Стариков, Валентин Георгиевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Стариков.
Валентин Георгиевич Стариков
Валентин Стариков.jpg
Вордӥськем дырыз 8-тӥ инвожое 1913(1913-06-08)
Вордӥськем интыез
Кулэм дырыз 26-тӥ инвожое 1979(1979-06-26) (66 арес)
Кулэм интыез
Кунмуртлыкез СССРFlag of the Soviet Union.svg СССР
Кыӵе войскоез ВМФ СССР
вуул флот
Служить карон аръёсыз 1931—1972
Званиез вице-адмирал
Командовать кариз С. О. Макаров нимо Тихоокеанской вылӥ ожгар-зарезь училище
Ленин комсомол нимо вуул уянъя вылӥ ожгар-зарезь училище бордысь нимысьтыз офицерской классъёс
Новая Земля архипелагысь Тодос-эскерись зарезь полигон
К-1
Ожмаськонъёс/ожъёс Быдӟым Атыкай ож
Данъетъёсыз
Совето Союзлэн Героез
орден Ленина орден Красного Знамени орден Ушакова орден Отечественной войны орден Отечественной войны I степени орден Красной Звезды медаль «За боевые заслуги» медаль «В ознаменование 100-летия со дня рождения Владимира Ильича Ленина» медаль «За оборону Советского Заполярья» медаль «За победу над Германией в Великой Отечественной войне 1941—1945 гг.» юбилейная медаль «Двадцать лет Победы в Великой Отечественной войне 1941—1945 гг.» юбилейная медаль «Тридцать лет Победы в Великой Отечественной войне 1941—1945 гг.» медаль «Ветеран Вооружённых Сил СССР» юбилейная медаль «30 лет Советской Армии и Флота» юбилейная медаль «40 лет Вооружённых Сил СССР» юбилейная медаль «50 лет Вооружённых Сил СССР» юбилейная медаль «60 лет Вооружённых Сил СССР» медаль «В память 250-летия Ленинграда» знак «Командир подводной лодки»
Логотип РУВИКИ.Медиа Медиафайлъёс РувикиМедиа пушкын

Валентин Георгиевич Стариков (1913—1979) — ожгар моряк-подводник, Быдӟым Атыкай ож дыръя Балтикаын, Уйпал флотын но Сьӧд зарезьын М-171 но К-1 вуул лодкаосын кивалтӥз. С. О. Макаров нимо вылӥ Тихоокеанской зарезь училищелэн кивалтӥсез (1965—1972). Совето Союзысь Герой (3.04.1942). Вице-адмирал (30.04.1970)[1].

Улон сюресэз

Вордӥськиз 1913-тӥ арын 8-тӥ инвожое Сарапулын. Граждан ож бере семьяез Перме улыны выжиз. 14 арескысен Валентин Стариков Пермьысь А. А. Шпагин нимо паровозъёсты тупатъян завод бордын фабрично-заводской школаын дышетскиз, собере отчы ик ужаны кылиз.

1931-тӥ арын коньывуонэ комсомол путёвкая Ленинградысь М. ​​В. Фрунзе нимо ожгар-зарезь училищее пыриз. Дышетсконзэ йылпумъяса, 1936-тӥ арын Балтика флотысь вуул частьёсын Щ-304 «Комсомолец» вуул пыжысь торпедной группалэн командирез луыса служить кариз. 1937-тӥ арын гудырикошконэ сое БЧ-3-лы командире «Марат» линкоре выжтӥзы, отын 1938-тӥ арын толшорозь, дышетскыны келятозязы, служить кариз. 1938-тӥ арын шуркынмонэ С. М. Киров нимо вуул уянъя отрядысь командиръёсты дасянъя нимысьтыз курсъёсты йылпумъяз но «Щ-314» вуул пыже командирлы юрттӥсе юнматэмын вал. 1939-тӥ арын куартолэзе-инвожое пыжзэс Беломорско-Балтийской канал пыр Уйпал флотэ выжтӥзы, 1939-тӥ арын 17-тӥ инвожое со Щ-422 нимамын вал, нош 21-тӥ инвожое Уйпал флотлэн 3-тӥ вуул дивизиез пушкы пыриз[2].

1939-тӥ арын 31-тӥ коньывуонысен — М-171 вуул пыжлэн командирез. Лыдъямын, пыжен со 1939-тӥ-1940-тӥ аръёсы совето-фин оже пыриськиз шуыса, но корабль со вакытэ, балласт бакезлэн кингстонэз тӥяськемен сэрен, тупатыны келямын вал, собере солэсь перископсэ воштӥзы. Берен ву вылэ пыж потӥз 1940-тӥ арын 15-тӥ тулыспалэ но ожъёсы ӧз ни пыриськы[3].

1940-тӥ арын 9-тӥ куартолэзе, Мотовской тыын ожгар дышетсконъёс дыръя, подлодка (бортын валтӥсез вал 4-тӥ дивизилэн командирез, 3-тӥ рангысь капитан Г. А. Субботин) «Сокрушительный» эсминецен шуккиськиз, соин сэрен эсминец но, подлодка но зол уродмизы[4]. «М-171»-эз Полярное тупатъяны пуктӥзы, службае со берытскиз Быдӟым Атыкай ож кутскем бере, 1941-тӥ арын пӧсьтолэзе[5].

Капитан-лейтенант Валентин Стариков Быдӟым Атыкай оже 1941-тӥ арын инвожоысен пыриськиз. 1942-тӥ арын толшорлы со 6 пол ожгар заданиосын уяз, кык пол вуул пыженыз тушмонлэн Киркенес но Лиинахамари базаосаз вуылӥз. Совето ивортодэтъя, фашистъёслэсь 5 транспортсэс выйытӥз (ож бере эскеронъёсъя, та вормонъёс пӧлысь одӥгез но юнматэмын ӧй вал)[6].

СССР-ысь Вылӥ Кенешлэн президиумезлэн 1942-тӥ арын 3-тӥ оштолэзе поттэм косэтэзъя кивалтӥсьёслэсь ожгар заданиоссэс адӟем карымон быдэстэмез но ассэ сэзь но геройлыко возьматэмез понна В. Г. Стариков капитан-лейтенант Совето Союзысь Герой нимын, Ленин орденэн но «Зарни Кизили» (№ 657) медален пусъемын[7]. «М-171» вуул пыжлы но бӧрысь, 1942-тӥ арын оштолэзе, гвардейской ним сётӥзы.

Собере Стариков М-171-эн арлэсь кема кивалтӥз на, 24 ожгар ужъёсты (112 уй-нунал ӵоже) быдэстӥз. Торпедаен атакаосы 17 пол ӝутскылӥз, 32 торпеда лэзьыса. В. Г. Стариковлэн ивортонъёсызъя (совето литератураын та даннойёс официальноен лыдъяськизы), со тушмонлэсь 13 корабльёссэ но судъёссэ (6 транспортсэ, 2 танкерзэ, 2 тральщиксэ, 2 вуул пыжзэ но чаклась корабльзэ) выйытӥз но 3 транспортсэ изъянтӥз[8]. Бӧрысь, немец архивъёсыз эскерыку, та ивортодэтъёслэн бадӟым люкетэз юнматэмын ӧй вал.

1943-тӥ арын 6-тӥ южтолэзьысен (мукет ивортодэтъя, 21-тӥ южтолэзьысен) гвардиысь 3-тӥ рангысь капитан В. Г. Стариков К-1 бадӟым вуул пыжен кивалтӥз. 1943-тӥ арын инвожое но пӧсьтолэзе соин кык пол (16 уй-нунал ӵоже) Хаммерфест пала потаз, но кык полаз но пайдатэк: нырысетӥяз пыж технической шуг-секытъёсын сэрен базае вазьгес берытскиз, нош кыкетӥяз тушмон корабльёсын ӧз пумиськылы. Собере Стариков отпуске кошкиз, со вакытэ К-1-эз шуак походэ келязы, огдырлы командир юнматыса, но пыж чиптэм-чаптэм ышиз[9].

1943-тӥ арын толсуре В. Г. Стариков Сьӧд зарезь флотэ кошкиз, отын сое 1-тӥ вуул пыжъёслэн бригадаысьтызы 2-тӥ дивизионлэн штабаз кивалтӥсе юнматӥзы. Пыриськиз Одесса, Крым но Яссы-Кишинёв наступлениосы. Вормонэз Севастопольын пумитаз. Дивизионэн кивалтӥз 1945-тӥ арын коньывуонозь, академие дышетскыны келятозязы[1].

1948-тӥ арын йылпумъяз К. Е. Ворошилов нимо ожгар-зарезь академиез. 1949-тӥ арын толшорысен — Балтика зарезь флотлэн Лиепая ожгар базаяз штаблэн кивалтӥсез. 1951-тӥ арын шуркынмонысен К. Е. Ворошилов нимо Вылӥ ожгар академиысь ожгар-зарезь факультетысь вуул пыжъёсъя кафедраын старшой преподаватель луыса ужаз. 1954-тӥ арын шуркынмонысен 1955-тӥ арын куарусёнозь Новая Земля архипелагысь Тодос-эскерись зарезь полигонлэн кивалтӥсез вал, собере — та полигонлэн кивалтӥсезлэн опытно-научной ужъёсъя нырысетӥ воштӥсез. 1956-тӥ арын куартолэзьысен — Ленин комсомол нимо вуул уянъя вылӥ ожгар-зарезь училище бордысь нимысьтыз офицерской классъёслэн кивалтӥсьсы, 1959-тӥ арын гудырикошконысен — со училищеын ик минно-торпедной факультетлэн кивалтӥсез. 1965-тӥ арын гудырикошконысен 1972-тӥ арын южтолэзёзь С. О. Макаров нимо Тихоокеанской вылӥ ожгар-зарезь училищелэн кивалтӥсез вал.

1972-тӥ арын пӧсьтолэзе вице-адмирал В. Г. Стариков пенсие потӥз.

Улӥз Ленинградын, егитъёс пӧлын военно-патриотической уж нуиз. Тодэ ваёнъёсын кӧня ке книгаослэн авторзы.

Кулӥз 1979-тӥ арын 26-тӥ инвожое. Ватэмын Ленинградысь (али Санкт-Петербург) Ново-Волково шайвылын[10][11].

Данъетъёсыз

  • Совето Союзысь Геройлэн «Зарни Кизили» медалез (3.04.1942);
  • кык Ленин орденэз (8.11.1941, 3.04.1942);
  • Горд Знамя кык орденэз (2.06.1942, 27.12.1951);
  • Ушаковлэн 2-тӥ степенё орденэз (5.08.1945);
  • Атыкай ожлэн 1-тӥ степенё орденэз (29.01.1943);
  • Горд Кизили орден (5.11.1946);
  • «За боевые заслуги» медаль (3.11.1944);
  • «За оборону Советского Заполярья» медаль (1944);
  • СССР-лэн медальёсыз
  • Сарапул карлэн дано кунмуртэз (2010, кулэмез бере)[12]

Воинской званиосыз

  • лейтенант (1936)[13]
  • старшой лейтенант (1941)
  • капитан-лейтенант (04.1942)
  • 3-тӥ рангысь капитан (1943)
  • 2-тӥ рангысь капитан (1944)
  • 1-тӥ рангысь капитан (21.11.1954)
  • контр-адмирал (7.05.1966)
  • вице-адмирал (30.04.1970)

Буре ваён

  • 1987-тӥ арын Полярной карысь огезлы урамлы В. Г. Стариковлэн нимыз сётэмын вал. Со урамысь 1 номеро юрт бордын солы сӥзем буре ваён пул юнматэмын.
  • 2004-тӥ арысен Сарапулысь офицеръёслэн союззылэн куриськонзыя Совето Союзысь Геройлэсь В. Г. Стариков вице-адмираллэсь нимзэ нуллэ вордскем карысьтыз нылпиослы «Норд» зарезь центр.
  • 2013-тӥ арысен солэсь нимзэ нуллэ Удмуртиысь кадетъёслэн корпуссы (Воткинск)
  • Пермьысь одӥгез урам нуллэ В. Г. Стариков вице-адмираллэсь нимзэ.

Ужъёсыз

  • Стариков В. Г. Четыре похода: Записки подводника. — Молотов: Молотовгиз, 1952.
  • Стариков В. Г. На боевом курсе: [Записки подводника]. — М.: Молодая гвардия, 1952.
  • Стариков В. Г. Служба на подводной лодке. — М.: Издательство ДОСААФ, 1957.
  • Стариков В. Г. Не славы ради: Записки подводника. — Пермь: Книжное издательство, 1960.
  • Стариков В. Г. На грани жизни и смерти: Документальная повесть. — 2-е изд. — Устинов: Удмуртия, 1985.

Валэктонъёс

  1. ↑ 1 2 Власюк С., Старикова О. Подводники — Герои Советского Союза. Стариков Валентин Георгиевич. // Морской сборник. — 2005. — № 6. — С.87—88.
  2. ↑ Морозов М. Э., Кулагин К. Л. «Щуки». Легенды Советского подводного флота. — М.: Яуза, Эксмо, 2008. — С. 151—153. — 176 с. — (Арсенал коллекция). — ISBN 978-5-699-25285-5.
  3. ↑ Морозов М. Э. Подводные лодки ВМФ СССР в Великой Отечественной войне 1941—1945 гг. Летопись боевых походов. Часть 3. Северный флот. — М.: издательство «Стратегия КМ», 2005.
  4. ↑ Платонов А. В. Энциклопедия советских надводных кораблей 1941—1945. — СПб.: Полигон, 2002.
  5. ↑ М-171 на сайте «Великая Отечественная. Под водой».
  6. ↑ Морозов М. Э., Кулагин К. Л. «Месть» Сталина. Советские подлодки типа М. — М.: «Эксмо», 2010. — 256 с. — 2500 экз. — ISBN 978-5-699-42417-7.
  7. ↑ Указ Президиума Верховного Совета СССР «О присвоении звания Героя Советского Союза начальствующему составу Военно-морского флота» от 3 апреля 1942 года // Ведомости Верховного Совета Союза Советских Социалистических Республик : газета. — 1942. — 24 оштолэзе (№ 13 (172)). — С. 1. Архивировано 11 шуркынмонэ 2021 арын.
  8. ↑ Подводная лодка М-171 на сайте «Штурм глубины».
  9. ↑ Морозов М. Э., Кулагин К. Л. «Катюши» в бою. Подводные лодки типа «К» в Великой Отечественной войне. // Морская коллекция. — 2008. — № 2 (101).
  10. ↑ Некрополь Героев Советского Союза. — СПб., 1997. — С. 70.
  11. ↑ Федоров М. Р. Морской некрополь Петербурга. — СПб., 2003. — С. 280.
  12. ↑ Сарапул: эпоха Великой Отечественной [сборник / сост. Т. Б. Пеганова]. — Сарапул, 2010. — С. 100.
  13. ↑ Сведения о присвоении воинских званий приведены по: Стариков Валентин Георгиевич на портале «Атакуют подлодки».

Литература

  • Булдакова, И. Герои Советского Союза — наши земляки / И.Булдакова // Красное Прикамье. — 2008. — 8 мая. -С.5.
  • Быстров, Антон. В память о подвигах предков / А.Быстров // Известия Удмуртской Республики. — 2014. — 6 нояб. — С.9.
  • Герасименко Д., Колкер И., Нехорошков Ф. Славен героями Северный флот. — Мурманск, 1982. — С. 20—21.
  • Герои Советского Союза, Герои Российской Федерации, полные кавалеры ордена Славы — наши земляки. — Ижевск, 1995. — С. 160—161.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.Доценко В. Д. Морской биографический словарь. — СПб., 1995.
  • Герои, ставшие Почетными гражданами // Красное Прикамье. — 2010. — 17 июня. — С.5.
  • Золотые Звезды Прикамья. 3-е изд., доп. — Пермь, 1974. — С. 380—382.
  • Их имена в истории города: биографические очерки о Почетных гражданах города Сарапула-участниках Великой Отечественной войны 1941—1945 гг. и трудового фронта. Сборник. — Сарапул, 2015. — С.61-70.
  • Кузнецов Н. С. Спасители Отечества. — Ижевск, 2015. — С. 286—287.
  • Кулемин И. Г. и др. Герои Советского Союза — наши земляки. — Устинов, 1985. — С. 154—155.
  • Платонов А., Лурье В. Командиры советских подводных лодок 1941—1945 гг. — СПб., 1999. — С. 57.
  • Плюснин, С. Бесстрашный подводник / С.Плюснин // Красное Прикамье. — 2007. — 5 апр. — С.4.
  • Полухина Т. В. и др. Военные моряки — Герои подводных глубин (1938—2005): биографический справочник. — М.: Кучково поле; Кронштадт: Морская газета, 2006. — 366 с. — ISBN 5-86090-212-3. — С. 283—285.
  • Решетов, А. Встречи на родной земле: пребывание в Сарапуле Героя Советского Союза В. Г. Старикова / А.Решетов // Красное Прикамье. — 1972. — 14 окт. — С.3.
  • Сорокажердьев В. В. Они сражались в Заполярье: Герои Советского Союза, 1939—1945: боевые биографии. — Мурманск: Книжное издательство, 2007. — С. 30. — ISBN 978-5-85510-305-2.
  • Стариков Валентин Георгиевич // Ветераны Сарапула: история, люди, подвиги. — Ижевск, 2005. — С.114-115.
  • Стариков Валентин Георгиевич // Их имена в истории города: биографические очерки о Почетных гражданах города Сарапула-участниках Великой Отечественной войны 1941—1945 гг. и трудового фронта: сборник / авт.концепции, сост. и ред. Т. Б. Пеганова. — Сарапул, 2015. — С.61-70.
  • Стариков Валентин Георгиевич // Сарапул: эпоха Великой Отечественной: сборник / сост. Т. Б. Пеганова. — Сарапул, 2010. — С.100.
  • Памятники и памятные места Полярного. — Полярный, 2007.

Чӧлсконъёс

«https://udm.ruwiki.ru/w/index.php?title=Стариков,_Валентин_Георгиевич&oldid=489194»-ысь басьтэмын