырӟась |
Михаи́л Тимофе́евич Ворончи́хин — удмурт кырӟась, Фольклор кырӟанъя но эктонъя «Айкай» удмурт кун театрысь артист. Удмурт АССР-ысь но РСФСР-ысь калык артист[1].
Улон сюресэз
Вордскемын 1947-тӥ арын 3-тӥ южтолэзе Глаз ёросысь Качкашур гуртын колхозникъёслэн семьяязы. Пичи дыръяз школа хорын кырӟаз, собере — Качкашурысь калык хорын. Ижын ортчем огаз ужрадын Ворончихинэз синйылтӥзы но Ленинградысь Римский-Корсаков нимо консерваторилэн крезьгуръя училищеяз крезьгур комедиосын шудӥсь артистлы дышетскыны келязы[2][3][4].
1968-тӥ арын, диплом басьтыса, Михаил Ворончихин Удмуртие бертӥз. Ижысь крезьгуръя театрын ужакуз, армие повестка басьтӥз. Зарезь флотэ куриськем, но со интые кремль полке шедем. Служить карон аръёсаз но кырӟаз-эктӥз[2][4].
Армия бере «Италмас» ансамбле ужаны интыяськиз. 10 ар ортчыса, выжиз «Шулдыр ӝытэ», нош собере — фольклоръя «Арганчи» группае. 1993-тӥ арысен — Фольклор кырӟанъя но эктонъя «Айкай» удмурт кун театрын[2].
Концертъёсын уно пол кунгож сьӧры поталляз: Венгрие, Финляндие, Чехословакие, Швецие, Швейцарие, Италие но мукет азе; Россиысь тросаз улосъёсы вуылӥз[2].
Быдэс улонэ гастрольёсын ортчиз. Концертысь ӵукнапал доре бертӥськод, семьядэ уд адӟиськы. Нош аръёс ортчо, нылпиос будо. Мон ӧй адӟы пиосылэсь будэмзэс. <...> Гастрольёсын Волгоград но Саратов улосъёсын дыръямы одӥг нуналэ кык телеграмма басьтӥ: вылӥ званиен пусъён сярысь но анае кулэм шуыса. Нош ӝытаз — концерт. Потӥ сцена вылэ но программаме ужай. Учкисьёслэн тодэмзы уг поты ук, мар тынад сюлмад, семьяяд... Анайме ватыны мон ӧй вуттӥськы...
Пенсие потытозяз Михаил Ворончихин «Айкай» театрын кырӟась гинэ ӧй вал, администратор луыса но тыршиз[6].
Семья
Михаил Ворончихин кышнояськемын. Лариса кузпалэныз, эм сузэрен, 2 пи будэтӥзы, соослэн 6 нунокъёссы[5].
Чӧлсконъёс
- ↑ 75 лет со дня рождения (1947) Михаила Тимофеевича Ворончихина Межпоселенческая централизованная библиотечная система Завьяловского района.
- ↑ 1 2 3 4 Михаил Ворончихин – выпускник Качкашурской школы МОУ "Качкашурская СОШ".
- ↑ 1 2 Мон. М. Т. Ворончихин [ӟуч] Моя Удмуртия.
- ↑ 1 2 Михаил Ворончихин ӧтча сӥё-дано лыдпуслы сӥзем концертаз (на удмуртском языке) [удм.] Информационный центр финно-угорских народов.
- ↑ 1 2 М. Т. Ворончихин [ӟуч] Моя Удмуртия.
- ↑ З. Рябинина Ворончихин Михаил Тимофеевич [ӟуч] Воршуд.